ಪರಶುರಾಮ ಸ್ತುತಿಃ

ಕುಲಾಚಲಾ ಯಸ್ಯ ಮಹೀಂ ದ್ವಿಜೇಭ್ಯಃ

ಪ್ರಯಚ್ಛತಃ ಸೀಮದೃಷತ್ತ್ವಮಾಪುಃ ।

ಬಭೂವುರುತ್ಸರ್ಗಜಲಂ ಸಮುದ್ರಾಃ

ಸ ರೈಣುಕೇಯಃ ಶ್ರಿಯಮಾತನೋತು ॥ 1 ॥

ನಾಶಿಷ್ಯಃ ಕಿಮಭೂದ್ಭವಃ ಕಿಮಭವನ್ನಾಪುತ್ರಿಣೀ ರೇಣುಕಾ

ನಾಭೂದ್ವಿಶ್ವಮಕಾರ್ಮುಕಂ ಕಿಮಿತಿ ವಃ ಪ್ರೀಣಾತು ರಾಮತ್ರಪಾ ।

ವಿಪ್ರಾಣಾಂ ಪ್ರತಿಮಂದಿರಂ ಮಣಿಗಣೋನ್ಮಿಶ್ರಾಣಿ ದಂಡಾಹತೇ-

-ರ್ನಾಬ್ಧೀನಾಂ ಸ ಮಯಾ ಯಮೋಽಪಿ ಮಹಿಷೇಣಾಂಭಾಂಸಿ ನೋದ್ವಾಹಿತಃ ॥ 2 ॥

ಪಾಯಾದ್ವೋ ಜಮದಗ್ನಿವಂಶತಿಲಕೋ ವೀರವ್ರತಾಲಂಕೃತೋ

ರಾಮೋ ನಾಮ ಮುನೀಶ್ವರೋ ನೃಪವಧೇ ಭಾಸ್ವತ್ಕುಠಾರಾಯುಧಃ ।

ಯೇನಾಶೇಷಹತಾಹಿತಾಂಗರುಧಿರೈಃ ಸಂತರ್ಪಿತಾಃ ಪೂರ್ವಜಾಃ

ಭಕ್ತ್ಯಾ ಚಾಶ್ವಮಖೇ ಸಮುದ್ರವಸನಾ ಭೂರ್ಹಂತಕಾರೀಕೃತಾ ॥ 3 ॥

ದ್ವಾರೇ ಕಲ್ಪತರುಂ ಗೃಹೇ ಸುರಗವೀಂ ಚಿಂತಾಮಣೀನಂಗದೇ

ಪೀಯೂಷಂ ಸರಸೀಷು ವಿಪ್ರವದನೇ ವಿದ್ಯಾಶ್ಚತಸ್ರೋ ದಶ ।

ಏವಂ ಕರ್ತುಮಯಂ ತಪಸ್ಯತಿ ಭೃಗೋರ್ವಂಶಾವತಂಸೋ ಮುನಿಃ

ಪಾಯಾದ್ವೋಽಖಿಲರಾಜಕಕ್ಷಯಕರೋ ಭೂದೇವಭೂಷಾಮಣಿಃ ॥ 4 ॥

ಇತಿ ಶ್ರೀ ಪರಶುರಾಮ ಸ್ತುತಿಃ ।

Recite with devotion and pure heart

Regular practice brings spiritual benefits