லோமஹர்ஷண உவாச । தே³வதே³வோ ஜக³த்³யோநிரயோநிர்ஜக³தா³தி³ஜ꞉ । அநாதி³ராதி³ர்விஶ்வஸ்ய வரேண்யோ வரதோ³ ஹரி꞉ ॥ 1 ॥ பராவராணாம்ʼ பரம꞉ பராபரஸதாம்ʼ க³தி꞉ । ப்ரபு⁴꞉ ப்ரமாணம்ʼ மானானாம்ʼ ஸப்தலோககு³ரோர்கு³ரு꞉ । ஸ்தி²திம்ʼ கர்தும்ʼ ஜக³ந்நாத²ம்ʼ ஸோ(அ)சிந்த்யோ க³ர்ப⁴தாம்ʼ க³த꞉ ॥ 2 ॥ ப்ரபு⁴꞉ ப்ரபூ⁴ணாம்ʼ பரம꞉ பராணா- -மநாதி³மத்⁴யோ ப⁴க³வானனந்த꞉ । த்ரைலோக்யமம்ʼஶேன ஸநாத²மேக꞉ கர்தும்ʼ மஹாத்மா(அ)தி³திஜோ(அ)வதீர்ண꞉ ॥ 3 ॥ ந யஸ்ய ருத்³ரா ந ச பத்³மயோனி- -ர்னேந்த்³ரோ ந ஸூர்யேந்து³மரீசிமிஶ்ரா꞉ । ஜானந்தி தை³த்யாதி⁴ப யத்ஸ்வரூபம்ʼ ஸ வாஸுதே³வ꞉ கலயாவதீர்ண꞉ ॥ 4 ॥ யமக்ஷரம்ʼ வேத³விதோ³ வத³ந்தி விஶந்தி யம்ʼ ஜ்ஞானவிதூ⁴தபாபா꞉ । யஸ்மின் ப்ரவிஷ்டா ந புனர்ப⁴வந்தி தம்ʼ வாஸுதே³வம்ʼ ப்ரணமாமி தே³வம் ॥ 5 ॥ பூ⁴தான்யஶேஷாணி யதோ ப⁴வந்தி யதோ²ர்மயஸ்தோயநிதே⁴ரஜஸ்ரம் । லயம்ʼ ச யஸ்மின் ப்ரலயே ப்ரயாந்தி தம்ʼ வாஸுதே³வம்ʼ ப்ரணதோ(அ)ஸ்ம்யசிந்த்யம் ॥ 6 ॥ ந யஸ்ய ரூபம்ʼ ந ப³லம்ʼ ப்ரபா⁴வோ ந ச ப்ரதாப꞉ பரமஸ்ய பும்ʼஸ꞉ । விஜ்ஞாயதே ஸர்வபிதாமஹாத்³யை- -ஸ்தம்ʼ வாஸுதே³வம்ʼ ப்ரணமாமி நித்யம் ॥ 7 ॥ ரூபஸ்ய சக்ஷுர்க்³ரஹணே த்வகே³ஷா ஸ்பர்ஶக்³ரஹித்ரீ ரஸனா ரஸஸ்ய । க்⁴ராணம்ʼ ச க³ந்த⁴க்³ரஹணே நியுக்தம்ʼ ந க்⁴ராணசக்ஷு꞉ ஶ்ரவணாதி³ தஸ்ய ॥ 8 ॥ ஸ்வயம்ப்ரகாஶ꞉ பரமார்த²தோ ய꞉ ஸர்வேஶ்வரோ வேதி³தவ்ய꞉ ஸ யுக்த்யா । ஶக்யம்ʼ தமீட்³யமனக⁴ம்ʼ ச தே³வம்ʼ க்³ராஹ்யம்ʼ நதோ(அ)ஹம்ʼ ஹரிமீஶிதாரம் ॥ 9 ॥ யேனைகத³ம்ʼஷ்ட்ரேண ஸமுத்³த்⁴ருʼதேயம்ʼ த⁴ரா சலா தா⁴ரயதீஹ ஸர்வம் । ஶேதே க்³ரஸித்வா ஸகலம்ʼ ஜக³த்³ய- -ஸ்தமீட்³யமீஶம்ʼ ப்ரணதோ(அ)ஸ்மி விஷ்ணும் ॥ 10 ॥ அம்ʼஶாவதீர்ணேன ச யேன க³ர்பே⁴ ஹ்ருʼதானி தேஜாம்ʼஸி மஹாஸுராணாம் । நமாமி தம்ʼ தே³வமனந்தமீஶ- -மஶேஷஸம்ʼஸாரதரோ꞉ குடா²ரம் ॥ 11 ॥ தே³வோ ஜக³த்³யோநிரயம்ʼ மஹாத்மா ஸ ஷோட³ஶாம்ʼஶேன மஹா(அ)ஸுரேந்த்³ரா꞉ । ஸுரேந்த்³ரமாதுர்ஜட²ரம்ʼ ப்ரவிஷ்டோ ஹ்ருʼதானி வஸ்தேன ப³லம்ʼ வபூம்ʼஷி ॥ 12 ॥ இதி ஶ்ரீவாமனபுராணே நவவிம்ʼஶதிதமோ(அ)த்⁴யாயே ஶ்ரீ வாமன ஸ்தோத்ரம் ।