ಸುಶಾಂತೋವಾಚ । ಜಯ ಹರೇಽಮರಾಧೀಶಸೇವಿತಂ ತವ ಪದಾಂಬುಜಂ ಭೂರಿಭೂಷಣಂ । ಕುರು ಮಮಾಗ್ರತಃ ಸಾಧು ಸತ್ಕೃತಂ ತ್ಯಜ ಮಹಾಮತೇ ಮೋಹಮಾತ್ಮನಃ ॥ 1 ॥ ತವ ವಪುರ್ಜಗದ್ರೂಪಸಂಪದಾ ವಿರಚಿತಂ ಸತಾಂ ಮಾನಸೇ ಸ್ಥಿತಂ । ರತಿಪತೇರ್ಮನೋಮೋಹದಾಯಕಂ ಕುರು ವಿಚೇಷ್ಟಿತಂ ಕಾಮಲಂಪಟಂ ॥ 2 ॥ ತವ ಯಶೋ ಜಗಚ್ಛೋಕನಾಶನಂ ಮೃದುಕಥಾಮೃತಂ ಪ್ರೀತಿದಾಯಕಂ । ಸ್ಮಿತಸುಧೋಕ್ಷಿತಂ ಚಂದ್ರವನ್ಮುಖಂ ತವ ಕರೋತ್ಯಲಂ ಲೋಕಮಂಗಲಂ ॥ 3 ॥ ಮಮ ಪತಿಸ್ತ್ವಯಂ ಸರ್ವದುರ್ಜಯೋ ಯದಿ ತವಾಪ್ರಿಯಂ ಕರ್ಮಣಾಽಽಚರೇತ್ । ಜಹಿ ತದಾತ್ಮನಃ ಶತ್ರುಮುದ್ಯತಂ ಕುರು ಕೃಪಾಂ ನ ಚೇದೀದೃಗೀಶ್ವರಃ ॥ 4 ॥ ಮಹದಹಮ್ಯುತಂ ಪಂಚಮಾತ್ರಯಾ ಪ್ರಕೃತಿಜಾಯಯಾ ನಿರ್ಮಿತಂ ವಪುಃ । ತವ ನಿರೀಕ್ಷಣಾಲ್ಲೀಲಯಾ ಜಗ- -ತ್ಸ್ಥಿತಿಲಯೋದಯಂ ಬ್ರಹ್ಮಕಲ್ಪಿತಂ ॥ 5 ॥ ಭೂವಿಯನ್ಮರುದ್ವಾರಿತೇಜಸಾಂ ರಾಶಿಭಿಃ ಶರೀರೇಂದ್ರಿಯಾಶ್ರಿತೈಃ । ತ್ರಿಗುಣಯಾ ಸ್ವಯಾ ಮಾಯಯಾ ವಿಭೋ ಕುರು ಕೃಪಾಂ ಭವತ್ಸೇವನಾರ್ಥಿನಾಂ ॥ 6 ॥ ತವ ಗುಣಾಲಯಂ ನಾಮ ಪಾವನಂ ಕಲಿಮಲಾಪಹಂ ಕೀರ್ತಯಂತಿ ಯೇ । ಭವಭಯಕ್ಷಯಂ ತಾಪತಾಪಿತಾ ಮುಹುರಹೋ ಜನಾಃ ಸಂಸರಂತಿ ನೋ ॥ 7 ॥ ತವ ಜನುಃ ಸತಾಂ ಮಾನವರ್ಧನಂ ಜಿನಕುಲಕ್ಷಯಂ ದೇವಪಾಲಕಂ । ಕೃತಯುಗಾರ್ಪಕಂ ಧರ್ಮಪೂರಕಂ ಕಲಿಕುಲಾಂತಕಂ ಶಂ ತನೋತು ಮೇ ॥ 8 ॥ ಮಮ ಗೃಹಂ ಪತಿಪುತ್ರನಪ್ತೃಕಂ ಗಜರಥೈರ್ಧ್ವಜೈಶ್ಚಾಮರೈರ್ಧನೈಃ । ಮಣಿವರಾಸನಂ ಸತ್ಕೃತಿಂ ವಿನಾ ತವ ಪದಾಬ್ಜಯೋಃ ಶೋಭಯಂತಿ ಕಿಂ ॥ 9 ॥ ತವ ಜಗದ್ವಪುಃ ಸುಂದರಸ್ಮಿತಂ ಮುಖಮನಿಂದಿತಂ ಸುಂದರಾನನಂ । ಯದಿ ನ ಮೇ ಪ್ರಿಯಂ ವಲ್ಗುಚೇಷ್ಟಿತಂ ಪರಿಕರೋತ್ಯಹೋ ಮೃತ್ಯುರಸ್ತ್ವಿಹ ॥ 10 ॥ ಹಯಚರ ಭಯಹರ ಕರಹರಶರಣ ಖರತರವರಶರ ದಶಬಲದಮನ । ಜಯ ಹತಪರಭವ ಭವವರನಾಶನ ಶಶಧರಶತಸಮರಸಭರಮದನ ॥ 11 ॥ ಇತಿ ಶ್ರೀಕಲ್ಕಿಪುರಾಣೇ ಸುಶಾಂತಾ ಕೃತ ಶ್ರೀ ಕಲ್ಕಿ ಸ್ತೋತ್ರಂ ॥