हैंహైHaindavamஹிહિં
📍
Font Size:
വരാഹാഷ്ടോത്തര ശതനാമ സ്തോത്രം
ധ്യാനം ।
ശ്വേതം സുദർശനദരാങ്കിതബാഹുയുഗ്മം
ദംഷ്ട്രാകരാലവദനം ധരയാ സമേതം ।
ബ്രഹ്മാദിഭിഃ സുരഗണൈഃ പരിസേവ്യമാനം
ധ്യായേദ്വരാഹവപുഷം നിഗമൈകവേദ്യം ॥
സ്തോത്രം ।
ശ്രീവരാഹോ മഹീനാഥഃ പൂർണാനന്ദോ ജഗത്പതിഃ ।
നിർഗുണോ നിഷ്കലോഽനന്തോ ദണ്ഡകാന്തകൃദവ്യയഃ ॥ 1 ॥
ഹിരണ്യാക്ഷാന്തകൃദ്ദേവഃ പൂർണഷാഡ്ഗുണ്യവിഗ്രഹഃ ।
ലയോദധിവിഹാരീ ച സർവപ്രാണിഹിതേരതഃ ॥ 2 ॥
അനന്തരൂപോഽനന്തശ്രീർജിതമന്യുർഭയാപഹഃ ।
വേദാന്തവേദ്യോ വേദീ ച വേദഗർഭഃ സനാതനഃ ॥ 3 ॥
സഹസ്രാക്ഷഃ പുണ്യഗന്ധഃ കല്പകൃത് ക്ഷിതിഭൃദ്ധരിഃ ।
പദ്മനാഭഃ സുരാധ്യക്ഷോ ഹേമാംഗോ ദക്ഷിണാമുഖഃ ॥ 4 ॥
മഹാകോലോ മഹാബാഹുഃ സർവദേവനമസ്കൃതഃ ।
ഹൃഷീകേശഃ പ്രസന്നാത്മാ സർവഭക്തഭയാപഹഃ ॥ 5 ॥
യജ്ഞഭൃദ്യജ്ഞകൃത്സാക്ഷീ യജ്ഞാംഗോ യജ്ഞവാഹനഃ ।
ഹവ്യഭുക് ഹവ്യദേവശ്ച സദാഽവ്യക്തഃ കൃപാകരഃ ॥ 6 ॥
ദേവഭൂമിഗുരുഃ കാന്തോ ധർമഗുഹ്യോ വൃഷാകപിഃ ।
സ്രവത്തുണ്ഡോ വക്രദംഷ്ട്രോ നീലകേശോ മഹാബലഃ ॥ 7 ॥
പൂതാത്മാ വേദനേതാ ച വേദഹർതൃശിരോഹരഃ ।
വേദാന്തവിദ്വേദഗുഹ്യഃ സർവവേദപ്രവർതകഃ ॥ 8 ॥
ഗഭീരാക്ഷസ്ത്രിധാമാ ച ഗഭീരാത്മാഽമരേശ്വരഃ ।
ആനന്ദവനഗോ ദിവ്യോ ബ്രഹ്മനാസാസമുദ്ഭവഃ ॥ 9 ॥
സിന്ധുതീരനിവാസീ ച ക്ഷേമകൃത്സാത്ത്വതാം പതിഃ ।
ഇന്ദ്രത്രാതാ ജഗത്ത്രാതാ ചേന്ദ്രദോർദണ്ഡഗർവഹാ ॥ 10 ॥
ഭക്തവശ്യോ സദോദ്യുക്തോ നിജാനന്ദോ രമാപതിഃ ।
ശ്രുതിപ്രിയഃ ശുഭാംഗശ്ച പുണ്യശ്രവണകീർതനഃ ॥ 11 ॥
സത്യകൃത്സത്യസങ്കല്പഃ സത്യവാക്സത്യവിക്രമഃ ।
സത്യേനിഗൂഢഃ സത്യാത്മാ കാലാതീതോ ഗുണാധികഃ ॥ 12 ॥
പരഞ്ജ്യോതിഃ പരന്ധാമ പരമഃ പുരുഷഃ പരഃ ।
കല്യാണകൃത്കവിഃ കർതാ കർമസാക്ഷീ ജിതേന്ദ്രിയഃ ॥ 13 ॥
കർമകൃത്കർമകാണ്ഡസ്യസമ്പ്രദായപ്രവർതകഃ ।
സർവാന്തകഃ സർവഗശ്ച സർവദഃ സർവഭക്ഷകഃ ॥ 14 ॥
സർവലോകപതിഃ ശ്രീമാൻ ശ്രീമുഷ്ണേശഃ ശുഭേക്ഷണഃ ।
സർവദേവപ്രിയഃ സാക്ഷീത്യേതന്നാമാഷ്ടകം ശതം ॥ 15 ॥
സർവവേദാധികം പുണ്യം വരാഹസ്യ മഹാത്മനഃ ।
സതതം പ്രാതരുത്ഥായ സമ്യഗാചമ്യ വാരിണാ ॥ 16 ॥
ജിതാസനോ ജിതക്രോധഃ പശ്ചാന്മന്ത്രമുദീരയേത് ।
ബ്രാഹ്മണോ ബ്രഹ്മവിദ്യായാം ച ക്ഷത്രിയോ രാജ്യമാപ്നുയാത് ॥ 17 ॥
വൈശ്യോ ധനസമൃദ്ധഃ സ്യാത് ശൂദ്രഃ സുഖമവാപ്നുയാത് ।
സകാമോ ലഭതേ കാമാന്നിഷ്കാമോ മോക്ഷമാപ്നുയാത് ॥ 18 ॥
ഇതി ശ്രീവരാഹപുരാണേ ധരണീവരാഹസംവാദേ ശ്രീഭൂവരാഹാഷ്ടോത്തരസ്തവഃ ।
Recite with devotion and pure heart
Regular practice brings spiritual benefits