ಕದ್ರು॒ದ್ರಾಯ॒ ಪ್ರಚೇ᳚ತಸೇ ಮೀ॒ಳ್ಹುಷ್ಟ॑ಮಾಯ॒ ತವ್ಯ॑ಸೇ । ವೋ॒ಚೇಮ॒ ಶಮ್ತ॑ಮಂ ಹೃ॒ದೇ ॥ ಯಥಾ᳚ ನೋ॒ ಅದಿ॑ತಿಃ॒ ಕರ॒ತ್ಪಶ್ವೇ॒ ನೃಭ್ಯೋ॒ ಯಥಾ॒ ಗವೇ᳚ । ಯಥಾ᳚ ತೋ॒ಕಾಯ॑ ರು॒ದ್ರಿಯಂ᳚ ॥ ಯಥಾ᳚ ನೋ ಮಿ॒ತ್ರೋ ವರು॑ಣೋ॒ ಯಥಾ᳚ ರು॒ದ್ರಶ್ಚಿಕೇ᳚ತತಿ । ಯಥಾ॒ ವಿಶ್ವೇ᳚ ಸ॒ಜೋಷ॑ಸಃ ॥ ಗಾ॒ಥಪ॑ತಿಂ ಮೇ॒ಧಪ॑ತಿಂ ರು॒ದ್ರಂ ಜಲಾ᳚ಷಭೇಷಜಂ । ತಚ್ಛಂ॒ಯೋಃ ಸು॒ಮ್ನಮೀ᳚ಮಹೇ ॥ ಯಃ ಶು॒ಕ್ರ ಇ॑ವ॒ ಸೂರ್ಯೋ॒ ಹಿರ᳚ಣ್ಯಮಿವ॒ ರೋಚ॑ತೇ । ಶ್ರೇಷ್ಠೋ᳚ ದೇ॒ವಾನಾಂ॒ ವಸುಃ॑ ॥ ಶಂ ನಃ॑ ಕರ॒ತ್ಯರ್ವ॑ತೇ ಸು॒ಗಂ ಮೇ॒ಷಾಯ॑ ಮೇ॒ಷ್ಯೇ᳚ । ನೃಭ್ಯೋ॒ ನಾರಿ॑ಭ್ಯೋ॒ ಗವೇ᳚ ॥ ಅ॒ಸ್ಮೇ ಸೋ᳚ಮ॒ ಶ್ರಿಯ॒ಮಧಿ॒ ನಿ ಧೇ᳚ಹಿ ಶ॒ತಸ್ಯ॑ ನೃ॒ಣಾಂ । ಮಹಿ॒ ಶ್ರವ॑ಸ್ತುವಿನೃ॒ಮ್ಣಂ ॥ ಮಾ ನಃ॑ ಸೋಮಪರಿ॒ಬಾಧೋ॒ ಮಾರಾ᳚ತಯೋ ಜುಹುರಂತ । ಆ ನ॑ ಇಂದೋ॒ ವಾಜೇ᳚ ಭಜ ॥ ಯಾಸ್ತೇ᳚ ಪ್ರ॒ಜಾ ಅ॒ಮೃತ॑ಸ್ಯ॒ ಪರ॑ಸ್ಮಿಂ॒ಧಾಮ᳚ನ್ನೃ॒ತಸ್ಯ॑ । ಮೂ॒ರ್ಧಾ ನಾಭಾ᳚ ಸೋಮ ವೇನ ಆ॒ಭೂಷಂ᳚ತೀಃ ಸೋಮ ವೇದಃ ॥ ಇ॒ಮಾ ರು॒ದ್ರಾಯ॑ ತ॒ವಸೇ᳚ ಕಪ॒ರ್ದಿನೇ᳚ ಕ್ಷ॒ಯದ್ವೀ᳚ರಾಯ॒ ಪ್ರ ಭ॑ರಾಮಹೇ ಮ॒ತೀಃ । ಯಥಾ॒ ಶಮಸ॑ದ್ದ್ವಿ॒ಪದೇ॒ ಚತು॑ಷ್ಪದೇ॒ ವಿಶ್ವಂ᳚ ಪು॒ಷ್ಟಂ ಗ್ರಾಮೇ᳚ ಅ॒ಸ್ಮಿನ್ನ॑ನಾತು॒ರಂ ॥ ಮೃ॒ಳಾ ನೋ᳚ ರುದ್ರೋ॒ತ ನೋ॒ ಮಯ॑ಸ್ಕೃಧಿ ಕ್ಷ॒ಯದ್ವೀ᳚ರಾಯ॒ ನಮ॑ಸಾ ವಿಧೇಮ ತೇ । ಯಚ್ಛಂ ಚ॒ ಯೋಶ್ಚ॒ ಮನು॑ರಾಯೇ॒ಜೇ ಪಿ॒ತಾ ತದ॑ಶ್ಯಾಮ॒ ತವ॑ ರುದ್ರ॒ ಪ್ರಣೀ᳚ತಿಷು ॥ ಅ॒ಶ್ಯಾಮ॑ ತೇ ಸುಮ॒ತಿಂ ದೇ᳚ವಯ॒ಜ್ಯಯಾ᳚ ಕ್ಷ॒ಯದ್ವೀ᳚ರಸ್ಯ॒ ತವ॑ ರುದ್ರ ಮೀಢ್ವಃ । ಸು॒ಮ್ನಾ॒ಯನ್ನಿದ್ವಿಶೋ᳚ ಅ॒ಸ್ಮಾಕ॒ಮಾ ಚ॒ರಾರಿ॑ಷ್ಟವೀರಾ ಜುಹವಾಮ ತೇ ಹ॒ವಿಃ ॥ ತ್ವೇ॒ಷಂ ವ॒ಯಂ ರು॒ದ್ರಂ ಯ॑ಜ್ಞ॒ಸಾಧಂ᳚ ವಂ॒ಕುಂ ಕ॒ವಿಮವ॑ಸೇ॒ ನಿ ಹ್ವ॑ಯಾಮಹೇ । ಆ॒ರೇ ಅ॒ಸ್ಮದ್ದೈವ್ಯಂ॒ ಹೇಳೋ᳚ ಅಸ್ಯತು ಸುಮ॒ತಿಮಿದ್ವ॒ಯಮ॒ಸ್ಯಾ ವೃ॑ಣೀಮಹೇ ॥ ದಿ॒ವೋ ವ॑ರಾ॒ಹಮ॑ರು॒ಷಂ ಕ॑ಪ॒ರ್ದಿನಂ᳚ ತ್ವೇ॒ಷಂ ರೂ॒ಪಂ ನಮ॑ಸಾ॒ ನಿ ಹ್ವ॑ಯಾಮಹೇ । ಹಸ್ತೇ॒ ಬಿಭ್ರ॑ದ್ಭೇಷ॒ಜಾ ವಾರ್ಯಾ᳚ಣಿ॒ ಶರ್ಮ॒ ವರ್ಮ॑ ಚ್ಛ॒ರ್ದಿರ॒ಸ್ಮಭ್ಯಂ᳚ ಯಂಸತ್ ॥ ಇ॒ದಂ ಪಿ॒ತ್ರೇ ಮ॒ರುತಾ᳚ಮುಚ್ಯತೇ॒ ವಚಃ॑ ಸ್ವಾ॒ದೋಃ ಸ್ವಾದೀ᳚ಯೋ ರು॒ದ್ರಾಯ॒ ವರ್ಧ॑ನಂ । ರಾಸ್ವಾ᳚ ಚ ನೋ ಅಮೃತ ಮರ್ತ॒ಭೋಜ॑ನಂ॒ ತ್ಮನೇ᳚ ತೋ॒ಕಾಯ॒ ತನ॑ಯಾಯ ಮೃಳ ॥ ಮಾ ನೋ᳚ ಮ॒ಹಾಂತ॑ಮು॒ತ ಮಾ ನೋ᳚ ಅರ್ಭ॒ಕಂ ಮಾ ನ॒ ಉಕ್ಷಂ᳚ತಮು॒ತ ಮಾ ನ॑ ಉಕ್ಷಿ॒ತಂ । ಮಾ ನೋ᳚ ವಧೀಃ ಪಿ॒ತರಂ॒ ಮೋತ ಮಾ॒ತರಂ॒ ಮಾ ನಃ॑ ಪ್ರಿ॒ಯಾಸ್ತ॒ನ್ವೋ᳚ ರುದ್ರ ರೀರಿಷಃ ॥ ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॑ ಆ॒ಯೌ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ᳚ಷು ರೀರಿಷಃ । ವೀ॒ರಾನ್ಮಾ ನೋ᳚ ರುದ್ರ ಭಾಮಿ॒ತೋ ವ॑ಧೀರ್ಹ॒ವಿಷ್ಮಂ᳚ತಃ॒ ಸದ॒ಮಿತ್ತ್ವಾ᳚ ಹವಾಮಹೇ ॥ ಉಪ॑ ತೇ॒ ಸ್ತೋಮಾ᳚ನ್ಪಶು॒ಪಾ ಇ॒ವಾಕ॑ರಂ॒ ರಾಸ್ವಾ᳚ ಪಿತರ್ಮರುತಾಂ ಸು॒ಮ್ನಮ॒ಸ್ಮೇ । ಭ॒ದ್ರಾ ಹಿ ತೇ᳚ ಸುಮ॒ತಿರ್ಮೃ॑ಳ॒ಯತ್ತ॒ಮಾಥಾ᳚ ವ॒ಯಮವ॒ ಇತ್ತೇ᳚ ವೃಣೀಮಹೇ ॥ ಆ॒ರೇ ತೇ᳚ ಗೋ॒ಘ್ನಮು॒ತ ಪೂ᳚ರುಷ॒ಘ್ನಂ ಕ್ಷಯ॑ದ್ವೀರ ಸು॒ಮ್ನಮ॒ಸ್ಮೇ ತೇ᳚ ಅಸ್ತು । ಮೃ॒ಳಾ ಚ॑ ನೋ॒ ಅಧಿ॑ ಚ ಬ್ರೂಹಿ ದೇ॒ವಾಧಾ᳚ ಚ ನಃ॒ ಶರ್ಮ॑ ಯಚ್ಛ ದ್ವಿ॒ಬರ್ಹಾಃ᳚ ॥ ಅವೋ᳚ಚಾಮ॒ ನಮೋ᳚ ಅಸ್ಮಾ ಅವ॒ಸ್ಯವಃ॑ ಶೃ॒ಣೋತು॑ ನೋ॒ ಹವಂ᳚ ರು॒ದ್ರೋ ಮ॒ರುತ್ವಾ᳚ನ್ । ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹಂತಾ॒ಮದಿ॑ತಿಃ॒ ಸಿಂಧುಃ॑ ಪೃಥಿ॒ವೀ ಉ॒ತ ದ್ಯೌಃ ॥ ಆ ತೇ᳚ ಪಿತರ್ಮರುತಾಂ ಸು॒ಮ್ನಮೇ᳚ತು॒ ಮಾ ನಃ॒ ಸೂರ್ಯ॑ಸ್ಯ ಸಂ॒ದೃಶೋ᳚ ಯುಯೋಥಾಃ । ಅ॒ಭಿ ನೋ᳚ ವೀ॒ರೋ ಅರ್ವ॑ತಿ ಕ್ಷಮೇತ॒ ಪ್ರ ಜಾ᳚ಯೇಮಹಿ ರುದ್ರ ಪ್ರ॒ಜಾಭಿಃ॑ ॥ ತ್ವಾದ॑ತ್ತೇಭೀ ರುದ್ರ॒ ಶಂತ॑ಮೇಭಿಃ ಶ॒ತಂ ಹಿಮಾ᳚ ಅಶೀಯ ಭೇಷ॒ಜೇಭಿಃ॑ । ವ್ಯ1॒॑ಸ್ಮದ್ದ್ವೇಷೋ᳚ ವಿತ॒ರಂ ವ್ಯಂಹೋ॒ ವ್ಯಮೀ᳚ವಾಶ್ಚಾತಯಸ್ವಾ॒ ವಿಷೂ᳚ಚೀಃ ॥ ಶ್ರೇಷ್ಠೋ᳚ ಜಾ॒ತಸ್ಯ॑ ರುದ್ರ ಶ್ರಿ॒ಯಾಸಿ॑ ತ॒ವಸ್ತ॑ಮಸ್ತ॒ವಸಾಂ᳚ ವಜ್ರಬಾಹೋ । ಪರ್ಷಿ॑ ಣಃ ಪಾ॒ರಮಂಹ॑ಸಃ ಸ್ವ॒ಸ್ತಿ ವಿಶ್ವಾ᳚ ಅ॒ಭೀ᳚ತೀ॒ ರಪ॑ಸೋ ಯುಯೋಧಿ ॥ ಮಾ ತ್ವಾ᳚ ರುದ್ರ ಚುಕ್ರುಧಾಮಾ॒ ನಮೋ᳚ಭಿ॒ರ್ಮಾ ದುಷ್ಟು॑ತೀ ವೃಷಭ॒ ಮಾ ಸಹೂ᳚ತೀ । ಉನ್ನೋ᳚ ವೀ॒ರಾಁ ಅ॑ರ್ಪಯ ಭೇಷ॒ಜೇಭಿ॑ರ್ಭಿ॒ಷಕ್ತ॑ಮಂ ತ್ವಾ ಭಿ॒ಷಜಾಂ᳚ ಶೃಣೋಮಿ ॥ ಹವೀ᳚ಮಭಿ॒ರ್ಹವ॑ತೇ॒ ಯೋ ಹ॒ವಿರ್ಭಿ॒ರವ॒ ಸ್ತೋಮೇ᳚ಭೀ ರು॒ದ್ರಂ ದಿ॑ಷೀಯ । ಋ॒ದೂ॒ದರಃ॑ ಸು॒ಹವೋ॒ ಮಾ ನೋ᳚ ಅ॒ಸ್ಯೈ ಬ॒ಭ್ರುಃ ಸು॒ಶಿಪ್ರೋ᳚ ರೀರಧನ್ಮ॒ನಾಯೈ᳚ ॥ ಉನ್ಮಾ᳚ ಮಮಂದ ವೃಷ॒ಭೋ ಮ॒ರುತ್ವಾಂ॒ತ್ವಕ್ಷೀ᳚ಯಸಾ॒ ವಯ॑ಸಾ॒ ನಾಧ॑ಮಾನಂ । ಘೃಣೀ᳚ವ ಚ್ಛಾ॒ಯಾಮ॑ರ॒ಪಾ ಅ॑ಶೀ॒ಯಾ ವಿ॑ವಾಸೇಯಂ ರು॒ದ್ರಸ್ಯ॑ ಸು॒ಮ್ನಂ ॥ ಕ್ವ1॒॑ ಽಸ್ಯ ತೇ᳚ ರುದ್ರ ಮೃಳ॒ಯಾಕು॒ರ್ಹಸ್ತೋ॒ ಯೋ ಅಸ್ತಿ॑ ಭೇಷ॒ಜೋ ಜಲಾ᳚ಷಃ । ಅ॒ಪ॒ಭ॒ರ್ತಾ ರಪ॑ಸೋ॒ ದೈವ್ಯ॑ಸ್ಯಾ॒ಭೀ ನು ಮಾ᳚ ವೃಷಭ ಚಕ್ಷಮೀಥಾಃ ॥ ಪ್ರ ಬ॒ಭ್ರವೇ᳚ ವೃಷ॒ಭಾಯ॑ ಶ್ವಿತೀ॒ಚೇ ಮ॒ಹೋ ಮ॒ಹೀಂ ಸು॑ಷ್ಟು॒ತಿಮೀ᳚ರಯಾಮಿ । ನ॒ಮ॒ಸ್ಯಾ ಕ॑ಲ್ಮಲೀ॒ಕಿನಂ॒ ನಮೋ᳚ಭಿರ್ಗೃಣೀ॒ಮಸಿ॑ ತ್ವೇ॒ಷಂ ರು॒ದ್ರಸ್ಯ॒ ನಾಮ॑ ॥ ಸ್ಥಿ॒ರೇಭಿ॒ರಂಗೈಃ᳚ ಪುರು॒ರೂಪ॑ ಉ॒ಗ್ರೋ ಬ॒ಭ್ರುಃ ಶು॒ಕ್ರೇಭಿಃ॑ ಪಿಪಿಶೇ॒ ಹಿರ᳚ಣ್ಯೈಃ । ಈಶಾ᳚ನಾದ॒ಸ್ಯ ಭುವ॑ನಸ್ಯ॒ ಭೂರೇ॒ರ್ನ ವಾ ಉ॑ ಯೋಷದ್ರು॒ದ್ರಾದ॑ಸು॒ರ್ಯಂ᳚ ॥ ಅರ್ಹ᳚ನ್ಬಿಭರ್ಷಿ॒ ಸಾಯ॑ಕಾನಿ॒ ಧನ್ವಾರ್ಹ᳚ನ್ನಿ॒ಷ್ಕಂ ಯ॑ಜ॒ತಂ ವಿ॒ಶ್ವರೂ᳚ಪಂ । ಅರ್ಹ᳚ನ್ನಿ॒ದಂ ದ॑ಯಸೇ॒ ವಿಶ್ವ॒ಮಭ್ವಂ॒ ನ ವಾ ಓಜೀ᳚ಯೋ ರುದ್ರ॒ ತ್ವದ॑ಸ್ತಿ ॥ ಸ್ತು॒ಹಿ ಶ್ರು॒ತಂ ಗ॑ರ್ತ॒ಸದಂ॒ ಯುವಾ᳚ನಂ ಮೃ॒ಗಂ ನ ಭೀ॒ಮಮು॑ಪಹ॒ತ್ನುಮು॒ಗ್ರಂ । ಮೃ॒ಳಾ ಜ॑ರಿ॒ತ್ರೇ ರು॑ದ್ರ॒ ಸ್ತವಾ᳚ನೋ॒ಽನ್ಯಂ ತೇ᳚ ಅ॒ಸ್ಮನ್ನಿ ವ॑ಪಂತು॒ ಸೇನಾಃ᳚ ॥ ಕು॒ಮಾ॒ರಶ್ಚಿ॑ತ್ಪಿ॒ತರಂ॒ ವಂದ॑ಮಾನಂ॒ ಪ್ರತಿ॑ ನಾನಾಮ ರುದ್ರೋಪ॒ಯಂತಂ᳚ । ಭೂರೇ᳚ರ್ದಾ॒ತಾರಂ॒ ಸತ್ಪ॑ತಿಂ ಗೃಣೀಷೇ ಸ್ತು॒ತಸ್ತ್ವಂ ಭೇ᳚ಷ॒ಜಾ ರಾ᳚ಸ್ಯ॒ಸ್ಮೇ ॥ ಯಾ ವೋ᳚ ಭೇಷ॒ಜಾ ಮ॑ರುತಃ॒ ಶುಚೀ᳚ನಿ॒ ಯಾ ಶಂತ॑ಮಾ ವೃಷಣೋ॒ ಯಾ ಮ॑ಯೋ॒ಭು । ಯಾನಿ॒ ಮನು॒ರವೃ॑ಣೀತಾ ಪಿ॒ತಾ ನ॒ಸ್ತಾ ಶಂ ಚ॒ ಯೋಶ್ಚ॑ ರು॒ದ್ರಸ್ಯ॑ ವಶ್ಮಿ ॥ ಪರಿ॑ ಣೋ ಹೇ॒ತೀ ರು॒ದ್ರಸ್ಯ॑ ವೃಜ್ಯಾಃ॒ ಪರಿ॑ ತ್ವೇ॒ಷಸ್ಯ॑ ದುರ್ಮ॒ತಿರ್ಮ॒ಹೀ ಗಾ᳚ತ್ । ಅವ॑ ಸ್ಥಿ॒ರಾ ಮ॒ಘವ॑ದ್ಭ್ಯಸ್ತನುಷ್ವ॒ ಮೀಢ್ವ॑ಸ್ತೋ॒ಕಾಯ॒ ತನ॑ಯಾಯ ಮೃಳ ॥ ಏ॒ವಾ ಬ॑ಭ್ರೋ ವೃಷಭ ಚೇಕಿತಾನ॒ ಯಥಾ᳚ ದೇವ॒ ನ ಹೃ॑ಣೀ॒ಷೇ ನ ಹಂಸಿ॑ । ಹ॒ವ॒ನ॒ಶ್ರುನ್ನೋ᳚ ರುದ್ರೇ॒ಹ ಬೋ᳚ಧಿ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ ॥ --ಷಷ್ಠಮಂಡಲೇ ಚತುಃಸಪ್ತತಿತಮಂ ಸೂಕ್ತಂ-- ಸೋಮಾ᳚ರುದ್ರಾ ಧಾ॒ರಯೇ᳚ಥಾಮಸು॒ರ್ಯಂ1॒॑ ಪ್ರ ವಾ᳚ಮಿ॒ಷ್ಟಯೋಽರ॑ಮಶ್ನುವಂತು । ದಮೇ᳚ದಮೇ ಸ॒ಪ್ತ ರತ್ನಾ॒ ದಧಾ᳚ನಾ॒ ಶಂ ನೋ᳚ ಭೂತಂ ದ್ವಿ॒ಪದೇ॒ ಶಂ ಚತು॑ಷ್ಪದೇ ॥ ಸೋಮಾ᳚ರುದ್ರಾ॒ ವಿ ವೃ॑ಹತಂ॒ ವಿಷೂ᳚ಚೀ॒ಮಮೀ᳚ವಾ॒ ಯಾ ನೋ॒ ಗಯ॑ಮಾವಿ॒ವೇಶ॑ । ಆ॒ರೇ ಬಾ᳚ಧೇಥಾಂ॒ ನಿರೃ॑ತಿಂ ಪರಾ॒ಚೈರ॒ಸ್ಮೇ ಭ॒ದ್ರಾ ಸೌ᳚ಶ್ರವ॒ಸಾನಿ॑ ಸಂತು ॥ ಸೋಮಾ᳚ರುದ್ರಾ ಯು॒ವಮೇ॒ತಾನ್ಯ॒ಸ್ಮೇ ವಿಶ್ವಾ᳚ ತ॒ನೂಷು॑ ಭೇಷ॒ಜಾನಿ॑ ಧತ್ತಂ । ಅವ॑ ಸ್ಯತಂ ಮುಂ॒ಚತಂ॒ ಯನ್ನೋ॒ ಅಸ್ತಿ॑ ತ॒ನೂಷು॑ ಬ॒ದ್ಧಂ ಕೃ॒ತಮೇನೋ᳚ ಅ॒ಸ್ಮತ್ ॥ ತಿ॒ಗ್ಮಾಯು॑ಧೌ ತಿ॒ಗ್ಮಹೇ᳚ತೀ ಸು॒ಶೇವೌ॒ ಸೋಮಾ᳚ರುದ್ರಾವಿ॒ಹ ಸು ಮೃ॑ಳತಂ ನಃ । ಪ್ರ ನೋ᳚ ಮುಂಚತಂ॒ ವರು॑ಣಸ್ಯ॒ ಪಾಶಾ᳚ದ್ಗೋಪಾ॒ಯತಂ᳚ ನಃ ಸುಮನ॒ಸ್ಯಮಾ᳚ನಾ ॥ --ಸಪ್ತಮಮಂಡಲೇ ಷಟ್ಚತ್ವಾರಿಂಶಂ ಸೂಕ್ತಂ-- ಇ॒ಮಾ ರು॒ದ್ರಾಯ॑ ಸ್ಥಿ॒ರಧ᳚ನ್ವನೇ॒ ಗಿರಃ॑ ಕ್ಷಿ॒ಪ್ರೇಷ॑ವೇ ದೇ॒ವಾಯ॑ ಸ್ವ॒ಧಾವ್ನೇ᳚ । ಅಷಾ᳚ಳ್ಹಾಯ॒ ಸಹ॑ಮಾನಾಯ ವೇ॒ಧಸೇ᳚ ತಿ॒ಗ್ಮಾಯು॑ಧಾಯ ಭರತಾ ಶೃ॒ಣೋತು॑ ನಃ ॥ ಸ ಹಿ ಕ್ಷಯೇ᳚ಣ॒ ಕ್ಷಮ್ಯ॑ಸ್ಯ॒ ಜನ್ಮ॑ನಃ॒ ಸಾಮ್ರಾ᳚ಜ್ಯೇನ ದಿ॒ವ್ಯಸ್ಯ॒ ಚೇತ॑ತಿ । ಅವ॒ನ್ನವಂ᳚ತೀ॒ರುಪ॑ ನೋ॒ ದುರ॑ಶ್ಚರಾನಮೀ॒ವೋ ರು॑ದ್ರ॒ ಜಾಸು॑ ನೋ ಭವ ॥ ಯಾ ತೇ᳚ ದಿ॒ದ್ಯುದವ॑ಸೃಷ್ಟಾ ದಿ॒ವಸ್ಪರಿ॑ ಕ್ಷ್ಮ॒ಯಾ ಚರ॑ತಿ॒ ಪರಿ॒ ಸಾ ವೃ॑ಣಕ್ತು ನಃ । ಸ॒ಹಸ್ರಂ᳚ ತೇ ಸ್ವಪಿವಾತ ಭೇಷ॒ಜಾ ಮಾ ನ॑ಸ್ತೋ॒ಕೇಷು॒ ತನ॑ಯೇಷು ರೀರಿಷಃ ॥ ಮಾ ನೋ᳚ ವಧೀ ರುದ್ರ॒ ಮಾ ಪರಾ᳚ ದಾ॒ ಮಾ ತೇ᳚ ಭೂಮ॒ ಪ್ರಸಿ॑ತೌ ಹೀಳಿ॒ತಸ್ಯ॑ । ಆ ನೋ᳚ ಭಜ ಬ॒ರ್ಹಿಷಿ॑ ಜೀವಶಂ॒ಸೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ॥ ತಮೀಶಾ᳚ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಧಿಯಂಜಿ॒ನ್ವಮವ॑ಸೇ ಹೂಮಹೇ ವ॒ಯಂ । ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ᳚ ॥ ಅ॒ಸ್ಮೇ ರು॒ದ್ರಾ ಮೇ॒ಹನಾ॒ ಪರ್ವ॑ತಾಸೋ ವೃತ್ರ॒ಹತ್ಯೇ॒ ಭರ॑ಹೂತೌ ಸ॒ಜೋಷಾಃ᳚ । ಯಃ ಶಂಸ॑ತೇ ಸ್ತುವ॒ತೇ ಧಾಯಿ॑ ಪ॒ಜ್ರ ಇಂದ್ರ॑ಜ್ಯೇಷ್ಠಾ ಅ॒ಸ್ಮಾಁ ಅ॑ವಂತು ದೇ॒ವಾಃ ॥ ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಸ್ತ್ವಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ॑ಶಿಷೇ । ತ್ವಂ ವಾತೈ᳚ರರು॒ಣೈರ್ಯಾ॑ಸಿ ಶಂಗ॒ಯಸ್ತ್ವಂ ಪೂ॒ಷಾ ವಿ॑ಧ॒ತಃ ಪಾ᳚ಸಿ॒ ನು ತ್ಮನಾ᳚ ॥ ಆ ವೋ॒ ರಾಜಾ᳚ನಮಧ್ವ॒ರಸ್ಯ॑ ರು॒ದ್ರಂ ಹೋತಾ᳚ರಂ ಸತ್ಯ॒ಯಜಂ॒ ರೋದ॑ಸ್ಯೋಃ । ಅ॒ಗ್ನಿಂ ಪು॒ರಾ ತ॑ನಯಿ॒ತ್ನೋರ॒ಚಿತ್ತಾ॒ದ್ಧಿರ᳚ಣ್ಯರೂಪ॒ಮವ॑ಸೇ ಕೃಣುಧ್ವಂ ॥ ಭುವ॑ನಸ್ಯ ಪಿ॒ತರಂ᳚ ಗೀ॒ರ್ಭಿರಾ॒ಭೀ ರು॒ದ್ರಂ ದಿವಾ᳚ ವ॒ರ್ಧಯಾ᳚ ರು॒ದ್ರಮ॒ಕ್ತೌ । ಬೃ॒ಹಂತ॑ಮೃ॒ಷ್ವಮ॒ಜರಂ᳚ ಸುಷು॒ಮ್ನಮೃಧ॑ಗ್ಘುವೇಮ ಕ॒ವಿನೇ᳚ಷಿ॒ತಾಸಃ॑ ॥ ತಮು॑ ಷ್ಟುಹಿ॒ ಯಃ ಸ್ವಿ॒ಷುಃ ಸು॒ಧನ್ವಾ॒ ಯೋ ವಿಶ್ವ॑ಸ್ಯ॒ ಕ್ಷಯ॑ತಿ ಭೇಷ॒ಜಸ್ಯ॑ । ಯಕ್ಷ್ವಾ᳚ ಮ॒ಹೇ ಸೌ᳚ಮನ॒ಸಾಯ॑ ರು॒ದ್ರಂ ನಮೋ᳚ಭಿರ್ದೇ॒ವಮಸು॑ರಂ ದುವಸ್ಯ ॥ ಅ॒ಯಂ ಮೇ॒ ಹಸ್ತೋ॒ ಭಗ॑ವಾನ॒ಯಂ ಮೇ॒ ಭಗ॑ವತ್ತರಃ । ಅ॒ಯಂ ಮೇ᳚ ವಿ॒ಶ್ವಭೇ᳚ಷಜೋ॒ಽಯಂ ಶಿ॒ವಾಭಿ॑ಮರ್ಶನಃ ॥ ತ್ರ್ಯಂ᳚ಬಕಂ ಯಜಾಮಹೇ ಸು॒ಗಂಧಿಂ᳚ ಪುಷ್ಟಿ॒ವರ್ಧ॑ನಂ । ಉ॒ರ್ವಾ॒ರು॒ಕಮಿ॑ವ॒ ಬಂಧ॑ನಾನ್ಮೃ॒ತ್ಯೋರ್ಮು॑ಕ್ಷೀಯ॒ ಮಾಮೃತಾ᳚ತ್ ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥