ஆத்³யம்ʼ ரங்க³மிதி ப்ரோக்தம்ʼ விமானம்ʼ ரங்க³ஸஞ்ஜ்ஞிதம் । ஶ்ரீமுஷ்ணம்ʼ வேங்கடாத்³ரிம்ʼ ச ஸாலக்³ராமம்ʼ ச நைமிஶம் ॥ தோயாத்³ரிம்ʼ புஷ்கரம்ʼ சைவ நரநாராயணாஶ்ரமம் । அஷ்டௌ மே மூர்தய꞉ ஸந்தி ஸ்வயம்ʼவ்யக்தா மஹீதலே ॥ ஶ்ரீஸூத உவாச । ஶ்ரீருத்³ரமுக²நிர்ணீதமுராரிகு³ணஸத்கதா² । ஸந்துஷ்டா பார்வதீ ப்ராஹ ஶங்கரம்ʼ லோகஶங்கரம் ॥ 1 ॥ ஶ்ரீபார்வத்யுவாச । ஶ்ரீமுஷ்ணேஶஸ்ய மாஹாத்ம்யம்ʼ வராஹஸ்ய மஹாத்மன꞉ । ஶ்ருத்வா த்ருʼப்திர்ன மே ஜாதா மன꞉ கௌதூஹலாயதே । ஶ்ரோதும்ʼ தத்³தே³வமாஹாத்ம்யம்ʼ தஸ்மாத்³வர்ணய மே புன꞉ ॥ 2 ॥ ஶ்ரீஶங்கர உவாச । ஶ்ருʼணு தே³வி ப்ரவக்ஷ்யாமி ஶ்ரீமுஷ்ணேஶஸ்ய வைப⁴வம் । யஸ்ய ஶ்ரவணமாத்ரேண மஹாபாபை꞉ ப்ரமுச்யதே । ஸர்வேஷாமேவ தீர்தா²னாம்ʼ தீர்த²ராஜோ(அ)பி⁴தீ⁴யதே ॥ 3 ॥ நித்யபுஷ்கரிணீ நாம்னீ ஶ்ரீமுஷ்ணே யா ச வர்ததே । ஜாதா ஶ்ரமாபஹா புண்யா வராஹஶ்ரமவாரிணா ॥ 4 ॥ விஷ்ணோரங்கு³ஷ்ட²ஸம்ʼஸ்பர்ஶாத் புண்யதா³ க²லு ஜாஹ்னவீ । விஷ்ணோ꞉ ஸர்வாங்க³ஸம்பூ⁴தா நித்யபுஷ்கரிணீ ஶுபா⁴ ॥ 5 ॥ மஹாநதீ³ ஸஹஸ்ரேண நித்யதா³ ஸங்க³தா ஶுபா⁴ । ஸக்ருʼத் ஸ்னாத்வா விமுக்தாக⁴꞉ ஸத்³யோ யாதி ஹரே꞉ பத³ம் ॥ 6 ॥ தஸ்யா ஆக்³னேயபா⁴கே³ து அஶ்வத்த²ச்சா²யயோத³கே । ஸ்னானம்ʼ க்ருʼத்வா பிப்பலஸ்ய க்ருʼத்வா சாபி ப்ரத³க்ஷிணம் ॥ 7 ॥ த்³ருʼஷ்ட்வா ஶ்வேதவராஹம்ʼ ச மாஸமேகம்ʼ நயேத்³யதி³ । காலம்ருʼத்யும்ʼ விநிர்ஜித்ய ஶ்ரியா பரமயா யுத꞉ ॥ 8 ॥ ஆதி⁴வ்யாதி⁴விநிர்முக்தோ க்³ரஹபீடா³விவர்ஜித꞉ । பு⁴க்த்வா போ⁴கா³னனேகாம்ʼஶ்ச மோக்ஷமந்தே வ்ரஜேத் த்⁴ருவம் ॥ 9 ॥ அஶ்வத்த²மூலே(அ)ர்கவாரே நித்யபுஷ்கரிணீதடே । வராஹகவசம்ʼ ஜப்த்வா ஶதவாரம்ʼ ஜிதேந்த்³ரிய꞉ ॥ 10 ॥ க்ஷயாபஸ்மாரகுஷ்டா²த்³யை꞉ மஹாரோகை³꞉ ப்ரமுச்யதே । வராஹகவசம்ʼ யஸ்து ப்ரத்யஹம்ʼ பட²தே யதி³ ॥ 11 ॥ ஶத்ருபீடா³விநிர்முக்தோ பூ⁴பதித்வமவாப்னுயாத் । லிகி²த்வா தா⁴ரயேத்³யஸ்து பா³ஹுமூலே க³லே(அ)த² வா ॥ 12 ॥ பூ⁴தப்ரேதபிஶாசாத்³யா꞉ யக்ஷக³ந்த⁴ர்வராக்ஷஸா꞉ । ஶத்ரவோ கோ⁴ரகர்மாணோ யே சான்யே விஷஜந்தவ꞉ । நஷ்டத³ர்பா வினஶ்யந்தி வித்³ரவந்தி தி³ஶோ த³ஶ ॥ 13 ॥ ஶ்ரீபார்வத்யுவாச । தத்³ப்³ரூஹி கவசம்ʼ மஹ்யம்ʼ யேன கு³ப்தோ ஜக³த்த்ரயே । ஸஞ்சரேத்³தே³வவன்மர்த்ய꞉ ஸர்வஶத்ருவிபீ⁴ஷண꞉ । யேனாப்னோதி ச ஸாம்ராஜ்யம்ʼ தன்மே ப்³ரூஹி ஸதா³ஶிவ ॥ 14 ॥ ஶ்ரீஶங்கர உவாச । ஶ்ருʼணு கல்யாணி வக்ஷ்யாமி வாராஹகவசம்ʼ ஶுப⁴ம் । யேன கு³ப்தோ லபே⁴ன்மர்த்யோ விஜயம்ʼ ஸர்வஸம்பத³ம் ॥ 15 ॥ அங்க³ரக்ஷாகரம்ʼ புண்யம்ʼ மஹாபாதகநாஶனம் । ஸர்வரோக³ப்ரஶமனம்ʼ ஸர்வது³ர்க்³ரஹநாஶனம் ॥ 16 ॥ விஷாபி⁴சாரக்ருʼத்யாதி³ஶத்ருபீடா³நிவாரணம் । நோக்தம்ʼ கஸ்யாபி பூர்வம்ʼ ஹி கோ³ப்யாத்³கோ³ப்யதரம்ʼ யத꞉ ॥ 17 ॥ வராஹேண புரா ப்ரோக்தம்ʼ மஹ்யம்ʼ ச பரமேஷ்டி²னே । யுத்³தே⁴ஷு ஜயத³ம்ʼ தே³வி ஶத்ருபீடா³நிவாரணம் ॥ 18 ॥ வராஹகவசாத்³கு³ப்தோ நா(அ)ஶுப⁴ம்ʼ லப⁴தே நர꞉ । வராஹகவசஸ்யாஸ்ய ருʼஷிர்ப்³ரஹ்மா ப்ரகீர்தித꞉ ॥ 19 ॥ ச²ந்தோ³(அ)னுஷ்டுப் ததா² தே³வோ வராஹோ பூ⁴பரிக்³ரஹ꞉ । ப்ரக்ஷால்ய பாதௌ³ பாணீ ச ஸம்யகா³சம்ய வாரிணா ॥ 20 ॥ க்ருʼதஸ்வாங்க³கரந்யாஸ꞉ ஸபவித்ர உத³ங்முக²꞉ । ஓம்ʼ பூ⁴ர்ப⁴வ꞉ ஸுவரிதி நமோ பூ⁴பதயே(அ)பி ச ॥ 21 ॥ நமோ ப⁴க³வதே பஶ்சாத் வராஹாய நமஸ்ததா² । ஏவம்ʼ ஷட³ங்க³ம்ʼ ந்யாஸம்ʼ ச ந்யஸேத³ங்கு³லிஷு க்ரமாத் ॥ 22 ॥ நம꞉ ஶ்வேதவராஹாய மஹாகோலாய பூ⁴பதே । யஜ்ஞாங்கா³ய ஶுபா⁴ங்கா³ய ஸர்வஜ்ஞாய பராத்மனே ॥ 23 ॥ ஸ்ரவதுண்டா³ய தீ⁴ராய பரப்³ரஹ்மஸ்வரூபிணே । வக்ரத³ம்ʼஷ்ட்ராய நித்யாய நமோ(அ)ந்தைர்நாமபி⁴꞉ க்ரமாத் ॥ 24 ॥ அங்கு³லீஷு ந்யஸேத்³வித்³வான் கரப்ருʼஷ்ட²தலேஷ்வபி । த்⁴யாத்வா ஶ்வேதவராஹம்ʼ ச பஶ்சான்மந்த்ரமுதீ³ரயேத் ॥ 25 ॥ த்⁴யானம் – ஓம் । ஶ்வேதம்ʼ வராஹவபுஷம்ʼ க்ஷிதிமுத்³த⁴ரந்தம்ʼ ஶங்கா⁴ரிஸர்வவரதா³(அ)ப⁴யயுக்தபா³ஹும் । த்⁴யாயேந்நிஜைஶ்ச தனுபி⁴꞉ ஸகலைருபேதம்ʼ பூர்ணம்ʼ விபு⁴ம்ʼ ஸகலவாஞ்சி²தஸித்³த⁴யே(அ)ஜம் ॥ 26 ॥ கவசம் – வராஹ꞉ பூர்வத꞉ பாது த³க்ஷிணே த³ண்ட³காந்தக꞉ । ஹிரண்யாக்ஷஹர꞉ பாது பஶ்சிமே க³த³யா யுத꞉ ॥ 27 ॥ உத்தரே பூ⁴மிஹ்ருʼத் பாது அத⁴ஸ்தாத்³வாயுவாஹன꞉ । ஊர்த்⁴வம்ʼ பாது ஹ்ருʼஷீகேஶோ தி³க்³விதி³க்ஷு க³தா³த⁴ர꞉ ॥ 28 ॥ ப்ராத꞉ பாது ப்ரஜாநாத²꞉ கல்பக்ருʼத் ஸங்க³மே(அ)வது । மத்⁴யாஹ்னே வஜ்ரகேஶஸ்து ஸாயாஹ்னே ஸர்வபூஜித꞉ ॥ 29 ॥ ப்ரதோ³ஷே பாது பத்³மாக்ஷோ ராத்ரௌ ராஜீவலோசன꞉ । நிஶீந்த்³ரக³ர்வஹா பாது பாதூஷ꞉ பரமேஶ்வர꞉ ॥ 30 ॥ அடவ்யாமக்³ரஜ꞉ பாது க³மனே க³ருடா³ஸன꞉ । ஸ்த²லே பாது மஹாதேஜா꞉ ஜலே பாத்வவனீபதி꞉ ॥ 31 ॥ க்³ருʼஹே பாது க்³ருʼஹாத்⁴யக்ஷ꞉ பத்³மநாப⁴꞉ புரோ(அ)வது । ஜி²ல்லிகாவரத³꞉ பாது ஸ்வக்³ராமே கருணாகர꞉ ॥ 32 ॥ ரணாக்³ரே தை³த்யஹா பாது விஷமே பாது சக்ரப்⁴ருʼத் । ரோகே³ஷு வைத்³யராஜஸ்து கோலோ வ்யாதி⁴ஷு ரக்ஷது ॥ 33 ॥ தாபத்ரயாத் தபோமூர்தி꞉ கர்மபாஶாச்ச விஶ்வக்ருʼத் । க்லேஶகாலேஷு ஸர்வேஷு பாது பத்³மாபதிர்விபு⁴꞉ ॥ 34 ॥ ஹிரண்யக³ர்ப⁴ஸம்ʼஸ்துத்ய꞉ பாதௌ³ பாது நிரந்தரம் । கு³ல்பௌ² கு³ணாகர꞉ பாது ஜங்கே⁴ பாது ஜனார்த³ன꞉ ॥ 35 ॥ ஜானூ ச ஜயக்ருʼத் பாது பாதூரூ புருஷோத்தம꞉ । ரக்தாக்ஷோ ஜக⁴னே பாது கடிம்ʼ விஶ்வம்ப⁴ரோ(அ)வது ॥ 36 ॥ பார்ஶ்வே பாது ஸுராத்⁴யக்ஷ꞉ பாது குக்ஷிம்ʼ பராத்பர꞉ । நாபி⁴ம்ʼ ப்³ரஹ்மபிதா பாது ஹ்ருʼத³யம்ʼ ஹ்ருʼத³யேஶ்வர꞉ ॥ 37 ॥ மஹாத³ம்ʼஷ்ட்ர꞉ ஸ்தனௌ பாது கண்ட²ம்ʼ பாது விமுக்தித³꞉ । ப்ரப⁴ஞ்ஜனபதிர்பா³ஹூ கரௌ காமபிதா(அ)வது ॥ 38 ॥ ஹஸ்தௌ ஹம்ʼஸபதி꞉ பாது பாது ஸர்வாங்கு³லீர்ஹரி꞉ । ஸர்வாங்க³ஶ்சிபு³கம்ʼ பாது பாத்வோஷ்டௌ² காலனேமிஹா ॥ 39 ॥ முக²ம்ʼ து மது⁴ஹா பாது த³ந்தான் தா³மோத³ரோ(அ)வது । நாஸிகாமவ்யய꞉ பாது நேத்ரே ஸூர்யேந்து³லோசன꞉ ॥ 40 ॥ பா²லம்ʼ கர்மப²லாத்⁴யக்ஷ꞉ பாது கர்ணௌ மஹாரத²꞉ । ஶேஷஶாயீ ஶிர꞉ பாது கேஶான் பாது நிராமய꞉ ॥ 41 ॥ ஸர்வாங்க³ம்ʼ பாது ஸர்வேஶ꞉ ஸதா³ பாது ஸதீஶ்வர꞉ । இதீத³ம்ʼ கவசம்ʼ புண்யம்ʼ வராஹஸ்ய மஹாத்மன꞉ ॥ 42 ॥ ய꞉ படே²த் ஶ்ருʼணுயாத்³வாபி தஸ்ய ம்ருʼத்யுர்வினஶ்யதி । தம்ʼ நமஸ்யந்தி பூ⁴தானி பீ⁴தா꞉ ஸாஞ்ஜலிபாணய꞉ ॥ 43 ॥ ராஜத³ஸ்யுப⁴யம்ʼ நாஸ்தி ராஜ்யப்⁴ரம்ʼஶோ ந ஜாயதே । யந்நாமஸ்மரணாத்³பீ⁴தா꞉ பூ⁴தவேதாலராக்ஷஸா꞉ ॥ 44 ॥ மஹாரோகா³ஶ்ச நஶ்யந்தி ஸத்யம்ʼ ஸத்யம்ʼ வதா³ம்யஹம் । கண்டே² து கவசம்ʼ ப³த்³த்⁴வா வந்த்⁴யா புத்ரவதீ ப⁴வேத் ॥ 45 ॥ ஶத்ருஸைன்யக்ஷயப்ராப்தி꞉ து³꞉க²ப்ரஶமனம்ʼ ததா² । உத்பாதது³ர்நிமித்தாதி³ஸூசிதாரிஷ்டநாஶனம் ॥ 46 ॥ ப்³ரஹ்மவித்³யாப்ரபோ³த⁴ம்ʼ ச லப⁴தே நாத்ர ஸம்ʼஶய꞉ । த்⁴ருʼத்வேத³ம்ʼ கவசம்ʼ புண்யம்ʼ மாந்தா⁴தா பரவீரஹா ॥ 47 ॥ ஜித்வா து ஶாம்ப³ரீம்ʼ மாயாம்ʼ தை³த்யேந்த்³ரானவதீ⁴த் க்ஷணாத் । கவசேனாவ்ருʼதோ பூ⁴த்வா தே³வேந்த்³ரோ(அ)பி ஸுராரிஹா ॥ 48 ॥ பூ⁴ம்யோபதி³ஷ்டகவசதா⁴ரணாந்நரகோ(அ)பி ச । ஸர்வாவத்⁴யோ ஜயீ பூ⁴த்வா மஹதீம்ʼ கீர்திமாப்தவான் ॥ 49 ॥ அஶ்வத்த²மூலே(அ)ர்கவாரே நித்ய புஷ்கரிணீதடே । வராஹகவசம்ʼ ஜப்த்வா ஶதவாரம்ʼ படே²த்³யதி³ ॥ 50 ॥ அபூர்வராஜ்யஸம்ப்ராப்திம்ʼ நஷ்டஸ்ய புனராக³மம் । லப⁴தே நாத்ர ஸந்தே³ஹ꞉ ஸத்யமேதன்மயோதி³தம் ॥ 51 ॥ ஜப்த்வா வராஹமந்த்ரம்ʼ து லக்ஷமேகம்ʼ நிரந்தரம் । த³ஶாம்ʼஶம்ʼ தர்பணம்ʼ ஹோமம்ʼ பாயஸேன க்⁴ருʼதேன ச ॥ 52 ॥ குர்வன் த்ரிகாலஸந்த்⁴யாஸு கவசேனாவ்ருʼதோ யதி³ । பூ⁴மண்ட³லாதி⁴பத்யம்ʼ ச லப⁴தே நாத்ர ஸம்ʼஶய꞉ ॥ 53 ॥ இத³முக்தம்ʼ மயா தே³வி கோ³பனீயம்ʼ து³ராத்மனாம் । வராஹகவசம்ʼ புண்யம்ʼ ஸம்ʼஸாரார்ணவதாரகம் ॥ 54 ॥ மஹாபாதககோடிக்⁴னம்ʼ பு⁴க்திமுக்திப²லப்ரத³ம் । வாச்யம்ʼ புத்ராய ஶிஷ்யாய ஸத்³வ்ருʼதாய ஸுதீ⁴மதே ॥ 55 ॥ ஶ்ரீஸூத உவாச । இதி பத்யுர்வச꞉ ஶ்ருத்வா தே³வீ ஸந்துஷ்டமானஸா । விநாயககு³ஹௌ புத்ரௌ ப்ரபேதே³ த்³வௌ ஸுரார்சிதௌ ॥ 56 ॥ கவசஸ்ய ப்ரபா⁴வேன லோகமாதா ச பார்வதீ । ய இத³ம்ʼ ஶ்ருʼணுயாந்நித்யம்ʼ யோ வா பட²தி நித்யஶ꞉ । ஸ முக்த꞉ ஸர்வபாபேப்⁴யோ விஷ்ணுலோகே மஹீயதே ॥ 57 ॥ இதி ஶ்ரீ வராஹ கவசம் ।