ബ്രഹ്മാദയ ഊചുഃ – ജയ ദേവ മഹാപോത്രിൻ ജയ ഭൂമിധരാച്യുത । ഹിരണ്യാക്ഷമഹാരക്ഷോവിദാരണവിചക്ഷണ ॥ 1 ॥ ത്വമനാദിരനന്തശ്ച ത്വത്തഃ പരതരോ ന ഹി । ത്വമേവ സൃഷ്ടികാലേഽപി വിധിർഭൂത്വാ ചതുർമുഖഃ ॥ 2 ॥ സൃജസ്യേതജ്ജഗത്സർവം പാസി വിഷ്ണുഃ സമന്തതഃ । കാലാഗ്നിരുദ്രരൂപീ ച കല്പാന്തേ സർവജന്തുഷു ॥ 3 ॥ അന്തര്യാമീ ഭവാൻ ദേവ സർവകർതാ ത്വമേവ ഹി । നിഷ്കൃഷ്ടം ബ്രഹ്മണോ രൂപം ന ജാനന്തി സുരാസ്തവ ॥ 4 ॥ പ്രസീദ ഭഗവൻ വിഷ്ണോ ഭൂമിം സ്ഥാപയ പൂർവവത് । സർവപ്രാണിനിവാസാർഥമസ്തുവൻ വിബുധവ്രജാഃ ॥ 5 ॥ ഇതി ശ്രീവരഹപുരാണേ വേങ്കടാചലമാഹാത്മ്യേ ദേവകൃത ശ്രീ വരാഹ സ്തുതിഃ ।