हैंహైHaindavamஹிહિં
📍
Font Size:
కల్కి స్తోత్రం
సుశాంతోవాచ ।
జయ హరేఽమరాధీశసేవితం
తవ పదాంబుజం భూరిభూషణం ।
కురు మమాగ్రతః సాధు సత్కృతం
త్యజ మహామతే మోహమాత్మనః ॥ 1 ॥
తవ వపుర్జగద్రూపసంపదా
విరచితం సతాం మానసే స్థితం ।
రతిపతేర్మనోమోహదాయకం
కురు విచేష్టితం కామలంపటం ॥ 2 ॥
తవ యశో జగచ్ఛోకనాశనం
మృదుకథామృతం ప్రీతిదాయకం ।
స్మితసుధోక్షితం చంద్రవన్ముఖం
తవ కరోత్యలం లోకమంగలం ॥ 3 ॥
మమ పతిస్త్వయం సర్వదుర్జయో
యది తవాప్రియం కర్మణాఽఽచరేత్ ।
జహి తదాత్మనః శత్రుముద్యతం
కురు కృపాం న చేదీదృగీశ్వరః ॥ 4 ॥
మహదహమ్యుతం పంచమాత్రయా
ప్రకృతిజాయయా నిర్మితం వపుః ।
తవ నిరీక్షణాల్లీలయా జగ-
-త్స్థితిలయోదయం బ్రహ్మకల్పితం ॥ 5 ॥
భూవియన్మరుద్వారితేజసాం
రాశిభిః శరీరేంద్రియాశ్రితైః ।
త్రిగుణయా స్వయా మాయయా విభో
కురు కృపాం భవత్సేవనార్థినాం ॥ 6 ॥
తవ గుణాలయం నామ పావనం
కలిమలాపహం కీర్తయంతి యే ।
భవభయక్షయం తాపతాపితా
ముహురహో జనాః సంసరంతి నో ॥ 7 ॥
తవ జనుః సతాం మానవర్ధనం
జినకులక్షయం దేవపాలకం ।
కృతయుగార్పకం ధర్మపూరకం
కలికులాంతకం శం తనోతు మే ॥ 8 ॥
మమ గృహం పతిపుత్రనప్తృకం
గజరథైర్ధ్వజైశ్చామరైర్ధనైః ।
మణివరాసనం సత్కృతిం వినా
తవ పదాబ్జయోః శోభయంతి కిం ॥ 9 ॥
తవ జగద్వపుః సుందరస్మితం
ముఖమనిందితం సుందరాననం ।
యది న మే ప్రియం వల్గుచేష్టితం
పరికరోత్యహో మృత్యురస్త్విహ ॥ 10 ॥
హయచర భయహర కరహరశరణ
ఖరతరవరశర దశబలదమన ।
జయ హతపరభవ భవవరనాశన
శశధరశతసమరసభరమదన ॥ 11 ॥
ఇతి శ్రీకల్కిపురాణే సుశాంతా కృత శ్రీ కల్కి స్తోత్రం ॥
Recite with devotion and pure heart
Regular practice brings spiritual benefits