हैंహైHaindavamஹிહિં
📍
Font Size:
த³த்த மானஸபூஜா
பரானந்த³மயோ விஷ்ணுர்ஹ்ருʼத்ஸ்தோ² வேத்³யோப்யதீந்த்³ரிய꞉ ।
ஸதா³ ஸம்பூஜ்யதே ப⁴க்தைர்ப⁴க³வான் ப⁴க்திபா⁴வன꞉ ॥ 1 ॥
அசிந்த்யஸ்ய குதோ த்⁴யானம் கூடஸ்தா²வாஹனம்ʼ குத꞉ ।
க்வாஸனம்ʼ விஶ்வஸம்ʼஸ்த²ஸ்ய பாத்³யம்ʼ பூதாத்மன꞉ குத꞉ ॥ 2 ॥
க்வானர்கோ⁴ருக்ரமஸ்யார்க்⁴யம்ʼ விஷ்ணோராசமனம்ʼ குத꞉ ।
நிர்மலஸ்ய குத꞉ ஸ்னானம்ʼ க்வ நிராவரணேம்ப³ரம் ॥ 3 ॥
ஸ்வஸூத்ரஸ்ய குத꞉ ஸூத்ரம்ʼ நிர்மலஸ்ய ச லேபனம் ।
நிஸ்த்ருʼஷ꞉ ஸுமனோபி⁴꞉ கிம்ʼ கிமக்லேத்³யஸ்ய தூ⁴பத꞉ ॥ 4 ॥
ஸ்வப்ரகாஶஸ்ய தீ³பை꞉ கிம்ʼ கிம்ʼ ப⁴க்ஷ்யாத்³யைர்ஜக³த்³ப்⁴ருʼத꞉ ।
கிம்ʼ தே³யம்ʼ பரித்ருʼப்தஸ்ய விராஜ꞉ க்வ ப்ரத³க்ஷிணா꞉ ॥ 5 ॥
கிமனந்தஸ்ய நதிபி⁴꞉ ஸ்தௌதி கோ வாக³கோ³சரம் ।
அந்தர்ப³ஹி꞉ ப்ரபூர்ணஸ்ய கத²முத்³வாஸனம்ʼ ப⁴வேத் ॥ 6 ॥
ஸர்வதோ(அ)பீத்யஸம்பா⁴வ்யோ பா⁴வ்யதே ப⁴க்திபா⁴வன꞉ ।
ஸேவ்யஸேவகபா⁴வேன ப⁴க்தைர்லீலாந்ருʼவிக்³ரஹ꞉ ॥ 7 ॥
தவேஶாதீந்த்³ரியஸ்யாபி பாரம்பர்யாஶ்ருதாம்ʼ தனும் ।
ப்ரகல்ப்யாஶ்மாதா³வர்சந்தி ப்ரார்சயே(அ)ர்சாம்ʼ மனோமயீம் ॥ 8 ॥
கலஸுஶ்லோககீ³தேன ப⁴க³வன் த³த்த ஜாக்³ருʼஹி ।
ப⁴க்தவத்ஸல ஸாமீப்யம்ʼ குரு மே மானஸார்சனே ॥ 9 ॥
ஶ்ரீத³த்தம்ʼ கே²சரீமுத்³ராமுத்³ரிதம்ʼ யோகி³ஸத்³கு³ரும் ।
ஸித்³தா⁴ஸனஸ்த²ம்ʼ த்⁴யாயே(அ)பீ⁴வரப்ரத³கரம்ʼ ஹரிம் ॥ 10 ॥
த³த்தாத்ரேயாஹ்வயாம்யத்ர பரிவாரை꞉ ஸஹார்சனே ।
ஶ்ரத்³தா⁴ப⁴க்த்யேஶ்வராக³ச்ச² த்⁴யாததா⁴ம்னாஞ்ஜஸா விபோ⁴ ॥ 11 ॥
ஸௌவர்ணம்ʼ ரத்னஜடி³தம்ʼ கல்பிதம்ʼ தே³வதாமயம் ।
ரம்யம்ʼ ஸிம்ʼஹாஸனம்ʼ த³த்த தத்ரோபவிஶ யந்த்ரிதே ॥ 12 ॥
பாத்³யம்ʼ சந்த³னகர்பூரஸுரபி⁴ ஸ்வாது³ வாரி தே ।
க்³ருʼஹாண கல்பிதம்ʼ தேன த³த்தாங்க்⁴ரீ க்ஷாலயாமி தே ॥ 13 ॥
க³ந்தா⁴ப்³ஜதுலஸீபி³ல்வஶமீபத்ராக்ஷதான்விதம் ।
ஸாம்ப்³வர்க்⁴யம்ʼ ஸ்வர்ணபாத்ரேண கல்பிதம்ʼ த³த்த க்³ருʼஹ்யதாம் ॥ 14 ॥
ஸுஸ்வாத்³வாசமனீயாம்பு³ ஹைமபாத்ரேண கல்பிதம் ।
துப்⁴யமாசம்யதாம்ʼ த³த்த மது⁴பர்கம்ʼ க்³ருʼஹாண ச ॥ 15 ॥
புஷ்பவாஸிதஸத்தைலமங்கே³ஷ்வாலிப்ய த³த்த போ⁴꞉ ।
பஞ்சாம்ருʼதைஶ்ச கா³ங்கா³த்³பி⁴꞉ ஸ்னானம்ʼ தே கல்பயாம்யஹம் ॥ 16 ॥
ப⁴க்த்யா தி³க³ம்ப³ராசாந்த ஜலேத³ம்ʼ த³த்த கல்பிதம் ।
காஷாயபரிதா⁴னம்ʼ தத்³க்³ருʼஹாணைணேயசர்ம ச ॥ 17 ॥
நானாஸூத்ரத⁴ரைதே தே ப்³ரஹ்மஸூத்ரே ப்ரகல்பிதே ।
க்³ருʼஹாண தை³வதமயே ஶ்ரீத³த்த நவதந்துகே ॥ 18 ॥
பூ⁴திம்ருʼத்ஸ்னாஸுகஸ்தூரீகேஶரான்விதசந்த³னம் ।
ரத்னாக்ஷதா꞉ கல்பிதாஸ்த்வாமலங்குர்வே(அ)த² த³த்த தை꞉ ॥ 19 ॥
ஸச்ச²மீபி³ல்வதுலஸீபத்ரை꞉ ஸௌக³ந்தி⁴கை꞉ ஸுமை꞉ ।
மனஸா கல்பிதைர்னானாவிதை⁴ர்த³த்தார்சயாம்யஹம் ॥ 20 ॥
லாக்ஷாஸிதாப்⁴ரஶ்ரீவாஸஶ்ரீக²ண்டா³க³ருகு³க்³கு³லை꞉ ।
யுக்தோ(அ)க்³நியோஜிதோ தூ⁴போ ஹ்ருʼதா³ ஸ்வீகுரு த³த்த தம் ॥ 21 ॥
ஸ்வர்ணபாத்ரே கோ³க்⁴ருʼதாக்தவர்திப்ரஜ்வாலிதம்ʼ ஹ்ருʼதா³ ।
தீ³பம்ʼ த³த்த ஸகர்பூரம்ʼ க்³ருʼஹாண ஸ்வப்ரகாஶக ॥ 22 ॥
ஸஷட்³ரஸம்ʼ ஷட்³விதா⁴ன்னம்ʼ நைவேத்³யம்ʼ க³வ்யஸம்யுதம் ।
கல்பிதம்ʼ ஹைமபாத்ரே தே பு⁴ங்க்ஷ்வ த³த்தாம்ப்³வத³꞉ பிப³ ॥ 23 ॥
ப்ரக்ஷால்யாஸ்யம்ʼ கரௌ சாத்³பி⁴ர்த³த்தாசம்ய ப்ரக்³ருʼஹ்யதாம் ।
தாம்பூ³லம்ʼ த³க்ஷிணாம்ʼ ஹைமீம்ʼ கல்பிதானி ப²லானி ச ॥ 24 ॥
நீராஜ்ய ரத்நதீ³பைஸ்த்வாம்ʼ ப்ரணம்ய மனஸா ச தே ।
பரிதஸ்த்வத்கதோ²த்³கா⁴தை꞉ குர்வே த³த்த ப்ரத³க்ஷிணா꞉ ॥ 25 ॥
மந்த்ரவந்நிஹிதோ மூர்த்⁴னி த³த்த தே குஸுமாஞ்ஜலி꞉ ।
கல்ப்யந்தே மனஸா கீ³தவாத்³யந்ருʼத்யோபசாரகா꞉ ॥ 26 ॥
ப்ரேர்யமாணப்ரேரகேண த்வயா த³த்தேரிதேன தே ।
க்ருʼதேயம்ʼ மனஸா பூஜா ஶ்ரீமம்ʼஸ்துஷ்டோ ப⁴வானயா ॥ 27 ॥
த³த்த மானஸதல்பே மே ஸுக²நித்³ராம்ʼ ரஹ꞉ குரு ।
ரம்யே வ்யாயதப⁴க்த்யாமதூலிகாட்⁴யே ஸுவீஜிதே ॥ 28 ॥
இதி ஶ்ரீவாஸுதே³வானந்த³ஸரஸ்வதீ விரசிதம்ʼ ஶ்ரீ த³த்த மானஸபூஜா ।
Recite with devotion and pure heart
Regular practice brings spiritual benefits