हैंహైHaindavamஹிહિં
📍
Font Size:
వరాహ కవచం
ఆద్యం రంగమితి ప్రోక్తం విమానం రంగసంజ్ఞితం ।
శ్రీముష్ణం వేంకటాద్రిం చ సాలగ్రామం చ నైమిశం ॥
తోయాద్రిం పుష్కరం చైవ నరనారాయణాశ్రమం ।
అష్టౌ మే మూర్తయః సంతి స్వయంవ్యక్తా మహీతలే ॥
శ్రీసూత ఉవాచ ।
శ్రీరుద్రముఖనిర్ణీతమురారిగుణసత్కథా ।
సంతుష్టా పార్వతీ ప్రాహ శంకరం లోకశంకరం ॥ 1 ॥
శ్రీపార్వత్యువాచ ।
శ్రీముష్ణేశస్య మాహాత్మ్యం వరాహస్య మహాత్మనః ।
శ్రుత్వా తృప్తిర్న మే జాతా మనః కౌతూహలాయతే ।
శ్రోతుం తద్దేవమాహాత్మ్యం తస్మాద్వర్ణయ మే పునః ॥ 2 ॥
శ్రీశంకర ఉవాచ ।
శృణు దేవి ప్రవక్ష్యామి శ్రీముష్ణేశస్య వైభవం ।
యస్య శ్రవణమాత్రేణ మహాపాపైః ప్రముచ్యతే ।
సర్వేషామేవ తీర్థానాం తీర్థరాజోఽభిధీయతే ॥ 3 ॥
నిత్యపుష్కరిణీ నామ్నీ శ్రీముష్ణే యా చ వర్తతే ।
జాతా శ్రమాపహా పుణ్యా వరాహశ్రమవారిణా ॥ 4 ॥
విష్ణోరంగుష్ఠసంస్పర్శాత్ పుణ్యదా ఖలు జాహ్నవీ ।
విష్ణోః సర్వాంగసంభూతా నిత్యపుష్కరిణీ శుభా ॥ 5 ॥
మహానదీ సహస్రేణ నిత్యదా సంగతా శుభా ।
సకృత్ స్నాత్వా విముక్తాఘః సద్యో యాతి హరేః పదం ॥ 6 ॥
తస్యా ఆగ్నేయభాగే తు అశ్వత్థచ్ఛాయయోదకే ।
స్నానం కృత్వా పిప్పలస్య కృత్వా చాపి ప్రదక్షిణం ॥ 7 ॥
దృష్ట్వా శ్వేతవరాహం చ మాసమేకం నయేద్యది ।
కాలమృత్యుం వినిర్జిత్య శ్రియా పరమయా యుతః ॥ 8 ॥
ఆధివ్యాధివినిర్ముక్తో గ్రహపీడావివర్జితః ।
భుక్త్వా భోగాననేకాంశ్చ మోక్షమంతే వ్రజేత్ ధ్రువం ॥ 9 ॥
అశ్వత్థమూలేఽర్కవారే నిత్యపుష్కరిణీతటే ।
వరాహకవచం జప్త్వా శతవారం జితేంద్రియః ॥ 10 ॥
క్షయాపస్మారకుష్ఠాద్యైః మహారోగైః ప్రముచ్యతే ।
వరాహకవచం యస్తు ప్రత్యహం పఠతే యది ॥ 11 ॥
శత్రుపీడావినిర్ముక్తో భూపతిత్వమవాప్నుయాత్ ।
లిఖిత్వా ధారయేద్యస్తు బాహుమూలే గలేఽథ వా ॥ 12 ॥
భూతప్రేతపిశాచాద్యాః యక్షగంధర్వరాక్షసాః ।
శత్రవో ఘోరకర్మాణో యే చాన్యే విషజంతవః ।
నష్టదర్పా వినశ్యంతి విద్రవంతి దిశో దశ ॥ 13 ॥
శ్రీపార్వత్యువాచ ।
తద్బ్రూహి కవచం మహ్యం యేన గుప్తో జగత్త్రయే ।
సంచరేద్దేవవన్మర్త్యః సర్వశత్రువిభీషణః ।
యేనాప్నోతి చ సామ్రాజ్యం తన్మే బ్రూహి సదాశివ ॥ 14 ॥
శ్రీశంకర ఉవాచ ।
శృణు కల్యాణి వక్ష్యామి వారాహకవచం శుభం ।
యేన గుప్తో లభేన్మర్త్యో విజయం సర్వసంపదం ॥ 15 ॥
అంగరక్షాకరం పుణ్యం మహాపాతకనాశనం ।
సర్వరోగప్రశమనం సర్వదుర్గ్రహనాశనం ॥ 16 ॥
విషాభిచారకృత్యాదిశత్రుపీడానివారణం ।
నోక్తం కస్యాపి పూర్వం హి గోప్యాద్గోప్యతరం యతః ॥ 17 ॥
వరాహేణ పురా ప్రోక్తం మహ్యం చ పరమేష్ఠినే ।
యుద్ధేషు జయదం దేవి శత్రుపీడానివారణం ॥ 18 ॥
వరాహకవచాద్గుప్తో నాఽశుభం లభతే నరః ।
వరాహకవచస్యాస్య ఋషిర్బ్రహ్మా ప్రకీర్తితః ॥ 19 ॥
ఛందోఽనుష్టుప్ తథా దేవో వరాహో భూపరిగ్రహః ।
ప్రక్షాల్య పాదౌ పాణీ చ సమ్యగాచమ్య వారిణా ॥ 20 ॥
కృతస్వాంగకరన్యాసః సపవిత్ర ఉదఙ్ముఖః ।
ఓం భూర్భవః సువరితి నమో భూపతయేఽపి చ ॥ 21 ॥
నమో భగవతే పశ్చాత్ వరాహాయ నమస్తథా ।
ఏవం షడంగం న్యాసం చ న్యసేదంగులిషు క్రమాత్ ॥ 22 ॥
నమః శ్వేతవరాహాయ మహాకోలాయ భూపతే ।
యజ్ఞాంగాయ శుభాంగాయ సర్వజ్ఞాయ పరాత్మనే ॥ 23 ॥
స్రవతుండాయ ధీరాయ పరబ్రహ్మస్వరూపిణే ।
వక్రదంష్ట్రాయ నిత్యాయ నమోఽన్తైర్నామభిః క్రమాత్ ॥ 24 ॥
అంగులీషు న్యసేద్విద్వాన్ కరపృష్ఠతలేష్వపి ।
ధ్యాత్వా శ్వేతవరాహం చ పశ్చాన్మంత్రముదీరయేత్ ॥ 25 ॥
ధ్యానం –
ఓం । శ్వేతం వరాహవపుషం క్షితిముద్ధరంతం
శంఘారిసర్వవరదాఽభయయుక్తబాహుం ।
ధ్యాయేన్నిజైశ్చ తనుభిః సకలైరుపేతం
పూర్ణం విభుం సకలవాంఛితసిద్ధయేఽజం ॥ 26 ॥
కవచం –
వరాహః పూర్వతః పాతు దక్షిణే దండకాంతకః ।
హిరణ్యాక్షహరః పాతు పశ్చిమే గదయా యుతః ॥ 27 ॥
ఉత్తరే భూమిహృత్ పాతు అధస్తాద్వాయువాహనః ।
ఊర్ధ్వం పాతు హృషీకేశో దిగ్విదిక్షు గదాధరః ॥ 28 ॥
ప్రాతః పాతు ప్రజానాథః కల్పకృత్ సంగమేఽవతు ।
మధ్యాహ్నే వజ్రకేశస్తు సాయాహ్నే సర్వపూజితః ॥ 29 ॥
ప్రదోషే పాతు పద్మాక్షో రాత్రౌ రాజీవలోచనః ।
నిశీంద్రగర్వహా పాతు పాతూషః పరమేశ్వరః ॥ 30 ॥
అటవ్యామగ్రజః పాతు గమనే గరుడాసనః ।
స్థలే పాతు మహాతేజాః జలే పాత్వవనీపతిః ॥ 31 ॥
గృహే పాతు గృహాధ్యక్షః పద్మనాభః పురోఽవతు ।
ఝిల్లికావరదః పాతు స్వగ్రామే కరుణాకరః ॥ 32 ॥
రణాగ్రే దైత్యహా పాతు విషమే పాతు చక్రభృత్ ।
రోగేషు వైద్యరాజస్తు కోలో వ్యాధిషు రక్షతు ॥ 33 ॥
తాపత్రయాత్ తపోమూర్తిః కర్మపాశాచ్చ విశ్వకృత్ ।
క్లేశకాలేషు సర్వేషు పాతు పద్మాపతిర్విభుః ॥ 34 ॥
హిరణ్యగర్భసంస్తుత్యః పాదౌ పాతు నిరంతరం ।
గుల్ఫౌ గుణాకరః పాతు జంఘే పాతు జనార్దనః ॥ 35 ॥
జానూ చ జయకృత్ పాతు పాతూరూ పురుషోత్తమః ।
రక్తాక్షో జఘనే పాతు కటిం విశ్వంభరోఽవతు ॥ 36 ॥
పార్శ్వే పాతు సురాధ్యక్షః పాతు కుక్షిం పరాత్పరః ।
నాభిం బ్రహ్మపితా పాతు హృదయం హృదయేశ్వరః ॥ 37 ॥
మహాదంష్ట్రః స్తనౌ పాతు కంఠం పాతు విముక్తిదః ।
ప్రభంజనపతిర్బాహూ కరౌ కామపితాఽవతు ॥ 38 ॥
హస్తౌ హంసపతిః పాతు పాతు సర్వాంగులీర్హరిః ।
సర్వాంగశ్చిబుకం పాతు పాత్వోష్ఠౌ కాలనేమిహా ॥ 39 ॥
ముఖం తు మధుహా పాతు దంతాన్ దామోదరోఽవతు ।
నాసికామవ్యయః పాతు నేత్రే సూర్యేందులోచనః ॥ 40 ॥
ఫాలం కర్మఫలాధ్యక్షః పాతు కర్ణౌ మహారథః ।
శేషశాయీ శిరః పాతు కేశాన్ పాతు నిరామయః ॥ 41 ॥
సర్వాంగం పాతు సర్వేశః సదా పాతు సతీశ్వరః ।
ఇతీదం కవచం పుణ్యం వరాహస్య మహాత్మనః ॥ 42 ॥
యః పఠేత్ శృణుయాద్వాపి తస్య మృత్యుర్వినశ్యతి ।
తం నమస్యంతి భూతాని భీతాః సాంజలిపాణయః ॥ 43 ॥
రాజదస్యుభయం నాస్తి రాజ్యభ్రంశో న జాయతే ।
యన్నామస్మరణాద్భీతాః భూతవేతాలరాక్షసాః ॥ 44 ॥
మహారోగాశ్చ నశ్యంతి సత్యం సత్యం వదామ్యహం ।
కంఠే తు కవచం బద్ధ్వా వంధ్యా పుత్రవతీ భవేత్ ॥ 45 ॥
శత్రుసైన్యక్షయప్రాప్తిః దుఃఖప్రశమనం తథా ।
ఉత్పాతదుర్నిమిత్తాదిసూచితారిష్టనాశనం ॥ 46 ॥
బ్రహ్మవిద్యాప్రబోధం చ లభతే నాత్ర సంశయః ।
ధృత్వేదం కవచం పుణ్యం మాంధాతా పరవీరహా ॥ 47 ॥
జిత్వా తు శాంబరీం మాయాం దైత్యేంద్రానవధీత్ క్షణాత్ ।
కవచేనావృతో భూత్వా దేవేంద్రోఽపి సురారిహా ॥ 48 ॥
భూమ్యోపదిష్టకవచధారణాన్నరకోఽపి చ ।
సర్వావధ్యో జయీ భూత్వా మహతీం కీర్తిమాప్తవాన్ ॥ 49 ॥
అశ్వత్థమూలేఽర్కవారే నిత్య పుష్కరిణీతటే ।
వరాహకవచం జప్త్వా శతవారం పఠేద్యది ॥ 50 ॥
అపూర్వరాజ్యసంప్రాప్తిం నష్టస్య పునరాగమం ।
లభతే నాత్ర సందేహః సత్యమేతన్మయోదితం ॥ 51 ॥
జప్త్వా వరాహమంత్రం తు లక్షమేకం నిరంతరం ।
దశాంశం తర్పణం హోమం పాయసేన ఘృతేన చ ॥ 52 ॥
కుర్వన్ త్రికాలసంధ్యాసు కవచేనావృతో యది ।
భూమండలాధిపత్యం చ లభతే నాత్ర సంశయః ॥ 53 ॥
ఇదముక్తం మయా దేవి గోపనీయం దురాత్మనాం ।
వరాహకవచం పుణ్యం సంసారార్ణవతారకం ॥ 54 ॥
మహాపాతకకోటిఘ్నం భుక్తిముక్తిఫలప్రదం ।
వాచ్యం పుత్రాయ శిష్యాయ సద్వృతాయ సుధీమతే ॥ 55 ॥
శ్రీసూత ఉవాచ ।
ఇతి పత్యుర్వచః శ్రుత్వా దేవీ సంతుష్టమానసా ।
వినాయకగుహౌ పుత్రౌ ప్రపేదే ద్వౌ సురార్చితౌ ॥ 56 ॥
కవచస్య ప్రభావేన లోకమాతా చ పార్వతీ ।
య ఇదం శృణుయాన్నిత్యం యో వా పఠతి నిత్యశః ।
స ముక్తః సర్వపాపేభ్యో విష్ణులోకే మహీయతే ॥ 57 ॥
ఇతి శ్రీ వరాహ కవచం ।
Recite with devotion and pure heart
Regular practice brings spiritual benefits