హరి॒: ఓం కద్రు॒ద్రాయ॒ ప్రచే᳚తసే మీ॒ళ్హుష్ట॑మాయ॒ తవ్య॑సే । వో॒చేమ॒ శంత॑మం హృ॒దే ॥ 1.043.01॥ యథా᳚ నో అది॑తిః॒ కర॒త్పశ్వే॒ నృభ్యో॒ యథా॒ గవే᳚ । యథా᳚ తో॒కాయ॑ రు॒ద్రియ᳚మ్ ॥ 1.043.02॥ యథా᳚ నో మి॒త్రో వరు॑ణో॒ యథా᳚ రు॒ద్రశ్చికే᳚తతి । యథా॒ విశ్వే᳚ స॒జోష॑సః ॥ 1.043.03॥ గా॒థప॑తిం మే॒ధప॑తిం రు॒ద్రం జలా᳚షభేషజమ్ । తచ్ఛం॒యోః సు॒మ్నమీ᳚మహే ॥ 1.043.04॥ యః శు॒క్ర ఇ॑వ॒ సూర్యో॒ హిర᳚ణ్యమివ॒ రోచ॑తే । శ్రేష్ఠో᳚ దే॒వానాం॒ వసుః॑ ॥ 1.043.05॥ శం నః॑ కర॒త్యర్వ॑తే సు॒గం మే॒షాయ॑ మే॒ష్యే᳚ । నృభ్యో॒ నారి॑భ్యో॒ గవే᳚ ॥ 1.043.06॥ అ॒స్మే సో᳚మ॒ శ్రియ॒మధి॒ ని ధే᳚హి శ॒తస్య॑ నృ॒ణామ్ । మహి॒ శ్రవ॑స్తువినృ॒మ్ణమ్ ॥ 1.043.07॥ మా నః॑ సోమపరి॒బాధో॒ మారా᳚తయో జుహురన్త । ఆ న॑ ఇన్దో॒ వాజే᳚ భజ ॥ 1.043.08॥ యాస్తే᳚ ప్र॒జా అ॒మృత॑స్య॒ పర॑స్మి॒న్ధామ᳚న్నృ॒తస్య॑ । మూ॒ర్ధా నాభా᳚ సోమ వేన ఆ॒భూష᳚న్తీః సోమ వేదః ॥ 1.043.09॥ ఇ॒మా రు॒ద్రాయ॑ త॒వసే᳚ కప॒ర్దినే᳚ క్ష॒యద్వీ᳚రాయ॒ ప్र భ॑రామహే మ॒తీః । యథా॒ శమస॑ద్ద్వి॒పదే॒ చతు॑ష్పదే॒ విశ్వం᳚ పు॒ష్టం గ్రామే᳚ అ॒స్మిన్న॑నాతు॒రమ్ ॥ 1.114.01॥ మృ॒ళా నో᳚ రుద్రో॒త నో॒ మయ॑స్కృధి క్ష॒యద్వీ᳚రాయ॒ నమ॑సా విధేమ తే । యచ్ఛం చ॒ యోశ్చ॒ మను॑రాయే॒జే పి॒తా తద॑శ్యామ॒ తవ॑ రుద్ర॒ ప్రణీ᳚తిషు ॥ 1.114.02॥ అ॒శ్యామ॑ తే సుమ॒తిం దే᳚వయ॒జ్యయా᳚ క్ష॒యద్వీ᳚రస్య॒ తవ॑ రుద్ర మీఢ్వః । సు॒మ్నా॒యన్నిద్విశో᳚ అ॒స్మాక॒మా చ॒రారి॑ష్టవీరా జుహవామ తే హ॒విః ॥ 1.114.03॥ త్వే॒షం వ॒యం రు॒ద్రం య॑జ్ఞ॒సాధం᳚ వ॒ఙ్కుం క॒విమవ॑సే॒ ని హ్వ॑యామహే । ఆ॒రే అ॒స్మద్దైవ్యం॒ హేళో᳚ అస్యతు సుమ॒తిమిద్వ॒యమ॒స్యా వృ॑ణీమహే ॥ 1.114.04॥ ది॒వో వ॑రా॒హమ॑రు॒షం క॑ప॒ర్దినం᳚ త్వే॒షం రూ॒పం నమ॑సా॒ ని హ్వ॑యామహే । హస్తే॒ బిభ్ర॑ద్భేష॒జా వార్యా᳚ణి॒ శర్మ॒ వర్మ॑ చ్ఛ॒ర్దిర॒స్మభ్యం᳚ యంసత్ ॥ 1.114.05॥ ఇ॒దం పి॒త్రే మ॒రుతా᳚ముచ్యతే॒ వచః॑ స్వా॒దోః స్వాదీ᳚యో రు॒ద్రాయ॒ వర్ధ॑నమ్ । రాస్వా᳚ చ నో అమృత మర్త॒భోజ॑నం॒ త్మనే᳚ తో॒కాయ॒ తన॑యాయ మృళ ॥ 1.114.06॥ మానో᳚ మ॒హాన్త॑ము॒త మానో᳚ అర్భ॒కం మా న॒ ఉక్ష᳚న్తము॒త మా న॑ ఉక్షి॒తమ్ । మానో᳚ వధీః పి॒తరం॒ మోత మా॒తరం॒ మా నః॑ ప్రి॒యాస్త॒న్వో᳚ రుద్ర రీరిషః ॥ 1.114.07॥ మా న॑స్తో॒కే తన॑యే॒ మా న॑ ఆ॒యౌ మా నో॒ గోషు॒ మా నో॒ అశ్వే᳚షు రీరిషః । వీ॒రాన్మా నో᳚ రుద్ర భామి॒తో వ॑ధీర్హ॒విష్మ᳚న్తః॒ సద॒మిత్త్వా᳚ హవామహే ॥ 1.114.08॥ ఉప॑తే॒ స్తోమా᳚న్పశు॒పా ఇ॒వాక॑రం॒ రాస్వా᳚ పితర్మరుతాం సు॒మ్నమ॒స్మే । భ॒ద్రా హితే᳚ సుమ॒తిర్మృ॑ళ॒యత్త॒మాథా᳚ వ॒యమవ॒ ఇత్తే᳚ వృణీమహే ॥ 1.114.09॥ ఆ॒రే తే᳚ గో॒ఘ్నము॒త పూ᳚రుష॒ఘ్నం క్షయ॑ద్వీర సు॒మ్నమ॒స్మే తే᳚ అస్తు । మృ॒ళా చ॑ నో॒ అధి॑ చ బ్రూహి దే॒వాధా᳚ చ నః॒ శర్మ॑ యచ్ఛ ద్వి॒బర్హాః᳚ ॥ 1.114.10॥ అవో᳚చామ॒ నమో᳚ అస్మా అవ॒స్యవః॑ శఋ॒ణోతు॑ నో॒ హవం᳚ రు॒ద్రో మ॒రుత్వా᳚న్ । తన్నో᳚ మి॒త్రో వరు॑ణో మామహన్తా॒మది॑తిః॒ సిన్ధుః॑ పృథి॒వీ ఉ॒త ద్యౌః ॥ 1.114.11॥ ఆతే᳚ పితర్మరుతాం సు॒మ్నమే᳚తు॒ మా నః॒ సూర్య॑స్య సం॒దృశో᳚ యుయోథాః । అ॒భి నో᳚ వీ॒రో అర్వ॑తి క్షమేత॒ ప్र జా᳚యేమహి రుద్ర ప్र॒జాభిః॑ ॥ 2.033.01॥ త్వాద॑త్తేభీ రుద్ర॒ శంత॑మేభిః శ॒తం హిమా᳚ అశీయ భేష॒జేభిః॑ । వ్య స్మద్ద్వేషో᳚ విత॒రం వ్యంహో॒ వ్యమీ᳚వాశ్చాతయస్వా॒ విషూ᳚చీః ॥ 2.033.02॥ శ్రేష్ఠో᳚ జా॒తస్య॑ రుద్ర శ్రి॒యాసి॑ త॒వస్త॑మస్త॒వసాం᳚ వజ్రబాహో । పర్షి॑ ణః పా॒రమంహ॑సః స్వ॒స్తి విశ్వా᳚ అ॒భీ᳚తీ॒ రప॑సో యుయోధి ॥ 2.033.03॥ మాత్వా᳚ రుద్ర చుక్రుధామా॒ నమో᳚భి॒ర్మా దుష్టు॑తీ వృషభ॒ మా సహూ᳚తీ । ఉన్నో᳚ వీ॒రాఁ అ॑ర్పయ భేష॒జేభి॑ర్భి॒షక్త॑మం త్వా భి॒షజాం᳚ శఋణోమి ॥ 2.033.04॥ హవీ᳚మభి॒ర్హవ॑తే॒ యో హ॒విర్భి॒రవ॒ స్తోమే᳚భీ రు॒ద్రం ది॑షీయ । ఋ॒దూ॒దరః॑ సు॒హవో॒ మా నో᳚ అ॒స్యై బ॒భ్రుః సు॒శిప్రో᳚ రీరధన్మ॒నాయై᳚ ॥ 2.033.05॥ ఉన్మా᳚ మమన్ద వృష॒భో మ॒రుత్వా॒న్త్వక్షీ᳚యసా॒ వయ॑సా॒ నాధ॑మానమ్ । ఘృణీ᳚వ చ్ఛా॒యామ॑ర॒పా అ॑శీ॒యా వి॑వాసేయం రు॒ద్రస్య॑ సు॒మ్నమ్ ॥ 2.033.06॥ క్వ స్య తే᳚ రుద్ర మృళ॒యాకు॒ర్హస్తో॒ యో అస్తి॑ భేష॒జో జలా᳚షః । అ॒ప॒భ॒ర్తా రప॑సో॒ దైవ్య॑స్యా॒భీ ను మా᳚ వృషభ చక్షమీథాః ॥ 2.033.07॥ ప్ర బ॒భ్రవే᳚ వృష॒భాయ॑ శ్వితీ॒చే మ॒హో మ॒హీం సు॑ష్టు॒తిమీ᳚రయామి । న॒మ॒స్యా క॑ల్మలీ॒కినం॒ నమో᳚భిర్గృణీ॒మసి॑ త్వే॒షం రు॒ద్రస్య॒ నామ॑ ॥ 2.033.08॥ స్థి॒రేభి॒రఙ్గైః᳚ పురు॒రూప॑ ఉ॒గ్రో బ॒భ్రుః శు॒క్రేభిః॑ పిపిశే॒ హిర᳚ణ్యైః । ఈశా᳚నాద॒స్య భువ॑నస్య॒ భూరే॒ర్న వా ఉ॑ యోషద్రు॒ద్రాద॑సు॒ర్య᳚మ్ ॥ 2.033.09॥ అర్హ᳚న్బిభర్షి॒ సాయ॑కాని॒ ధన్వార్హ᳚న్ని॒ష్కం య॑జ॒తం వి॒శ్వరూ᳚పమ్ । అర్హ᳚న్ని॒దం ద॑యసే॒ విశ్వ॒మభ్వం॒ న వా ఓజీ᳚యో రుద్ర॒ త్వద॑స్తి ॥ 2.033.10॥ స్తు॒హి శ్రు॒తం గ॑ర్త॒సదం॒ యువా᳚నం మృ॒గం న భీ॒మము॑పహ॒త్నుము॒గ్రమ్ । మృ॒ళా జ॑రి॒త్రే రు॑ద్ర॒ స్తవా᳚నో॒ऽన్యం తే᳚ అ॒స్మన్ని వ॑పన్తు॒ సేనాః᳚ ॥ 2.033.11॥ కు॒మా॒రశ్చి॑త్పి॒తరం॒ వన్ద॑మానం॒ ప్రతి॑ నానామ రుద్రోప॒యన్త᳚మ్ । భూరే᳚ర్దా॒తారం॒ సత్ప॑తిం గృణీషే స్తు॒తస్త్వం భే᳚ష॒జా రా᳚స్య॒స్మే ॥ 2.033.12॥ యావో᳚ భేష॒జా మ॑రుతః॒ శుచీ᳚ని॒ యా శంత॑మా వృషణో॒ యా మ॑యో॒భు । యాని॒ మను॒రవృ॑ణీతా పి॒తా న॒స్తా శం చ॒ యోశ్చ॑ రు॒ద్రస్య॑ వశ్మి ॥ 2.033.13॥ పరి॑ ణో హే॒తీ రు॒ద్రస్య॑ వృజ్యాః॒ పరి॑ త్వే॒షస్య॑ దుర్మ॒తిర్మ॒హీ గా᳚త్ । అవ॑ స్థి॒రా మ॒ఘవ॑ద్భ్యస్తనుష్వ॒ మీఢ్వ॑స్తో॒కాయ॒ తన॑యాయ మృళ ॥ 2.033.14॥ ఏ॒వా బ॑భ్రో వృషభ చేకితాన॒ యథా᳚ దేవ॒ న హృ॑ణీ॒షే న హంసి॑ । హ॒వ॒న॒శ్రున్నో᳚ రుద్రే॒హ బో᳚ధి బృ॒హద్వ॑దేమ వి॒దథే᳚ సు॒వీరాః᳚ ॥ 2.033.15॥ సోమా᳚రుద్రా ధా॒రయే᳚థామసు॒ర్యం ప్ర వా᳚మి॒ష్టయోऽర॑మశ్నువన్తు । దమే᳚దమే స॒ప్త రత్నా॒ దధా᳚నా॒ శం నో᳚ భూతం ద్వి॒పదే॒ శం చతు॑ష్పదే ॥ 6.074.01॥ సోమా᳚రుద్రా॒ వి వృ॑హతం॒ విషూ᳚చీ॒మమీ᳚వా॒ యా నో॒ గయ॑మావి॒వేశ॑ । ఆ॒రే బా᳚ధేథాం॒ నిరృ॑తిం పరా॒చైర॒స్మే భ॒ద్రా సౌ᳚శ్రవ॒సాని॑ సన్తు ॥ 6.074.02॥ సోమా᳚రుద్రా యు॒వమే॒తాన్య॒స్మే విశ్వా᳚ త॒నూషు॑ భేష॒జాని॑ ధత్తమ్ । అవ॑ స్యతం ము॒ఞ్చతం॒ యన్నో॒ అస్తి॑ త॒నూషు॑ బ॒ద్ధం కృ॒తమేనో᳚ అ॒స్మత్ ॥ 6.074.03॥ తి॒గ్మాయు॑ధౌ తి॒గ్మహే᳚తీ సు॒శేవౌ॒ సోమా᳚రుద్రావి॒హ సు మృ॑ళతం నః । ప్రనో᳚ ముఞ్చతం॒ వరు॑ణస్య॒ పాశా᳚ద్గోపా॒యతం᳚ నః సుమన॒స్యమా᳚నా ॥ 6.074.04॥ ఇ॒మా రు॒ద్రాయ॑ స్థి॒రధ᳚న్వనే॒ గిరః॑ క్షి॒ప్రేష॑వే దే॒వాయ॑ స్వ॒ధావ్నే᳚ । అషా᳚ళ్హాయ॒ సహ॑మానాయ వే॒ధసే᳚ తి॒గ్మాయు॑ధాయ భరతా శఋ॒ణోతు॑ నః ॥ 7.046.01॥ స హి క్షయే᳚ణ॒ క్షమ్య॑స్య॒ జన్మ॑నః॒ సామ్రా᳚జ్యేన ది॒వ్యస్య॒ చేత॑తి । అవ॒న్నవ᳚న్తీ॒రుప॑ నో॒ దుర॑శ్చరానమీ॒వో రు॑ద్ర॒ జాసు॑ నో భవ ॥ 7.046.02॥ యాతే᳚ ది॒ద్యుదవ॑సృష్టా ది॒వస్పరి॑ క్ష్మ॒యా చర॑తి॒ పరి॒ సా వృ॑ణక్తు నః । స॒హస్రం᳚ తే స్వపివాత భేష॒జా మా న॑స్తో॒కేషు॒ తన॑యేషు రీరిషః ॥ 7.046.03॥ మానో᳚ వధీ రుద్ర॒ మా పరా᳚ దా॒ మా తే᳚ భూమ॒ ప్రసి॑తౌ హీళి॒తస్య॑ । ఆనో᳚ భజ బ॒ర్హిషి॑ జీవశం॒సే యూ॒యం పా᳚త స్వ॒స్తిభిః॒ సదా᳚ నః ॥ 7.046.04॥ అ॒స్మే రు॒ద్రా మే॒హనా॒ పర్వ॑తాసో వృత్ర॒హత్యే॒ భర॑హూతౌ స॒జోషాః᳚ । యః శంస॑తే స్తువ॒తే ధాయి॑ ప॒జ్ర ఇన్ద్ర॑జ్యేష్ఠా అ॒స్మాఁ అ॑వన్తు దే॒వాః ॥ 8.063.12॥ త్వమ॑గ్నే రు॒ద్రో అసు॑రో మ॒హో ది॒వస్త్వం శర్ధో॒ మారు॑తం పృ॒క్ష ఈ᳚శిషే । త్వం వాతై᳚రరు॒ణైర్యా᳚సి శంగ॒యస్త్వం పూ॒షా వి॑ధ॒తః పా᳚సి॒ ను త్మనా᳚ ॥ 2.001.06॥ ఆవో॒ రాజా᳚నమధ్వ॒రస్య॑ రు॒ద్రం హోతా᳚రం సత్య॒యజం॒ రోద॑స్యోః । అ॒గ్నిం పు॒రా త॑నయి॒త్నోర॒చిత్తా॒ద్ధిర᳚ణ్యరూప॒మవ॑సే కృణుధ్వమ్ ॥ 4.003.01॥ తవ॑ శ్రి॒యే మ॒రుతో᳚ మర్జయన్త॒ రుద్ర॒ యత్తే॒ జని॑మ॒ చారు॑ చి॒త్రమ్ । ప॒దం యద్విష్ణో᳚రుప॒మం ని॒ధాయి॒ తేన॑ పాసి॒ గుహ్యం॒ నామ॒ గోనా᳚మ్ ॥ 5.003.03॥ భువ॑నస్య పి॒తరం᳚ గీ॒ర్భిరా॒భీ రు॒ద్రం దివా᳚ వ॒ర్ధయా᳚ రు॒ద్రమ॒క్తౌ । బృ॒హన్త॑మృ॒ష్వమ॒జరం᳚ సుషు॒మ్నమృధ॑గ్ఘువేమ క॒వినే᳚షి॒తాసః॑ ॥ 6.049.10॥ తము॑ ష్టుహి॒ యః స్వి॒షుః సు॒ధన్వా॒ యో విశ్వ॑స్య॒ క్షయ॑తి భేష॒జస్య॑ । యక్ష్వా᳚ మ॒హే సౌ᳚మన॒సాయ॑ రు॒ద్రం నమో᳚భిర్దే॒వమసు॑రం దువస్య ॥ 5.042.11॥ అ॒యం మే॒ హస్తో॒ భగ॑వాన॒యం మే॒ భగ॑వత్తరః । అ॒యం మే᳚ వి॒శ్వభే᳚షజో॒ऽయం శి॒వాభి॑మర్శనః ॥ 10.060.12॥ ఓం శాన్తిః॒ శాన్తిః॒ శాన్తిః॑ ॥