हैंహైHaindavamஹிહિં
📍
Font Size:
ವಾಮನ ಸ್ತೋತ್ರಂ – ವಾಮನ ಪುರಾಣೇ
ಲೋಮಹರ್ಷಣ ಉವಾಚ ।
ದೇವದೇವೋ ಜಗದ್ಯೋನಿರಯೋನಿರ್ಜಗದಾದಿಜಃ ।
ಅನಾದಿರಾದಿರ್ವಿಶ್ವಸ್ಯ ವರೇಣ್ಯೋ ವರದೋ ಹರಿಃ ॥ 1 ॥
ಪರಾವರಾಣಾಂ ಪರಮಃ ಪರಾಪರಸತಾಂ ಗತಿಃ ।
ಪ್ರಭುಃ ಪ್ರಮಾಣಂ ಮಾನಾನಾಂ ಸಪ್ತಲೋಕಗುರೋರ್ಗುರುಃ ।
ಸ್ಥಿತಿಂ ಕರ್ತುಂ ಜಗನ್ನಾಥಂ ಸೋಽಚಿಂತ್ಯೋ ಗರ್ಭತಾಂ ಗತಃ ॥ 2 ॥
ಪ್ರಭುಃ ಪ್ರಭೂಣಾಂ ಪರಮಃ ಪರಾಣಾ-
-ಮನಾದಿಮಧ್ಯೋ ಭಗವಾನನಂತಃ ।
ತ್ರೈಲೋಕ್ಯಮಂಶೇನ ಸನಾಥಮೇಕಃ
ಕರ್ತುಂ ಮಹಾತ್ಮಾಽದಿತಿಜೋಽವತೀರ್ಣಃ ॥ 3 ॥
ನ ಯಸ್ಯ ರುದ್ರಾ ನ ಚ ಪದ್ಮಯೋನಿ-
-ರ್ನೇಂದ್ರೋ ನ ಸೂರ್ಯೇಂದುಮರೀಚಿಮಿಶ್ರಾಃ ।
ಜಾನಂತಿ ದೈತ್ಯಾಧಿಪ ಯತ್ಸ್ವರೂಪಂ
ಸ ವಾಸುದೇವಃ ಕಲಯಾವತೀರ್ಣಃ ॥ 4 ॥
ಯಮಕ್ಷರಂ ವೇದವಿದೋ ವದಂತಿ
ವಿಶಂತಿ ಯಂ ಜ್ಞಾನವಿಧೂತಪಾಪಾಃ ।
ಯಸ್ಮಿನ್ ಪ್ರವಿಷ್ಟಾ ನ ಪುನರ್ಭವಂತಿ
ತಂ ವಾಸುದೇವಂ ಪ್ರಣಮಾಮಿ ದೇವಂ ॥ 5 ॥
ಭೂತಾನ್ಯಶೇಷಾಣಿ ಯತೋ ಭವಂತಿ
ಯಥೋರ್ಮಯಸ್ತೋಯನಿಧೇರಜಸ್ರಂ ।
ಲಯಂ ಚ ಯಸ್ಮಿನ್ ಪ್ರಲಯೇ ಪ್ರಯಾಂತಿ
ತಂ ವಾಸುದೇವಂ ಪ್ರಣತೋಽಸ್ಮ್ಯಚಿಂತ್ಯಂ ॥ 6 ॥
ನ ಯಸ್ಯ ರೂಪಂ ನ ಬಲಂ ಪ್ರಭಾವೋ
ನ ಚ ಪ್ರತಾಪಃ ಪರಮಸ್ಯ ಪುಂಸಃ ।
ವಿಜ್ಞಾಯತೇ ಸರ್ವಪಿತಾಮಹಾದ್ಯೈ-
-ಸ್ತಂ ವಾಸುದೇವಂ ಪ್ರಣಮಾಮಿ ನಿತ್ಯಂ ॥ 7 ॥
ರೂಪಸ್ಯ ಚಕ್ಷುರ್ಗ್ರಹಣೇ ತ್ವಗೇಷಾ
ಸ್ಪರ್ಶಗ್ರಹಿತ್ರೀ ರಸನಾ ರಸಸ್ಯ ।
ಘ್ರಾಣಂ ಚ ಗಂಧಗ್ರಹಣೇ ನಿಯುಕ್ತಂ
ನ ಘ್ರಾಣಚಕ್ಷುಃ ಶ್ರವಣಾದಿ ತಸ್ಯ ॥ 8 ॥
ಸ್ವಯಂಪ್ರಕಾಶಃ ಪರಮಾರ್ಥತೋ ಯಃ
ಸರ್ವೇಶ್ವರೋ ವೇದಿತವ್ಯಃ ಸ ಯುಕ್ತ್ಯಾ ।
ಶಕ್ಯಂ ತಮೀಡ್ಯಮನಘಂ ಚ ದೇವಂ
ಗ್ರಾಹ್ಯಂ ನತೋಽಹಂ ಹರಿಮೀಶಿತಾರಂ ॥ 9 ॥
ಯೇನೈಕದಂಷ್ಟ್ರೇಣ ಸಮುದ್ಧೃತೇಯಂ
ಧರಾ ಚಲಾ ಧಾರಯತೀಹ ಸರ್ವಂ ।
ಶೇತೇ ಗ್ರಸಿತ್ವಾ ಸಕಲಂ ಜಗದ್ಯ-
-ಸ್ತಮೀಡ್ಯಮೀಶಂ ಪ್ರಣತೋಽಸ್ಮಿ ವಿಷ್ಣುಂ ॥ 10 ॥
ಅಂಶಾವತೀರ್ಣೇನ ಚ ಯೇನ ಗರ್ಭೇ
ಹೃತಾನಿ ತೇಜಾಂಸಿ ಮಹಾಸುರಾಣಾಂ ।
ನಮಾಮಿ ತಂ ದೇವಮನಂತಮೀಶ-
-ಮಶೇಷಸಂಸಾರತರೋಃ ಕುಠಾರಂ ॥ 11 ॥
ದೇವೋ ಜಗದ್ಯೋನಿರಯಂ ಮಹಾತ್ಮಾ
ಸ ಷೋಡಶಾಂಶೇನ ಮಹಾಽಸುರೇಂದ್ರಾಃ ।
ಸುರೇಂದ್ರಮಾತುರ್ಜಠರಂ ಪ್ರವಿಷ್ಟೋ
ಹೃತಾನಿ ವಸ್ತೇನ ಬಲಂ ವಪೂಂಷಿ ॥ 12 ॥
ಇತಿ ಶ್ರೀವಾಮನಪುರಾಣೇ ನವವಿಂಶತಿತಮೋಽಧ್ಯಾಯೇ ಶ್ರೀ ವಾಮನ ಸ್ತೋತ್ರಂ ।
Recite with devotion and pure heart
Regular practice brings spiritual benefits