हैंహైHaindavamஹிહિં
📍
Font Size:
ദശാവതാര സ്തോത്രം
നാമസ്മരണാദന്യോപായം ന ഹി പശ്യാമോ ഭവതരണേ ।
രാമ ഹരേ കൃഷ്ണ ഹരേ തവ നാമ വദാമി സദാ നൃഹരേ ॥
വേദോദ്ധാരവിചാരമതേ സോമകദാനവസംഹരണേ ।
മീനാകാരശരീര നമോ ഹരിഭക്തം തേ പരിപാലയ മാം ॥ 1 ॥
മന്ഥാനാചലധാരണഹേതോ ദേവാസുരപരിപാലന ഭോ ।
കൂർമാകാരശരീര നമോ ഹരിഭക്തം തേ പരിപാലയ മാം ॥ 2 ॥
ഭൂചോരകഹര പുണ്യമതേ ക്രീഡോദ്ധൃതഭൂദേശ ഹരേ ।
ക്രോഡാകാരശരീര നമോ ഹരിഭക്തം തേ പരിപാലയ മാം ॥ 3 ॥
ഹിരണ്യകശിപുച്ഛേദനഹേതോ പ്രഹ്ലാദാഽഭയധാരണഹേതോ ।
നരസിംഹാച്യുതരൂപ നമോ ഹരിഭക്തം തേ പരിപാലയ മാം ॥ 4 ॥
ബലിമദഭഞ്ജന വിതതമതേ പാദോദ്വയകൃതലോകകൃതേ ।
വടുപടുവേഷമനോജ്ഞ നമോ ഹരിഭക്തം തേ പരിപാലയ മാം ॥ 5 ॥
ക്ഷിതിപതിവംശസംഭവമൂർതേ ക്ഷിതിപതിരക്ഷാക്ഷതമൂർതേ ।
ഭൃഗുപതിരാമവരേണ്യ നമോ ഹരിഭക്തം തേ പരിപാലയ മാം ॥ 6 ॥
സീതാവല്ലഭ ദാശരഥേ ദശരഥനന്ദന ലോകഗുരോ ।
രാവണമർദന രാമ നമോ ഹരിഭക്തം തേ പരിപാലയ മാം ॥ 7 ॥
കൃഷ്ണാനന്ത കൃപാജലധേ കംസാരേ കമലേശ ഹരേ ।
കാലിയമർദന കൃഷ്ണ നമോ ഹരിഭക്തം തേ പരിപാലയ മാം ॥ 8 ॥
ത്രിപുരസതീമാനവിഹരണാ ത്രിപുരവിജയമാർഗണരൂപാ ।
ശുദ്ധജ്ഞാനവിബുദ്ധ നമോ ഹരിഭക്തം തേ പരിപാലയ മാം ॥ 9 ॥
ശിഷ്ടജനാവന ദുഷ്ടഹര ഖഗതുരഗോത്തമവാഹന തേ ।
കൽകിരൂപപരിപാല നമോ ഹരിഭക്തം തേ പരിപാലയ മാം ॥ 10 ॥
നാമസ്മരണാദന്യോപായം ന ഹി പശ്യാമോ ഭവതരണേ ।
രാമ ഹരേ കൃഷ്ണ ഹരേ തവ നാമ വദാമി സദാ നൃഹരേ ॥
ഇതി ദശാവതാര സ്തോത്രം ।
Recite with devotion and pure heart
Regular practice brings spiritual benefits