ಬ್ರಹ್ಮಾದಯ ಊಚುಃ – ಜಯ ದೇವ ಮಹಾಪೋತ್ರಿನ್ ಜಯ ಭೂಮಿಧರಾಚ್ಯುತ । ಹಿರಣ್ಯಾಕ್ಷಮಹಾರಕ್ಷೋವಿದಾರಣವಿಚಕ್ಷಣ ॥ 1 ॥ ತ್ವಮನಾದಿರನಂತಶ್ಚ ತ್ವತ್ತಃ ಪರತರೋ ನ ಹಿ । ತ್ವಮೇವ ಸೃಷ್ಟಿಕಾಲೇಽಪಿ ವಿಧಿರ್ಭೂತ್ವಾ ಚತುರ್ಮುಖಃ ॥ 2 ॥ ಸೃಜಸ್ಯೇತಜ್ಜಗತ್ಸರ್ವಂ ಪಾಸಿ ವಿಷ್ಣುಃ ಸಮಂತತಃ । ಕಾಲಾಗ್ನಿರುದ್ರರೂಪೀ ಚ ಕಲ್ಪಾಂತೇ ಸರ್ವಜಂತುಷು ॥ 3 ॥ ಅಂತರ್ಯಾಮೀ ಭವಾನ್ ದೇವ ಸರ್ವಕರ್ತಾ ತ್ವಮೇವ ಹಿ । ನಿಷ್ಕೃಷ್ಟಂ ಬ್ರಹ್ಮಣೋ ರೂಪಂ ನ ಜಾನಂತಿ ಸುರಾಸ್ತವ ॥ 4 ॥ ಪ್ರಸೀದ ಭಗವನ್ ವಿಷ್ಣೋ ಭೂಮಿಂ ಸ್ಥಾಪಯ ಪೂರ್ವವತ್ । ಸರ್ವಪ್ರಾಣಿನಿವಾಸಾರ್ಥಮಸ್ತುವನ್ ವಿಬುಧವ್ರಜಾಃ ॥ 5 ॥ ಇತಿ ಶ್ರೀವರಹಪುರಾಣೇ ವೇಂಕಟಾಚಲಮಾಹಾತ್ಮ್ಯೇ ದೇವಕೃತ ಶ್ರೀ ವರಾಹ ಸ್ತುತಿಃ ।