பரஶுராம ஸ்துதி꞉

குலாசலா யஸ்ய மஹீம்ʼ த்³விஜேப்⁴ய꞉

ப்ரயச்ச²த꞉ ஸீமத்³ருʼஷத்த்வமாபு꞉ ।

ப³பூ⁴வுருத்ஸர்க³ஜலம்ʼ ஸமுத்³ரா꞉

ஸ ரைணுகேய꞉ ஶ்ரியமாதனோது ॥ 1 ॥

நாஶிஷ்ய꞉ கிமபூ⁴த்³ப⁴வ꞉ கிமப⁴வன்னாபுத்ரிணீ ரேணுகா

நாபூ⁴த்³விஶ்வமகார்முகம்ʼ கிமிதி வ꞉ ப்ரீணாது ராமத்ரபா ।

விப்ராணாம்ʼ ப்ரதிமந்தி³ரம்ʼ மணிக³ணோன்மிஶ்ராணி த³ண்டா³ஹதே-

-ர்னாப்³தீ⁴னாம்ʼ ஸ மயா யமோ(அ)பி மஹிஷேணாம்பா⁴ம்ʼஸி நோத்³வாஹித꞉ ॥ 2 ॥

பாயாத்³வோ ஜமத³க்³னிவம்ʼஶதிலகோ வீரவ்ரதாலங்க்ருʼதோ

ராமோ நாம முனீஶ்வரோ ந்ருʼபவதே⁴ பா⁴ஸ்வத்குடா²ராயுத⁴꞉ ।

யேநாஶேஷஹதாஹிதாங்க³ருதி⁴ரை꞉ ஸந்தர்பிதா꞉ பூர்வஜா꞉

ப⁴க்த்யா சாஶ்வமகே² ஸமுத்³ரவஸனா பூ⁴ர்ஹந்தகாரீக்ருʼதா ॥ 3 ॥

த்³வாரே கல்பதரும்ʼ க்³ருʼஹே ஸுரக³வீம்ʼ சிந்தாமணீனங்க³தே³

பீயூஷம்ʼ ஸரஸீஷு விப்ரவத³னே வித்³யாஶ்சதஸ்ரோ த³ஶ ।

ஏவம்ʼ கர்துமயம்ʼ தபஸ்யதி ப்⁴ருʼகோ³ர்வம்ʼஶாவதம்ʼஸோ முனி꞉

பாயாத்³வோ(அ)கி²லராஜகக்ஷயகரோ பூ⁴தே³வபூ⁴ஷாமணி꞉ ॥ 4 ॥

இதி ஶ்ரீ பரஶுராம ஸ்துதி꞉ ।

Recite with devotion and pure heart

Regular practice brings spiritual benefits