ദത്ത പാദുകാഷ്ടകം

കൃഷ്ണാവേണീപഞ്ചഗംഗായുതിസ്ഥം

ശ്രീപാദം ശ്രീവല്ലഭം ഭക്തഹൃത്സ്ഥം ।

ദത്താത്രേയം പാദുകാരൂപിണം തം

വന്ദേ വിദ്യാം ശാലിനീം സംഗൃണന്തം ॥ 1 ॥

ഉപേന്ദ്രവജ്രായുധപൂർവദേവൈഃ

സപൂർവദേവൈർമുനിഭിശ്ച ഗീതം ।

നൃസിംഹസഞ്ജ്ഞം നിഗമാഗമാദ്യം

ഗമാഗമാദ്യന്തകരം പ്രപദ്യേ ॥ 2 ॥

പരിഹൃതനതജൂർതിഃ സ്വീയകാമപ്രപൂർതി-

-ര്ഹൃതനിജഭജകാർതിഃ സച്ചിദാനന്ദമൂർതിഃ ।

സദയഹൃദയവർതീ യോഗവിച്ചക്രവർതീ

സ ജയതി യതിരാട് ദിങ്മാലിനീ യസ്യ കീർതിഃ ॥ 3 ॥

ദ്രുതവിലംബിതകർമവിചാരണാ

ഫലസുസിദ്ധിരതോഽമരഭാഗ്ജനഃ ।

അനുഭവത്യകമേവ തദുദ്ധൃതൗ

ഹരിരിഹാവിരഭൂത്പദരൂപ്യസൗ ॥ 4 ॥

വിദ്യുന്മാലാതുല്യാ സമ്പത്പ്രാങ്മധ്യാന്തേഽപ്യസ്യാ ആപത് ।

തത്തേ ധാര്യം ജ്യോതിർനിത്യം ധ്യാനേ മേഽസ്തു ബ്രഹ്മൻ സത്യം ॥ 5 ॥

ത്രിദ്വാരം തവ ഭവനം ബഹുപ്രദീപം

വിഘ്നേശാമരപതിയോഗിനീമരുജ്ജൈഃ ।

ജാഹ്നവ്യാവൃതമഭിതോഽന്നപൂർണയാ ച

സ്മൃത്വാ മേ ഭവതി മതിഃ പ്രഹർഷിണീയം ॥ 6 ॥

തതിം ദ്വിജാനാം ശിവസോപജാതിം

പുഷ്ണാതി കൃഷ്ണാഽത്ര വിനഷ്ടതൃഷ്ണാ ।

അവാക്പ്രവാഹാഽനുമതാശിവാഹാ

യാ സാഽഷ്ടതീർഥാ സ്മൃതിമേതു സാർഥാ ॥ 7 ॥

കലൗ മലൗഘാന്തകരം കരഞ്ജ-

-പുരേ വരേ ജാതമകാമകാമം ।

ചരാചരാദ്യം ഭുവനാവനാർഥം

ക്ഷണേ ക്ഷണേ സജ്ജനതാനതാംഘ്രിം ॥ 8 ॥

ഭുജംഗപ്രയാതാദ്ഗുണോത്ഥാദിവാസ്മാ-

-ദ്ഭവാദ്ഭീത ആഗത്യ ന ത്യക്തുമിച്ഛേത് ।

നൃസിംഹസ്യ വാട്യാം പ്രഭോ രാജധാന്യാം

സ യായാത്സുധന്യാം ഗതിം ലോകമാന്യാം ॥ 9 ॥

ഇതി ശ്രീവാസുദേവാനന്ദസരസ്വതീ വിരചിതം ദത്ത പാദുകാഷ്ടകം ।

Recite with devotion and pure heart

Regular practice brings spiritual benefits