हैंహైHaindavamஹிહિં
📍
Font Size:
Audumbara Paduka Stotram
vandē vāṅmanasātītaṁ nirguṇaṁ saguṇaṁ gurum ।
dattamātrēyamānandakandaṁ bhaktēṣṭapūrakam ॥ 1 ॥
namāmi satataṁ dattamaudumbaranivāsinam ।
yatīndrarūpaṁ ca sadā nijānandaprabōdhanam ॥ 2 ॥
kr̥ṣṇā yadagrē bhuvanēśānī vidyānidhistathā ।
audumbarāḥ kalpavr̥kṣāḥ sarvataḥ sukhadāḥ sadā ॥ 3 ॥
bhaktabr̥ndān darśanataḥ puruṣārthacatuṣṭayam ।
dadāti bhagavān bhūmā saccidānandavigrahaḥ ॥ 4 ॥
jāgarti guptarūpēṇa gōptā dhyānasamādhitaḥ ।
brahmabr̥ndaṁ brahmasukhaṁ dadāti samadr̥ṣṭitaḥ ॥ 5 ॥
kr̥ṣṇā tr̥ṣṇāharā yatra sukhadā bhuvanēśvarī ।
yatra mōkṣadarāḍdattapādukā tāṁ namāmyaham ॥ 6 ॥
pādukārūpiyatirāṭ śrīnr̥siṁhasarasvatī ।
rājatē rājarājaśrīdattaśrīpādavallabhaḥ ॥ 7 ॥
namāmi gurumūrtē taṁ tāpatrayaharaṁ harim ।
ānandamayamātmānaṁ navabhaktyā sukhapradam ॥ 8 ॥
karavīrasthaviduṣamūḍhaputraṁ vininditam ।
chinnajihvaṁ budhaṁ cakrē tadvanmayi kr̥pāṁ kuru ॥ 9 ॥
iti śrī audumbara pādukā stōtram ।
Recite with devotion and pure heart
Regular practice brings spiritual benefits