కలశ ప్రతిష్ఠాపన మంత్రాః – బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః । స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒-మస॑తశ్చ॒ వివః॑ । నాకే॑ సుప॒ర్ణ ముప॒య-త్పతం॑తగ్ం హృ॒దా వేనం॑తో అ॒భ్యచ॑క్ష-తత్వా । హిర॑ణ్యపక్షం॒-వఀరు॑ణస్య దూ॒తం-యఀ॒మస్య॒ యోనౌ॑ శకు॒న-మ్భు॑ర॒ణ్యుం । ఆప్యా॑యస్వ॒ సమే॑తు తే వి॒శ్వతః॑ సోమ॒ వృష్ణి॑యం । భవా॒ వాజ॑స్య సంగ॒థే । యో రు॒ద్రో అ॒గ్నౌ యో అ॒ఫ్సు య ఓష॑ధీషు॒ యో రు॒ద్రో విశ్వా॒ భువ॑నా-ఽఽవి॒వేశ॒ తస్మై॑ రు॒ద్రాయ॒ నమో॑ అస్తు । 1 (అప ఉపస్పృశ్య) ఇ॒దం-విఀష్ణు॒ ర్విచ॑క్రమే త్రే॒ధా నిద॑ధే ప॒దం । సమూ॑ఢమస్య పాగ్ం సు॒రే । ఇంద్రం॒-విఀశ్వా॑ అవీవృధన్-థ్సము॒ద్రవ్య॑చస॒-ఙ్గిరః॑ । ర॒థీత॑మగ్ం రథీ॒నాం-వాఀజా॑నా॒గ్ం॒ సత్ప॑తి॒-మ్పతిం᳚ । ఆపో॒ వా ఇ॒దంగ్ం సర్వం॒-విఀశ్వా॑ భూ॒తాన్యాపః॑ ప్రా॒ణా వా ఆపః॑ ప॒శవ॒ ఆపో-ఽన్న॒మాపో-ఽమృ॑త॒మాప॑-స్స॒మ్రాడాపో॑ వి॒రాడాప॑-స్స్వ॒రాడాప॒-శ్ఛందా॒గ్॒శ్యాపో॒ జ్యోతీ॒గ్॒ష్యాపో॒ యజూ॒గ్॒ష్యాప॑-స్స॒త్యమాప॒-స్సర్వా॑ దే॒వతా॒ ఆపో॒ భూర్భువ॒స్సువ॒రాప॒ ఓం । 2 అ॒పః ప్రణ॑యతి । శ్ర॒ద్ధా వా ఆపః॑ । శ్ర॒ద్ధామే॒వారభ్య॑ ప్ర॒ణీయ॒ ప్రచ॑రతి । అ॒పః ప్రణ॑యతి । య॒జ్ఞో వా ఆపః॑ । య॒జ్ఞమే॒వారభ్య॑ ప్ర॒ణీయ॒ ప్రచ॑రతి । అ॒పః ప్రణ॑యతి । వజ్రో॒ వా ఆపః॑ । వజ్ర॑మే॒వ భ్రాతృ॑వ్యేభ్యః ప్ర॒హృత్య॑ ప్ర॒ణీయ॒ ప్రచ॑రతి । అ॒పః ప్రణ॑యతి । ఆపో॒ వై ర॑క్షో॒ఘ్నీః । రక్ష॑సా॒మప॑హత్యై । అ॒పః ప్రణ॑యతి । ఆపో॒ వై దే॒వానా᳚-మ్ప్రి॒య-న్ధామ॑ । దే॒వానా॑మే॒వ ప్రి॒య-న్ధామ॑ ప్ర॒ణీయ॒ ప్రచ॑రతి । అ॒పః ప్రణ॑యతి । ఆపో॒ వై సర్వా॑ దే॒వతాః᳚ । దే॒వతా॑ ఏ॒వారభ్య॑ ప్ర॒ణీయ॒ ప్రచ॑రతి । అ॒పః ప్రణ॑యతి । ఆపో॒ వై శాం॒తాః । శాం॒తాభి॑రే॒వాస్య॒ శుచగ్ం॑ శమయతి । దే॒వో వః॑ సవి॒తో-త్పు॑నా॒త్వ-చ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ ॥ 3 కూర్చాగ్రై ర్రాక్షసా-న్ఘోరాన్ ఛింధి కర్మవిఘాతినః । త్వామర్పయామి కుంభే-ఽస్మిన్ సాఫల్య-ఙ్కురు కర్మణి । వృక్షరాజ సముద్భూతా-శ్శాఖాయాః పల్లవత్వ చః । యుష్మాన్ కుంభేష్వర్పయామి సర్వపాపాపనుత్తయే । నాలికేర-సముద్భూత త్రినేత్ర హర సమ్మిత । శిఖయా దురితం సర్వ-మ్పాప-మ్పీడా-ఞ్చ మే నుద । స॒ హి రత్నా॑ని దా॒శుషే॑ సు॒వాతి॑ సవి॒తా భగః॑ । త-మ్భా॒గ-ఞ్చి॒త్రమీ॑మహే । (ఋగ్వేద మంత్రః) తత్వా॑ యామి॒ బ్రహ్మ॑ణా॒ వంద॑మాన॒-స్తదాశా᳚స్తే॒ యజ॑మానో హ॒విర్భిః॑ । అహే॑డమానో వరుణే॒హ బో॒ద్ధ్యురు॑శగ్ంస॒ మా న॒ ఆయుః॒ ప్రమో॑షీః ॥ ఓ-మ్భూర్భువ॒స్సువ॒రోం । అస్మిన్ కుంభే వరుణమావాహయామి । వరుణస్య ఇదమాసనం । వరుణాయ నమః । సకలారాధనై-స్స్వర్చితం । రత్నసింహాసనం సమర్పయామి । పాద్యం సమర్పయామి । అర్ఘ్యం సమర్పయామి । ఆచమనీయం సమర్పయామి । మధుపర్క్కం సమర్పయామి । స్నానం సమర్పయామి । స్నానానంతరం ఆచమనీయం సమర్పయామి । వస్త్రోత్తరీయం సమర్పయామి । ఉపవీతం సమర్పయామి । గంధా-న్ధారయామి । అక్షతాన్ సమర్పయామి । పుష్పాణి సమర్పయామి । 1. ఓం-వఀరుణాయ నమః 2. ఓ-మ్ప్రచేతసే నమః 3. ఓం సురూపిణే నమః 4. ఓం అపాంపతయే నమః 5. ఓ-మ్మకరవాహనాయ నమః 6. జలాధిపతయే నమః 7. ఓ-మ్పాశహస్తాయ నమః 8. ఓ-న్తీర్థరాజాయ నమః ఓం-వఀరుణాయ నమః । నానావిధ పరిమల పత్ర పుష్పాణి సమర్పయామి । ధూపం ఆఘ్రాపయామి । దీప-న్దర్​శయామి । ధూపదీపానంతరం ఆచమనీయం సమర్పయామి । ఓ-మ్భూర్భువస్సువః । తథ్స॑వి॒తుర్వరే᳚ణ్య॒-మ్భర్గో॑ దే॒వస్య॑ ధీమహి । ధియో॒ యోన॑ ప్రచో॒దయా᳚త్ । దేవ సవితః ప్రసువః । సత్య-న్త్వర్తేన పరిషించామి । (రాత్రౌ - ఋత-న్త్వా సత్యేన పరిషించామి) । ఓం-వఀరుణాయ నమః । అమృత-మ్భవతు । అమృతోపస్తరణమసి । ఓ-మ్ప్రాణాయ స్వాహా । ఓం అపానాయ స్వాహా । ఓం-వ్యాఀనాయ స్వాహా । ఓం ఉదానాయ స్వాహా । ఓం సమానాయ స్వాహా । ఓ-మ్బ్రహ్మణే స్వాహా । కదలీఫల-న్నివేదయామి । మద్ధ్యేమద్ధ్యే అమృతపానీయం సమర్పయామి । అమృతాపిధానమసి । నైవేద్యానంతరం ఆచమనీయం సమర్పయామి । తాంబూలం సమర్పయామి । కర్పూర నీరాజన-మ్ప్రదర్​శయామి । నీరాజనానంతరం ఆచమనీయం సమర్పయామి । మంత్ర పుష్పం సమర్పయామి । సువర్ణ పుష్పం సమర్పయామి । సమస్తోపచారాన్ సమర్పయామి ॥ 1. పంచాంగ రుద్రన్యాసః – అథాతః పంచాంగరుద్రాణా-న్న్యాసపూర్వక-ఞ్జప-హోమా-ర్చనా-భిషేక-విధిం-వ్యాఀఖ్యాస్యామః అథాతః పంచాంగరుద్రాణా-న్న్యాసపూర్వక-ఞ్జప-హోమా-ర్చనాభిషేక-ఙ్కరిష్యమాణః । హరిః ఓం అథాతః పంచాంగ రుద్రాణాం ॥ ఓంకారమంత్ర సం​యుఀక్త-న్నిత్య-న్ధ్యాయంతి యోగినః । కామద-మ్మోక్షద-న్తస్మై ఓంకారాయ నమో నమః ॥ నమస్తే దేవ దేవేశ నమస్తే పరమేశ్వర । నమస్తే వృషభారూఢ నకారాయ నమో నమః ॥ ఓ-న్నమో భగవతే॑ రుద్రా॒య ॥ ఓ-మ్భూర్భువ॒స్సువః॑ ॥ ఓ-న్నం ॥ నమ॑స్తే రుద్ర మ॒న్యవ॑ ఉ॒తోత॒ ఇష॑వే॒ నమః॑ । నమ॑స్తే అస్తు॒ ధన్వ॑నే బా॒హుభ్యా॑ము॒త తే॒ నమః॑ ॥ యా త॒ ఇషుః॑ శి॒వత॑మా శి॒వ-మ్బ॒భూవ॑ తే॒ ధనుః॑ । శి॒వా శ॑ర॒వ్యా॑ యా తవ॒ తయా॑ నో రుద్ర మృడయ । ఓ-న్నమో భగవతే॑ రుద్రా॒య ॥ నం ఓం । పూర్వాంగ రుద్రాయ॒ నమః ॥ (ప్రాచ్యై దిశ) మహాదేవ-మ్మహాత్మాన-మ్మహాపాతకనాశనం । మహాపాపహరం-వఀందే మకారాయ నమో నమః ॥ ఓ-మ్భూర్భువ॒స్సువః॒ ॥ ఓ-మ్మం ॥ ఓ-న్నిధ॑నపతయే॒ నమః । నిధనపతాంతికాయ॒ నమః । ఊర్ధ్వాయ॒ నమః । ఊర్ధ్వలింగాయ॒ నమః । హిరణ్యాయ॒ నమః । హిరణ్యలింగాయ॒ నమః । సువర్ణాయ॒ నమః । సువర్ణలింగాయ॒ నమః । దివ్యాయ॒ నమః । దివ్యలింగాయ॒ నమః । భవాయః॒ నమః । భవలింగాయ॒ నమః । శర్వాయ॒ నమః । శర్వలింగాయ॒ నమః । శివాయ॒ నమః । శివలింగాయ॒ నమః । జ్వలాయ॒ నమః । జ్వలలింగాయ॒ నమః । ఆత్మాయ॒ నమః । ఆత్మలింగాయ॒ నమః । పరమాయ॒ నమః । పరమలింగాయ॒ నమః । ఏతత్సోమస్య॑ సూర్య॒స్య సర్వలింగగ్గ్॑ స్థాప॒య॒తి॒ పాణిమంత్ర-మ్పవి॒త్రం ॥ ఓ-న్నమో భగవతే॑ రుద్రా॒య ॥ మం ఓం ॥ దక్షిణాంగ రుద్రాయ॒ నమః ॥ (దక్షిణ దిశ) శివం శాంత-ఞ్జగన్నాథం-లోఀకానుగ్రహకారణం । శివమేక-మ్పరం-వఀందే శికారాయ నమో నమః ॥ ఓ-మ్భూర్భువ॒స్సువః॒ ॥ ఓం శిం ॥ అపై॑తుమృ॒త్యురమృత॑-న్న॒ ఆగ॑న్ వైవస్వ॒తో నో॒ అ॑భయ-ఙ్కృణోతు । ప॒ర్ణం-వఀన॒స్పతేరివా॒భినశ్శీయతాగ్ం ర॒యిస్సచ॑తా-న్న॒శ్శచీ॒పతిః॑ ॥ ఓ-న్నమో భగవతే॑ రుద్రా॒య ॥ శిం ఓం ॥ పశ్చిమాంగ రుద్రాయ॒ నమః ॥ (పశ్చిమ దిశ) వాహనం-వృఀషభో యస్య వాసుకీ కంఠభూషణం । వామే శక్తిధరం-వఀందే వకారాయ నమో నమః ॥ ఓ-మ్భూర్భువ॒స్సువః॒ ॥ ఓం-వాఀం ॥ ప్రాణానా-ఙ్గ్రంథిరసి రుద్రో మా॑ విశాం॒తకః । తేనాన్నేనా᳚ప్యాయ॒స్వ ॥ ఓ-న్నమో భగవతే రుద్రాయ విష్ణవే మృత్యు॑ర్మే పా॒హి ॥ ఓ-న్నమో భగవతే॑ రుద్రా॒య ॥ వాం ఓం ॥ ఉత్తరాంగ రుద్రాయ॒ నమః ॥ (ఉత్తర దిశ) యత్ర కుత్ర స్థిత-న్దేవం సర్వవ్యాపినమీశ్వరం । యల్లింగ-మ్పూజయేన్నిత్యం-యఀకారాయ నమో నమః ॥ ఓ-మ్భూర్భువ॒స్సువః॒ ॥ ఓం-యఀం ॥ యో రు॒ద్రో అ॒గ్నౌ యో అ॒ప్సు య ఓష॑ధీషు॒ యో రు॒ద్రో విశ్వా॒ భువ॑నా వి॒వేశ॒ తస్మై॑ రు॒ద్రాయ॒ నమో॑ అస్తు ॥ ఓ-న్నమో భగవతే॑ రుద్రా॒య ॥ యం ఓం ॥ ఊర్ధ్వాంగ రుద్రాయ॒ నమః ॥ (ఊర్ధ్వ దిశ) 2. పంచముఖ ధ్యానం – ఓ-న్నం ॥ తత్పురు॒షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచోదయా᳚త్ ॥ సం​వఀర్తాగ్ని తటిత్ప్రదీప్త కనక ప్రస్పర్థి తేజోమయం । గంభీరధ్వని సామవేదజనక-న్తామ్రాధరం సుందరం । అర్ధేందుద్యుతి లోలపింగల జటాభారప్రబద్ధోరగం । వందే సిద్ధ సురాసురేంద్రనమిత-మ్పూర్వ-మ్ముఖం శూలినః ॥ ఓ-న్నమో భగవతే॑ రుద్రా॒య ॥ ఓ-న్నం ॥ పూర్వ ముఖాయ॒ నమః ॥ అ॒ఘోరే᳚భ్యో-ఽథఘో॒రే᳚భ్యో॒ ఘోర॒ఘోర॑తరేభ్యః ॥ సర్వే᳚భ్యస్సర్వ శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥ కాలాభ్రభ్రమరాంజనద్యుతినిభం-వ్యాఀవృత్త పింగేక్షణం కర్ణోద్భాసిత భోగిమస్తక మణిప్రోద్గీర్ణ దంష్ట్రాంకురం । సర్పప్రోత కపాల శుక్తి శకల వ్యాకీర్ణ సచ్ఛేఖరం వందే దక్షిణమీశ్వరస్య కుటిల భ్రూభంగ రౌద్ర-మ్ముఖం ॥ ఓ-న్నమో భగవతే॑ రుద్రా॒య ॥ ఓ-మ్మం ॥ దక్షిణ ముఖాయ॒ నమః ॥ స॒ద్యో జా॒త-మ్ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ । భ॒వే భ॑వే॒ నాతి॑ భవే భవస్వ॒ మాం । భ॒వో-ద్భ॑వాయ॒ నమః॑ ॥ ప్రాలేయాచలమిందుకుంద ధవల-ఙ్గోక్షీరఫేనప్రభం భస్మాభ్యక్తమనంగ దేహ దహన జ్వాలావలీ లోచనం । బ్రహ్మేంద్రాది మరుద్గణైస్పుతిపదై రభ్యర్చితం-యోఀగిభిః వందే-ఽహం సకల-ఙ్కలంకరహితం స్థాణోర్ముఖ-మ్పశ్చిమం ॥ ఓ-న్నమో భగవతే॑ రుద్రా॒య ॥ ఓం శిం ॥ పశ్చిమ ముఖాయ॒ నమః ॥ వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒-స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ॥ గౌర-ఙ్కుంకుమ పంకిలం స్తిలకం-వ్యాఀపాండు గండస్థలం భ్రూవిక్షేప కటాక్ష లసత్సంసక్త కర్ణోత్ఫలం । స్నిగ్ధ-మ్బింబఫలాధర-మ్ప్రహసిత-న్నీలాలకాల-ఙ్కృతం వందే పూర్ణ శశాంక మండలనిభం-వఀక్త్రం హరస్యోత్తరం ॥ ఓ-న్నమో భగవతే॑ రుద్రా॒య ॥ ఓం-వాఀం ॥ ఉత్తర ముఖాయ॒ నమః ॥ ఈశాన-స్సర్వ॑విద్యా॒నా॒-మీశ్వర-స్సర్వ॑భూతా॒నా॒-మ్బ్రహ్మాధి॑పతి॒-ర్బ్రహ్మ॒ణో ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోం ॥ (కనిష్ఠికాభ్యా-న్నమః) వ్యక్తావ్యక్త గుణేతర-మ్పరతరం షట్త్రింశతత్త్వాత్మకం తస్మాదుత్తమ తత్త్వమక్షరమిద-న్ధ్యేయం సదా యోగిభిః । ఓంకారాది సమస్త మంత్రజనకం సూక్ష్మాది సూక్ష్మ-మ్పరం శాంత-మ్పంచమమీశ్వరస్య వదన-ఙ్ఖం​వ్యాఀప్తి తేజోమయం ॥ ఓ-న్నమో భగవతే॑ రుద్రా॒య ॥ ఓం-వాఀం ॥ ఊర్ధ్వ ముఖాయ॒ నమః ॥ దిఙ్నమస్కారః పూర్వే పశుపతిః పాతు । దక్షిణే పాతు శంకరః । పశ్చిమే పాతు విశ్వేశః । నీలకంఠస్తదోత్తరే ॥ ఈశాన్యా-మ్పాతు మే శర్వః । ఆగ్నేయా-మ్పార్వతీపతిః । నైఋత్యా-మ్పాతు మే రుద్రః । వాయవ్యా-న్నీలలోహితః ॥ ఊర్ధ్వే త్రిలోచనః పాతు । అధరాయా-మ్మహేశ్వరః । ఏతాభ్యో దశ దిగ్భ్యస్తు । సర్వతః పాతు శంకరః ॥ (నా రుద్రో రుద్రమర్చయే᳚త్ । న్యాసపూర్వక-ఞ్జపహోమార్చనా-ఽభిషేకవిధి వ్యాఖ్యాస్యామః ।) 3. అంగన్యాసః – యా తే॑ రుద్ర శి॒వా త॒నూరఘో॒రా-ఽపా॑పకాశినీ । తయా॑ న స్త॒నువా॒ శంత॑మయా॒ గిరి॑శంతా॒భి చా॑కశీహి । శిఖాయై నమః । 1 అ॒స్మి-న్మ॑హ॒త్య॑ర్ణ॒వే᳚-ఽన్తరి॑క్షే భ॒వా అధి॑ । తేషాగ్ం॑ సహస్రయోజ॒నే-ఽవ॒ధన్వా॑ని తన్మసి । శిరసే నమః । 2 స॒హస్రా॑ణి సహస్ర॒శో యే రు॒ద్రా అధి॒ భూమ్యాం᳚ । తేషాగ్ం॑ సహస్ర-యోజ॒నే-ఽవ॒ధన్వా॑ని తన్మసి । లలాటాయ నమః । 3 హ॒గ్ం॒స-శ్శు॑చి॒ష-ద్వసు॑రంతరిక్ష॒సద్ధోతా॑ వేది॒షదతి॑థి-ర్దురోణ॒సత్ । నృ॒షద్వ॑ర॒-సదృ॑త॒-సద్వ్యో॑మ॒ సద॒బ్జా గో॒జా ఋ॑త॒జా అ॑ద్రి॒జా ఋ॒త-మ్బృ॒హత్ । భ్రువోర్మద్ధ్యాయ నమః । 4 త్ర్య॑బంకం-యఀజామహే సుగం॒ధి-మ్పు॑ష్టి॒వర్ధ॑నం । ఉ॒ర్వా॒రు॒కమి॑వ॒ బంధ॑నాన్ మృ॒త్యో-ర్ము॑క్షీయ॒ మా-ఽమృతా᳚త్ । నేత్రాభ్యా-న్నమః । 5 నమ॒-స్స్రుత్యా॑య చ॒ పథ్యా॑య చ॒ నమః॑ కా॒ట్యా॑య చ నీ॒ప్యా॑య చ । కర్ణాభ్యా-న్నమః । 6 మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః । వీ॒రాన్మానో॑ రుద్ర భామి॒తో వ॑ధీర్-హ॒విష్మం॑తో॒ నమ॑సా విధేమ తే । నాసికాభ్యా-న్నమః । 7 అ॒వ॒తత్య॒ ధను॒స్త్వగ్ం సహ॑స్రాక్ష॒ శతే॑షుధే । ని॒శీర్య॑ శ॒ల్యానా॒-మ్ముఖా॑ శి॒వో నః॑ సు॒మనా॑ భవ । ముఖాయ నమః । 8 నీల॑గ్రీవా శ్శితి॒కంఠా᳚-శ్శ॒ర్వా అ॒ధః, క్ష॑మాచ॒రాః । తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి । కంఠాయ నమః । 9.1 నీల॑గ్రీవా-శ్శితి॒కంఠా॒ దివగ్ం॑ రు॒ద్రా ఉప॑శ్రితాః । తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి । ఉపకంఠాయ నమః । 9.2 నమ॑స్తే అ॒స్త్వాయు॑ధా॒యా-నా॑తతాయ ధృ॒ష్ణవే᳚ । ఉ॒భాభ్యా॑ము॒త తే॒ నమో॑ బా॒హుభ్యా॒-న్తవ॒ ధన్వ॑నే । బాహుభ్యా-న్నమః । 10 యా తే॑ హే॒తి-ర్మీ॑ఢుష్టమ॒ హస్తే॑ బ॒భూవ॑ తే॒ ధనుః॑ । తయా॒-ఽస్మాన్ వి॒శ్వత॒స్త్వ-మ॑య॒క్ష్మయా॒ పరి॑బ్భుజ । ఉపబాహుభ్యా-న్నమః । 11 పరి॑ణో రు॒ద్రస్య॑ హే॒తి-ర్వృ॑ణక్తు॒ పరి॑త్వే॒షస్య॑ దుర్మ॒తిర॑ఘా॒యోః । అవ॑ స్థి॒రా మ॒ఘవ॑ద్భ్యః తనుష్వ॒ మీఢ్వ॑స్తో॒కాయ॒ తన॑యాయ మృడయ । మణిబంధాభ్యా-న్నమః । 12 యే తీ॒ర్థాని॑ ప్ర॒చరం॑తి సృ॒కావం॑తో నిషం॒గిణః॑ । తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి । హస్తాభ్యా-న్నమః । 13 స॒ద్యో జా॒త-మ్ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ । భ॒వే భ॑వే॒ నాతి॑ భవే భవస్వ॒ మాం । భ॒వో-ద్భ॑వాయ॒ నమః॑ ॥ అగుంష్ఠాభ్యా-న్నమః । 14.1 వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒-స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ । తర్జనీభ్యా-న్నమః । 14.2 అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః । సర్వే᳚భ్య-స్సర్వ॒ శర్వే᳚భ్యో॒ నమ॑స్తే అస్తు రు॒ద్ర రూ॑పేభ్యః ॥ మద్ధ్యమాభ్యా-న్నమః । 14.3 తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా᳚త్ ॥ అనామికాభ్యా-న్నమః । 14.4 ఈశాన-స్సర్వ॑విద్యా॒నా॒-మీశ్వర-స్సర్వ॑భూతా॒నాం॒ రహ్మాధి॑పతి॒-ర్బ్రహ్మ॒ణో ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోం ॥ కనిష్ఠికాభ్యా-న్నమః । 14.5 నమో॑ వః కిరి॒కేభ్యో॑ దే॒వానా॒గ్ం॒ హృద॑యేభ్యః । హృదయాయ నమః । 15 నమో॑ గ॒ణేభ్యో॑ గ॒ణప॑తిభ్యశ్చ వో॒ నమః॑ । పృష్ఠాయ నమః । 16 నమో॒ హిర॑ణ్యబాహవే సేనా॒న్యే॑ ది॒శాంచ॒ పత॑యే॒ నమః॑ । పార్​శ్వాభ్యా-న్నమః । 17 విజ్య॒-న్ధనుః॑ కప॒ర్దినో॒ విశ॑ల్యో॒ బాణ॑వాగ్ం ఉ॒త । అనే॑శన్న॒స్యేష॑వ ఆ॒భుర॑స్య నిషం॒గథిః॑ । జఠరాయ నమః । 18 హి॒ర॒ణ్య॒గ॒ర్భ స్సమ॑వర్త॒తాగ్రే॑ భూ॒తస్య॑ జా॒తః పతి॒రేక॑ ఆసీత్ । సదా॑ధార పృథి॒వీ-న్ద్యాము॒తేమా-ఙ్కస్మై॑ దే॒వాయ॑ హ॒విషా॑ విధేమ । నాభ్యై నమః । 19 మీఢు॑ష్టమ॒ శివ॑తమ శి॒వో న॑స్సు॒మనా॑ భవ । ప॒ర॒మే వృ॒క్ష ఆయు॑ధ-న్ని॒ధాయ॒ కృత్తిం॒-వఀసా॑న॒ ఆచ॑ర॒ పినా॑క॒-మ్బిభ్ర॒దాగ॑హి । కఠ్యై నమః । 20 యే భూ॒తానా॒-మధి॑పతయో విశి॒ఖాసః॑ కప॒ర్ది॑నః । తేషాగ్ం॑ సహస్రయోజ॒నే ఽవ॒ధన్వా॑ని తన్మసి । గుహ్యాయ నమః । 21 యే అన్నే॑షు వి॒విద్ధ్యం॑తి॒ పాత్రే॑షు॒ పిబ॑తో॒ జనాన్॑ । తేషాగ్ం॑ సహస్రయోజ॒నే-ఽ వ॒ధన్వా॑ని తన్మసి । అండాభ్యా-న్నమః । 22 స॒ శి॒రా జా॒తవే॑దా అ॒క్షర॑-మ్పర॒మ-మ్ప॒దం । వేదా॑నా॒గ్ం॒ శిర॑సి మా॒తా॒ ఆ॒యు॒ష్మంత॑-ఙ్కరోతు॒ మాం । అపానాయ నమః । 23 మా నో॑ మ॒హాంత॑ము॒త మా నో॑ అర్భ॒క-మ్మా న॒ ఉక్షం॑తము॒త మా న॑ ఉక్షి॒తం । మా నో॑ వధీః పి॒తర॒-మ్మోత మా॒తర॑-మ్ప్రి॒యా మా న॑స్త॒నువో॑ రుద్ర రీరిషః । ఊరుభ్యా-న్నమః । 24 ఏ॒ష తే॑ రుద్రభా॒గ-స్తంజు॑షస్వ॒ తేనా॑వ॒సేన॑ ప॒రో మూజ॑వ॒తో-ఽతీ॒హ్యవ॑తత-ధన్వా॒ పినా॑కహస్తః॒ కృత్తి॑వాసాః । జానుభ్యా-న్నమః । 25 స॒గ్ం॒ సృ॒ష్ట॒జిథ్సో॑మ॒పా బా॑హు-శ॒ర్ధ్యూ᳚ర్ధ్వ ధ॑న్వా॒ ప్రతి॑హితా-భి॒రస్తా᳚ । బృహ॑స్పతే॒ పరి॑దీయా॒ రథే॑న రక్షో॒హా-ఽమిత్రాగ్ం॑ అప॒బాధ॑మానః । జంఘాభ్యా-న్నమః । 26 విశ్వ॑-మ్భూ॒త-మ్భువ॑న-ఞ్చి॒త్ర-మ్బ॑హు॒ధా జా॒త-ఞ్జాయ॑మాన-ఞ్చ॒ యత్ । సర్వో॒ హ్యే॑ష రు॒ద్ర-స్తస్మై॑ రు॒ద్రాయ॒ నమో॑ అస్తు ॥ గుల్ఫాభ్యా-న్నమః । 27 యే ప॒థా-మ్ప॑థి॒రక్ష॑య ఐలబృ॒దా య॒వ్యుధః॑ । తేషాగ్ం॑ సహస్రయోజ॒నే ఽవ॒ధన్వా॑ని తన్మసి । పాదాభ్యా-న్నమః । 28 అద్ధ్య॑వోచ-దధివ॒క్తా ప్ర॑థ॒మో దైవ్యో॑ భి॒షక్ । అహీగ్॑శ్చ॒ సర్వా᳚న్ జ॒భం​యఀ॒-న్థ్సర్వా᳚శ్చ యాతు ధా॒న్యః॑ । కవచాయ హుం । 29 నమో॑ బి॒ల్మినే॑ చ కవ॒చినే॑ చ॒ నమః॑ శ్రు॒తాయ॑ చ శ్రుతసే॒నాయ॑ చ । ఉపకవచాయ హుం । 30 నమో॑ అస్తు॒ నీల॑గ్రీవాయ సహస్రా॒క్షాయ॑ మీ॒ఢుషే᳚ । అథో॒ యే అ॑స్య॒ సత్వా॑నో॒-ఽహ-న్తేభ్యో॑-ఽకర॒న్నమః॑ । తృతీయ నేత్రాయ నమః । 31 ప్రముం॑చ॒ ధన్వ॑న॒స్త్వ-ము॒భయో॒-రార్త్ని॑యో॒ర్జ్యాం । యాశ్చ॑ తే॒ హస్త॒ ఇష॑వః॒ పరా॒ తా భ॑గవో వప । అస్త్రాయ ఫట్ । 32 య ఏ॒తావం॑తశ్చ॒ భూయాగ్ం॑సశ్చ॒ దిశో॑ రు॒ద్రా వి॑తస్థి॒రే । తేషాగ్ం॑॑ సహస్రయోజ॒నే ఽవ॒ధన్వా॑ని తన్మసి । ఇతి దిగ్బంధః । 33 ఇతి ప్రథమ న్యాసః ॥ (శిఖాది అస్త్రపర్యంతం ఏకత్రింశదంగన్యాసః దిగ్బంధ సహితః ప్రథమః)   4. దశాంగ న్యాసః – ఓ-న్నమో భగవతే॑ రుద్రా॒య । ఇతి నమస్కారా-న్న్యసే᳚త్ ॥ ఓం ఓ-మ్మూర్థ్నే నమః (మూర్ధ్ని) । ఓ-న్న-న్నాసికాయై నమః (నాసికాగ్రః) । ఓ-మ్మోం-లఀలటాయ నమః (లలాటః) । ఓ-మ్భ-మ్ముఖాయ నమః (ముఖాం) । ఓ-ఙ్గ-ఙ్కంఠాయ నమః (కంఠః) । ఓం-వంఀ హృదయాయ నమః (హృదయః) । ఓ-న్తే-న్దక్షిణ హస్తాయ నమః (దక్షిణ హస్తః) । ఓం రుం-వాఀమ హస్తాయ నమః (వామ హస్తః) । ఓ-న్ద్రా-న్నాభ్యై నమః (నాభ్హీ) । ఓం-యఀ-మ్పాదాభ్యా-న్నమః (పాదౌ) ॥ [అప ఉపస్పృశ్య] ఇతి ద్వితీయ న్యాసః మూర్ధాది పాదాంత-న్దశాంగ న్యాసః ద్వితీయః 5. పంచాంగ న్యాసః – స॒ద్యో జా॒త-మ్ప్ర॑పద్యా॒మి॒ స॒ద్యో జా॒తాయ॒ వై నమో॒ నమః॑ । భ॒వే భ॑వే॒ నాతి॑భవే భవస్వ॒ మాం । భ॒వో-ద్భ॑వాయ॒ నమః॑ ॥ పాదాభ్యా-న్నమః । 1 [అప ఉపస్పృశ్య] వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒ స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ । ఊరుమధ్యమాభ్యా-న్నమః । 2 అ॒ఘోరే᳚భ్యో ఽథ॒ఘోరే᳚భ్యో॒ ఘోర॒ఘోర॑తరేభ్యః । సర్వే᳚భ్య-స్సర్వ॒ శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥ హృదయాయ నమః । 3 తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా᳚త్ ॥ ముఖాయ నమః । 4 ఈశాన-స్సర్వ॑విద్యా॒నా॒-మీశ్వరసర్వ॑ భూతా॒నాం॒ బ్రహ్మాధి॑పతి॒-ర్బ్రహ్మ॒ణో-ఽధి॑పతి॒-ర్బ్రహ్మా॑ శి॒వో మే॑ అస్తు సదాశి॒వోం ॥ మూర్ధ్నే నమః । 5 5.1 హంస గాయత్రీ – అస్య శ్రీ హంసగాయత్రీ మహామంత్రస్య, అవ్యక్త పరబ్రహ్మ ఋషిః, అనుష్టు-ప్ఛందః, పరమహంసో దేవతా । హంసా-మ్బీజం, హంసీం శక్తిః । హంసూ-ఙ్కీలకం । పరమహంస ప్రసాద సిద్ధ్యర్థే జపే వినియోగః ॥ 1 కరన్యాసః – హంసాం అగుంష్ఠాభ్యా-న్నమః । హంసీ-న్తర్జనీభ్యా-న్నమః । హంసూం - మద్ధ్యమాభ్యా-న్నమః । హంసైం - అనామికాభ్యా-న్నమః । హంసౌం - కనిష్ఠికాభ్యా-న్నమః । హంసః-కరతల కరపృష్ఠాభ్యా-న్నమః । 2 హృదయాది న్యాసః – హంసాం - హృదయాయ నమః । హంసీం - శిరసే స్వాహా । హంసూం - శిఖాయై వషట్ । హంసైం - కవచాయ హుం । హంసౌం - నేత్రత్రయాయ వౌషట్ । హంసః - అస్త్రాయ ఫట్ ॥ ఓ-మ్భూర్భువ॒స్సువ॒రోమితి దిగ్బంధః । 3 ధ్యానం – గమాగమస్థ-ఙ్గమనాదిశూన్య-ఞ్చి-ద్రూపదీప-న్తిమిరాపహారం । పశ్యామి తే సర్వజనాంతరస్థ-న్నమామి హంస-మ్పరమాత్మరూపం ॥ 4 దేహో దేవాలయః ప్రోక్తో జీవో దేవ-స్సనాతనః । త్యజేదజ్ఞాననిర్మాల్యం సో-ఽహంభావేన పూజయేత్ ॥ హం॒స హం॒సాయ॑ వి॒ద్మహే॑ పరమహం॒సాయ॑ ధీమహి । తన్నో॑ హంసః ప్రచో॒దయా᳚త్ ॥ 5 (ఇతి త్రివార-ఞ్జపిత్వా) హంస హం॒సేతి యో బ్రూయా-ధంసో (బ్రూయాద్ధంసో) నామ సదాశివః । ఏవ-న్న్యాస విధి-ఙ్కృత్వా తత-స్సంపుటమారభేత్ ॥ 6 5.2 దిక్ సంపుటన్యాసః (సంపుటీకరణం) – ఇంద్రాదీ-న్దిక్షువిన్యస్య । ఓ-మ్భూర్భువ॒స్సువః॑ । ఓం ఓం । త్రా॒తార॒మింద్ర॑ మవి॒తార॒మింద్ర॒గ్ం॒ హవే॑ హవే సు॒హవ॒గ్ం॒ శూర॒మింద్రం᳚ । హు॒వే ను శ॒క్ర-మ్పు॑రుహూ॒తమింద్రగ్గ్॑ స్వ॒స్తి నో॑ మ॒ఘవా॑ ధా॒త్వింద్రః॑ ॥ ఓ-న్నమో భగవతే॑ రుద్రా॒య । ఓం ఓం । పూర్వదిగ్భాగే ఇంద్రాయ నమః ॥ 1 (తై.సం.1-6-12-50) ఓ-మ్భూర్భువ॒స్సువః॑ । ఓ-న్నం । త్వ-న్నో॑ అగ్నే॒ వరు॑ణస్య వి॒ద్వాందే॒వస్య॒ హేడో-ఽవ॑ యాసిసీష్ఠాః । యజి॑ష్ఠో॒ వహ్ని॑తమ॒-శ్శోశు॑చానో॒ విశ్వా॒ ద్వేషాగ్ం॑సి॒ ప్రము॑ముగ్ధ్య॒స్మత్ ॥ ఓ-న్నమో భగవతే॑ రుద్రా॒య । నం ఓం । ఆగ్నేయదిగ్భాగే అగ్నయే నమః ॥ 2 (తై.సం.2-5-12-72) ఓ-మ్భూర్భువ॒స్సువః॑ । ఓ-మ్మోం । సు॒గ-న్నః॒ పంథా॒మభ॑య-ఙ్కృణోతు । యస్మి॒న్నక్ష॑త్రే య॒మ ఏతి॒ రాజా᳚ । యస్మి॑న్నేనమ॒భ్యషిం॑చంత దే॒వాః । తద॑స్య చి॒త్రగ్ం హ॒విషా॑ యజామ ॥ ఓ-న్నమో భగవతే॑ రుద్రా॒య । మోం ఓం । దక్షిణదిగ్భాగే యమాయ నమః ॥ 3 (తై.బ్రా.3-1-2-11-23) ఓ-మ్భూర్భువ॒స్సువః॑ । ఓ-మ్భం । అసు॑న్వంత॒మయ॑జమానమిచ్ఛ స్తే॒నస్యే॒త్యాంతస్క॑ర॒స్యాన్వే॑షి । అ॒న్యమ॒స్మది॑చ్ఛ॒ సా త॑ ఇ॒త్యా నమో॑ దేవి నిర్.ఋతే॒ తుభ్య॑మస్తు ॥ ఓ-న్నమో భగవతే॑ రుద్రా॒య । భం ఓం । నిర్-ఋతిదిగ్భాగే నిర్-ఋతయే నమః ॥ 4 (తై.సం.4-2-5-21) ఓ-మ్భూర్భువ॒స్సువః॑ । ఓ-ఙ్గం । తత్త్వా॑ యామి॒ బ్రహ్మ॑ణా॒ వంద॑మాన॒స్తదా శా᳚స్తే॒ యజ॑మానో హ॒విర్భిః॑ । అహే॑డమానో వరుణే॒హ బో॒ధ్యురు॑శగ్ంస॒ మా న॒ ఆయుః॒ ప్రమో॑షీః ॥ ఓ-న్నమో భగవతే॑ రుద్రా॒య । గం ఓం । పశ్చిమదిగ్భాగే వరుణాయ నమః ॥ 5 (తై.సం.2-1-11-65) ఓ-మ్భూర్భువ॒స్సువః॑ । ఓం-వఀం । ఆ నో॑ ని॒యుద్భిః॑ శ॒తినీ॑భిరధ్వ॒రగ్మ్ । స॑హ॒స్రిణీ॑భి॒రుప॑ యాహి య॒జ్ఞం । వాయో॑ అ॒స్మిన్ హ॒విషి॑ మాదయస్వ । యూ॒య-మ్పా॑త స్వ॒స్తిభి॒-స్సదా॑ నః ॥ ఓ-న్నమో భగవతే॑ రుద్రా॒య । వం ఓం । వాయవ్యదిగ్భాగే వాయవే నమః ॥ 6 (తై.బ్రా.2-8-1-2) ఓ-మ్భూర్భువ॒స్సువః॑ । ఓ-న్తేం । వ॒యగ్ం సో॑మ వ్ర॒తే తవ॑ । మన॑స్త॒నూషు॒ బిభ్ర॑తః । ప్ర॒జావం॑తో అశీమహి । ఇం॒ద్రా॒ణీ దే॒వీ సు॒భగా॑ సు॒పత్నీ᳚ ॥ ఓ-న్నమో భగవతే॑ రుద్రా॒య । తేం ఓం । ఉత్తరదిగ్భాగే కుబేరాయ నమః ॥ 7 (తై.బ్రా.2-4-2-7-18) ఓ-మ్భూర్భువ॒స్సువః॑ । ఓం రుం । తమీశా᳚న॒-ఞ్జగ॑తస్త॒స్థుష॒స్పతి᳚-న్ధియ-ఞ్జి॒న్వమవ॑సే హూమహే వ॒యం । పూ॒షా నో॒ యథా॒ వేద॑సా॒మస॑ద్వృ॒ధే ర॑క్షి॒తా పా॒యురద॑బ్ధ-స్స్వ॒స్తయే᳚ ॥ ఓ-న్నమో భగవతే॑ రుద్రా॒య । రుం ఓం । ఈశాన్యదిగ్భాగే ఈశానాయ నమః ॥ 8 ఓ-మ్భూర్భువ॒స్సువః॑ । ఓ-న్ద్రాం । అ॒స్మే రు॒ద్రా మే॒హనా॒ పర్వ॑తాసో వృత్ర॒హత్యే॒ భర॑హూతౌ స॒జోషాః᳚ । య-శ్శంస॑తే స్తువ॒తే ధాయి॑ ప॒జ్ర ఇంద్ర॑జ్యేష్ఠా అ॒స్మాం అ॑వంతు దే॒వాః ॥ ఓ-న్నమో భగవతే॑ రుద్రా॒య । ద్రాం ఓం । ఊర్ధ్వదిగ్భాగే ఆకాశాయ నమః ॥ 9 ఓ-మ్భూర్భువ॒స్సువః॑ । ఓం-యఀం । స్యో॒నా పృ॑థివి॒ భవా॑నృక్ష॒రా ని॒వేశ॑నీ । యచ్ఛా॑ న॒-శ్శర్మ॑ స॒ప్రథాః᳚ ॥ ఓ-న్నమో భగవతే॑ రుద్రా॒య । యం ఓం । అధోదిగ్భాగే పృథివ్యై నమః ॥ 10 [అప ఉపస్పృశ్య] 5.3 దశాంగ రౌద్రీకరణం – ఓ-మ్భూర్భువ॒స్సువః॑ । ఓం ఓం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ త్రా॒తార॒మింద్ర॑ మవి॒తార॒మింద్ర॒గ్ం॒ హవే॑ హవే సు॒హవ॒గ్ం॒ శూర॒మింద్రం᳚ । హు॒వే ను శ॒క్ర-మ్పు॑రుహూ॒తమింద్రగ్గ్॑ స్వ॒స్తి నో॑ మ॒ఘవా॑ ధా॒త్వింద్రః॑ ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఓం ఓం । పూర్వదిగ్భాగే లలాటస్థానే ఇంద్రాయ నమః ॥ 1 ॥ (తై.సం.1-6-12-50) ఓ-మ్భూర్భువ॒స్సువః॑ । ఓ-న్నం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ త్వ-న్నో॑ అగ్నే॒ వరు॑ణస్య వి॒ద్వాందే॒వస్య॒ హేడో-ఽవ॑ యాసిసీష్ఠాః । యజి॑ష్ఠో॒ వహ్ని॑తమ॒-శ్శోశు॑చానో॒ విశ్వా॒ ద్వేషాగ్ం॑సి॒ ప్రము॑ముగ్ధ్య॒స్మత్ ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । నం ఓం । ఆగ్నేయదిగ్భాగే నేత్రయోస్థానే అగ్నయే నమః ॥ 2 ॥ (తై.సం.2-5-12-72) ఓ-మ్భూర్భువ॒స్సువః॑ । ఓ-మ్మోం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ సు॒గ-న్నః॒ పంథా॒మభ॑య-ఙ్కృణోతు । యస్మి॒న్నక్ష॑త్రే య॒మ ఏతి॒ రాజా᳚ । యస్మి॑న్నేనమ॒భ్యషిం॑చంత దే॒వాః । తద॑స్య చి॒త్రగ్ం హ॒విషా॑ యజామ ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । మోం ఓం । దక్షిణదిగ్భాగే కర్ణయోస్థానే యమాయ నమః ॥ 3 ॥ (తై.బ్రా.3-1-2-11-23) ఓ-మ్భూర్భువ॒స్సువః॑ । ఓ-మ్భం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ అసు॑న్వంత॒ మయ॑జమానమిచ్ఛస్తే॒నస్యే॒త్యాంతస్క॑ర॒స్యాన్వే॑షి । అ॒న్యమ॒స్మది॑చ్ఛ॒ సా త॑ ఇ॒త్యా నమో॑ దేవి నిర్.ఋతే॒ తుభ్య॑మస్తు ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । భం ఓం । నిర్.ఋతిదిగ్భాగే ముఖస్థానే నిర్.ఋతయే నమః ॥ 4 ॥ (తై.సం.4-2-5-21) ఓ-మ్భూర్భువ॒స్సువః॑ । ఓ-ఙ్గం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ తత్త్వా॑యామి॒ బ్రహ్మ॑ణా॒ వంద॑మాన॒స్తదా శా᳚స్తే॒ యజ॑మానో హ॒విర్భిః॑ । అహే॑డమానో వరుణే॒హ బో॒ధ్యురు॑శగ్ంస॒ మా న॒ ఆయుః॒ ప్రమో॑షీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । గం ఓం । పశ్చిమదిగ్భాగే బాహ్వోస్థానే వరుణాయ నమః ॥ 5 ॥ (తై.సం.2-1-11-65) ఓ-మ్భూర్భువ॒స్సువః॑ । ఓం-వఀం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఆ నో॑ ని॒యుద్భిః॑ శ॒తినీ॑భిరధ్వ॒రగ్మ్ । స॑హ॒స్రిణీ॑భి॒రుప॑ యాహి య॒జ్ఞం । వాయో॑ అ॒స్మిన్ హ॒విషి॑ మాదయస్వ । యూ॒య-మ్పా॑త స్వ॒స్తిభి॒-స్సదా॑ నః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । వం ఓం । వాయవ్యదిగ్భాగే నాసికాస్థానే వాయవే నమః ॥ 6 ॥ (తై.బ్రా.2-8-1-2) ఓ-మ్భూర్భువ॒స్సువః॑ । ఓ-న్తేం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ వ॒యగ్ం సో॑మ వ్ర॒తే తవ॑ । మన॑స్త॒నూషు॒బిభ్ర॑తః । ప్ర॒జావం॑తో అశీమహి । ఇం॒ద్రా॒ణీ దే॒వీ సు॒భగా॑ సు॒పత్నీ᳚ ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । తేం ఓం । ఉత్తరదిగ్భాగే జఠరస్థానే కుబేరాయ నమః ॥ 7 ॥ (తై.బ్రా.2-4-2-7-18) ఓ-మ్భూర్భువ॒స్సువః॑ । ఓం రుం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ తమీశా᳚న॒-ఞ్జగ॑తస్త॒స్థుష॒స్పతి᳚-న్ధియ-ఞ్జి॒న్వమవ॑సే హూమహే వ॒యం । పూ॒షా నో॒ యథా॒ వేద॑సా॒మస॑ద్వృ॒ధే ర॑క్షి॒తా పా॒యురద॑బ్ధ-స్స్వ॒స్తయే᳚ ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । రుం ఓం । ఈశాన్యదిగ్భాగే నాభిస్థానే ఈశానాయ నమః ॥ 8 ॥ ఓ-మ్భూర్భువ॒స్సువః॑ । ఓ-న్ద్రాం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ అ॒స్మే రు॒ద్రా మే॒హనా॒ పర్వ॑తాసో వృత్ర॒హత్యే॒ భర॑హూతౌ స॒జోషాః᳚ । య-శ్శంస॑తే స్తువ॒తే ధాయి॑ ప॒జ్ర ఇంద్ర॑జ్యేష్ఠా అ॒స్మాఀ అ॑వంతు దే॒వాః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ద్రాం ఓం । ఊర్ధ్వదిగ్భాగే మూర్ధ్నిస్థానే ఆకాశాయ నమః ॥ 9 ॥ ఓ-మ్భూర్భువ॒స్సువః॑ । ఓం-యఀం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ స్యో॒నా పృ॑థివి॒ భవా॑నృక్ష॒రా ని॒వేశ॑నీ । యచ్ఛా॑ న॒-శ్శర్మ॑ స॒ప్రథాః᳚ ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । యం ఓం । అధోదిగ్భాగే పాదస్థానే పృథివ్యై నమః ॥ 10 ॥ [అప ఉపస్పృశ్య] 5.4 షోడశాంగ రౌద్రీకరణం – ఓ-మ్భూర్భువ॒స్సువః॑ । ఓం అం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ వి॒భూర॑సి ప్ర॒వాహ॑ణో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । అం ఓం । శిఖాస్థానే రుద్రాయ నమః ॥ 1 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఆం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ వహ్ని॑రసి హవ్య॒వాహ॑నో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఆం ఓం । శిరస్థానే రుద్రాయ నమః ॥ 2 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఇం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ శ్వా॒త్రో॑సి॒ ప్రచే॑తా॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఇం ఓం । మూర్ధ్నిస్థానే రుద్రాయ నమః ॥ 3 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఈం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ తు॒థో॑సి వి॒శ్వవే॑దా॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఈం ఓం । లలాటస్థానే రుద్రాయ నమః ॥ 4 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఉం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఉ॒శిగ॑సిక॒వీ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఉం ఓం । నేత్రయోస్థానే రుద్రాయ నమః ॥ 5 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఊం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ అంఘా॑రిరసి॒ బంభా॑రీ॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఊం ఓం । కర్ణయోస్థానే రుద్రాయ నమః ॥ 6 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఋం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ అ॒వ॒స్యుర॑సి॒ దువ॑స్వా॒-న్రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఋం ఓం । ముఖస్థానే రుద్రాయ నమః ॥ 7 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ౠం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ శుం॒ధ్యూర॑సి మార్జా॒లీయో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ౠం ఓం । కంఠస్థానే రుద్రాయ నమః ॥ 8 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఌం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ స॒మ్రాడ॑సి కృ॒శానూ॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఌం ఓం । బాహ్వోస్థానే రుద్రాయ నమః ॥ 9 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ౡం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ప॒రి॒షద్యో॑సి॒ పవ॑మానో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ౡం ఓం । హృదిస్థానే రుద్రాయ నమః ॥ 10 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఏం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ప్ర॒తక్వా॑-ఽసి॒ నభ॑స్వా॒-న్రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఏం ఓం । నాభిస్థానే రుద్రాయ నమః ॥ 11 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఐం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ అస॑మ్మృష్టోసి హవ్య॒సూదో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఐం ఓం । కటిస్థానే రుద్రాయ నమః ॥ 12 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఓం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఋ॒తధా॑మా-ఽసి॒ సువ॑ర్జ్యోతీ॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఓం ఓం । ఊరుస్థానే రుద్రాయ నమః ॥ 13 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం ఔం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ బ్రహ్మ॑జ్యోతిరసి॒ సువ॑ర్ధామా॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । ఔం ఓం । జానుస్థానే రుద్రాయ నమః ॥ 14 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం అం । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ అ॒జో᳚-ఽస్యేక॑పా॒త్ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । అం ఓం । జంఘాస్థానే రుద్రాయ నమః ॥ 15 ॥ (తై.సం.1-3-3-5) ఓ-మ్భూర్భువ॒స్సువః॑ । ఓం అః । నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ అహి॑రసి బు॒ధ్నియో॒ రౌద్రే॒ణానీ॑కేన పా॒హి మా᳚-ఽగ్నే పిపృ॒హి మా॒ మా మా॑ హిగ్ంసీః ॥ నమః॑ శం॒భవే॑ చ మయో॒భవే॑ చ॒ నమః॑ శంక॒రాయ॑ చ మయస్క॒రాయ॑ చ॒ నమః॑ శి॒వాయ॑ చ శి॒వత॑రాయ చ॒ ॥ ఓ-న్నమో భగవతే॑ రుద్రా॒య । అః ఓం । పాదయో-స్స్థానే రుద్రాయ నమః ॥ 16 ॥ (తై.సం.1-3-3-5) [అప ఉపస్పృశ్య] త్వగస్థిగతై-స్సర్వపాపైః ప్రముచ్యతే । సర్వభూతేష్వపరాజితో భవతి । తతో భూతప్రేత పిశాచ బద్ధ బ్రహ్మరాక్షస యక్ష యమదూత శాకినీ డాకినీ హాకినీ శత్రు సర్ప శ్వాపద తస్కర జ్వరాద్యుపద్రవజోపఘాతా-స్సర్వే జ్వలంత-మ్పశ్యంతు । [కర్తస్య వచనం] మాం రక్షంతు ॥ [పురోహిత వచనం] యజమానగ్ం రక్షంతు ॥ ఇతి తృతీయః న్యాసః పాదాతి మూర్ధాంత-మ్పంచాంగ న్యాసః 6. ఆత్మరక్షా – 6.1 మనో జ్యోతిః – మనో॒ జ్యోతి॑ ర్జుషతా॒-మాజ్యం॒-విఀచ్ఛి॑న్నం-యఀ॒జ్ఞగ్ం సమి॒మ-న్ద॑ధాతు । యా ఇ॒ష్టా ఉ॒షసో॑ ని॒మ్రుచ॑శ్చ॒ తాస్సంద॑ధామి హ॒విషా॑ ఘృ॒తేన॑ । (గుహ్యాయ నమః) । 1 (తై. సం. 1.5.10.2) అబో᳚ద్ధ్య॒గ్ని-స్స॒మిధా॒ జనా॑నా॒-మ్ప్రతి॑ధే॒ను-మి॑వాయ॒తీ ము॒షాసం᳚ । య॒హ్వా ఇ॑వ॒ ప్రవ॒యా-ము॒జ్జిహా॑నాః॒ ప్రభా॒నవః॑ సిస్రతే॒ నాక॒మచ్ఛ॑ । (నాభ్యై నమః) । 2 (తై. సం. 4.4.4.2) అ॒గ్ని ర్మూ॒ర్ధా ది॒వః క॒కుత్పతిః॑ పృథి॒వ్యా అ॒యం । అ॒పాగ్ం రేతాగ్ం॑సి జిన్వతి । (హృదయాయ నమః) । 3 (తై. సం. 1.5.5.1) మూ॒ర్ధాన॑-న్ది॒వో అ॑ర॒తి-మ్పృ॑థి॒వ్యా వై᳚శ్వాన॒ర-మృ॒తాయ॑ జా॒తమ॒గ్నిం । క॒విగ్ం స॒మ్రాజ॒-మతి॑థి॒-ఞ్జనా॑నా-మా॒సన్నా పాత్ర॑-ఞ్జనయంత దే॒వాః । (కంఠాయ నమః) । 4 (తై. సం. 1.4.13.1) మర్మా॑ణి తే॒ వర్మ॑భిశ్ఛా-దయామి॒ సోమ॑స్త్వా॒ రాజా॒-ఽమృ॑తే నా॒భివ॑స్తాం । ఉ॒రో ర్వరీ॑యో॒ వరి॑వస్తే అస్తు॒ జ॑యంత॒-న్త్వా మను॑మదంతు దే॒వాః । (ముఖాయ నమః) । 5 (తై. సం. 4.6.4.5) జా॒తవే॑దా॒ యది॑ వా పావ॒కో-ఽసి॑ । వై॒శ్వా॒న॒రో యది॑ వా వైద్యు॒తో-ఽసి॑ । శ-మ్ప్ర॒జాభ్యో॒ యజ॑మానాయ లో॒కం । ఊర్జ॒-మ్పుష్టి॒-న్దద॑ ద॒భ్యావ॑ వృథ్స్వ ॥ (శిరసే నమః) ॥ 6 (తై. బ్రా. 3.10.5.1) 6.2 ఆత్మరక్షా – (తై. బ్రా. 2.3.11.1 - తై. బ్రా. 2.3.11.4) బ్రహ్మా᳚త్మ॒న్ వద॑సృజత । తద॑కామయత । సమా॒త్మనా॑ పద్యే॒యేతి॑ । ఆత్మ॒న్నా-త్మ॒న్నిత్యా-మం॑త్రయత । తస్మై॑ దశ॒మగ్ం హూ॒తః ప్రత్య॑శృణోత్ । స దశ॑హూతో-ఽభవత్ । దశ॑హూతో హ॒వై నామై॒షః । తం-వాఀ ఏ॒త-న్దశ॑హూత॒గ్ం॒ సంతం᳚ । దశ॑హో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 1 ఆత్మ॒న్నా-త్మ॒న్నిత్యా-మం॑త్రయత । తస్మై॑ సప్త॒మగ్ం హూ॒తః ప్రత్య॑శృణోత్ । స స॒ప్తహూ॑తో-ఽభవత్ । స॒ప్తహూ॑తో హ॒వై నామై॒షః । తం-వాఀ ఏ॒తగ్ం స॒ప్తహూ॑త॒గ్ం॒ సంతం᳚ । స॒ప్తహో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 2 ఆత్మ॒న్నా-త్మ॒న్నిత్యా-మం॑త్రయత । తస్మై॑ ష॒ష్ఠగ్ం హూ॒తః ప్రత్య॑శృణోత్ । స షడ్ఢూ॑తో-ఽభవత్ । షడ్ఢూ॑తో హ॒వై నామై॒షః । తం-వాఀ ఏ॒తగ్ం షడ్ఢూ॑త॒గ్ం॒ సంతం᳚ । షడ్ఢో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 3 ఆత్మ॒న్నా-త్మ॒న్నిత్యా-మం॑త్రయత । తస్మై॑ పంచ॒మగ్ం హూ॒తః ప్రత్య॑శృణోత్ । స పంచ॑హూతో-ఽభవత్ । పంచ॑హూతో హ॒వై నామై॒షః । తం-వాఀ ఏ॒త-మ్పంచ॑హూత॒గ్ం॒ సంతం᳚ । పంచ॑హో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 4 ఆత్మ॒న్నా-త్మ॒న్నిత్యా-మం॑త్రయత । తస్మై॑ చతు॒ర్థగ్ం హూ॒తః ప్రత్య॑శృణోత్ । స చతు॑ర్​హూతో-ఽభవత్ । చతు॑ర్​హూతో హ॒వై నామై॒షః । తం-వాఀ ఏ॒త-ఞ్చతు॑ర్​హూత॒గ్ం॒ సంతం᳚ । చతు॑ర్​హో॒తేత్యా చ॑క్షతే ప॒రోక్షే॑ణ । ప॒రోక్ష॑ప్రియా ఇవ॒ హి దే॒వాః ॥ 5 తమ॑బ్రవీత్ । త్వం-వైఀ మే॒ నేది॑ష్ఠగ్ం హూ॒తః ప్రత్య॑శ్రౌషీః । త్వయై॑ నానాఖ్యా॒తార॒ ఇతి॑ । తస్మా॒న్నుహై॑నా॒గ్॒-శ్చ॑తు ర్​హోతార॒ ఇత్యాచ॑క్షతే । తస్మా᳚చ్ఛుశ్రూ॒షుః పు॒త్రాణా॒గ్ం॒ హృద్య॑తమః । నేది॑ష్ఠో॒ హృద్య॑తమః । నేది॑ష్ఠో॒ బ్రహ్మ॑ణో భవతి । య ఏ॒వం-వేఀద॑ ॥ 6 (ఆత్మనే॒ నమః॑) ఇతి చతుర్థ న్యాసః గుహ్యాది మస్తకాంత షడంగన్యాస-శ్చతుర్థః 7. శివసంకల్పాః – (ఋగ్ వేద ఖిల కాండం 4.11 9.1) యేనే॒ద-మ్భూ॒త-మ్భువ॑న-మ్భవి॒ష్య-త్పరి॑గృహీత-మ॒మృతే॑న॒ సర్వం᳚ । యేన॑ య॒జ్ఞస్తా॑యతే (య॒జ్ఞస్త్రా॑యతే) స॒ప్తహో॑తా॒ తన్మే॒ మనః॑ శి॒వసం॑క॒ల్పమ॑స్తు ॥ 1 యేన॒ కర్మా॑ణి ప్ర॒చరం॑తి॒ ధీరా॒ యతో॑ వా॒చా మన॑సా॒ చారు॒యంతి॑ । య-థ్స॒మ్మిత॒మను॑ సంయఀంతి॑ ప్రా॒ణిన॒స్తన్మే॒ మనః॑ శి॒వసం॑క॒ల్పమ॑స్తు ॥ 2 యేన॒ కర్మా᳚ణ్య॒పసో॑ మనీ॒షిణో॑ య॒జ్ఞే కృ॑ణ్వంతి వి॒దథే॑షు॒ ధీరాః᳚ । యద॑పూ॒ర్వం-యఀ॒క్ష్మమం॒తః ప్ర॒జానా॒-న్తన్మే॒ మనః॑ శి॒వసం॑క॒ల్పమ॑స్తు ॥ 3 యత్ప్ర॒జ్ఞాన॑-ము॒త చేతో॒ ధృతి॑శ్చ॒ యజ్జ్యోతి॑ రం॒తర॒మృత॑-మ్ప్ర॒జాసు॑ । యస్మా॒న్న ఋ॒తే కించ॒న కర్మ॑ క్రి॒యతే॒ తన్మే॒ మనః॑ శి॒వసం॑క॒ల్పమ॑స్తు ॥ 4 సు॒షా॒ర॒థి-రశ్వా॑నివ॒ యన్మ॑ను॒ష్యా᳚న్నే నీ॒యతే॑-ఽభీ॒శు॑భి ర్వా॒జిన॑ ఇవ । హృత్ప్ర॑తిష్ఠం॒-యఀద॑జిర॒-ఞ్జవి॑ష్ఠ॒-న్తన్మే॒ మనః॑ శి॒వసం॑క॒ల్పమ॑స్తు ॥ 5 యస్మి॒న్ ఋచ॒స్సామ॒-యజూగ్ం॑షి॒ యస్మి॑-న్ప్రతిష్ఠి॒తా ర॑థ॒నాభా॑ వి॒వారాః᳚ । యస్మిగ్గ్॑శ్చి॒త్తగ్ం సర్వ॒మోత॑-మ్ప్ర॒జానా॒-న్తన్మే॒ మనః॑ శి॒వసం॑క॒ల్పమ॑స్తు ॥ 6 యదత్ర॑ ష॒ష్ఠ-న్త్రి॒శతగ్ం॑ సు॒వీరం॑-యఀ॒జ్ఞస్య॑ గు॒హ్య-న్నవ॑ నావ॒మాయ్యం᳚ । దశ॒ పంచ॑ త్రి॒గ్ం॒శతం॒-యఀత్పర॑-ఞ్చ॒ తన్మే॒ మనః॑ శి॒వసం॑క॒ల్పమ॑స్తు ॥ 7 యజ్జాగ్ర॑తో దూ॒రము॒దైతి॒ దైవ॒-న్తదు॑ సు॒ప్తస్య॒ తథై॒వైతి॑ । దూ॒ర॒గ॒మ్మ-ఞ్జ్యోతి॑షా॒-ఞ్జ్యోతి॒రేక॒-న్తన్మే॒ మనః॑ శి॒వసం॑క॒ల్పమ॑స్తు ॥ 8 యేనే॒దం-విఀశ్వ॒-ఞ్జగ॑తో బ॒భూవ॒ యే దే॒వాపి॑ మహ॒తో జా॒తవే॑దాః । తదే॒వాగ్ని-స్తమ॑సో॒ జ్యోతి॒రేక॒-న్తన్మే॒ మనః॑ శి॒వసం॑క॒ల్పమ॑స్తు ॥ 9 యేన॒ ద్యౌః పృ॑థి॒వీ చాం॒తరి॑క్ష-ఞ్చ॒ యే పర్వ॑తాః ప్ర॒దిశో॒ దిశ॑శ్చ । యేనే॒ద-ఞ్జగ॒-ద్వ్యాప్త॑-మ్ప్ర॒జానా॒-న్తన్మే॒ మనః॑ శి॒వసం॑క॒ల్పమ॑స్తు ॥ 10 యే మ॑నో॒ హృద॑యం॒-యేఀ చ॑ దే॒వా యే ది॒వ్యా ఆపో॒ యే సూర్య॑రశ్మిః । తే శ్రోత్రే॒ చక్షు॑షీ సం॒చరం॑త॒-న్తన్మే॒ మనః॑ శి॒వసం॑క॒ల్పమ॑స్తు ॥ 11 అచిం॑త్య॒-ఞ్చా ప్ర॑మేయ॒-ఞ్చ వ్య॒క్తా-వ్యక్త॑ పర॒-ఞ్చ య॑త్ । సూక్ష్మా᳚-థ్సూక్ష్మత॑ర-ఞ్జ్ఞే॒య॒-న్తన్మే॒ మనః॑ శి॒వసం॑క॒ల్పమ॑స్తు ॥ 12 ఏకా॑ చ ద॒శ శ॒త-ఞ్చ॑ స॒హస్ర॑-ఞ్చా॒యుత॑-ఞ్చ ని॒యుత॑-ఞ్చ ప్ర॒యుతం॒ చార్బు॑ద-ఞ్చ॒ న్య॑ర్బుద-ఞ్చ సము॒ద్రశ్చ॒ మద్ధ్య॒-ఞ్చాంత॑శ్చ పరా॒ర్ధశ్చ॒ తన్మే॒ మనః॑ శి॒వసం॑క॒ల్పమ॑స్తు ॥ 13 యే పం॑చ॒ పంచ॑ దశ శ॒తగ్ం స॒హస్ర॑-మ॒యుత॒-న్న్య॑ర్బుద-ఞ్చ । తే అ॑గ్ని-చి॒త్యేష్ట॑కా॒స్తగ్ం శరీ॑ర॒-న్తన్మే॒ మనః॑ శి॒వసం॑క॒ల్పమ॑స్తు ॥ 14 వేదా॒హమే॒త-మ్పు॑రుష-మ్మ॒హాంత॑-మాది॒త్య-వ॑ర్ణ॒-న్తమ॑సః॒ పర॑స్తాత్ । యస్య॒ యోని॒-మ్పరి॒పశ్యం॑తి॒ ధీరా॒స్తన్మే॒ మనః॑ శి॒వసం॑క॒ల్పమ॑స్తు ॥ 15 యస్యే॒ద-న్ధీరాః᳚ పు॒నంతి॑ క॒వయో᳚ బ్ర॒హ్మాణ॑మే॒త-న్త్వా॑ వృణత॒ ఇందుం᳚ । స్థా॒వ॒ర-ఞ్జంగ॑మం॒-ద్యౌ॑రాకా॒శ-న్తన్మే॒ మనః॑ శి॒వసం॑క॒ల్పమ॑స్తు ॥ 16 పరా᳚-త్ప॒రత॑ర-ఞ్చై॒వ॒ య॒-త్పరా᳚శ్చైవ॒ యత్ప॑రం । య॒త్పరా᳚-త్పర॑తో జ్ఞే॒య॒-న్తన్మే॒ మనః॑ శి॒వసం॑క॒ల్పమ॑స్తు ॥ 17 పరా᳚-త్పరత॑రో బ్ర॒హ్మా॒ త॒త్పరా᳚-త్పర॒తో హ॑రిః । త॒త్పరా᳚-త్పర॑తో ఽధీ॒శ॒స్తన్మే॒ మనః॑ శి॒వసం॑క॒ల్పమ॑స్తు ॥ 18 యా వే॑దా॒దిషు॑ గాయ॒త్రీ॒ స॒ర్వ॒వ్యాపి॑ మహే॒శ్వరీ । ఋగ్ య॑జు-స్సామా-థర్వై॒శ్చ॒ తన్మే॒ మనః॑ శి॒వసం॑క॒ల్పమ॑స్తు ॥ 19 యో వై॑ దే॒వ-మ్మ॑హాదే॒వ॒-మ్ప్ర॒ణవ॑-మ్పర॒మేశ్వ॑రం । య-స్సర్వే॑ సర్వ॑ వేదై॒శ్చ॒ తన్మే॒ మనః॑ శి॒వసం॑క॒ల్పమ॑స్తు ॥ 20 ప్రయ॑తః॒ ప్రణ॑వోంకా॒ర॒-మ్ప్ర॒ణవ॑-మ్పురు॒షోత్త॑మం । ఓకాం॑ర॒-మ్ప్రణ॑వాత్మా॒న॒-న్తన్మే॒ మనః॑ శి॒వసం॑క॒ల్పమ॑స్తు ॥ 21 యో-ఽసౌ॑ స॒ర్వేషు॑ వేదే॒షు॒ ప॒ఠ్యతే᳚ హ్యజ॒ ఈశ్వ॑రః । అ॒కాయో॑ నిర్గు॑ణో హ్యా॒త్మా॒ తన్మే॒ మనః॑ శి॒వసం॑క॒ల్పమ॑స్తు ॥ 22 గోభి॒ ర్జుష్ట॒-న్ధనే॑న॒ హ్యాయు॑షా చ॒ బలే॑న చ । ప్ర॒జయా॑ ప॒శుభిః॑ పుష్కరా॒క్ష॒-న్తన్మే॒ మనః॑ శి॒వసం॑క॒ల్పమ॑స్తు ॥ 23 కైలా॑స॒ శిఖ॑రే ర॒మ్యే॒ శం॒కర॑స్య శి॒వాల॑యే । దే॒వతా᳚స్తత్ర॑ మోదం॒తే॒ తన్మే॒ మనః॑ శి॒వసం॑క॒ల్పమ॑స్తు ॥ 24 త్ర్య॑బంకం-యఀజామహే సుగం॒ధి-మ్పు॑ష్టి॒వర్ధ॑నం । ఉ॒ర్వా॒రు॒కమి॑వ॒ బంధ॑నా-న్మృ॒త్యో-ర్ము॑క్షీయ॒ మా-ఽమృతా॒-త్తన్మే॒ మనః॑ శి॒వసం॑క॒ల్పమ॑స్తు ॥ 25 వి॒శ్వత॑-శ్చక్షురు॒త వి॒శ్వతో॑ ముఖో వి॒శ్వతో॑ హస్త ఉ॒త వి॒శ్వత॑స్పాత్ । సంబా॒హుభ్యాం॒-నమ॑తి॒ సంప॑తత్రై॒ ర్ద్యావా॑ పృథి॒వీ జ॒నయ॑-న్దే॒వ ఏక॒స్తన్మే॒ మనః॑ శి॒వసం॑క॒ల్పమ॑స్తు ॥ 26 చ॒తురో॑ వే॒దాన॑ధీయీ॒త॒ స॒ర్వ శా᳚స్త్రమ॒యం-విఀ॑దుః । ఇ॒తి॒హా॒స॒ పు॒రా॒ణా॒నా॒-న్తన్మే॒ మనః॑ శి॒వసం॑క॒ల్పమ॑స్తు ॥ 27 మా నో॑ మ॒హాంత॑ము॒త మా నో॑ అర్భ॒క-మ్మా న॒ ఉక్షం॑తము॒త మా న॑ ఉక్షి॒తం । మా నో॑ వధీః పి॒తర॒-మ్మోత మా॒తర॑-మ్ప్రి॒యా మా న॑స్త॒నువో॑ రుద్ర రీరిష॒స్తన్మే॒ మనః॑ శి॒వసం॑క॒ల్పమ॑స్తు ॥ 28 మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః । వీ॒రాన్మానో॑ రుద్ర భామి॒తోవ॑ధీ ర్​హ॒విష్మం॑తో॒ నమ॑సా విధేమ తే॒ తన్మే॒ మనః॑ శి॒వసం॑క॒ల్పమ॑స్తు ॥ 29 ఋ॒తగ్ం స॒త్య-మ్ప॑ర-మ్బ్ర॒హ్మ॒ పు॒రుష॑-ఙ్కృష్ణ॒పింగ॑లం । ఊ॒ర్ధ్వరే॑తం-విఀ॑రూపా॒క్షం॒-విఀ॒శ్వరూ॑పాయ॒ వై నమో॒ నమ॒స్తన్మే॒ మనః॑ శి॒వసం॑క॒ల్పమ॑స్తు ॥ 30 క-ద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే । వో॒చేమ॒ శంత॑మగ్ం హృ॒దే । సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు॒ తన్మే॒ మనః॑ శి॒వసం॑క॒ల్పమ॑స్తు ॥ 31 బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః । స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒-మస॑తశ్చ॒ వివ॒స్తన్మే॒ మనః॑ శి॒వసం॑క॒ల్పమ॑స్తు ॥ 32 యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ । య ఈశే॑ అ॒స్య ద్వి॒పద॒-శ్చతు॑ష్పదః॒ కస్మై॑ దే॒వాయ॑ హ॒విషా॑ విధేమ॒ తన్మే॒ మనః॑ శి॒వసం॑క॒ల్పమ॑స్తు ॥ 33 య ఆ᳚త్మ॒దా బ॑ల॒దా యస్య॒ విశ్వ॑ ఉ॒పాస॑తే ప్ర॒శిషం॒-యఀస్య॑ దే॒వాః । యస్య॑ ఛా॒యా-ఽమృతం॒-యఀస్య॑ మృ॒త్యుః కస్మై॑ దే॒వాయ॑ హ॒విషా॑ విధేమ॒ తన్మే॒ మనః॑ శి॒వసం॑క॒ల్పమ॑స్తు ॥ 34 యో రు॒ద్రో అ॒గ్నౌ యో అ॒ఫ్సు య ఓష॑ధీషు॒ యో రు॒ద్రో విశ్వా॒ భువ॑నా-ఽఽవి॒వేశ॒ తస్మై॑ రు॒ద్రాయ॒ నమో॑ అస్తు॒ తన్మే॒ మనః॑ శి॒వసం॑క॒ల్పమ॑స్తు ॥ 35 గం॒ధ॒ద్వా॒రా-న్దు॑రాధ॒ర్​షా॒-న్ని॒త్యపు॑ష్టా-ఙ్కరీ॒షిణీం᳚ । ఈ॒శ్వరీగ్ం॑ సర్వ॑ భూతా॒నా॒-న్తామి॒హోప॑హ్వయే॒ శ్రియ॒-న్తన్మే॒ మనః॑ శి॒వసం॑క॒ల్పమ॑స్తు ॥ 36 య ఇదగ్ం॑ శివ॑సంక॒ల్ప॒గ్ం॒ స॒దా ధ్యా॑యంతి॒ బ్రాహ్మ॑ణాః । తే ప॑ర-మ్మోక్ష॑-ఙ్గమిష్యం॒తి॒ తన్మే॒ మనః॑ శి॒వసం॑క॒ల్పమ॑స్తు ॥ 37 ఓ-న్నమో భగవతే॑ రుద్రా॒య ॥ శివసంకల్పగ్ం హృదయాయ నమః॑ ॥ 7.2 పురుష సూక్తం – (తై. అర. 3.12.1 - తై. అర. 3.12.7) స॒హస్ర॑శీర్​షా॒ పురు॑షః । స॒హ॒స్రా॒క్ష-స్స॒హస్ర॑పాత్ । స భూమిం॑-విఀ॒శ్వతో॑ వృ॒త్వా । అత్య॑తిష్ఠ-ద్దశాంగు॒లం । పురు॑ష ఏ॒వేదగ్ం సర్వం᳚ । య-ద్భూ॒తం-యఀచ్చ॒ భవ్యం᳚ । ఉ॒తామృ॑త॒త్వస్యేశా॑నః । యదన్నే॑నా-తి॒రోహ॑తి । ఏ॒తావా॑నస్య మహి॒మా । అతో॒ జ్యాయాగ్॑శ్చ॒ పూరు॑షః ॥ 1 పాదో᳚-ఽస్య॒ విశ్వా॑ భూ॒తాని॑ । త్రి॒పాద॑స్యా॒-మృత॑-న్ది॒వి । త్రి॒పాదూ॒ర్ధ్వ ఉదై॒-త్పురు॑షః । పాదో᳚ ఽస్యే॒హా-ఽఽభ॑వా॒-త్పునః॑ । తతో॒ విష్వం॒-వ్యఀ॑క్రామత్ । సా॒శ॒నా॒న॒శ॒నే అ॒భి ॥ తస్మా᳚-ద్వి॒రాడ॑జాయత । వి॒రాజో॒ అధి॒ పూరు॑షః । స జా॒తో అత్య॑రిచ్యత । ప॒శ్చా-ద్భూమి॒మథో॑ పు॒రః ॥ 2 యత్పురు॑షేణ హ॒విషా᳚ । దే॒వా య॒జ్ఞమత॑న్వత । వ॒సం॒తో అ॑స్యాసీ॒దాజ్యం᳚ । గ్రీ॒ష్మ ఇ॒ద్ధ్మ శ్శ॒రద్ధ॒విః । స॒ప్తాస్యా॑స-న్పరి॒ధయః॑ । త్రి-స్స॒ప్త స॒మిధః॑ కృ॒తాః । దే॒వాయ-ద్య॒జ్ఞ-న్త॑న్వా॒నాః । అబ॑ధ్న॒-న్పురు॑ష-మ్ప॒శుం ॥ తం-యఀ॒జ్ఞ-మ్బ॒ర్​హిషి॒ ప్రౌక్షన్న్॑ । పురు॑ష-ఞ్జా॒తమ॑గ్ర॒తః ॥ 3 తేన॑ దే॒వా అయ॑జంత । సా॒ద్ధ్యా ఋష॑యశ్చ॒ యే । తస్మా᳚-ద్య॒జ్ఞా-థ్స॑ర్వ॒హుతః॑ । సంభృ॑త-మ్పృషదా॒జ్యం । ప॒శూగ్​స్తాగ్​శ్చ॑క్రే వాయ॒వ్యాన్॑ । ఆ॒ర॒ణ్యా-న్గ్రా॒మ్యాశ్చ॒ యే । తస్మా᳚-ద్య॒జ్ఞా-థ్స॑ర్వ॒హుతః॑ । ఋచ॒-స్సామా॑ని జజ్ఞిరే । ఛందాగ్ం॑సి జజ్ఞిరే॒ తస్మా᳚త్ । యజు॒స్తస్మా॑-దజాయత ॥ 4 తస్మా॒దశ్వా॑ అజాయంత । యే కే చో॑భ॒యాద॑తః । గావో॑ హ జజ్ఞిరే॒ తస్మా᳚త్ । తస్మా᳚జ్జా॒తా అ॑జా॒వయః॑ । యత్పురు॑షం॒-వ్యఀ॑దధుః । క॒తి॒ధా వ్య॑కల్పయన్న్ । ముఖ॒-ఙ్కిమ॑స్య॒ కౌ బా॒హూ । కావూ॒రూ పాదా॑వుచ్యేతే । బ్రా॒హ్మ॒ణో᳚-ఽస్య॒ ముఖ॑మాసీత్ । బా॒హూ రా॑జ॒న్యః॑ కృ॒తః ॥ 5 ఊ॒రూ తద॑స్య॒ య-ద్వైశ్యః॑ । ప॒ద్భ్యాగ్ం శూ॒ద్రో అ॑జాయత । చం॒ద్రమా॒ మన॑సో జా॒తః । చక్షో॒-స్సూర్యో॑ అజాయత । ముఖా॒-దింద్ర॑శ్చా॒గ్నిశ్చ॑ । ప్రా॒ణా-ద్వా॒యుర॑జాయత । నాభ్యా॑ ఆసీదం॒తరి॑క్షం । శీ॒ర్​ష్ణో ద్యౌ-స్సమ॑వర్తత । ప॒ద్భ్యా-మ్భూమి॒ ర్దిశ॒-శ్శ్రోత్రా᳚త్ । తథా॑ లో॒కాగ్ం అ॑కల్పయన్న్ ॥ 6 వేదా॒హమే॒త-మ్పురు॑ష-మ్మ॒హాంతం᳚ । ఆ॒ది॒త్యవ॑ర్ణ॒-న్తమ॑స॒స్తు పా॒రే । సర్వా॑ణి రూ॒పాణి॑ వి॒చిత్య॒ ధీరః॑ । నామా॑ని కృ॒త్వాభి॒వద॒న్ యదాస్తే᳚ । ధా॒తా పు॒రస్తా॒-ద్యము॑దాజ॒హార॑ । శ॒క్రః ప్రవి॒ద్వా-న్ప్ర॒దిశ॒శ్చత॑స్రః । తమే॒వం-విఀ॒ద్వాన॒మృత॑ ఇ॒హ భ॑వతి । నాన్యః పంథా॒ అయ॑నాయ విద్యతే । య॒జ్ఞేన॑ య॒జ్ఞమ॑యజంత దే॒వాః । తాని॒ ధర్మా॑ణి ప్రథ॒మాన్యా॑సన్న్ । తే హ॒ నాక॑-మ్మహి॒మాన॑-స్సచంతే । యత్ర॒ పూర్వే॑ సా॒ద్ధ్యా-స్సంతి॑ దే॒వాః ॥ 7 ఓ-న్నమో భగవతే॑ రుద్రా॒య ॥ పురుషసూక్తగ్ం శిరసే స్వాహా ॥ 7.3 ఉత్తర నారాయణం – (తై. అర. 3.13.1 - తై. అర. 3.13.2) అ॒ద్భ్య-స్సంభూ॑తః పృథి॒వ్యై రసా᳚చ్చ । వి॒శ్వక॑ర్మణ॒-స్సమ॑వర్త॒తాధి॑ । తస్య॒ త్వష్టా॑ వి॒దధ॑-ద్రూ॒పమే॑తి । తత్పురు॑షస్య॒ విశ్వ॒మాజా॑న॒మగ్రే᳚ । వేదా॒హమే॒త-మ్పురు॑ష-మ్మ॒హాంతం᳚ । ఆ॒ది॒త్యవ॑ర్ణ॒-న్తమ॑సః॒ పర॑స్తాత్ । తమే॒వం-విఀ॒ద్వాన॒మృత॑ ఇ॒హ భ॑వతి । నాన్యః పంథా॑ విద్య॒తే-ఽయ॑నాయ । ప్ర॒జాప॑తిశ్చరతి॒ గర్భే॑ అం॒తః । అ॒జాయ॑మానో బహు॒ధా విజా॑యతే । తస్య॒ ధీరాః॒ పరి॑జానంతి॒ యోనిం᳚ । మరీ॑చీనా-మ్ప॒దమి॑చ్ఛంతి వే॒ధసః॑ ॥ 1 యో దే॒వేభ్య॒ ఆత॑పతి । యో దే॒వానా᳚-మ్పు॒రోహి॑తః । పూర్వో॒ యో దే॒వేభ్యో॑ జా॒తః । నమో॑ రు॒చాయ॒ బ్రాహ్మ॑యే । రుచ॑-మ్బ్రా॒హ్మ-ఞ్జ॒నయం॑తః । దే॒వా అగ్రే॒ తద॑బ్రువన్న్ । యస్త్వై॒వ-మ్బ్రా᳚హ్మ॒ణో వి॒ద్యాత్ । తస్య॑ దే॒వా అస॒న్ వశే᳚ । హ్రీశ్చ॑ తే ల॒క్ష్మీశ్చ॒ పత్న్యౌ᳚ । అ॒హో॒రా॒త్రే పా॒ర్​శ్వే । నక్ష॑త్రాణి రూ॒పం । అ॒శ్వినౌ॒ వ్యాత్తం᳚ । ఇ॒ష్ట-మ్మ॑నిషాణ । అ॒ము-మ్మ॑నిషాణ । సర్వ॑-మ్మనిషాణ ॥ 2 ఓ-న్నమో భగవతే॑ రుద్రా॒య ॥ ఉత్తర నారాయణగ్ం శిఖాయై వషట్ ॥ 7.4 అప్రతిరథం – (తై. సం. 4.6.4.1 - తై. సం. 4.6.4.5) ఆ॒శు-శ్శిశా॑నో వృష॒భో న యు॒ధ్మో ఘ॑నాఘ॒నః, క్షోభ॑ణ-శ్చర్​షణీ॒నాం । స॒॒ఙ్క్రంద॑నో-ఽనిమి॒ష ఏ॑క వీ॒రశ్శ॒తగ్ం సేనా॑ అజయథ్సా॒-కమింద్రః॑ । సం॒క్రంద॑నేనా నిమి॒షేణ॑ జి॒ష్ణునా॑ యుత్కా॒రేణ॑ దుశ్చ్యవ॒నేన॑ ధృ॒ష్ణునా᳚ । తదింద్రే॑ణ జయత॒ తథ్స॑హధ్వం॒-యుఀధో॑ నర॒ ఇషు॑ హస్తేన॒ వృష్ణా᳚ । స ఇషు॑హస్తై॒-స్స ని॑షం॒గిభి॑ ర్వ॒శీ సగ్గ్​స్ర॑ష్టా॒ సయుధ॒ ఇంద్రో॑ గ॒ణేన॑ । స॒గ్ం॒సృ॒ష్ట॒-జిథ్సో॑మ॒పా బా॑హు శ॒ర్ధ్యూ᳚ర్ధ్వ-ధ॑న్వా॒ ప్రతి॑హితా-భి॒రస్తా᳚ । బృహ॑స్పతే॒ పరి॑దీయా॒ రథే॑న రక్షో॒హా-ఽమిత్రాగ్ం॑ అప॒ బాధ॑మానః । 1 ప్ర॒భం॒జ-న్థ్సేనాః᳚ ప్రమృ॒ణో యు॒ధా జయ॑న్న॒స్మాక॑-మేద్ధ్యవి॒తా రథా॑నాం । గో॒త్ర॒భిద॑-ఙ్గో॒విదం॒-వఀజ్ర॑బాహు॒-ఞ్జయం॑త॒మజ్మ॑ ప్రమృ॒ణంత॒-మోజ॑సా । ఇ॒మగ్ం స॑జాతా॒ అను॑వీర-యధ్వ॒మింద్రగ్ం॑ సఖా॒యో-ఽను॒ సర॑భధ్వం । బ॒ల॒వి॒జ్ఞా॒య-స్స్థవి॑రః॒ ప్రవీ॑ర॒-స్సహ॑స్వాన్ వా॒జీ సహ॑మాన ఉ॒గ్రః । అ॒భివీ॑రో అ॒భిస॑త్వా సహో॒జా జైత్ర॑మింద్ర॒ రథ॒మాతి॑ష్ఠ గో॒విత్ । 2 అ॒భి గో॒త్రాణి॒ సహ॑సా॒ గాహ॑మానో-ఽదా॒యో వీ॒ర శ్శ॒త-మ॑న్యు॒రింద్రః॑ । దు॒శ్చ్య॒వ॒నః పృ॑తనా॒షాడ॑ యు॒ద్ధ్యో᳚-ఽస్మాక॒గ్ం॒ సేనా॑ అవతు॒ ప్రయు॒థ్సు । ఇంద్ర॑ ఆసా-న్నే॒తా బృహ॒స్పతి॒ ర్దక్షి॑ణా య॒జ్ఞః పు॒ర ఏ॑తు॒ సోమః॑ । దే॒వ॒సే॒నానా॑-మభిభ-ఞ్జతీ॒నా-ఞ్జయం॑తీనా-మ్మ॒రుతో॑ యం॒త్వగ్రే᳚ । ఇంద్ర॑స్య॒ వృష్ణో॒ వరు॑ణస్య॒ రాజ్ఞ॑ ఆది॒త్యానా᳚-మ్మ॒రుతా॒గ్ం॒ శర్ధ॑ ఉ॒గ్రం । మ॒హామ॑నసా-మ్భువనచ్య॒వానా॒-ఙ్ఘోషో॑ దే॒వానా॒-ఞ్జయ॑తా॒ ముద॑స్థాత్ । అ॒స్మాక॒-మింద్రః॒-సమృ॑తేషు-ధ్వ॒జే-ష్వ॒స్మాకం॒-యాఀ ఇష॑వ॒స్తా జ॑యంతు । 3 అ॒స్మాకం॑-వీఀ॒రా ఉత్త॑రే భవంత్వ॒స్మాను॑ దేవా అవతా॒ హవే॑షు । ఉద్ధ॑ర్​షయ మఘవ॒న్నా-యు॑ధా॒-న్యుథ్సత్వ॑నా-మ్మామ॒కానా॒-మ్మహాగ్ం॑సి । ఉద్వృ॑త్రహన్ వా॒జినాం॒-వాఀజి॑నా॒-న్యుద్రథా॑నా॒-ఞ్జయ॑తామేతు॒ ఘోషః॑ । ఉప॒ప్రేత॒ జయ॑తా నర-స్స్థి॒రా వః॑ సంతు బా॒హవః॑ । ఇంద్రో॑ వ॒-శ్శర్మ॑ యచ్ఛత్వనా-ధృ॒ష్యా యథా-ఽస॑థ । అవ॑సృష్టా॒ పరా॑పత॒ శర॑వ్యే॒ బ్రహ్మ॑ సగ్ంశితా । గచ్ఛా॒మిత్రా॒-న్ప్రవి॑శ॒ మైషా॒-ఙ్కంచ॒నోచ్ఛి॑షః । మర్మా॑ణి తే॒ వర్మ॑భిశ్ఛా-దయామి॒ సోమ॑స్త్వా॒ రాజా॒-ఽమృతే॑నా॒-భివ॑స్తాం । ఉ॒రో ర్వరీ॑యో॒ వరి॑వస్తే అస్తు॒ జయం॑త॒-న్త్వామను॑ మదంతు దే॒వాః । యత్ర॑ బా॒ణా-స్సం॒పతం॑తి కుమా॒రా వి॑శి॒ఖా ఇ॑వ । ఇంద్రో॑ న॒స్తత్ర॑ వృత్ర॒హా వి॑శ్వా॒హా శర్మ॑ యచ్ఛతు ॥ 4 ॥ ఓ-న్నమో భగవతే॑ రుద్రా॒య ॥ ఆశుశ్శిశానో-ఽప్రతిరథ-ఙ్కవచాయ హుం । 7.5 ప్రతి పూరుషం – (తై. సం. 1.8.6.1 - తై. సం. 1.8.6.2) (తై. బ్రా. 1.6.10.1 - తై. బ్రా. 1.6.10.5) ప్ర॒తి॒పూ॒రు॒ష మేక॑కపాలా॒-న్నిర్వ॑ప॒త్యే-క॒మతి॑రిక్తం॒-యాఀవం॑తో గృ॒హ్యా᳚-స్స్మస్తేభ్యః॒ కమ॑కర-మ్పశూ॒నాగ్ం శర్మా॑సి॒ శర్మ॒ యజ॑మానస్య॒ శర్మ॑ మే య॒చ్ఛైక॑ ఏ॒వ రు॒ద్రో న ద్వి॒తీయా॑య తస్థ ఆ॒ఖుస్తే॑ రుద్ర ప॒శుస్త-ఞ్జు॑షస్వై॒ష తే॑ రుద్ర భా॒గ-స్స॒హ స్వస్రాం-ఽబి॑కయా॒ తంజు॑షస్వ భేష॒జ-ఙ్గవే-ఽశ్వా॑య॒ పురు॑షాయ భేష॒జమథో॑ అ॒స్మభ్య॑-మ్భేష॒జగ్ం సుభే॑షజం॒-యఀథా-ఽస॑తి । 1 సు॒గ-మ్మే॒షాయ॑ మే॒ష్యా॑ అవా᳚బం రు॒ద్రమ॑ది-మ॒హ్యవ॑ దే॒వ-న్త్ర్య॑బంకం । యథా॑ న॒-శ్శ్రేయ॑సః॒ కర॒ద్యథా॑ నో॒ వస్య॑ సః॒ కర॒ద్యథా॑ నః పశు॒మతః॒ కర॒ద్యథా॑ నో వ్యవసా॒యయా᳚త్ । త్ర్య॑బంకం-యఀజామహే సుగం॒ధి-మ్పు॑ష్టి॒వర్ధ॑నం । ఉ॒ర్వా॒రు॒కమి॑వ॒ బంధ॑నా-న్మృ॒త్యో ర్ము॑క్షీయ॒ మా-ఽమృతా᳚త్ । ఏ॒షతే॑ రుద్ర భా॒గ స్తంజు॑షస్వ॒ తేనా॑వ॒సేన॑ ప॒రో మూజ॑వ॒తో-ఽతీ॒హ్యవ॑తత ధన్వా॒ పినా॑కహస్తః॒ కృత్తి॑వాసాః ॥ 2 ప్ర॒తి॒పూ॒రు॒ష-మేక॑కపాలా॒-న్నిర్వ॑పతి । జా॒తా ఏ॒వ ప్ర॒జా రు॒ద్రా-న్ని॒రవ॑దయతే । ఏక॒మతి॑రిక్తం । జ॒ని॒ష్యమా॑ణా ఏ॒వ ప్ర॒జా రు॒ద్రా-న్ని॒రవ॑దయతే । ఏక॑కపాలా భవంతి । ఏ॒క॒ధైవ రు॒ద్ర-న్ని॒రవ॑దయతే । నాభిఘా॑రయతి । యద॑భిఘా॒రయే᳚త్ । అం॒త॒ర॒వ॒-చా॒రిణగ్ం॑ రు॒ద్ర-ఙ్కు॑ర్యాత్ । ఏ॒కో॒ల్ము॒కేన॑ యంతి । 3 తద్ధి రు॒ద్రస్య॑ భాగ॒ధేయం᳚ । ఇ॒మా-న్దిశం॑-యఀంతి । ఏ॒షా వై రు॒ద్రస్య॒ దిక్ । స్వాయా॑ మే॒వ ది॒శి రు॒ద్ర-న్ని॒రవ॑దయతే । రు॒ద్రో వా అ॑ప॒శుకా॑యా॒ ఆహు॑త్యై॒ నాతి॑ష్ఠత । అ॒సౌ తే॑ ప॒శురితి॒ నిర్ది॑శే॒ద్య-న్ద్వి॒ష్యాత్ । యమే॒వ ద్వేష్టి॑ । తమ॑స్మై ప॒శు-న్నిర్ది॑శతి । యది॒ న ద్వి॒ష్యాత్ । ఆ॒ఖుస్తే॑ ప॒శురితి॑ బ్రూయాత్ । 4 న గ్రా॒మ్యా-న్ప॒శూన్ హి॒నస్తి॑ । నార॒ణ్యాన్ । చ॒తు॒ష్ప॒థే జు॑హోతి । ఏ॒ష వా అ॑గ్నీ॒నా-మ్పడ్బీ॑శో॒ నామ॑ । అ॒గ్ని॒వత్యే॒వ జు॑హోతి । మ॒ద్ధ్య॒మేన॑ ప॒ర్ణేన॑ జుహోతి । స్రుగ్ఘ్యే॑షా । అథో॒ ఖలు॑ । అం॒త॒మేనై॒వ హో॑త॒వ్యం᳚ । అం॒త॒త ఏ॒వ రు॒ద్ర-న్ని॒రవ॑దయతే । 5 ఏష॒ తే॑ రుద్రభా॒గ-స్స॒హస్వస్రాం-ఽబి॑క॒యేత్యా॑హ । శ॒రద్వా అ॒స్యాంబి॑కా॒ స్వసా᳚ । తయా॒ వా ఏ॒ష హి॑నస్తి । యగ్ం హి॒నస్తి॑ । తయై॒వైనగ్ం॑ స॒హ శ॑మయతి । భే॒ష॒జంగవ॒ ఇత్యా॑హ । యావం॑త ఏ॒వ గ్రా॒మ్యాః ప॒శవః॑ । తేభ్యో॑ భేష॒జ-ఙ్క॑రోతి । అవా᳚బం రు॒ద్రమ॑ది మ॒హీత్యా॑హ । ఆ॒శిష॑మే॒వై-తామా శా᳚స్తే । 6 త్ర్య॑బంకం-యఀజామహ॒ ఇత్యా॑హ । మృ॒త్యో ర్ము॑క్షీయ॒ మా-ఽమృతా॒-దితి॒ వా వై తదా॑హ । ఉత్కి॑రంతి । భగ॑స్య లీఫ్సంతే । మూతే॑ కృ॒త్వా స॑జంతి । యథా॒ జనం॑-యఀ॒తే॑-ఽవ॒స-ఙ్క॒రోతి॑ । తా॒దృగే॒వ తత్ । ఏ॒ష తే॑ రుద్రభా॒గ ఇత్యా॑హ ని॒రవ॑త్యై । అప్ర॑తీక్ష॒-మాయం॑తి । అ॒పః పరి॑షించతి । రు॒ద్రస్యాం॒త ర్​హి॑త్యై । ప్రవా ఏ॒తే᳚-ఽస్మా-ల్లో॒కా-చ్చ్య॑వంతే । యే త్ర్య॑బంకై॒-శ్చరం॑తి । ఆ॒ది॒త్య-ఞ్చ॒రు-మ్పున॒రేత్య॒ నిర్వ॑పతి । ఇ॒యం-వాఀ అది॑తిః । అ॒స్యామే॒వ ప్రతి॑తిష్ఠంతి ॥ 7 ఓ-న్నమో భగవతే॑ రుద్రా॒య ॥ ప్రతిపూరుషం-విఀభాడితి నేత్రత్రయా॑య వౌ॒షట్ ॥ 7.6 శత రుద్రీయం (త్వమగ్నే రుద్రో-ఽనువాకః) – తై. బ్రా. 3.11.2.1 - తై. బ్రా. 3.11.2.4 త్వమ॑గ్నే రు॒ద్రో అసు॑రో మ॒హో ది॒వః । త్వగ్ం శర్ధో॒ మారు॑త-మ్పృ॒క్ష ఈ॑శిషే । త్వం-వాఀతై॑రరు॒ణై ర్యా॑సి శంగ॒యః । త్వ-మ్పూ॒షా వి॑ధ॒తః పా॑సి॒ నుత్మనాః᳚ । దేవా॑ దే॒వేషు॑ శ్రయద్ధ్వం । ప్రథ॑మా ద్వి॒తీయే॑షు శ్రయద్ధ్వం । ద్వితీ॑యా-స్తృ॒తీయే॑షు శ్రయద్ధ్వం । తృతీ॑యా-శ్చతు॒ర్థేషు॑ శ్రయద్ధ్వం । చ॒తు॒ర్థాః పం॑చ॒మేషు॑ శ్రయద్ధ్వం । పం॒చ॒మా-ష్ష॒ష్ఠేషు॑ శ్రయద్ధ్వం । 1 ష॒ష్ఠా-స్స॑ప్త॒మేషు॑ శ్రయద్ధ్వం । స॒ప్త॒మా అ॑ష్ట॒మేషు॑ శ్రయద్ధ్వం । అ॒ష్ట॒మా న॑వ॒మేషు॑ శ్రయద్ధ్వం । న॒వ॒మా ద॑శ॒మేషు॑ శ్రయద్ధ్వం । ద॒శ॒మా ఏ॑కాద॒శేషు॑ శ్రయద్ధ్వం । ఏ॒క॒ద॒శా ద్వా॑ద॒శేషు॑ శ్రయద్ధ్వం । ద్వా॒ద॒శా-స్త్ర॑యోద॒శేషు॑ శ్రయద్ధ్వం । త్ర॒యో॒ద॒శా-శ్చ॑తు ర్దే॒శేషు॑ శ్రయద్ధ్వం । చ॒తు॒ర్ద॒శాః పం॑చద॒శేషు॑ శ్రయద్ధ్వం । పం॒చ॒ద॒శా-ష్షో॑డ॒శేషు॑ శ్రయద్ధ్వం । 2 షో॒డ॒శా-స్స॑ప్తద॒శేషు॑ శ్రయద్ధ్వం । స॒ప్త॒ద॒శా అ॑ష్టాద॒శేషు॑ శ్రయద్ధ్వం । అ॒ష్టా॒ద॒శా ఏ॑కాన్నవి॒గ్ం॒శేషు॑ శ్రయద్ధ్వం । ఏ॒కా॒న్న॒వి॒గ్ం॒శా వి॒గ్ం॒శేషు॑ శ్రయద్ధ్వం । వి॒గ్ం॒శా ఏ॑కవి॒గ్ం॒శేషు॑ శ్రయద్ధ్వం । ఏ॒క॒వి॒గ్ం॒శా ద్వా॑వి॒గ్ం॒శేషు॑ శ్రయద్ధ్వం । ద్వా॒వి॒గ్ం॒శా స్త్ర॑యోవి॒గ్ం॒శేషు॑ శ్రయద్ధ్వం । త్ర॒యో॒వి॒గ్ం॒శా శ్చ॑తుర్వి॒గ్ం॒శేషు॑ శ్రయద్ధ్వం । చ॒తు॒ర్వి॒గ్ం॒శాః పం॑చవి॒గ్ం॒శేషు॑ శ్రయద్ధ్వం । పం॒చ॒వి॒గ్ం॒శా-ష్ష॑డ్వి॒గ్ం॒శేషు॑ శ్రయద్ధ్వం । 3 ష॒డ్వి॒గ్ం॒శా స్స॑ప్తవి॒గ్ం॒శేషు॑ శ్రయద్ధ్వం । స॒ప్త॒వి॒గ్ం॒శా అ॑ష్టావి॒గ్ం॒శేషు॑ శ్రయద్ధ్వం । అ॒ష్టా॒వి॒గ్ం॒శా ఏ॑కాన్నత్రి॒గ్ం॒శేషు॑ శ్రయద్ధ్వం । ఏ॒కా॒న్న॒త్రి॒గ్ం॒శా స్త్రి॒గ్ం॒శేషు॑ శ్రయద్ధ్వం । త్రి॒గ్ం॒శా ఏ॑కత్రి॒గ్ం॒శేషు॑ శ్రయద్ధ్వం । ఏ॒క॒త్రి॒గ్ం॒శా ద్వా᳚త్రి॒గ్ం॒శేషు॑ శ్రయద్ధ్వం । ద్వా॒త్రి॒గ్ం॒శా త్ర॑యస్త్రి॒గ్ం॒శేషు॑ శ్రయద్ధ్వం । దేవా᳚స్త్రిరేకాదశా॒ స్త్రిస్త్ర॑యస్త్రిగ్ంశాః । ఉత్త॑రే భవత । ఉత్త॑ర వర్త్మాన॒ ఉత్త॑ర సత్వానః । యత్కా॑మ ఇ॒ద-ఞ్జు॒హోమి॑ । తన్మే॒ సమృ॑ద్ధ్యతాం । వ॒యగ్గ్​స్యా॑మ॒ పత॑యో రయీ॒ణాం । భూర్భువ॒స్వ॑స్స్వాహా᳚ । 4 ఓ-న్నమో భగవతే॑ రుద్రా॒య ॥ త్వమగ్నే త్వమగ్నే శతరుద్రీయమిత్యస్త్రాయ ఫట్ ॥ 7.7 పంచాంగ జపః – అథ పంచాంగజపః ॥ స॒ద్యోజా॒త-మ్ప్ర॑పద్యా॒మి॒ స॒ద్యోజా॒తాయ॒ వై నమో॒ నమః॑ । భ॒వే భ॑వే॒ నాతి॑భవే భవస్వ॒ మాం । భ॒వోద్భ॑వాయ॒ నమః॑ ॥ 1 వా॒మ॒దే॒వాయ॒ నమో᳚ జ్యే॒ష్ఠాయ॒ నమః॑ శ్రే॒ష్ఠాయ॒ నమో॑ రు॒ద్రాయ॒ నమః॒ కాలా॑య॒ నమః॒ కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒ బల॑ప్రమథనాయ॒ నమ॒-స్సర్వ॑భూతదమనాయ॒ నమో॑ మ॒నోన్మ॑నాయ॒ నమః॑ ॥ 2 అ॒ఘోరే᳚భ్యో-ఽథ॒ ఘోరే᳚భ్యో॒ ఘోర॒ఘోర॑తరేభ్యః । సర్వే᳚భ్య-స్సర్వ॒శర్వే᳚భ్యో॒ నమ॑స్తే అస్తు రు॒ద్రరూ॑పేభ్యః ॥ 3 తత్పురు॑షాయ వి॒ద్మహే॑ మహాదే॒వాయ॑ ధీమహి । తన్నో॑ రుద్రః ప్రచో॒దయా᳚త్ ॥ 4 ఈశాన-స్సర్వ॑విద్యా॒నా॒మీశ్వర-స్సర్వ॑భూతా॒నాం॒ బ్రహ్మాధి॑పతి॒ర్బ్రహ్మ॒ణో-ఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోం ॥ 5 7.8 అష్టాంగ ప్రణామః – హి॒ర॒ణ్య॒గ॒ర్భ-స్సమ॑వర్త॒-తాగ్రే॑ భూ॒తస్య॑ జా॒తః పతి॒రేక॑ ఆసీత్ । సదా॑ధార పృథి॒వీ-న్ద్యాము॒తేమా-ఙ్కస్మై॑ దే॒వాయ॑ హ॒విషా॑ విధేమ ॥ ఉరసా నమః ॥ 1 (తై. సం. 4.1.8.3) యః ప్రా॑ణ॒తో ని॑మిష॒తో మ॑హి॒త్వైక॒ ఇద్రాజా॒ జగ॑తో బ॒భూవ॑ । య ఈశే॑ అ॒స్య ద్వి॒పద॒-శ్చతు॑ష్పదః॒ కస్మై॑ దే॒వాయ॑ హ॒విషా॑ విధేమ ॥ శిరసా నమః ॥ 2 (తై. సం. 4.1.8.4) బ్రహ్మ॑జజ్ఞా॒న-మ్ప్ర॑థ॒మ-మ్పు॒రస్తా॒-ద్విసీ॑మ॒త-స్సు॒రుచో॑ వే॒న ఆ॑వః । స బు॒ధ్నియా॑ ఉప॒మా అ॑స్య వి॒ష్ఠా-స్స॒తశ్చ॒ యోని॒మ-స॑తశ్చ॒ వివః॑ । ( దృష్యా నమః । 3 (తై. సం. 4.2.8.2.) మ॒హీ ద్యౌః పృ॑థి॒వీ చ॑ న ఇ॒మం-యఀ॒జ్ఞ-మ్మి॑మిక్షతాం । పి॒పృ॒తాన్నో॒ భరీ॑మభిః । మనసా నమః ॥ 4 (తై. సం. 3.3.10.2) ఉప॑శ్వాసయ పృథి॒వీ-ము॒త ద్యా-మ్పు॑రు॒త్రా తే॑ మనుతాం॒-విఀష్ఠి॑త॒-ఞ్జగ॑త్ । స దుం॑దుభే స॒జూరింద్రే॑ణ దే॒వై-ర్దూ॒రాద్దవీ॑యో॒ అప॑సేధ॒ శత్రూన్॑ । వచసా నమః ॥ 5 (తై. సం. 4.6.6.6) అగ్నే॒ నయ॑ సు॒పథా॑ రా॒యే అ॒స్మాన్ విశ్వా॑ని దేవ వ॒యునా॑ని వి॒ద్వాన్ । యు॒యో॒ద్ధ్య॑స్మ-జ్జు॑హురా॒ణ-మేనో॒ భూయి॑ష్ఠాంతే॒ నమ॑ ఉక్తిం-విఀధేమ ॥ పధ్భ్యా-న్నమః ॥ 6 (తై. సం. 1.1.14.3) యా తే॑ అగ్నే॒ రుద్రి॑యా త॒నూస్తయా॑ నః పాహి॒ తస్యా᳚స్తే॒ స్వాహా᳚ । యా తే॑ అగ్నే-ఽయాశ॒యా ర॑జాశ॒యా హ॑రాశ॒యా త॒నూర్వర్​షి॑ష్ఠా గహ్వరే॒ష్ఠోగ్రం-వఀచో॒ అపా॑వధీ-న్త్వే॒షం-వఀచో॒ అపా॑వధీ॒గ్ం॒ స్వాహా᳚ ॥ కరాభ్యా-న్నమః ॥ 7 (తై. సం. 1.2.11.2) ఇ॒మం-యఀ॑మప్రస్త॒రమాహి సీదాంగి॑రోభిః పి॒తృభిః॑ సం​విఀదా॒నః । ఆత్వా॒ మంత్రాః॑ కవిశ॒స్తా వ॑హంత్వే॒నా రా॑జన్ హ॒విషా॑ మాదయస్వ ॥ కర్ణాభ్యా-న్నమః ॥ 8 (తై. సం. 2.6.12.6) ఉరసా శిరసా దృష్ట్యా మన॑సా వచసా త॒థా । పద్భ్యా-ఙ్కరాభ్యా-ఙ్కర్ణాభ్యా-మ్ప్రణామో-ఽష్టాంగ॑ ఉచ్యతే ॥ ఉమామహేశ్వరాభ్యా-న్నమః ॥