हैंహైHaindavamஹிહિં
📍
Font Size:
ಪಂಚ ರುದ್ರಂ
ಹರಿ॒ಃ ಓಂ
ಕದ್ರು॒ದ್ರಾಯ॒ ಪ್ರಚೇ᳚ತಸೇ ಮೀ॒ಳ್ಹುಷ್ಟ॑ಮಾಯ॒ ತವ್ಯ॑ಸೇ । ವೋ॒ಚೇಮ॒ ಶಂತ॑ಮಂ ಹೃ॒ದೇ ॥ 1.043.01॥
ಯಥಾ᳚ ನೋ ಅದಿ॑ತಿಃ॒ ಕರ॒ತ್ಪಶ್ವೇ॒ ನೃಭ್ಯೋ॒ ಯಥಾ॒ ಗವೇ᳚ । ಯಥಾ᳚ ತೋ॒ಕಾಯ॑ ರು॒ದ್ರಿಯ᳚ಮ್ ॥ 1.043.02॥
ಯಥಾ᳚ ನೋ ಮಿ॒ತ್ರೋ ವರು॑ಣೋ॒ ಯಥಾ᳚ ರು॒ದ್ರಶ್ಚಿಕೇ᳚ತತಿ । ಯಥಾ॒ ವಿಶ್ವೇ᳚ ಸ॒ಜೋಷ॑ಸಃ ॥ 1.043.03॥
ಗಾ॒ಥಪ॑ತಿಂ ಮೇ॒ಧಪ॑ತಿಂ ರು॒ದ್ರಂ ಜಲಾ᳚ಷಭೇಷಜಮ್ । ತಚ್ಛಂ॒ಯೋಃ ಸು॒ಮ್ನಮೀ᳚ಮಹೇ ॥ 1.043.04॥
ಯಃ ಶು॒ಕ್ರ ಇ॑ವ॒ ಸೂರ್ಯೋ॒ ಹಿರ᳚ಣ್ಯಮಿವ॒ ರೋಚ॑ತೇ । ಶ್ರೇಷ್ಠೋ᳚ ದೇ॒ವಾನಾಂ॒ ವಸುಃ॑ ॥ 1.043.05॥
ಶಂ ನಃ॑ ಕರ॒ತ್ಯರ್ವ॑ತೇ ಸು॒ಗಂ ಮೇ॒ಷಾಯ॑ ಮೇ॒ಷ್ಯೇ᳚ । ನೃಭ್ಯೋ॒ ನಾರಿ॑ಭ್ಯೋ॒ ಗವೇ᳚ ॥ 1.043.06॥
ಅ॒ಸ್ಮೇ ಸೋ᳚ಮ॒ ಶ್ರಿಯ॒ಮಧಿ॒ ನಿ ಧೇ᳚ಹಿ ಶ॒ತಸ್ಯ॑ ನೃ॒ಣಾಮ್ । ಮಹಿ॒ ಶ್ರವ॑ಸ್ತುವಿನೃ॒ಮ್ಣಮ್ ॥ 1.043.07॥
ಮಾ ನಃ॑ ಸೋಮಪರಿ॒ಬಾಧೋ॒ ಮಾರಾ᳚ತಯೋ ಜುಹುರನ್ತ । ಆ ನ॑ ಇನ್ದೋ॒ ವಾಜೇ᳚ ಭಜ ॥ 1.043.08॥
ಯಾಸ್ತೇ᳚ ಪ್ರ॒ಜಾ ಅ॒ಮೃತ॑ಸ್ಯ॒ ಪರ॑ಸ್ಮಿ॒ನ್ಧಾಮ᳚ನ್ನೃ॒ತಸ್ಯ॑ ।
ಮೂ॒ರ್ಧಾ ನಾಭಾ᳚ ಸೋಮ ವೇನ ಆ॒ಭೂಷ᳚ನ್ತೀಃ ಸೋಮ ವೇದಃ ॥ 1.043.09॥
ಇ॒ಮಾ ರು॒ದ್ರಾಯ॑ ತ॒ವಸೇ᳚ ಕಪ॒ರ್ದಿನೇ᳚ ಕ್ಷ॒ಯದ್ವೀ᳚ರಾಯ॒ ಪ್ರ ಭ॑ರಾಮಹೇ ಮ॒ತೀಃ ।
ಯಥಾ॒ ಶಮಸ॑ದ್ದ್ವಿ॒ಪದೇ॒ ಚತು॑ಷ್ಪದೇ॒ ವಿಶ್ವಂ᳚ ಪು॒ಷ್ಟಂ ಗ್ರಾಮೇ᳚ ಅ॒ಸ್ಮಿನ್ನ॑ನಾತು॒ರಮ್ ॥ 1.114.01॥
ಮೃ॒ಳಾ ನೋ᳚ ರುದ್ರೋ॒ತ ನೋ॒ ಮಯ॑ಸ್ಕೃಧಿ ಕ್ಷ॒ಯದ್ವೀ᳚ರಾಯ॒ ನಮ॑ಸಾ ವಿಧೇಮ ತೇ ।
ಯಚ್ಛಂ ಚ॒ ಯೋಶ್ಚ॒ ಮನು॑ರಾಯೇ॒ಜೇ ಪಿ॒ತಾ ತದ॑ಶ್ಯಾಮ॒ ತವ॑ ರುದ್ರ॒ ಪ್ರಣೀ᳚ತಿಷು ॥ 1.114.02॥
ಅ॒ಶ್ಯಾಮ॑ ತೇ ಸುಮ॒ತಿಂ ದೇ᳚ವಯ॒ಜ್ಯಯಾ᳚ ಕ್ಷ॒ಯದ್ವೀ᳚ರಸ್ಯ॒ ತವ॑ ರುದ್ರ ಮೀಢ್ವಃ ।
ಸು॒ಮ್ನಾ॒ಯನ್ನಿದ್ವಿಶೋ᳚ ಅ॒ಸ್ಮಾಕ॒ಮಾ ಚ॒ರಾರಿ॑ಷ್ಟವೀರಾ ಜುಹವಾಮ ತೇ ಹ॒ವಿಃ ॥ 1.114.03॥
ತ್ವೇ॒ಷಂ ವ॒ಯಂ ರು॒ದ್ರಂ ಯ॑ಜ್ಞ॒ಸಾಧಂ᳚ ವ॒ಙ್ಕುಂ ಕ॒ವಿಮವ॑ಸೇ॒ ನಿ ಹ್ವ॑ಯಾಮಹೇ ।
ಆ॒ರೇ ಅ॒ಸ್ಮದ್ದೈವ್ಯಂ॒ ಹೇಳೋ᳚ ಅಸ್ಯತು ಸುಮ॒ತಿಮಿದ್ವ॒ಯಮ॒ಸ್ಯಾ ವೃ॑ಣೀಮಹೇ ॥ 1.114.04॥
ದಿ॒ವೋ ವ॑ರಾ॒ಹಮ॑ರು॒ಷಂ ಕ॑ಪ॒ರ್ದಿನಂ᳚ ತ್ವೇ॒ಷಂ ರೂ॒ಪಂ ನಮ॑ಸಾ॒ ನಿ ಹ್ವ॑ಯಾಮಹೇ ।
ಹಸ್ತೇ॒ ಬಿಭ್ರ॑ದ್ಭೇಷ॒ಜಾ ವಾರ್ಯಾ᳚ಣಿ॒ ಶರ್ಮ॒ ವರ್ಮ॑ ಚ್ಛ॒ರ್ದಿರ॒ಸ್ಮಭ್ಯಂ᳚ ಯಂಸತ್ ॥ 1.114.05॥
ಇ॒ದಂ ಪಿ॒ತ್ರೇ ಮ॒ರುತಾ᳚ಮುಚ್ಯತೇ॒ ವಚಃ॑ ಸ್ವಾ॒ದೋಃ ಸ್ವಾದೀ᳚ಯೋ ರು॒ದ್ರಾಯ॒ ವರ್ಧ॑ನಮ್ ।
ರಾಸ್ವಾ᳚ ಚ ನೋ ಅಮೃತ ಮರ್ತ॒ಭೋಜ॑ನಂ॒ ತ್ಮನೇ᳚ ತೋ॒ಕಾಯ॒ ತನ॑ಯಾಯ ಮೃಳ ॥ 1.114.06॥
ಮಾನೋ᳚ ಮ॒ಹಾನ್ತ॑ಮು॒ತ ಮಾನೋ᳚ ಅರ್ಭ॒ಕಂ ಮಾ ನ॒ ಉಕ್ಷ᳚ನ್ತಮು॒ತ ಮಾ ನ॑ ಉಕ್ಷಿ॒ತಮ್ ।
ಮಾನೋ᳚ ವಧೀಃ ಪಿ॒ತರಂ॒ ಮೋತ ಮಾ॒ತರಂ॒ ಮಾ ನಃ॑ ಪ್ರಿ॒ಯಾಸ್ತ॒ನ್ವೋ᳚ ರುದ್ರ ರೀರಿಷಃ ॥ 1.114.07॥
ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॑ ಆ॒ಯೌ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ᳚ಷು ರೀರಿಷಃ ।
ವೀ॒ರಾನ್ಮಾ ನೋ᳚ ರುದ್ರ ಭಾಮಿ॒ತೋ ವ॑ಧೀರ್ಹ॒ವಿಷ್ಮ᳚ನ್ತಃ॒ ಸದ॒ಮಿತ್ತ್ವಾ᳚ ಹವಾಮಹೇ ॥ 1.114.08॥
ಉಪ॑ತೇ॒ ಸ್ತೋಮಾ᳚ನ್ಪಶು॒ಪಾ ಇ॒ವಾಕ॑ರಂ॒ ರಾಸ್ವಾ᳚ ಪಿತರ್ಮರುತಾಂ ಸು॒ಮ್ನಮ॒ಸ್ಮೇ ।
ಭ॒ದ್ರಾ ಹಿತೇ᳚ ಸುಮ॒ತಿರ್ಮೃ॑ಳ॒ಯತ್ತ॒ಮಾಥಾ᳚ ವ॒ಯಮವ॒ ಇತ್ತೇ᳚ ವೃಣೀಮಹೇ ॥ 1.114.09॥
ಆ॒ರೇ ತೇ᳚ ಗೋ॒ಘ್ನಮು॒ತ ಪೂ᳚ರುಷ॒ಘ್ನಂ ಕ್ಷಯ॑ದ್ವೀರ ಸು॒ಮ್ನಮ॒ಸ್ಮೇ ತೇ᳚ ಅಸ್ತು ।
ಮೃ॒ಳಾ ಚ॑ ನೋ॒ ಅಧಿ॑ ಚ ಬ್ರೂಹಿ ದೇ॒ವಾಧಾ᳚ ಚ ನಃ॒ ಶರ್ಮ॑ ಯಚ್ಛ ದ್ವಿ॒ಬರ್ಹಾಃ᳚ ॥ 1.114.10॥
ಅವೋ᳚ಚಾಮ॒ ನಮೋ᳚ ಅಸ್ಮಾ ಅವ॒ಸ್ಯವಃ॑ ಶಋ॒ಣೋತು॑ ನೋ॒ ಹವಂ᳚ ರು॒ದ್ರೋ ಮ॒ರುತ್ವಾ᳚ನ್ ।
ತನ್ನೋ᳚ ಮಿ॒ತ್ರೋ ವರು॑ಣೋ ಮಾಮಹನ್ತಾ॒ಮದಿ॑ತಿಃ॒ ಸಿನ್ಧುಃ॑ ಪೃಥಿ॒ವೀ ಉ॒ತ ದ್ಯೌಃ ॥ 1.114.11॥
ಆತೇ᳚ ಪಿತರ್ಮರುತಾಂ ಸು॒ಮ್ನಮೇ᳚ತು॒ ಮಾ ನಃ॒ ಸೂರ್ಯ॑ಸ್ಯ ಸಂ॒ದೃಶೋ᳚ ಯುಯೋಥಾಃ ।
ಅ॒ಭಿ ನೋ᳚ ವೀ॒ರೋ ಅರ್ವ॑ತಿ ಕ್ಷಮೇತ॒ ಪ್ರ ಜಾ᳚ಯೇಮಹಿ ರುದ್ರ ಪ್ರ॒ಜಾಭಿಃ॑ ॥ 2.033.01॥
ತ್ವಾದ॑ತ್ತೇಭೀ ರುದ್ರ॒ ಶಂತ॑ಮೇಭಿಃ ಶ॒ತಂ ಹಿಮಾ᳚ ಅಶೀಯ ಭೇಷ॒ಜೇಭಿಃ॑ ।
ವ್ಯ ಸ್ಮದ್ದ್ವೇಷೋ᳚ ವಿತ॒ರಂ ವ್ಯಂಹೋ॒ ವ್ಯಮೀ᳚ವಾಶ್ಚಾತಯಸ್ವಾ॒ ವಿಷೂ᳚ಚೀಃ ॥ 2.033.02॥
ಶ್ರೇಷ್ಠೋ᳚ ಜಾ॒ತಸ್ಯ॑ ರುದ್ರ ಶ್ರಿ॒ಯಾಸಿ॑ ತ॒ವಸ್ತ॑ಮಸ್ತ॒ವಸಾಂ᳚ ವಜ್ರಬಾಹೋ ।
ಪರ್ಷಿ॑ ಣಃ ಪಾ॒ರಮಂಹ॑ಸಃ ಸ್ವ॒ಸ್ತಿ ವಿಶ್ವಾ᳚ ಅ॒ಭೀ᳚ತೀ॒ ರಪ॑ಸೋ ಯುಯೋಧಿ ॥ 2.033.03॥
ಮಾತ್ವಾ᳚ ರುದ್ರ ಚುಕ್ರುಧಾಮಾ॒ ನಮೋ᳚ಭಿ॒ರ್ಮಾ ದುಷ್ಟು॑ತೀ ವೃಷಭ॒ ಮಾ ಸಹೂ᳚ತೀ ।
ಉನ್ನೋ᳚ ವೀ॒ರಾಁ ಅ॑ರ್ಪಯ ಭೇಷ॒ಜೇಭಿ॑ರ್ಭಿ॒ಷಕ್ತ॑ಮಂ ತ್ವಾ ಭಿ॒ಷಜಾಂ᳚ ಶಋಣೋಮಿ ॥ 2.033.04॥
ಹವೀ᳚ಮಭಿ॒ರ್ಹವ॑ತೇ॒ ಯೋ ಹ॒ವಿರ್ಭಿ॒ರವ॒ ಸ್ತೋಮೇ᳚ಭೀ ರು॒ದ್ರಂ ದಿ॑ಷೀಯ ।
ಋ॒ದೂ॒ದರಃ॑ ಸು॒ಹವೋ॒ ಮಾ ನೋ᳚ ಅ॒ಸ್ಯೈ ಬ॒ಭ್ರುಃ ಸು॒ಶಿಪ್ರೋ᳚ ರೀರಧನ್ಮ॒ನಾಯೈ᳚ ॥ 2.033.05॥
ಉನ್ಮಾ᳚ ಮಮನ್ದ ವೃಷ॒ಭೋ ಮ॒ರುತ್ವಾ॒ನ್ತ್ವಕ್ಷೀ᳚ಯಸಾ॒ ವಯ॑ಸಾ॒ ನಾಧ॑ಮಾನಮ್ ।
ಘೃಣೀ᳚ವ ಚ್ಛಾ॒ಯಾಮ॑ರ॒ಪಾ ಅ॑ಶೀ॒ಯಾ ವಿ॑ವಾಸೇಯಂ ರು॒ದ್ರಸ್ಯ॑ ಸು॒ಮ್ನಮ್ ॥ 2.033.06॥
ಕ್ವ ಸ್ಯ ತೇ᳚ ರುದ್ರ ಮೃಳ॒ಯಾಕು॒ರ್ಹಸ್ತೋ॒ ಯೋ ಅಸ್ತಿ॑ ಭೇಷ॒ಜೋ ಜಲಾ᳚ಷಃ ।
ಅ॒ಪ॒ಭ॒ರ್ತಾ ರಪ॑ಸೋ॒ ದೈವ್ಯ॑ಸ್ಯಾ॒ಭೀ ನು ಮಾ᳚ ವೃಷಭ ಚಕ್ಷಮೀಥಾಃ ॥ 2.033.07॥
ಪ್ರ ಬ॒ಭ್ರವೇ᳚ ವೃಷ॒ಭಾಯ॑ ಶ್ವಿತೀ॒ಚೇ ಮ॒ಹೋ ಮ॒ಹೀಂ ಸು॑ಷ್ಟು॒ತಿಮೀ᳚ರಯಾಮಿ ।
ನ॒ಮ॒ಸ್ಯಾ ಕ॑ಲ್ಮಲೀ॒ಕಿನಂ॒ ನಮೋ᳚ಭಿರ್ಗೃಣೀ॒ಮಸಿ॑ ತ್ವೇ॒ಷಂ ರು॒ದ್ರಸ್ಯ॒ ನಾಮ॑ ॥ 2.033.08॥
ಸ್ಥಿ॒ರೇಭಿ॒ರಙ್ಗೈಃ᳚ ಪುರು॒ರೂಪ॑ ಉ॒ಗ್ರೋ ಬ॒ಭ್ರುಃ ಶು॒ಕ್ರೇಭಿಃ॑ ಪಿಪಿಶೇ॒ ಹಿರ᳚ಣ್ಯೈಃ ।
ಈಶಾ᳚ನಾದ॒ಸ್ಯ ಭುವ॑ನಸ್ಯ॒ ಭೂರೇ॒ರ್ನ ವಾ ಉ॑ ಯೋಷದ್ರು॒ದ್ರಾದ॑ಸು॒ರ್ಯ᳚ಮ್ ॥ 2.033.09॥
ಅರ್ಹ᳚ನ್ಬಿಭರ್ಷಿ॒ ಸಾಯ॑ಕಾನಿ॒ ಧನ್ವಾರ್ಹ᳚ನ್ನಿ॒ಷ್ಕಂ ಯ॑ಜ॒ತಂ ವಿ॒ಶ್ವರೂ᳚ಪಮ್ ।
ಅರ್ಹ᳚ನ್ನಿ॒ದಂ ದ॑ಯಸೇ॒ ವಿಶ್ವ॒ಮಭ್ವಂ॒ ನ ವಾ ಓಜೀ᳚ಯೋ ರುದ್ರ॒ ತ್ವದ॑ಸ್ತಿ ॥ 2.033.10॥
ಸ್ತು॒ಹಿ ಶ್ರು॒ತಂ ಗ॑ರ್ತ॒ಸದಂ॒ ಯುವಾ᳚ನಂ ಮೃ॒ಗಂ ನ ಭೀ॒ಮಮು॑ಪಹ॒ತ್ನುಮು॒ಗ್ರಮ್ ।
ಮೃ॒ಳಾ ಜ॑ರಿ॒ತ್ರೇ ರು॑ದ್ರ॒ ಸ್ತವಾ᳚ನೋ॒ऽನ್ಯಂ ತೇ᳚ ಅ॒ಸ್ಮನ್ನಿ ವ॑ಪನ್ತು॒ ಸೇನಾಃ᳚ ॥ 2.033.11॥
ಕು॒ಮಾ॒ರಶ್ಚಿ॑ತ್ಪಿ॒ತರಂ॒ ವನ್ದ॑ಮಾನಂ॒ ಪ್ರತಿ॑ ನಾನಾಮ ರುದ್ರೋಪ॒ಯನ್ತ᳚ಮ್ ।
ಭೂರೇ᳚ರ್ದಾ॒ತಾರಂ॒ ಸತ್ಪ॑ತಿಂ ಗೃಣೀಷೇ ಸ್ತು॒ತಸ್ತ್ವಂ ಭೇ᳚ಷ॒ಜಾ ರಾ᳚ಸ್ಯ॒ಸ್ಮೇ ॥ 2.033.12॥
ಯಾವೋ᳚ ಭೇಷ॒ಜಾ ಮ॑ರುತಃ॒ ಶುಚೀ᳚ನಿ॒ ಯಾ ಶಂತ॑ಮಾ ವೃಷಣೋ॒ ಯಾ ಮ॑ಯೋ॒ಭು ।
ಯಾನಿ॒ ಮನು॒ರವೃ॑ಣೀತಾ ಪಿ॒ತಾ ನ॒ಸ್ತಾ ಶಂ ಚ॒ ಯೋಶ್ಚ॑ ರು॒ದ್ರಸ್ಯ॑ ವಶ್ಮಿ ॥ 2.033.13॥
ಪರಿ॑ ಣೋ ಹೇ॒ತೀ ರು॒ದ್ರಸ್ಯ॑ ವೃಜ್ಯಾಃ॒ ಪರಿ॑ ತ್ವೇ॒ಷಸ್ಯ॑ ದುರ್ಮ॒ತಿರ್ಮ॒ಹೀ ಗಾ᳚ತ್ ।
ಅವ॑ ಸ್ಥಿ॒ರಾ ಮ॒ಘವ॑ದ್ಭ್ಯಸ್ತನುಷ್ವ॒ ಮೀಢ್ವ॑ಸ್ತೋ॒ಕಾಯ॒ ತನ॑ಯಾಯ ಮೃಳ ॥ 2.033.14॥
ಏ॒ವಾ ಬ॑ಭ್ರೋ ವೃಷಭ ಚೇಕಿತಾನ॒ ಯಥಾ᳚ ದೇವ॒ ನ ಹೃ॑ಣೀ॒ಷೇ ನ ಹಂಸಿ॑ ।
ಹ॒ವ॒ನ॒ಶ್ರುನ್ನೋ᳚ ರುದ್ರೇ॒ಹ ಬೋ᳚ಧಿ ಬೃ॒ಹದ್ವ॑ದೇಮ ವಿ॒ದಥೇ᳚ ಸು॒ವೀರಾಃ᳚ ॥ 2.033.15॥
ಸೋಮಾ᳚ರುದ್ರಾ ಧಾ॒ರಯೇ᳚ಥಾಮಸು॒ರ್ಯಂ ಪ್ರ ವಾ᳚ಮಿ॒ಷ್ಟಯೋऽರ॑ಮಶ್ನುವನ್ತು ।
ದಮೇ᳚ದಮೇ ಸ॒ಪ್ತ ರತ್ನಾ॒ ದಧಾ᳚ನಾ॒ ಶಂ ನೋ᳚ ಭೂತಂ ದ್ವಿ॒ಪದೇ॒ ಶಂ ಚತು॑ಷ್ಪದೇ ॥ 6.074.01॥
ಸೋಮಾ᳚ರುದ್ರಾ॒ ವಿ ವೃ॑ಹತಂ॒ ವಿಷೂ᳚ಚೀ॒ಮಮೀ᳚ವಾ॒ ಯಾ ನೋ॒ ಗಯ॑ಮಾವಿ॒ವೇಶ॑ ।
ಆ॒ರೇ ಬಾ᳚ಧೇಥಾಂ॒ ನಿರೃ॑ತಿಂ ಪರಾ॒ಚೈರ॒ಸ್ಮೇ ಭ॒ದ್ರಾ ಸೌ᳚ಶ್ರವ॒ಸಾನಿ॑ ಸನ್ತು ॥ 6.074.02॥
ಸೋಮಾ᳚ರುದ್ರಾ ಯು॒ವಮೇ॒ತಾನ್ಯ॒ಸ್ಮೇ ವಿಶ್ವಾ᳚ ತ॒ನೂಷು॑ ಭೇಷ॒ಜಾನಿ॑ ಧತ್ತಮ್ ।
ಅವ॑ ಸ್ಯತಂ ಮು॒ಞ್ಚತಂ॒ ಯನ್ನೋ॒ ಅಸ್ತಿ॑ ತ॒ನೂಷು॑ ಬ॒ದ್ಧಂ ಕೃ॒ತಮೇನೋ᳚ ಅ॒ಸ್ಮತ್ ॥ 6.074.03॥
ತಿ॒ಗ್ಮಾಯು॑ಧೌ ತಿ॒ಗ್ಮಹೇ᳚ತೀ ಸು॒ಶೇವೌ॒ ಸೋಮಾ᳚ರುದ್ರಾವಿ॒ಹ ಸು ಮೃ॑ಳತಂ ನಃ ।
ಪ್ರನೋ᳚ ಮುಞ್ಚತಂ॒ ವರು॑ಣಸ್ಯ॒ ಪಾಶಾ᳚ದ್ಗೋಪಾ॒ಯತಂ᳚ ನಃ ಸುಮನ॒ಸ್ಯಮಾ᳚ನಾ ॥ 6.074.04॥
ಇ॒ಮಾ ರು॒ದ್ರಾಯ॑ ಸ್ಥಿ॒ರಧ᳚ನ್ವನೇ॒ ಗಿರಃ॑ ಕ್ಷಿ॒ಪ್ರೇಷ॑ವೇ ದೇ॒ವಾಯ॑ ಸ್ವ॒ಧಾವ್ನೇ᳚ ।
ಅಷಾ᳚ಳ್ಹಾಯ॒ ಸಹ॑ಮಾನಾಯ ವೇ॒ಧಸೇ᳚ ತಿ॒ಗ್ಮಾಯು॑ಧಾಯ ಭರತಾ ಶಋ॒ಣೋತು॑ ನಃ ॥ 7.046.01॥
ಸ ಹಿ ಕ್ಷಯೇ᳚ಣ॒ ಕ್ಷಮ್ಯ॑ಸ್ಯ॒ ಜನ್ಮ॑ನಃ॒ ಸಾಮ್ರಾ᳚ಜ್ಯೇನ ದಿ॒ವ್ಯಸ್ಯ॒ ಚೇತ॑ತಿ ।
ಅವ॒ನ್ನವ᳚ನ್ತೀ॒ರುಪ॑ ನೋ॒ ದುರ॑ಶ್ಚರಾನಮೀ॒ವೋ ರು॑ದ್ರ॒ ಜಾಸು॑ ನೋ ಭವ ॥ 7.046.02॥
ಯಾತೇ᳚ ದಿ॒ದ್ಯುದವ॑ಸೃಷ್ಟಾ ದಿ॒ವಸ್ಪರಿ॑ ಕ್ಷ್ಮ॒ಯಾ ಚರ॑ತಿ॒ ಪರಿ॒ ಸಾ ವೃ॑ಣಕ್ತು ನಃ ।
ಸ॒ಹಸ್ರಂ᳚ ತೇ ಸ್ವಪಿವಾತ ಭೇಷ॒ಜಾ ಮಾ ನ॑ಸ್ತೋ॒ಕೇಷು॒ ತನ॑ಯೇಷು ರೀರಿಷಃ ॥ 7.046.03॥
ಮಾನೋ᳚ ವಧೀ ರುದ್ರ॒ ಮಾ ಪರಾ᳚ ದಾ॒ ಮಾ ತೇ᳚ ಭೂಮ॒ ಪ್ರಸಿ॑ತೌ ಹೀಳಿ॒ತಸ್ಯ॑ ।
ಆನೋ᳚ ಭಜ ಬ॒ರ್ಹಿಷಿ॑ ಜೀವಶಂ॒ಸೇ ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ॥ 7.046.04॥
ಅ॒ಸ್ಮೇ ರು॒ದ್ರಾ ಮೇ॒ಹನಾ॒ ಪರ್ವ॑ತಾಸೋ ವೃತ್ರ॒ಹತ್ಯೇ॒ ಭರ॑ಹೂತೌ ಸ॒ಜೋಷಾಃ᳚ ।
ಯಃ ಶಂಸ॑ತೇ ಸ್ತುವ॒ತೇ ಧಾಯಿ॑ ಪ॒ಜ್ರ ಇನ್ದ್ರ॑ಜ್ಯೇಷ್ಠಾ ಅ॒ಸ್ಮಾಁ ಅ॑ವನ್ತು ದೇ॒ವಾಃ ॥ 8.063.12॥
ತ್ವಮ॑ಗ್ನೇ ರು॒ದ್ರೋ ಅಸು॑ರೋ ಮ॒ಹೋ ದಿ॒ವಸ್ತ್ವಂ ಶರ್ಧೋ॒ ಮಾರು॑ತಂ ಪೃ॒ಕ್ಷ ಈ᳚ಶಿಷೇ ।
ತ್ವಂ ವಾತೈ᳚ರರು॒ಣೈರ್ಯಾ᳚ಸಿ ಶಂಗ॒ಯಸ್ತ್ವಂ ಪೂ॒ಷಾ ವಿ॑ಧ॒ತಃ ಪಾ᳚ಸಿ॒ ನು ತ್ಮನಾ᳚ ॥ 2.001.06॥
ಆವೋ॒ ರಾಜಾ᳚ನಮಧ್ವ॒ರಸ್ಯ॑ ರು॒ದ್ರಂ ಹೋತಾ᳚ರಂ ಸತ್ಯ॒ಯಜಂ॒ ರೋದ॑ಸ್ಯೋಃ ।
ಅ॒ಗ್ನಿಂ ಪು॒ರಾ ತ॑ನಯಿ॒ತ್ನೋರ॒ಚಿತ್ತಾ॒ದ್ಧಿರ᳚ಣ್ಯರೂಪ॒ಮವ॑ಸೇ ಕೃಣುಧ್ವಮ್ ॥ 4.003.01॥
ತವ॑ ಶ್ರಿ॒ಯೇ ಮ॒ರುತೋ᳚ ಮರ್ಜಯನ್ತ॒ ರುದ್ರ॒ ಯತ್ತೇ॒ ಜನಿ॑ಮ॒ ಚಾರು॑ ಚಿ॒ತ್ರಮ್ ।
ಪ॒ದಂ ಯದ್ವಿಷ್ಣೋ᳚ರುಪ॒ಮಂ ನಿ॒ಧಾಯಿ॒ ತೇನ॑ ಪಾಸಿ॒ ಗುಹ್ಯಂ॒ ನಾಮ॒ ಗೋನಾ᳚ಮ್ ॥ 5.003.03॥
ಭುವ॑ನಸ್ಯ ಪಿ॒ತರಂ᳚ ಗೀ॒ರ್ಭಿರಾ॒ಭೀ ರು॒ದ್ರಂ ದಿವಾ᳚ ವ॒ರ್ಧಯಾ᳚ ರು॒ದ್ರಮ॒ಕ್ತೌ ।
ಬೃ॒ಹನ್ತ॑ಮೃ॒ಷ್ವಮ॒ಜರಂ᳚ ಸುಷು॒ಮ್ನಮೃಧ॑ಗ್ಘುವೇಮ ಕ॒ವಿನೇ᳚ಷಿ॒ತಾಸಃ॑ ॥ 6.049.10॥
ತಮು॑ ಷ್ಟುಹಿ॒ ಯಃ ಸ್ವಿ॒ಷುಃ ಸು॒ಧನ್ವಾ॒ ಯೋ ವಿಶ್ವ॑ಸ್ಯ॒ ಕ್ಷಯ॑ತಿ ಭೇಷ॒ಜಸ್ಯ॑ ।
ಯಕ್ಷ್ವಾ᳚ ಮ॒ಹೇ ಸೌ᳚ಮನ॒ಸಾಯ॑ ರು॒ದ್ರಂ ನಮೋ᳚ಭಿರ್ದೇ॒ವಮಸು॑ರಂ ದುವಸ್ಯ ॥ 5.042.11॥
ಅ॒ಯಂ ಮೇ॒ ಹಸ್ತೋ॒ ಭಗ॑ವಾನ॒ಯಂ ಮೇ॒ ಭಗ॑ವತ್ತರಃ ।
ಅ॒ಯಂ ಮೇ᳚ ವಿ॒ಶ್ವಭೇ᳚ಷಜೋ॒ऽಯಂ ಶಿ॒ವಾಭಿ॑ಮರ್ಶನಃ ॥ 10.060.12॥
ಓಂ ಶಾನ್ತಿಃ॒ ಶಾನ್ತಿಃ॒ ಶಾನ್ತಿಃ॑ ॥
Recite with devotion and pure heart
Regular practice brings spiritual benefits