முனய꞉ ஊசு꞉ । நமஸ்தே கூர்மரூபாய விஷ்ணவே பரமாத்மனே । நாராயணாய விஶ்வாய வாஸுதே³வாய தே நம꞉ ॥ 1 ॥ நமோ நமஸ்தே க்ருʼஷ்ணாய கோ³விந்தா³ய நமோ நம꞉ । மாத⁴வாய நமஸ்துப்⁴யம்ʼ நமோ யஜ்ஞேஶ்வராய ச ॥ 2 ॥ ஸஹஸ்ரஶிரஸே துப்⁴யம்ʼ ஸஹஸ்ராக்ஷாய தே நம꞉ । நம꞉ ஸஹஸ்ரஹஸ்தாய ஸஹஸ்ரசரணாய ச ॥ 3 ॥ ஓம்ʼ நமோ ஜ்ஞானரூபாய பரமாத்மஸ்வரூபிணே । ஆனந்தா³ய நமஸ்துப்⁴யம்ʼ மாயாதீதாய தே நம꞉ ॥ 4 ॥ நமோ கூ³ட⁴ஶரீராய நிர்கு³ணாய நமோ(அ)ஸ்து தே । புருஷாய புராணாய ஸத்தாமாத்ரஸ்வரூபிணே ॥ 5 ॥ நம꞉ ஸாங்க்²யாய யோகா³ய கேவலாய நமோ(அ)ஸ்து தே । த⁴ர்மஜ்ஞானாதி⁴க³ம்யாய நிஷ்கலாய நமோ(அ)ஸ்து தே ॥ 6 ॥ நமஸ்தே வ்யோமரூபாய மஹாயோகே³ஶ்வராய ச । பராவராணாம்ʼ ப்ரப⁴வே வேத³வேத்³யாய தே நம꞉ ॥ 7 ॥ நமோ பு³த்³தா⁴ய ஶுத்³தா⁴ய நமோ யுக்தாய ஹேதவே । நமோ நமோ நமஸ்துப்⁴யம்ʼ மாயினே வேத⁴ஸே நம꞉ ॥ 8 ॥ நமோ(அ)ஸ்து தே வராஹாய நாரஸிம்ʼஹாய தே நம꞉ । வாமனாய நமஸ்துப்⁴யம்ʼ ஹ்ருʼஷீகேஶாய தே நம꞉ ॥ 9 ॥ ஸ்வர்கா³பவர்க³தா³த்ரே ச நமோ(அ)ப்ரதிஹதாத்மனே । நமோ யோகா³தி⁴க³ம்யாய யோகி³னே யோக³தா³யினே ॥ 10 ॥ தே³வானாம்ʼ பதயே துப்⁴யம்ʼ தே³வார்திஶமனாய தே । ப⁴க³வம்ʼஸ்த்வத்ப்ரஸாதே³ன ஸர்வஸம்ʼஸாரநாஶனம் ॥ 11 ॥ அஸ்மாபி⁴ர்விதி³தம்ʼ ஜ்ஞானம்ʼ யஜ்ஜ்ஞாத்வாம்ருʼதமஶ்னுதே । ஶ்ருதாஸ்து விவிதா⁴ த⁴ர்மா வம்ʼஶா மன்வந்தராணி ச ॥ 12 ॥ ஸர்க³ஶ்ச ப்ரதிஸர்க³ஶ்ச ப்³ரஹ்மாண்ட³ஸ்யாஸ்ய விஸ்தர꞉ । த்வம்ʼ ஹி ஸர்வஜக³த்ஸாக்ஷீ விஶ்வோ நாராயண꞉ பர꞉ । த்ராதுமர்ஹஸ்யனந்தாத்மா த்வாமேவ ஶரணம்ʼ க³தா꞉ ॥ 13 ॥ இதி கூர்மபுராணே உத்தரபா⁴கே³ ஷட்சத்வாரிம்ʼஶோ(அ)த்⁴யாயே முனிபி⁴꞉ க்ருʼதம்ʼ ஶ்ரீ கூர்ம ஸ்தோத்ரம் ।