हैंహైHaindavamஹிહિં
📍
Font Size:
ശ്രീ രുദ്രം ലഘുന്യാസം
ഓം അഥാത്മാനഗ്ം ശിവാത്മാനം ശ്രീ രുദ്രരൂപം ധ്യായേത് ॥
ശുദ്ധസ്ഫടിക സങ്കാശം ത്രിനേത്രം പഞ്ച വക്ത്രകം ।
ഗംഗാധരം ദശഭുജം സർവാഭരണ ഭൂഷിതം ॥
നീലഗ്രീവം ശശാങ്കാങ്കം നാഗ യജ്ഞോപ വീതിനം ।
വ്യാഘ്ര ചർമോത്തരീയം ച വരേണ്യമഭയ പ്രദം ॥
കമണ്ഡൽ-വക്ഷ സൂത്രാണാം ധാരിണം ശൂലപാണിനം ।
ജ്വലന്തം പിംഗലജടാ ശിഖാ മുദ്ദ്യോത ധാരിണം ॥
വൃഷ സ്കന്ധ സമാരൂഢം ഉമാ ദേഹാർഥ ധാരിണം ।
അമൃതേനാപ്ലുതം ശാന്തം ദിവ്യഭോഗ സമന്വിതം ॥
ദിഗ്ദേവതാ സമായുക്തം സുരാസുര നമസ്കൃതം ।
നിത്യം ച ശാശ്വതം ശുദ്ധം ധ്രുവ-മക്ഷര-മവ്യയം ।
സർവ വ്യാപിന-മീശാനം രുദ്രം-വൈഁ വിശ്വരൂപിണം ।
ഏവം ധ്യാത്വാ ദ്വിജഃ സമ്യക് തതോ യജനമാരഭേത് ॥
അഥാതോ രുദ്ര സ്നാനാർചനാഭിഷേക വിധിം-വ്യാഁ᳚ക്ഷ്യാസ്യാമഃ ।
ആദിത ഏവ തീർഥേ സ്നാത്വാ,
ഉദേത്യ ശുചിഃ പ്രയതോ ബ്രഹ്മചാരീ ശുക്ലവാസാ ദേവാഭിമുഖഃ സ്ഥിത്വാ,
ആത്മനി ദേവതാഃ സ്ഥാപയേത് ॥
പ്രജനനേ ബ്രഹ്മാ തിഷ്ഠതു ।
പാദയോർവിഷ്ണുസ്തിഷ്ഠതു ।
ഹസ്തയോർഹരസ്തിഷ്ഠതു ।
ബാഹ്വോരിന്ദ്രസ്തിഷ്ടതു ।
ജഠരേഽഅഗ്നിസ്തിഷ്ഠതു ।
ഹൃദ॑യേ ശിവസ്തിഷ്ഠതു ।
കണ്ഠേ വസവസ്തിഷ്ഠന്തു ।
വക്ത്രേ സരസ്വതീ തിഷ്ഠതു ।
നാസികയോ-ര്വായുസ്തിഷ്ഠതു ।
നയനയോ-ശ്ചന്ദ്രാദിത്യൗ തിഷ്ടേതാം ।
കർണയോരശ്വിനൗ തിഷ്ടേതാം ।
ലലാടേ രുദ്രാസ്തിഷ്ഠന്തു ।
മൂർഥ്ന്യാദിത്യാസ്തിഷ്ഠന്തു ।
ശിരസി മഹാദേവസ്തിഷ്ഠതു ।
ശിഖായാം-വാഁമദേവാസ്തിഷ്ഠതു ।
പൃഷ്ഠേ പിനാകീ തിഷ്ഠതു ।
പുരതഃ ശൂലീ തിഷ്ഠതു ।
പാർശ്വയോഃ ശിവാശങ്കരൗ തിഷ്ഠേതാം ।
സർവതോ വായുസ്തിഷ്ഠതു ।
തതോ ബഹിഃ സർവതോഽഗ്നിർജ്വാലാമാലാ-പരിവൃതസ്തിഷ്ഠതു ।
സർവേഷ്വംഗേഷു സർവാ ദേവതാ യഥാസ്ഥാനം തിഷ്ഠന്തു ।
മാഗ്ം രക്ഷന്തു ।
അ॒ഗ്നിർമേ॑ വാ॒ചി ശ്രി॒തഃ । വാഘൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
വാ॒യുർമേ᳚ പ്രാ॒ണേ ശ്രി॒തഃ । പ്രാ॒ണോ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
സൂര്യോ॑ മേ॒ ചക്ഷുഷി ശ്രി॒തഃ । ചക്ഷു॒ർഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
ചം॒ദ്രമാ॑ മേ॒ മന॑സി ശ്രി॒തഃ । മനോ॒ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
ദിശോ॑ മേ॒ ശ്രോത്രേ᳚ ശ്രി॒താഃ । ശ്രോത്ര॒ഗ്ം॒ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
ആപോമേ॒ രേതസി ശ്രി॒താഃ । രേതോ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
പൃ॒ഥി॒വീ മേ॒ ശരീ॑രേ ശ്രി॒താ । ശരീ॑ര॒ഗ്ം॒ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
ഓ॒ഷ॒ധി॒ വ॒ന॒സ്പതയോ॑ മേ॒ ലോമ॑സു ശ്രി॒താഃ । ലോമാ॑നി॒ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
ഇന്ദ്രോ॑ മേ॒ ബലേ᳚ ശ്രി॒തഃ । ബല॒ഗ്ം॒ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
പ॒ർജന്യോ॑ മേ॒ മൂ॒ർദ്നി ശ്രി॒തഃ । മൂ॒ർധാ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
ഈശാ॑നോ മേ॒ മ॒ന്യൗ ശ്രി॒തഃ । മ॒ന്യുർഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
ആ॒ത്മാ മ॑ ആ॒ത്മനി॑ ശ്രി॒തഃ । ആ॒ത്മാ ഹൃദ॑യേ । ഹൃദ॑യം॒ മയി॑ । അ॒ഹമ॒മൃതേ᳚ । അ॒മൃതം॒ ബ്രഹ്മ॑ണി ।
പുന॑ർമ ആ॒ത്മാ പുന॒രായു॒ രാഗാ᳚ത് । പുനഃ॑ പ്രാ॒ണഃ പുന॒രാകൂ॑ത॒മാഗാ᳚ത് । വൈ॒ശ്വാ॒ന॒രോ ര॒ശ്മിഭി॑ർവാവൃധാ॒നഃ । അം॒തസ്തി॑ഷ്ഠ॒ത്വമൃത॑സ്യ ഗോ॒പാഃ ॥
അസ്യ ശ്രീ രുദ്രാധ്യായ പ്രശ്ന മഹാമന്ത്രസ്യ,
അഘോര ഋഷിഃ,
അനുഷ്ടുപ് ഛന്ദഃ,
സങ്കർഷണ മൂർതി സ്വരൂപോ യോഽസാവാദിത്യഃ പരമപുരുഷഃ സ ഏഷ രുദ്രോ ദേവതാ ।
നമഃ ശിവായേതി ബീജം ।
ശിവതരായേതി ശക്തിഃ ।
മഹാദേവായേതി കീലകം ।
ശ്രീ സാംബ സദാശിവ പ്രസാദ സിദ്ധ്യർഥേ ജപേ വിനിയോഗഃ ॥
ഓം അഗ്നിഹോത്രാത്മനേ അംഗുഷ്ഠാഭ്യാം നമഃ ।
ദർശപൂർണ മാസാത്മനേ തർജനീഭ്യാം നമഃ ।
ചാതുർമാസ്യാത്മനേ മധ്യമാഭ്യാം നമഃ ।
നിരൂഢ പശുബന്ധാത്മനേ അനാമികാഭ്യാം നമഃ ।
ജ്യോതിഷ്ടോമാത്മനേ കനിഷ്ഠികാഭ്യാം നമഃ ।
സർവക്രത്വാത്മനേ കരതല കരപൃഷ്ഠാഭ്യാം നമഃ ॥
അഗ്നിഹോത്രാത്മനേ ഹൃദയായ നമഃ ।
ദർശപൂർണ മാസാത്മനേ ശിരസേ സ്വാഹാ ।
ചാതുർമാസ്യാത്മനേ ശിഖായൈ വഷട് ।
നിരൂഢ പശുബന്ധാത്മനേ കവചായ ഹും ।
ജ്യോതിഷ്ടോമാത്മനേ നേത്രത്രയായ വൗഷട് ।
സർവക്രത്വാത്മനേ അസ്ത്രായഫട് । ഭൂർഭുവസ്സുവരോമിതി ദിഗ്ബന്ധഃ ॥
ധ്യാനം –
ആപാതാല-നഭഃസ്ഥലാന്ത-ഭുവന-ബ്രഹ്മാണ്ഡ-മാവിസ്ഫുരത്-
ജ്യോതിഃ സ്ഫാടിക-ലിംഗ-മൗലി-വിലസത്-പൂർണേന്ദു-വാന്താമൃതൈഃ ।
അസ്തോകാപ്ലുത-മേക-മീശ-മനിശം രുദ്രാനു-വാകാഞ്ജപൻ
ധ്യായേ-ദീപ്സിത-സിദ്ധയേ ധ്രുവപദം-വിഁപ്രോഽഭിഷിഞ്ചേ-ച്ചിവം ॥
ബ്രഹ്മാണ്ഡ വ്യാപ്തദേഹാ ഭസിത ഹിമരുചാ ഭാസമാനാ ഭുജംഗൈഃ
കണ്ഠേ കാലാഃ കപർദാഃ കലിത-ശശികലാ-ശ്ചണ്ഡ കോദണ്ഡ ഹസ്താഃ ।
ത്ര്യക്ഷാ രുദ്രാക്ഷമാലാഃ പ്രകടിതവിഭവാഃ ശാംഭവാ മൂർതിഭേദാഃ
രുദ്രാഃ ശ്രീരുദ്രസൂക്ത-പ്രകടിതവിഭവാ നഃ പ്രയച്ചന്തു സൗഖ്യം ॥
ഓം ഗ॒ണാനാം᳚ ത്വാ ഗ॒ണപ॑തിഗ്ം ഹവാമഹേ ക॒വിം ക॑വീ॒നാമു॑പ॒മശ്ര॑വസ്തമം ।
ജ്യേ॒ഷ്ഠ॒രാജം॒ ബ്രഹ്മ॑ണാം ബ്രഹ്മണസ്പദ॒ ആ നഃ॑ ശൃ॒ണ്വന്നൂ॒തിഭി॑സ്സീദ॒ സാദ॑നം ॥
മഹാഗണപതയേ॒ നമഃ ॥
ശം ച॑ മേ॒ മയ॑ശ്ച മേ പ്രി॒യം ച॑ മേഽനുകാ॒മശ്ച॑ മേ॒ കാമ॑ശ്ച മേ സൗമനസ॒ശ്ച॑ മേ ഭ॒ദ്രം ച॑ മേ॒ ശ്രേയ॑ശ്ച മേ॒ വസ്യ॑ശ്ച മേ॒ യശ॑ശ്ച മേ॒ ഭഗ॑ശ്ച മേ॒ ദ്രവി॑ണം ച മേ യം॒താ ച॑ മേ ധ॒ർതാ ച॑ മേ॒ ക്ഷേമ॑ശ്ച മേ॒ ധൃതി॑ശ്ച മേ॒ വിശ്വം॑ ച മേ॒ മഹ॑ശ്ച മേ സം॒വിഁച്ച॑ മേ॒ ജ്ഞാത്രം॑ ച മേ॒ സൂശ്ച॑ മേ പ്ര॒സൂശ്ച॑ മേ॒ സീരം॑ ച മേ ല॒യശ്ച॑ മ ഋ॒തം ച॑ മേ॒ഽമൃതം॑ ച മേഽയ॒ക്ഷ്മം ച॒ മേഽനാ॑മയച്ച മേ ജീ॒വാതു॑ശ്ച മേ ദീർഘായു॒ത്വം ച॑ മേഽനമി॒ത്രം ച॒ മേഽഭ॑യം ച മേ സു॒ഗം ച॑ മേ॒ ശയ॑നം ച മേ സൂ॒ഷാ ച॑ മേ॒ സു॒ദിനം॑ ച മേ ॥
ഓം ശാന്തിഃ॒ ശാന്തിഃ॒ ശാന്തിഃ॑ ॥
Recite with devotion and pure heart
Regular practice brings spiritual benefits