ಜಯ ರಾಮ ಸದಾರಾಮ ಸಚ್ಚಿದಾನಂದವಿಗ್ರಹ । ಅವಿದ್ಯಾಪಂಕಗಲಿತನಿರ್ಮಲಾಕಾರ ತೇ ನಮಃ ॥ 1 ॥ ಜಯಾಽಖಿಲಜಗದ್ಭಾರಧಾರಣ ಶ್ರಮವರ್ಜಿತ । ತಾಪತ್ರಯವಿಕರ್ಷಾಯ ಹಲಂ ಕಲಯತೇ ಸದಾ ॥ 2 ॥ ಪ್ರಪನ್ನದೀನತ್ರಾಣಾಯ ಬಲರಾಮಾಯ ತೇ ನಮಃ । ತ್ವಮೇವೇಶ ಪರಾಶೇಷಕಲುಷಕ್ಷಾಲನಪ್ರಭುಃ ॥ 3 ॥ ಪ್ರಪನ್ನಕರುಣಾಸಿಂಧೋ ಭಕ್ತಪ್ರಿಯ ನಮೋಽಸ್ತು ತೇ । ಚರಾಚರಫಣಾಗ್ರೇಣ ಧೃತಾ ಯೇನ ವಸುಂಧರಾ ॥ 4 ॥ ಮಾಮುದ್ಧರಾಸ್ಮದ್ದುಷ್ಪಾರಾದ್ಭವಾಂಭೋಧೇರಪಾರತಃ । ಪರಾಪರಾಣಾಂ ಪರಮಂ ಪರಮೇಶ ನಮೋಽಸ್ತು ತೇ ॥ 5 ॥ ಇಮಂ ಸ್ತವಂ ಯಃ ಪಠತಿ ಬಲರಾಮಾಧಿದೈವತಂ । ಬಲಿಷ್ಠಃ ಸರ್ವಕಾರ್ಯೇಷು ಗರಿಷ್ಠಃ ಸೋಽಭಿಜಾಯತೇ ॥ 6 ॥ ಇತಿ ಶ್ರೀ ಬಲರಾಮ ಸ್ತೋತ್ರಂ ।