munayaḥ ūcuḥ । nikhilāgamatattvajña brahmadhyānaparāyaṇa । vadāsmākaṁ muktyupāyaṁ sūta sarvōpakārakam ॥ 1 ॥ sarvadēvēṣu kō dēvaḥ sadyō mōkṣapradō bhavēt । kō manurvā bhavēttasya sadyaḥ prītikarō dhruvam ॥ 2 ॥ sūta uvāca । nigamāgamatattvajñō hyavadhūtaścidambaraḥ । bhaktavātsalyapravaṇō datta ēva hi kēvalaḥ ॥ 3 ॥ sadā prasannavadanō bhaktacintaikatatparaḥ । tasya nāmānyanantāni vartantē:’thāpyadaḥ param ॥ 4 ॥ dattasya nāmasāhasraṁ tasya prītivivardhanam । yastvidaṁ paṭhatē nityaṁ dattātrēyaikamānasaḥ ॥ 5 ॥ mucyatē sarvapāpēbhyaḥ sa sadyō nātra saṁśayaḥ । antē taddhāma samyāti punarāvr̥ttidurlabham ॥ 6 ॥ asya śrīmaddattātrēyasahasranāmastōtramantrasya avadhūta r̥ṣiḥ, anuṣṭup chandaḥ, digambarō dēvatā, ōṁ bījaṁ, hrīṁ śaktiḥ, krauṁ kīlakaṁ, śrīdattātrēyaprītyarthē japē viniyōgaḥ । atha dhyānam । digambaraṁ bhasmavilēpitāṅgaṁ bōdhātmakaṁ muktikaraṁ prasannam । nirmānasaṁ śyāmatanuṁ bhajē:’haṁ dattātrēyaṁ brahmasamādhiyuktam ॥ atha stōtram । dattātrēyō mahāyōgī yōgēśaścāmaraprabhuḥ । munirdigambarō bālō māyāmuktō madāpahaḥ ॥ 1 ॥ avadhūtō mahānāthaḥ śaṅkarō:’maravallabhaḥ । mahādēvaścādidēvaḥ purāṇaprabhurīśvaraḥ ॥ 2 ॥ sattvakr̥tsattvabhr̥dbhāvaḥ sattvātmā sattvasāgaraḥ । sattvavitsattvasākṣī ca sattvasādhyō:’marādhipaḥ ॥ 3 ॥ bhūtakr̥dbhūtabhr̥ccaiva bhūtātmā bhūtasambhavaḥ । bhūtabhāvō bhavō bhūtavittathā bhūtakāraṇaḥ ॥ 4 ॥ bhūtasākṣī prabhūtiśca bhūtānāṁ paramā gatiḥ । bhūtasaṅgavihīnātmā bhūtātmā bhūtaśaṅkaraḥ ॥ 5 ॥ bhūtanāthō mahānātha ādināthō mahēśvaraḥ । sarvabhūtanivāsātmā bhūtasantāpanāśanaḥ ॥ 6 ॥ sarvātmā sarvabhr̥tsarvaḥ sarvajñaḥ sarvanirṇayaḥ । sarvasākṣī br̥hadbhānuḥ sarvavit sarvamaṅgalaḥ ॥ 7 ॥ śāntaḥ satyaḥ samaḥ pūrṇō ēkākī kamalāpatiḥ । rāmō rāmapriyaścaiva virāmō rāmakāraṇaḥ ॥ 8 ॥ śuddhātmā pāvanō:’nantaḥ pratītaḥ paramārthabhr̥t । haṁsasākṣī vibhuścaiva prabhuḥ pralaya ityapi ॥ 9 ॥ siddhātmā paramātmā ca siddhānāṁ paramā gatiḥ । siddhisiddhastathā sādhyaḥ sādhanō hyuttamastathā ॥ 10 ॥ sulakṣaṇaḥ sumēdhāvī vidyāvānvigatāntaraḥ । vijvaraśca mahābāhurbahulānandavardhanaḥ ॥ 11 ॥ avyaktapuruṣaḥ prājñaḥ parajñaḥ paramārthadr̥k । parāparavinirmuktō yuktastattvaprakāśavān ॥ 12 ॥ dayāvān bhagavān bhāvī bhāvātmā bhāvakāraṇaḥ । bhavasantāpanāśaśca puṣpavān paṇḍitō budhaḥ ॥ 13 ॥ pratyakṣavasturviśvātmā pratyagbrahma sanātanaḥ । pramāṇavigataścaiva pratyāhāraniyōjakaḥ ॥ 14 ॥ praṇavaḥ praṇavātītaḥ pramukhaḥ pralayātmakaḥ । mr̥tyuñjayō viviktātmā śaṅkarātmā parō vapuḥ ॥ 15 ॥ paramastanuvijñēyaḥ paramātmani saṁsthitaḥ । prabōdhakalanādhāraḥ prabhāvapravarōttamaḥ ॥ 16 ॥ cidambaraścidvilāsaścidākāśaściduttamaḥ । cittacaitanyacittātmā dēvānāṁ paramā gatiḥ ॥ 17 ॥ acētyaścētanādhāraścētanācittavikramaḥ । cittātmā cētanārūpō lasatpaṅkajalōcanaḥ ॥ 18 ॥ paraṁ brahma paraṁ jyōtiḥ paraṁ dhāma parantapaḥ । paraṁ sūtraṁ paraṁ tantraṁ pavitraḥ paramōhavān ॥ 19 ॥ kṣētrajñaḥ kṣētragaḥ kṣētraḥ kṣētrādhāraḥ purañjanaḥ । kṣētraśūnyō lōkasākṣī kṣētravān bahunāyakaḥ ॥ 20 ॥ yōgēndrō yōgapūjyaśca yōgya ātmavidāṁ śuciḥ । yōgamāyādharaḥ sthāṇuracalaḥ kamalāpatiḥ ॥ 21 ॥ yōgēśō yōganirmātā yōgajñānaprakāśanaḥ । yōgapālō lōkapālaḥ saṁsāratamanāśanaḥ ॥ 22 ॥ guhyō guhyatamō guptō muktō yuktaḥ sanātanaḥ । gahanō gaganākārō gambhīrō gaṇanāyakaḥ ॥ 23 ॥ gōvindō gōpatirgōptā gōbhāgō bhāvasaṁsthitaḥ । gōsākṣī gōtamāriśca gāndhārō gaganākr̥tiḥ ॥ 24 ॥ yōgayuktō bhōgayuktaḥ śaṅkāmuktasamādhimān । sahajaḥ sakalēśānaḥ kārtavīryavarapradaḥ ॥ 25 ॥ sarajō virajō puṁsō pāvanaḥ pāpanāśanaḥ । parāvaravinirmuktaḥ paraṁ-jyōtiḥ purātanaḥ ॥ 26 ॥ nānājyōtiranēkātmā svayaṁ-jyōtiḥ sadāśivaḥ । divyajyōtirmayaścaiva satyavijñānabhāskaraḥ ॥ 27 ॥ nityaśuddhaḥ paraḥ pūrṇaḥ prakāśaḥ prakaṭōdbhavaḥ । pramādavigataścaiva parēśaḥ paravikramaḥ ॥ 28 ॥ yōgī yōgō yōgapaśca yōgābhyāsaprakāśanaḥ । yōktā mōktā vidhātā ca trātā pātā nirāyudhaḥ ॥ 29 ॥ nityamuktō nityayuktaḥ satyaḥ satyaparākramaḥ । sattvaśuddhikaraḥ sattvastathā sattvabhr̥tāṁ gatiḥ ॥ 30 ॥ śrīdharaḥ śrīvapuḥ śrīmān śrīnivāsō:’marārcitaḥ । śrīnidhiḥ śrīpatiḥ śrēṣṭhaḥ śrēyaskaścaramāśrayaḥ ॥ 31 ॥ tyāgī tyāgārthasampannastyāgātmā tyāgavigrahaḥ । tyāgalakṣaṇasiddhātmā tyāgajñastyāgakāraṇaḥ ॥ 32 ॥ bhōgō bhōktā tathā bhōgyō bhōgasādhanakāraṇaḥ । bhōgī bhōgārthasampannō bhōgajñānaprakāśanaḥ ॥ 33 ॥ kēvalaḥ kēśavaḥ kr̥ṣṇaḥ kaṁvāsāḥ kamalālayaḥ । kamalāsanapūjyaśca harirajñānakhaṇḍanaḥ ॥ 34 ॥ mahātmā mahadādiśca mahēśōttamavanditaḥ । manōbuddhivihīnātmā mānātmā mānavādhipaḥ ॥ 35 ॥ bhuvanēśō vibhūtiśca dhr̥tirmēdhā smr̥tirdayā । duḥkhadāvānalō buddhaḥ prabuddhaḥ paramēśvaraḥ ॥ 36 ॥ kāmahā krōdhahā caiva dambhadarpamadāpahaḥ । ajñānatimirāriśca bhavārirbhuvanēśvaraḥ ॥ 37 ॥ rūpakr̥drūpabhr̥drūpī rūpātmā rūpakāraṇaḥ । rūpajñō rūpasākṣī ca nāmarūpō guṇāntakaḥ ॥ 38 ॥ apramēyaḥ pramēyaśca pramāṇaṁ praṇavāśrayaḥ । pramāṇarahitō:’cintyaścētanāvigatō:’jaraḥ ॥ 39 ॥ akṣarō:’kṣaramuktaśca vijvarō jvaranāśanaḥ । viśiṣṭō vittaśāstrī ca dr̥ṣṭō dr̥ṣṭāntavarjitaḥ ॥ 40 ॥ guṇēśō guṇakāyaśca guṇātmā guṇabhāvanaḥ । anantaguṇasampannō guṇagarbhō guṇādhipaḥ ॥ 41 ॥ gaṇēśō guṇanāthaśca guṇātmā gaṇabhāvanaḥ । gaṇabandhurvivēkātmā guṇayuktaḥ parākramī ॥ 42 ॥ atarkyaḥ kraturagniśca kr̥tajñaḥ saphalāśrayaḥ । yajñaśca yajñaphaladō yajña ijyō:’marōttamaḥ ॥ 43 ॥ hiraṇyagarbhaḥ śrīgarbhaḥ khagarbhaḥ kuṇapēśvaraḥ । māyāgarbhō lōkagarbhaḥ svayambhūrbhuvanāntakaḥ ॥ 44 ॥ niṣpāpō nibiḍō nandī bōdhī bōdhasamāśrayaḥ । bōdhātmā bōdhanātmā ca bhēdavaitaṇḍakhaṇḍanaḥ ॥ 45 ॥ svābhāvyō bhāvanirmuktō vyaktō:’vyaktasamāśrayaḥ । nityatr̥ptō nirābhāsō nirvāṇaḥ śaraṇaḥ suhr̥t ॥ 46 ॥ guhyēśō guṇagambhīrō guṇadōṣanivāraṇaḥ । guṇasaṅgavihīnaśca yōgārērdarpanāśanaḥ ॥ 47 ॥ ānandaḥ paramānandaḥ svānandasukhavardhanaḥ । satyānandaścidānandaḥ sarvānandaparāyaṇaḥ ॥ 48 ॥ sadrūpaḥ sahajaḥ satyaḥ svānandaḥ sumanōharaḥ । sarvaḥ sarvāntaraścaiva pūrvātpūrvatarastathā ॥ 49 ॥ khamayaḥ khaparaḥ khādiḥ khaṁ-brahma khatanuḥ khagaḥ । khavāsāḥ khavihīnaśca khanidhiḥ khaparāśrayaḥ ॥ 50 ॥ anantaścādirūpaśca sūryamaṇḍalamadhyagaḥ । amōghaḥ paramāmōghaḥ parōkṣaḥ paradaḥ kaviḥ ॥ 51 ॥ viśvacakṣurviśvasākṣī viśvabāhurdhanēśvaraḥ । dhanañjayō mahātējāstējiṣṭhastaijasaḥ sukhī ॥ 52 ॥ jyōtirjyōtirmayō jētā jyōtiṣāṁ jyōtirātmakaḥ । jyōtiṣāmapi jyōtiśca janakō janamōhanaḥ ॥ 53 ॥ jitēndriyō jitakrōdhō jitātmā jitamānasaḥ । jitasaṅgō jitaprāṇō jitasaṁsāravāsanaḥ ॥ 54 ॥ nirvāsanō nirālambō niryōgakṣēmavarjitaḥ । nirīhō nirahaṅkārō nirāśīrnirupādhikaḥ ॥ 55 ॥ nityabōdhō viviktātmā viśuddhōttamagauravaḥ । vidyārthī paramārthī ca śraddhārthī sādhanātmakaḥ ॥ 56 ॥ pratyāhārī nirāhārī sarvāhāraparāyaṇaḥ । nityaśuddhō nirākāṅkṣī pārāyaṇaparāyaṇaḥ ॥ 57 ॥ aṇōraṇutaraḥ sūkṣmaḥ sthūlaḥ sthūlatarastathā । ēkastathā:’nēkarūpō viśvarūpaḥ sanātanaḥ ॥ 58 ॥ naikarūpō virūpātmā naikabōdhamayastathā । naikanāmamayaścaiva naikavidyāvivardhanaḥ ॥ 59 ॥ ēkaścaikāntikaścaiva nānābhāvavivarjitaḥ । ēkākṣarastathā bījaḥ pūrṇabimbaḥ sanātanaḥ ॥ 60 ॥ mantravīryō mantrabījaḥ śāstravīryō jagatpatiḥ । nānāvīryadharaścaiva śakrēśaḥ pr̥thivīpatiḥ ॥ 61 ॥ prāṇēśaḥ prāṇadaḥ prāṇaḥ prāṇāyāmaparāyaṇaḥ । prāṇapañcakanirmuktaḥ kōśapañcakavarjitaḥ ॥ 62 ॥ niścalō niṣkalō:’saṅgō niṣprapañcō nirāmayaḥ । nirādhārō nirākārō nirvikārō nirañjanaḥ ॥ 63 ॥ niṣpratītō nirābhāsō nirāsaktō nirākulaḥ । niṣṭhāsarvagataścaiva nirārambhō nirāśrayaḥ ॥ 64 ॥ nirantaraḥ sarvagōptā śāntō dāntō mahāmuniḥ । [sattva] niḥśabdaḥ sukr̥taḥ svasthaḥ satyavādī surēśvaraḥ ॥ 65 ॥ jñānadō jñānavijñānī jñānātmā:’:’nandapūritaḥ । jñānayajñavidāṁ dakṣō jñānāgnirjvalanō budhaḥ ॥ 66 ॥ dayāvān bhavarōgāriścikitsācaramāgatiḥ । candramaṇḍalamadhyasthaścandrakōṭisuśītalaḥ ॥ 67 ॥ yantrakr̥tparamō yantrī yantrārūḍhāparājitaḥ । yantravidyantravāsaśca yantrādhārō dharādharaḥ ॥ 68 ॥ tattvajñastattvabhūtātmā mahattattvaprakāśanaḥ । tattvasaṅkhyānayōgajñaḥ sāṅkhyaśāstrapravartakaḥ ॥ 69 ॥ anantavikramō dēvō mādhavaśca dhanēśvaraḥ । sādhuḥ sādhuvariṣṭhātmā sāvadhānō:’marōttamaḥ ॥ 70 ॥ niḥsaṅkalpō nirādhārō durdharō hyātmavitpatiḥ । ārōgyasukhadaścaiva pravarō vāsavastathā ॥ 71 ॥ parēśaḥ paramōdāraḥ pratyakcaitanyadurgamaḥ । durādharṣō durāvāsō dūratvaparināśanaḥ ॥ 72 ॥ vēdavidvēdakr̥dvēdō vēdātmā vimalāśayaḥ । viviktasēvī ca saṁsāraśramanāśanastathā ॥ 73 ॥ brahmayōnirbr̥hadyōnirviśvayōnirvidēhavān । viśālākṣō viśvanāthō hāṭakāṅgadabhūṣaṇaḥ ॥ 74 ॥ abādhyō jagadārādhyō jagadārjavapālanaḥ । janavān dhanavān dharmī dharmagō dharmavardhanaḥ ॥ 75 ॥ amr̥taḥ śāśvataḥ sādhyaḥ siddhidaḥ sumanōharaḥ । khalubrahmakhalusthānō munīnāṁ paramā gatiḥ ॥ 76 ॥ upadraṣṭā tathā śrēṣṭhaḥ śucibhūtō hyanāmayaḥ । vēdasiddhāntavēdyaśca mānasāhlādavardhanaḥ ॥ 77 ॥ dēhādanyō guṇādanyō lōkādanyō vivēkavit । duṣṭasvapnaharaścaiva gururguruvarōttamaḥ ॥ 78 ॥ karmī karmavinirmuktaḥ saṁnyāsī sādhakēśvaraḥ । sarvabhāvavihīnaśca tr̥ṣṇāsaṅganivārakaḥ ॥ 79 ॥ tyāgī tyāgavapustyāgastyāgadānavivarjitaḥ । tyāgakāraṇatyāgātmā sadguruḥ sukhadāyakaḥ ॥ 80 ॥ dakṣō dakṣādivandyaśca jñānavādapravartakaḥ । śabdabrahmamayātmā ca śabdabrahmaprakāśavān ॥ 81 ॥ grasiṣṇuḥ prabhaviṣṇuśca sahiṣṇurvigatāntaraḥ । vidvattamō mahāvandyō viśālōttamavāṅmuniḥ ॥ 82 ॥ brahmavidbrahmabhāvaśca brahmarṣirbrāhmaṇapriyaḥ । brahma brahmaprakāśātmā brahmavidyāprakāśanaḥ ॥ 83 ॥ atrivaṁśaprabhūtātmā tāpasōttamavanditaḥ । ātmavāsī vidhēyātmā hyatrivaṁśavivardhanaḥ ॥ 84 ॥ pravartanō nivr̥ttātmā pralayōdakasannibhaḥ । nārāyaṇō mahāgarbhō bhārgavapriyakr̥ttamaḥ ॥ 85 ॥ saṅkalpaduḥkhadalanaḥ saṁsāratamanāśanaḥ । trivikramastridhākārastrimūrtistriguṇātmakaḥ ॥ 86 ॥ bhēdatrayaharaścaiva tāpatrayanivārakaḥ । dōṣatrayavibhēdī ca saṁśayārṇavakhaṇḍanaḥ ॥ 87 ॥ asaṁśayastvasammūḍhō hyavādī rājavanditaḥ । rājayōgī mahāyōgī svabhāvagalitastathā ॥ 88 ॥ puṇyaślōkaḥ pavitrāṅghrirdhyānayōgaparāyaṇaḥ । dhyānasthō dhyānagamyaśca vidhēyātmā purātanaḥ ॥ 89 ॥ avijñēyō hyantarātmā mukhyabimbasanātanaḥ । jīvasañjīvanō jīvaścidvilāsaścidāśrayaḥ ॥ 90 ॥ mahēndrō:’maramānyaśca yōgēndrō yōgavittamaḥ । yōgadharmastathā yōgastattvastattvaviniścayaḥ ॥ 91 ॥ naikabāhuranantātmā naikanāmaparākramaḥ । naikākṣī naikapādaśca nāthanāthōttamōttamaḥ ॥ 92 ॥ sahasraśīrṣā puruṣaḥ sahasrākṣaḥ sahasrapāt । sahasrarūpadr̥k caiva sahasrāramayōddhavaḥ ॥ 93 ॥ tripādapuruṣaścaiva tripādūrdhvastathaiva ca । tryambakaśca mahāvīryō yōgavīryaviśāradaḥ ॥ 94 ॥ vijayī vinayī jētā vītarāgī virājitaḥ । rudrō raudrō mahābhīmaḥ prājñamukhyaḥ sadāśuciḥ ॥ 95 ॥ antarjyōtiranantātmā pratyagātmā nirantaraḥ । arūpaścātmarūpaśca sarvabhāvavinirvr̥taḥ ॥ 96 ॥ antaḥśūnyō bahiḥśūnyaḥ śūnyātmā śūnyabhāvanaḥ । antaḥpūrṇō bahiḥpūrṇaḥ pūrṇātmā pūrṇabhāvanaḥ ॥ 97 ॥ antastyāgī bahistyāgī tyāgātmā sarvayōgavān । antaryōgī bahiryōgī sarvayōgaparāyaṇaḥ ॥ 98 ॥ antarbhōgī bahirbhōgī sarvabhōgaviduttamaḥ । antarniṣṭhō bahirniṣṭhaḥ sarvaniṣṭhāmayastathā ॥ 99 ॥ bāhyāntaravimuktaśca bāhyāntaravivarjitaḥ । śāntaḥ śuddhō viśuddhaśca nirvāṇaḥ prakr̥tēḥ paraḥ ॥ 100 ॥ akālaḥ kālanēmī ca kālakālō janēśvaraḥ । kālātmā kālakartā ca kālajñaḥ kālanāśanaḥ ॥ 101 ॥ kaivalyapadadātā ca kaivalyasukhadāyakaḥ । kaivalyakalanādhārō nirbharō harṣavardhanaḥ ॥ 102 ॥ hr̥dayasthō hr̥ṣīkēśō gōvindō garbhavarjitaḥ । sakalāgamapūjyaśca nigamō nigamāśrayaḥ ॥ 103 ॥ parāśaktiḥ parākīrtiḥ parāvr̥ttirnidhismr̥tiḥ । paravidyā parākṣāntirvibhaktiryuktasadgatiḥ ॥ 104 ॥ svaprakāśaḥ prakāśātmā parasaṁvēdanātmakaḥ । svasēvyaḥ svavidāṁ svātmā svasaṁvēdyō:’naghaḥ kṣamī ॥ 105 ॥ svānusandhānaśīlātmā svānusandhānagōcaraḥ । svānusandhānaśūnyātmā svānusandhānakāśrayaḥ ॥ 106 ॥ svabōdhadarpaṇō:’bhaṅgaḥ kandarpakulanāśanaḥ । brahmacārī brahmavēttā brāhmaṇō brahmavittamaḥ ॥ 107 ॥ tattvabōdhaḥ sudhāvarṣaḥ pāvanaḥ pāpapāvakaḥ । brahmasūtravidhēyātmā brahmasūtrārthanirṇayaḥ ॥ 108 ॥ ātyantikō mahākalpaḥ saṅkalpāvartanāśanaḥ । ādhivyādhiharaścaiva saṁśayārṇavaśōṣakaḥ ॥ 109 ॥ tattvātmajñānasandēśō mahānubhavabhāvitaḥ । ātmānubhavasampannaḥ svānubhāvasukhāśrayaḥ ॥ 110 ॥ acintyaśca br̥hadbhānuḥ pramadōtkarṣanāśanaḥ । anikēta praśāntātmā śūnyāvāsō jagadvapuḥ ॥ 111 ॥ cidgatiścinmayaścakrī māyācakrapravartakaḥ । sarvavarṇavidārambhī sarvārambhaparāyaṇaḥ ॥ 112 ॥ purāṇaḥ pravarō dātā sundaraḥ kanakāṅgadī । anasūyātmajō dattaḥ sarvajñaḥ sarvakāmadaḥ ॥ 113 ॥ kāmajit kāmapālaśca kāmī kāmapradāgamaḥ । kāmavān kāmapōṣaśca sarvakāmanivartakaḥ ॥ 114 ॥ sarvakarmaphalōtpattiḥ sarvakāmaphalapradaḥ । sarvakarmaphalaiḥ pūjyaḥ sarvakarmaphalāśrayaḥ ॥ 115 ॥ viśvakarmā kr̥tātmā ca kr̥tajñaḥ sarvasākṣikaḥ । sarvārambhaparityāgī jaḍōnmattapiśācavān ॥ 116 ॥ bhikṣurbhaikṣākaraścaiva bhaikṣāhārī nirāśramī । akūlaścānukūlaśca vikalō hyakalastathā ॥ 117 ॥ jaṭilō vanacārī ca daṇḍī muṇḍī ca gaṇḍavān । dēhadharmavihīnātmā hyēkākī saṅgavarjitaḥ ॥ 118 ॥ āśramyanāśramārambhō:’nācārī karmavarjitaḥ । asandēhī ca sandēhī na kiñcinna ca kiñcanaḥ ॥ 119 ॥ nr̥dēhī dēhaśūnyaśca nābhāvī bhāvanirgataḥ । nābrahmā ca parabrahma svayamēva nirākulaḥ ॥ 120 ॥ anaghaścāguruścaiva nāthanāthōttamō guruḥ । dvibhujaḥ prākr̥taścaiva janakaśca pitāmahaḥ ॥ 121 ॥ anātmā na ca nānātmā nītirnītimatāṁ varaḥ । sahajaḥ sadr̥śaḥ siddhaścaikaścinmātra ēva ca ॥ 122 ॥ na kartāpi ca kartā ca bhōktā bhōgavivarjitaḥ । turīyasturīyātītaḥ svacchaḥ sarvamayastathā ॥ 123 ॥ sarvādhiṣṭhānarūpaśca sarvadhyēyavivarjitaḥ । sarvalōkanivāsātmā sakalōttamavanditaḥ ॥ 124 ॥ dēhabhr̥ddēhakr̥ccaiva dēhātmā dēhabhāvanaḥ । dēhī dēhavibhaktaśca dēhabhāvaprakāśanaḥ ॥ 125 ॥ layasthō layaviccaiva layābhāvaśca bōdhavān । layātītō layasyāntō layabhāvanivāraṇaḥ ॥ 126 ॥ vimukhaḥ pramukhaścaiva pratyaṅmukhavadācarī । viśvabhugviśvadhr̥gviśvō viśvakṣēmakarastathā ॥ 127 ॥ avikṣiptō:’pramādī ca parardhiḥ paramārthadr̥k । svānubhāvavihīnaśca svānubhāvaprakāśanaḥ ॥ 128 ॥ nirindriyaśca nirbuddhirnirābhāsō nirākr̥taḥ । nirahaṅkārarūpātmā nirvapuḥ sakalāśrayaḥ ॥ 129 ॥ śōkaduḥkhaharaścaiva bhōgamōkṣaphalapradaḥ । suprasannastathā sūkṣmaḥ śabdabrahmārthasaṅgrahaḥ ॥ 130 ॥ āgamāpāyaśūnyaśca sthānadaśca satāṅgatiḥ । akr̥taḥ sukr̥taścaiva kr̥takarmā vinirvr̥taḥ ॥ 131 ॥ bhēdatrayaharaścaiva dēhatrayavinirgataḥ । sarvakāmamayaścaiva sarvakāmanivartakaḥ ॥ 132 ॥ siddhēśvarō:’jaraḥ pañcabāṇadarpahutāśanaḥ । caturakṣarabījātmā svabhūścitkīrtibhūṣaṇaḥ ॥ 133 ॥ agādhabuddhirakṣubdhaścandrasūryāgnilōcanaḥ । yamadaṁṣṭrō:’tisaṁhartā paramānandasāgaraḥ ॥ 134 ॥ līlāviśvambharō bhānurbhairavō bhīmalōcanaḥ । brahmacarmāmbaraḥ kālastvacalaścalanāntakaḥ ॥ 135 ॥ ādidēvō jagadyōnirvāsavārivimardanaḥ । vikarmakarmakarmajñō ananyagamakō:’gamaḥ ॥ 136 ॥ abaddhakarmaśūnyaśca kāmarāgakulakṣayaḥ । yōgāndhakāramathanaḥ padmajanmādivanditaḥ ॥ 137 ॥ bhaktakāmō:’grajaścakrī bhāvanirbhāvabhāvakaḥ । bhēdāntakō mahānagryō nigūhō gōcarāntakaḥ ॥ 138 ॥ kālāgniśamanaḥ śaṅkhacakrapadmagadādharaḥ । dīptō dīnapatiḥ śāstā svacchandō muktidāyakaḥ ॥ 139 ॥ vyōmadharmāmbarō bhēttā bhasmadhārī dharādharaḥ । dharmaguptō:’nvayātmā ca vyatirēkārthanirṇayaḥ ॥ 140 ॥ ēkānēkaguṇābhāsābhāsanirbhāsavarjitaḥ । bhāvābhāvasvabhāvātmā bhāvābhāvavibhāvavit ॥ 141 ॥ yōgihr̥dayaviśrāmō:’nantavidyāvivardhanaḥ । vighnāntakastrikālajñastattvātmā jñānasāgaraḥ ॥ 142 ॥ itīdaṁ dattasāhasraṁ sāyaṁ prātaḥ paṭhēttu yaḥ । sa ihāmutra labhatē nirvāṇaṁ paramaṁ sukham ॥ 143 ॥ guruvārē dattabhaktō bhaktibhāvasamanvitaḥ । paṭhēt sadaiva yō hyētat sa labhēccintitaṁ dhruvam ॥ 144 ॥ iti śrīmaddattātrēyapurāṇē śrī dattātrēya sahasranāma stōtram ।