കലശ പ്രതിഷ്ഠാപന മന്ത്രാഃ – ബ്രഹ്മ॑ജജ്ഞാ॒ന-മ്പ്ര॑ഥ॒മ-മ്പു॒രസ്താ॒-ദ്വിസീ॑മ॒ത-സ്സു॒രുചോ॑ വേ॒ന ആ॑വഃ । സ ബു॒ധ്നിയാ॑ ഉപ॒മാ അ॑സ്യ വി॒ഷ്ഠാ-സ്സ॒തശ്ച॒ യോനി॒-മസ॑തശ്ച॒ വിവഃ॑ । നാകേ॑ സുപ॒ർണ മുപ॒യ-ത്പത॑ന്തഗ്ം ഹൃ॒ദാ വേന॑ന്തോ അ॒ഭ്യച॑ക്ഷ-തത്വാ । ഹിര॑ണ്യപക്ഷം॒-വഁരു॑ണസ്യ ദൂ॒തം-യഁ॒മസ്യ॒ യോനൗ॑ ശകു॒ന-മ്ഭു॑ര॒ണ്യും । ആപ്യാ॑യസ്വ॒ സമേ॑തു തേ വി॒ശ്വതഃ॑ സോമ॒ വൃഷ്ണി॑യം । ഭവാ॒ വാജ॑സ്യ സംഗ॒ഥേ । യോ രു॒ദ്രോ അ॒ഗ്നൗ യോ അ॒ഫ്സു യ ഓഷ॑ധീഷു॒ യോ രു॒ദ്രോ വിശ്വാ॒ ഭുവ॑നാ-ഽഽവി॒വേശ॒ തസ്മൈ॑ രു॒ദ്രായ॒ നമോ॑ അസ്തു । 1 (അപ ഉപസ്പൃശ്യ) ഇ॒ദം-വിഁഷ്ണു॒ ര്വിച॑ക്രമേ ത്രേ॒ധാ നിദ॑ധേ പ॒ദം । സമൂ॑ഢമസ്യ പാഗ്ം സു॒രേ । ഇന്ദ്രം॒-വിഁശ്വാ॑ അവീവൃധൻ-ഥ്സമു॒ദ്രവ്യ॑ചസ॒-ങ്ഗിരഃ॑ । ര॒ഥീത॑മഗ്ം രഥീ॒നാം-വാഁജാ॑നാ॒ഗ്ം॒ സത്പ॑തി॒-മ്പതിം᳚ । ആപോ॒ വാ ഇ॒ദംഗ്ം സർവം॒-വിഁശ്വാ॑ ഭൂ॒താന്യാപഃ॑ പ്രാ॒ണാ വാ ആപഃ॑ പ॒ശവ॒ ആപോ-ഽന്ന॒മാപോ-ഽമൃ॑ത॒മാപ॑-സ്സ॒മ്രാഡാപോ॑ വി॒രാഡാപ॑-സ്സ്വ॒രാഡാപ॒-ശ്ഛന്ദാ॒ഗ്॒ശ്യാപോ॒ ജ്യോതീ॒ഗ്॒ഷ്യാപോ॒ യജൂ॒ഗ്॒ഷ്യാപ॑-സ്സ॒ത്യമാപ॒-സ്സർവാ॑ ദേ॒വതാ॒ ആപോ॒ ഭൂർഭുവ॒സ്സുവ॒രാപ॒ ഓം । 2 അ॒പഃ പ്രണ॑യതി । ശ്ര॒ദ്ധാ വാ ആപഃ॑ । ശ്ര॒ദ്ധാമേ॒വാരഭ്യ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । യ॒ജ്ഞോ വാ ആപഃ॑ । യ॒ജ്ഞമേ॒വാരഭ്യ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । വജ്രോ॒ വാ ആപഃ॑ । വജ്ര॑മേ॒വ ഭ്രാതൃ॑വ്യേഭ്യഃ പ്ര॒ഹൃത്യ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । ആപോ॒ വൈ ര॑ക്ഷോ॒ഘ്നീഃ । രക്ഷ॑സാ॒മപ॑ഹത്യൈ । അ॒പഃ പ്രണ॑യതി । ആപോ॒ വൈ ദേ॒വാനാ᳚-മ്പ്രി॒യ-ന്ധാമ॑ । ദേ॒വാനാ॑മേ॒വ പ്രി॒യ-ന്ധാമ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । ആപോ॒ വൈ സർവാ॑ ദേ॒വതാഃ᳚ । ദേ॒വതാ॑ ഏ॒വാരഭ്യ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । ആപോ॒ വൈ ശാ॒ന്താഃ । ശാ॒ന്താഭി॑രേ॒വാസ്യ॒ ശുചഗ്ം॑ ശമയതി । ദേ॒വോ വഃ॑ സവി॒തോ-ത്പു॑നാ॒ത്വ-ച്ഛി॑ദ്രേണ പ॒വിത്രേ॑ണ॒ വസോ॒സ്സൂര്യ॑സ്യ ര॒ശ്മിഭിഃ॑ ॥ 3 കൂർചാഗ്രൈ ര്രാക്ഷസാ-ന്ഘോരാൻ ഛിന്ധി കർമവിഘാതിനഃ । ത്വാമർപയാമി കുംഭേ-ഽസ്മിൻ സാഫല്യ-ങ്കുരു കർമണി । വൃക്ഷരാജ സമുദ്ഭൂതാ-ശ്ശാഖായാഃ പല്ലവത്വ ചഃ । യുഷ്മാൻ കുംഭേഷ്വർപയാമി സർവപാപാപനുത്തയേ । നാലികേര-സമുദ്ഭൂത ത്രിനേത്ര ഹര സമ്മിത । ശിഖയാ ദുരിതം സർവ-മ്പാപ-മ്പീഡാ-ഞ്ച മേ നുദ । സ॒ ഹി രത്നാ॑നി ദാ॒ശുഷേ॑ സു॒വാതി॑ സവി॒താ ഭഗഃ॑ । ത-മ്ഭാ॒ഗ-ഞ്ചി॒ത്രമീ॑മഹേ । (ഋഗ്വേദ മന്ത്രഃ) തത്വാ॑ യാമി॒ ബ്രഹ്മ॑ണാ॒ വന്ദ॑മാന॒-സ്തദാശാ᳚സ്തേ॒ യജ॑മാനോ ഹ॒വിർഭിഃ॑ । അഹേ॑ഡമാനോ വരുണേ॒ഹ ബോ॒ദ്ധ്യുരു॑ശഗ്ംസ॒ മാ ന॒ ആയുഃ॒ പ്രമോ॑ഷീഃ ॥ ഓ-മ്ഭൂർഭുവ॒സ്സുവ॒രോം । അസ്മിൻ കുംഭേ വരുണമാവാഹയാമി । വരുണസ്യ ഇദമാസനം । വരുണായ നമഃ । സകലാരാധനൈ-സ്സ്വർചിതം । രത്നസിംഹാസനം സമർപയാമി । പാദ്യം സമർപയാമി । അർഘ്യം സമർപയാമി । ആചമനീയം സമർപയാമി । മധുപർക്കം സമർപയാമി । സ്നാനം സമർപയാമി । സ്നാനാനന്തരം ആചമനീയം സമർപയാമി । വസ്ത്രോത്തരീയം സമർപയാമി । ഉപവീതം സമർപയാമി । ഗന്ധാ-ന്ധാരയാമി । അക്ഷതാൻ സമർപയാമി । പുഷ്പാണി സമർപയാമി । 1. ഓം-വഁരുണായ നമഃ 2. ഓ-മ്പ്രചേതസേ നമഃ 3. ഓം സുരൂപിണേ നമഃ 4. ഓം അപാമ്പതയേ നമഃ 5. ഓ-മ്മകരവാഹനായ നമഃ 6. ജലാധിപതയേ നമഃ 7. ഓ-മ്പാശഹസ്തായ നമഃ 8. ഓ-ന്തീർഥരാജായ നമഃ ഓം-വഁരുണായ നമഃ । നാനാവിധ പരിമല പത്ര പുഷ്പാണി സമർപയാമി । ധൂപം ആഘ്രാപയാമി । ദീപ-ന്ദർ​ശയാമി । ധൂപദീപാനന്തരം ആചമനീയം സമർപയാമി । ഓ-മ്ഭൂർഭുവസ്സുവഃ । തഥ്സ॑വി॒തുർവരേ᳚ണ്യ॒-മ്ഭർഗോ॑ ദേ॒വസ്യ॑ ധീമഹി । ധിയോ॒ യോന॑ പ്രചോ॒ദയാ᳚ത് । ദേവ സവിതഃ പ്രസുവഃ । സത്യ-ന്ത്വർതേന പരിഷിഞ്ചാമി । (രാത്രൗ - ഋത-ന്ത്വാ സത്യേന പരിഷിഞ്ചാമി) । ഓം-വഁരുണായ നമഃ । അമൃത-മ്ഭവതു । അമൃതോപസ്തരണമസി । ഓ-മ്പ്രാണായ സ്വാഹാ । ഓം അപാനായ സ്വാഹാ । ഓം-വ്യാഁനായ സ്വാഹാ । ഓം ഉദാനായ സ്വാഹാ । ഓം സമാനായ സ്വാഹാ । ഓ-മ്ബ്രഹ്മണേ സ്വാഹാ । കദലീഫല-ന്നിവേദയാമി । മദ്ധ്യേമദ്ധ്യേ അമൃതപാനീയം സമർപയാമി । അമൃതാപിധാനമസി । നൈവേദ്യാനന്തരം ആചമനീയം സമർപയാമി । താംബൂലം സമർപയാമി । കർപൂര നീരാജന-മ്പ്രദർ​ശയാമി । നീരാജനാനന്തരം ആചമനീയം സമർപയാമി । മന്ത്ര പുഷ്പം സമർപയാമി । സുവർണ പുഷ്പം സമർപയാമി । സമസ്തോപചാരാൻ സമർപയാമി ॥ 1. പഞ്ചാംഗ രുദ്രന്യാസഃ – അഥാതഃ പഞ്ചാംഗരുദ്രാണാ-ന്ന്യാസപൂർവക-ഞ്ജപ-ഹോമാ-ര്ചനാ-ഭിഷേക-വിധിം-വ്യാഁഖ്യാസ്യാമഃ അഥാതഃ പഞ്ചാംഗരുദ്രാണാ-ന്ന്യാസപൂർവക-ഞ്ജപ-ഹോമാ-ര്ചനാഭിഷേക-ങ്കരിഷ്യമാണഃ । ഹരിഃ ഓം അഥാതഃ പഞ്ചാംഗ രുദ്രാണാം ॥ ഓങ്കാരമന്ത്ര സം​യുഁക്ത-ന്നിത്യ-ന്ധ്യായന്തി യോഗിനഃ । കാമദ-മ്മോക്ഷദ-ന്തസ്മൈ ഓങ്കാരായ നമോ നമഃ ॥ നമസ്തേ ദേവ ദേവേശ നമസ്തേ പരമേശ്വര । നമസ്തേ വൃഷഭാരൂഢ നകാരായ നമോ നമഃ ॥ ഓ-ന്നമോ ഭഗവതേ॑ രുദ്രാ॒യ ॥ ഓ-മ്ഭൂർഭുവ॒സ്സുവഃ॑ ॥ ഓ-ന്നം ॥ നമ॑സ്തേ രുദ്ര മ॒ന്യവ॑ ഉ॒തോത॒ ഇഷ॑വേ॒ നമഃ॑ । നമ॑സ്തേ അസ്തു॒ ധന്വ॑നേ ബാ॒ഹുഭ്യാ॑മു॒ത തേ॒ നമഃ॑ ॥ യാ ത॒ ഇഷുഃ॑ ശി॒വത॑മാ ശി॒വ-മ്ബ॒ഭൂവ॑ തേ॒ ധനുഃ॑ । ശി॒വാ ശ॑ര॒വ്യാ॑ യാ തവ॒ തയാ॑ നോ രുദ്ര മൃഡയ । ഓ-ന്നമോ ഭഗവതേ॑ രുദ്രാ॒യ ॥ നം ഓം । പൂർവാംഗ രുദ്രായ॒ നമഃ ॥ (പ്രാച്യൈ ദിശ) മഹാദേവ-മ്മഹാത്മാന-മ്മഹാപാതകനാശനം । മഹാപാപഹരം-വഁന്ദേ മകാരായ നമോ നമഃ ॥ ഓ-മ്ഭൂർഭുവ॒സ്സുവഃ॒ ॥ ഓ-മ്മം ॥ ഓ-ന്നിധ॑നപതയേ॒ നമഃ । നിധനപതാന്തികായ॒ നമഃ । ഊർധ്വായ॒ നമഃ । ഊർധ്വലിംഗായ॒ നമഃ । ഹിരണ്യായ॒ നമഃ । ഹിരണ്യലിംഗായ॒ നമഃ । സുവർണായ॒ നമഃ । സുവർണലിംഗായ॒ നമഃ । ദിവ്യായ॒ നമഃ । ദിവ്യലിംഗായ॒ നമഃ । ഭവായഃ॒ നമഃ । ഭവലിംഗായ॒ നമഃ । ശർവായ॒ നമഃ । ശർവലിംഗായ॒ നമഃ । ശിവായ॒ നമഃ । ശിവലിംഗായ॒ നമഃ । ജ്വലായ॒ നമഃ । ജ്വലലിംഗായ॒ നമഃ । ആത്മായ॒ നമഃ । ആത്മലിംഗായ॒ നമഃ । പരമായ॒ നമഃ । പരമലിംഗായ॒ നമഃ । ഏതത്സോമസ്യ॑ സൂര്യ॒സ്യ സർവലിംഗഗ്ഗ്॑ സ്ഥാപ॒യ॒തി॒ പാണിമന്ത്ര-മ്പവി॒ത്രം ॥ ഓ-ന്നമോ ഭഗവതേ॑ രുദ്രാ॒യ ॥ മം ഓം ॥ ദക്ഷിണാംഗ രുദ്രായ॒ നമഃ ॥ (ദക്ഷിണ ദിശ) ശിവം ശാന്ത-ഞ്ജഗന്നാഥം-ലോഁകാനുഗ്രഹകാരണം । ശിവമേക-മ്പരം-വഁന്ദേ ശികാരായ നമോ നമഃ ॥ ഓ-മ്ഭൂർഭുവ॒സ്സുവഃ॒ ॥ ഓം ശിം ॥ അപൈ॑തുമൃ॒ത്യുരമൃത॑-ന്ന॒ ആഗ॑ൻ വൈവസ്വ॒തോ നോ॒ അ॑ഭയ-ങ്കൃണോതു । പ॒ർണം-വഁന॒സ്പതേരിവാ॒ഭിനശ്ശീയതാഗ്ം ര॒യിസ്സച॑താ-ന്ന॒ശ്ശചീ॒പതിഃ॑ ॥ ഓ-ന്നമോ ഭഗവതേ॑ രുദ്രാ॒യ ॥ ശിം ഓം ॥ പശ്ചിമാംഗ രുദ്രായ॒ നമഃ ॥ (പശ്ചിമ ദിശ) വാഹനം-വൃഁഷഭോ യസ്യ വാസുകീ കണ്ഠഭൂഷണം । വാമേ ശക്തിധരം-വഁന്ദേ വകാരായ നമോ നമഃ ॥ ഓ-മ്ഭൂർഭുവ॒സ്സുവഃ॒ ॥ ഓം-വാഁം ॥ പ്രാണാനാ-ങ്ഗ്രന്ഥിരസി രുദ്രോ മാ॑ വിശാ॒ന്തകഃ । തേനാന്നേനാ᳚പ്യായ॒സ്വ ॥ ഓ-ന്നമോ ഭഗവതേ രുദ്രായ വിഷ്ണവേ മൃത്യു॑ർമേ പാ॒ഹി ॥ ഓ-ന്നമോ ഭഗവതേ॑ രുദ്രാ॒യ ॥ വാം ഓം ॥ ഉത്തരാംഗ രുദ്രായ॒ നമഃ ॥ (ഉത്തര ദിശ) യത്ര കുത്ര സ്ഥിത-ന്ദേവം സർവവ്യാപിനമീശ്വരം । യല്ലിംഗ-മ്പൂജയേന്നിത്യം-യഁകാരായ നമോ നമഃ ॥ ഓ-മ്ഭൂർഭുവ॒സ്സുവഃ॒ ॥ ഓം-യഁം ॥ യോ രു॒ദ്രോ അ॒ഗ്നൗ യോ അ॒പ്സു യ ഓഷ॑ധീഷു॒ യോ രു॒ദ്രോ വിശ്വാ॒ ഭുവ॑നാ വി॒വേശ॒ തസ്മൈ॑ രു॒ദ്രായ॒ നമോ॑ അസ്തു ॥ ഓ-ന്നമോ ഭഗവതേ॑ രുദ്രാ॒യ ॥ യം ഓം ॥ ഊർധ്വാംഗ രുദ്രായ॒ നമഃ ॥ (ഊർധ്വ ദിശ) 2. പഞ്ചമുഖ ധ്യാനം – ഓ-ന്നം ॥ തത്പുരു॒ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ പ്രചോദയാ᳚ത് ॥ സം​വഁർതാഗ്നി തടിത്പ്രദീപ്ത കനക പ്രസ്പർഥി തേജോമയം । ഗംഭീരധ്വനി സാമവേദജനക-ന്താമ്രാധരം സുന്ദരം । അർധേന്ദുദ്യുതി ലോലപിംഗല ജടാഭാരപ്രബദ്ധോരഗം । വന്ദേ സിദ്ധ സുരാസുരേന്ദ്രനമിത-മ്പൂർവ-മ്മുഖം ശൂലിനഃ ॥ ഓ-ന്നമോ ഭഗവതേ॑ രുദ്രാ॒യ ॥ ഓ-ന്നം ॥ പൂർവ മുഖായ॒ നമഃ ॥ അ॒ഘോരേ᳚ഭ്യോ-ഽഥഘോ॒രേ᳚ഭ്യോ॒ ഘോര॒ഘോര॑തരേഭ്യഃ ॥ സർവേ᳚ഭ്യസ്സർവ ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ॥ കാലാഭ്രഭ്രമരാഞ്ജനദ്യുതിനിഭം-വ്യാഁവൃത്ത പിംഗേക്ഷണം കർണോദ്ഭാസിത ഭോഗിമസ്തക മണിപ്രോദ്ഗീർണ ദംഷ്ട്രാങ്കുരം । സർപപ്രോത കപാല ശുക്തി ശകല വ്യാകീർണ സച്ഛേഖരം വന്ദേ ദക്ഷിണമീശ്വരസ്യ കുടില ഭ്രൂഭംഗ രൗദ്ര-മ്മുഖം ॥ ഓ-ന്നമോ ഭഗവതേ॑ രുദ്രാ॒യ ॥ ഓ-മ്മം ॥ ദക്ഷിണ മുഖായ॒ നമഃ ॥ സ॒ദ്യോ ജാ॒ത-മ്പ്ര॑പദ്യാ॒മി॒ സ॒ദ്യോ ജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ ഭവേ ഭവസ്വ॒ മാം । ഭ॒വോ-ദ്ഭ॑വായ॒ നമഃ॑ ॥ പ്രാലേയാചലമിന്ദുകുന്ദ ധവല-ങ്ഗോക്ഷീരഫേനപ്രഭം ഭസ്മാഭ്യക്തമനംഗ ദേഹ ദഹന ജ്വാലാവലീ ലോചനം । ബ്രഹ്മേന്ദ്രാദി മരുദ്ഗണൈസ്പുതിപദൈ രഭ്യർചിതം-യോഁഗിഭിഃ വന്ദേ-ഽഹം സകല-ങ്കലങ്കരഹിതം സ്ഥാണോർമുഖ-മ്പശ്ചിമം ॥ ഓ-ന്നമോ ഭഗവതേ॑ രുദ്രാ॒യ ॥ ഓം ശിം ॥ പശ്ചിമ മുഖായ॒ നമഃ ॥ വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമ॒-സ്സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ ॥ ഗൗര-ങ്കുങ്കുമ പങ്കിലം സ്തിലകം-വ്യാഁപാണ്ഡു ഗണ്ഡസ്ഥലം ഭ്രൂവിക്ഷേപ കടാക്ഷ ലസത്സംസക്ത കർണോത്ഫലം । സ്നിഗ്ധ-മ്ബിംബഫലാധര-മ്പ്രഹസിത-ന്നീലാലകാല-ങ്കൃതം വന്ദേ പൂർണ ശശാങ്ക മണ്ഡലനിഭം-വഁക്ത്രം ഹരസ്യോത്തരം ॥ ഓ-ന്നമോ ഭഗവതേ॑ രുദ്രാ॒യ ॥ ഓം-വാഁം ॥ ഉത്തര മുഖായ॒ നമഃ ॥ ഈശാന-സ്സർവ॑വിദ്യാ॒നാ॒-മീശ്വര-സ്സർവ॑ഭൂതാ॒നാ॒-മ്ബ്രഹ്മാധി॑പതി॒-ര്ബ്രഹ്മ॒ണോ ഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോം ॥ (കനിഷ്ഠികാഭ്യാ-ന്നമഃ) വ്യക്താവ്യക്ത ഗുണേതര-മ്പരതരം ഷട്ത്രിംശതത്ത്വാത്മകം തസ്മാദുത്തമ തത്ത്വമക്ഷരമിദ-ന്ധ്യേയം സദാ യോഗിഭിഃ । ഓങ്കാരാദി സമസ്ത മന്ത്രജനകം സൂക്ഷ്മാദി സൂക്ഷ്മ-മ്പരം ശാന്ത-മ്പഞ്ചമമീശ്വരസ്യ വദന-ങ്ഖം​വ്യാഁപ്തി തേജോമയം ॥ ഓ-ന്നമോ ഭഗവതേ॑ രുദ്രാ॒യ ॥ ഓം-വാഁം ॥ ഊർധ്വ മുഖായ॒ നമഃ ॥ ദിങ്നമസ്കാരഃ പൂർവേ പശുപതിഃ പാതു । ദക്ഷിണേ പാതു ശങ്കരഃ । പശ്ചിമേ പാതു വിശ്വേശഃ । നീലകണ്ഠസ്തദോത്തരേ ॥ ഈശാന്യാ-മ്പാതു മേ ശർവഃ । ആഗ്നേയാ-മ്പാർവതീപതിഃ । നൈഋത്യാ-മ്പാതു മേ രുദ്രഃ । വായവ്യാ-ന്നീലലോഹിതഃ ॥ ഊർധ്വേ ത്രിലോചനഃ പാതു । അധരായാ-മ്മഹേശ്വരഃ । ഏതാഭ്യോ ദശ ദിഗ്ഭ്യസ്തു । സർവതഃ പാതു ശങ്കരഃ ॥ (നാ രുദ്രോ രുദ്രമർചയേ᳚ത് । ന്യാസപൂർവക-ഞ്ജപഹോമാർചനാ-ഽഭിഷേകവിധി വ്യാഖ്യാസ്യാമഃ ।) 3. അംഗന്യാസഃ – യാ തേ॑ രുദ്ര ശി॒വാ ത॒നൂരഘോ॒രാ-ഽപാ॑പകാശിനീ । തയാ॑ ന സ്ത॒നുവാ॒ ശന്ത॑മയാ॒ ഗിരി॑ശന്താ॒ഭി ചാ॑കശീഹി । ശിഖായൈ നമഃ । 1 അ॒സ്മി-ന്മ॑ഹ॒ത്യ॑ർണ॒വേ᳚-ഽന്തരി॑ക്ഷേ ഭ॒വാ അധി॑ । തേഷാഗ്ം॑ സഹസ്രയോജ॒നേ-ഽവ॒ധന്വാ॑നി തന്മസി । ശിരസേ നമഃ । 2 സ॒ഹസ്രാ॑ണി സഹസ്ര॒ശോ യേ രു॒ദ്രാ അധി॒ ഭൂമ്യാം᳚ । തേഷാഗ്ം॑ സഹസ്ര-യോജ॒നേ-ഽവ॒ധന്വാ॑നി തന്മസി । ലലാടായ നമഃ । 3 ഹ॒ഗ്ം॒സ-ശ്ശു॑ചി॒ഷ-ദ്വസു॑രന്തരിക്ഷ॒സദ്ധോതാ॑ വേദി॒ഷദതി॑ഥി-ര്ദുരോണ॒സത് । നൃ॒ഷദ്വ॑ര॒-സദൃ॑ത॒-സദ്വ്യോ॑മ॒ സദ॒ബ്ജാ ഗോ॒ജാ ഋ॑ത॒ജാ അ॑ദ്രി॒ജാ ഋ॒ത-മ്ബൃ॒ഹത് । ഭ്രുവോർമദ്ധ്യായ നമഃ । 4 ത്ര്യ॑ബങ്കം-യഁജാമഹേ സുഗ॒ന്ധി-മ്പു॑ഷ്ടി॒വർധ॑നം । ഉ॒ർവാ॒രു॒കമി॑വ॒ ബന്ധ॑നാൻ മൃ॒ത്യോ-ര്മു॑ക്ഷീയ॒ മാ-ഽമൃതാ᳚ത് । നേത്രാഭ്യാ-ന്നമഃ । 5 നമ॒-സ്സ്രുത്യാ॑യ ച॒ പഥ്യാ॑യ ച॒ നമഃ॑ കാ॒ട്യാ॑യ ച നീ॒പ്യാ॑യ ച । കർണാഭ്യാ-ന്നമഃ । 6 മാ ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ । വീ॒രാന്മാനോ॑ രുദ്ര ഭാമി॒തോ വ॑ധീർ-ഹ॒വിഷ്മ॑ന്തോ॒ നമ॑സാ വിധേമ തേ । നാസികാഭ്യാ-ന്നമഃ । 7 അ॒വ॒തത്യ॒ ധനു॒സ്ത്വഗ്ം സഹ॑സ്രാക്ഷ॒ ശതേ॑ഷുധേ । നി॒ശീര്യ॑ ശ॒ല്യാനാ॒-മ്മുഖാ॑ ശി॒വോ നഃ॑ സു॒മനാ॑ ഭവ । മുഖായ നമഃ । 8 നീല॑ഗ്രീവാ ശ്ശിതി॒കണ്ഠാ᳚-ശ്ശ॒ർവാ അ॒ധഃ, ക്ഷ॑മാച॒രാഃ । തേഷാഗ്ം॑ സഹസ്രയോജ॒നേ-ഽ വ॒ധന്വാ॑നി തന്മസി । കണ്ഠായ നമഃ । 9.1 നീല॑ഗ്രീവാ-ശ്ശിതി॒കണ്ഠാ॒ ദിവഗ്ം॑ രു॒ദ്രാ ഉപ॑ശ്രിതാഃ । തേഷാഗ്ം॑ സഹസ്രയോജ॒നേ-ഽ വ॒ധന്വാ॑നി തന്മസി । ഉപകണ്ഠായ നമഃ । 9.2 നമ॑സ്തേ അ॒സ്ത്വായു॑ധാ॒യാ-നാ॑തതായ ധൃ॒ഷ്ണവേ᳚ । ഉ॒ഭാഭ്യാ॑മു॒ത തേ॒ നമോ॑ ബാ॒ഹുഭ്യാ॒-ന്തവ॒ ധന്വ॑നേ । ബാഹുഭ്യാ-ന്നമഃ । 10 യാ തേ॑ ഹേ॒തി-ര്മീ॑ഢുഷ്ടമ॒ ഹസ്തേ॑ ബ॒ഭൂവ॑ തേ॒ ധനുഃ॑ । തയാ॒-ഽസ്മാൻ വി॒ശ്വത॒സ്ത്വ-മ॑യ॒ക്ഷ്മയാ॒ പരി॑ബ്ഭുജ । ഉപബാഹുഭ്യാ-ന്നമഃ । 11 പരി॑ണോ രു॒ദ്രസ്യ॑ ഹേ॒തി-ര്വൃ॑ണക്തു॒ പരി॑ത്വേ॒ഷസ്യ॑ ദുർമ॒തിര॑ഘാ॒യോഃ । അവ॑ സ്ഥി॒രാ മ॒ഘവ॑ദ്ഭ്യഃ തനുഷ്വ॒ മീഢ്വ॑സ്തോ॒കായ॒ തന॑യായ മൃഡയ । മണിബന്ധാഭ്യാ-ന്നമഃ । 12 യേ തീ॒ർഥാനി॑ പ്ര॒ചര॑ന്തി സൃ॒കാവ॑ന്തോ നിഷം॒ഗിണഃ॑ । തേഷാഗ്ം॑ സഹസ്രയോജ॒നേ-ഽ വ॒ധന്വാ॑നി തന്മസി । ഹസ്താഭ്യാ-ന്നമഃ । 13 സ॒ദ്യോ ജാ॒ത-മ്പ്ര॑പദ്യാ॒മി॒ സ॒ദ്യോ ജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ ഭവേ ഭവസ്വ॒ മാം । ഭ॒വോ-ദ്ഭ॑വായ॒ നമഃ॑ ॥ അഗുംഷ്ഠാഭ്യാ-ന്നമഃ । 14.1 വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമ॒-സ്സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ । തർജനീഭ്യാ-ന്നമഃ । 14.2 അ॒ഘോരേ᳚ഭ്യോ ഽഥ॒ഘോരേ᳚ഭ്യോ॒ ഘോര॒ഘോര॑തരേഭ്യഃ । സർവേ᳚ഭ്യ-സ്സർവ॒ ശർവേ᳚ഭ്യോ॒ നമ॑സ്തേ അസ്തു രു॒ദ്ര രൂ॑പേഭ്യഃ ॥ മദ്ധ്യമാഭ്യാ-ന്നമഃ । 14.3 തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ പ്രചോ॒ദയാ᳚ത് ॥ അനാമികാഭ്യാ-ന്നമഃ । 14.4 ഈശാന-സ്സർവ॑വിദ്യാ॒നാ॒-മീശ്വര-സ്സർവ॑ഭൂതാ॒നാം॒ രഹ്മാധി॑പതി॒-ര്ബ്രഹ്മ॒ണോ ഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോം ॥ കനിഷ്ഠികാഭ്യാ-ന്നമഃ । 14.5 നമോ॑ വഃ കിരി॒കേഭ്യോ॑ ദേ॒വാനാ॒ഗ്ം॒ ഹൃദ॑യേഭ്യഃ । ഹൃദയായ നമഃ । 15 നമോ॑ ഗ॒ണേഭ്യോ॑ ഗ॒ണപ॑തിഭ്യശ്ച വോ॒ നമഃ॑ । പൃഷ്ഠായ നമഃ । 16 നമോ॒ ഹിര॑ണ്യബാഹവേ സേനാ॒ന്യേ॑ ദി॒ശാഞ്ച॒ പത॑യേ॒ നമഃ॑ । പാർ​ശ്വാഭ്യാ-ന്നമഃ । 17 വിജ്യ॒-ന്ധനുഃ॑ കപ॒ർദിനോ॒ വിശ॑ല്യോ॒ ബാണ॑വാഗ്ം ഉ॒ത । അനേ॑ശന്ന॒സ്യേഷ॑വ ആ॒ഭുര॑സ്യ നിഷം॒ഗഥിഃ॑ । ജഠരായ നമഃ । 18 ഹി॒ര॒ണ്യ॒ഗ॒ർഭ സ്സമ॑വർത॒താഗ്രേ॑ ഭൂ॒തസ്യ॑ ജാ॒തഃ പതി॒രേക॑ ആസീത് । സദാ॑ധാര പൃഥി॒വീ-ന്ദ്യാമു॒തേമാ-ങ്കസ്മൈ॑ ദേ॒വായ॑ ഹ॒വിഷാ॑ വിധേമ । നാഭ്യൈ നമഃ । 19 മീഢു॑ഷ്ടമ॒ ശിവ॑തമ ശി॒വോ ന॑സ്സു॒മനാ॑ ഭവ । പ॒ര॒മേ വൃ॒ക്ഷ ആയു॑ധ-ന്നി॒ധായ॒ കൃത്തിം॒-വഁസാ॑ന॒ ആച॑ര॒ പിനാ॑ക॒-മ്ബിഭ്ര॒ദാഗ॑ഹി । കഠ്യൈ നമഃ । 20 യേ ഭൂ॒താനാ॒-മധി॑പതയോ വിശി॒ഖാസഃ॑ കപ॒ർദി॑നഃ । തേഷാഗ്ം॑ സഹസ്രയോജ॒നേ ഽവ॒ധന്വാ॑നി തന്മസി । ഗുഹ്യായ നമഃ । 21 യേ അന്നേ॑ഷു വി॒വിദ്ധ്യ॑ന്തി॒ പാത്രേ॑ഷു॒ പിബ॑തോ॒ ജനാൻ॑ । തേഷാഗ്ം॑ സഹസ്രയോജ॒നേ-ഽ വ॒ധന്വാ॑നി തന്മസി । അണ്ഡാഭ്യാ-ന്നമഃ । 22 സ॒ ശി॒രാ ജാ॒തവേ॑ദാ അ॒ക്ഷര॑-മ്പര॒മ-മ്പ॒ദം । വേദാ॑നാ॒ഗ്ം॒ ശിര॑സി മാ॒താ॒ ആ॒യു॒ഷ്മന്ത॑-ങ്കരോതു॒ മാം । അപാനായ നമഃ । 23 മാ നോ॑ മ॒ഹാന്ത॑മു॒ത മാ നോ॑ അർഭ॒ക-മ്മാ ന॒ ഉക്ഷ॑ന്തമു॒ത മാ ന॑ ഉക്ഷി॒തം । മാ നോ॑ വധീഃ പി॒തര॒-മ്മോത മാ॒തര॑-മ്പ്രി॒യാ മാ ന॑സ്ത॒നുവോ॑ രുദ്ര രീരിഷഃ । ഊരുഭ്യാ-ന്നമഃ । 24 ഏ॒ഷ തേ॑ രുദ്രഭാ॒ഗ-സ്തഞ്ജു॑ഷസ്വ॒ തേനാ॑വ॒സേന॑ പ॒രോ മൂജ॑വ॒തോ-ഽതീ॒ഹ്യവ॑തത-ധന്വാ॒ പിനാ॑കഹസ്തഃ॒ കൃത്തി॑വാസാഃ । ജാനുഭ്യാ-ന്നമഃ । 25 സ॒ഗ്ം॒ സൃ॒ഷ്ട॒ജിഥ്സോ॑മ॒പാ ബാ॑ഹു-ശ॒ർധ്യൂ᳚ർധ്വ ധ॑ന്വാ॒ പ്രതി॑ഹിതാ-ഭി॒രസ്താ᳚ । ബൃഹ॑സ്പതേ॒ പരി॑ദീയാ॒ രഥേ॑ന രക്ഷോ॒ഹാ-ഽമിത്രാഗ്ം॑ അപ॒ബാധ॑മാനഃ । ജംഘാഭ്യാ-ന്നമഃ । 26 വിശ്വ॑-മ്ഭൂ॒ത-മ്ഭുവ॑ന-ഞ്ചി॒ത്ര-മ്ബ॑ഹു॒ധാ ജാ॒ത-ഞ്ജായ॑മാന-ഞ്ച॒ യത് । സർവോ॒ ഹ്യേ॑ഷ രു॒ദ്ര-സ്തസ്മൈ॑ രു॒ദ്രായ॒ നമോ॑ അസ്തു ॥ ഗുൽഫാഭ്യാ-ന്നമഃ । 27 യേ പ॒ഥാ-മ്പ॑ഥി॒രക്ഷ॑യ ഐലബൃ॒ദാ യ॒വ്യുധഃ॑ । തേഷാഗ്ം॑ സഹസ്രയോജ॒നേ ഽവ॒ധന്വാ॑നി തന്മസി । പാദാഭ്യാ-ന്നമഃ । 28 അദ്ധ്യ॑വോച-ദധിവ॒ക്താ പ്ര॑ഥ॒മോ ദൈവ്യോ॑ ഭി॒ഷക് । അഹീഗ്॑ശ്ച॒ സർവാ᳚ൻ ജ॒ഭം​യഁ॒-ന്ഥ്സർവാ᳚ശ്ച യാതു ധാ॒ന്യഃ॑ । കവചായ ഹും । 29 നമോ॑ ബി॒ല്മിനേ॑ ച കവ॒ചിനേ॑ ച॒ നമഃ॑ ശ്രു॒തായ॑ ച ശ്രുതസേ॒നായ॑ ച । ഉപകവചായ ഹും । 30 നമോ॑ അസ്തു॒ നീല॑ഗ്രീവായ സഹസ്രാ॒ക്ഷായ॑ മീ॒ഢുഷേ᳚ । അഥോ॒ യേ അ॑സ്യ॒ സത്വാ॑നോ॒-ഽഹ-ന്തേഭ്യോ॑-ഽകര॒ന്നമഃ॑ । തൃതീയ നേത്രായ നമഃ । 31 പ്രമു॑ഞ്ച॒ ധന്വ॑ന॒സ്ത്വ-മു॒ഭയോ॒-രാർത്നി॑യോ॒ർജ്യാം । യാശ്ച॑ തേ॒ ഹസ്ത॒ ഇഷ॑വഃ॒ പരാ॒ താ ഭ॑ഗവോ വപ । അസ്ത്രായ ഫട് । 32 യ ഏ॒താവ॑ന്തശ്ച॒ ഭൂയാഗ്ം॑സശ്ച॒ ദിശോ॑ രു॒ദ്രാ വി॑തസ്ഥി॒രേ । തേഷാഗ്ം॑॑ സഹസ്രയോജ॒നേ ഽവ॒ധന്വാ॑നി തന്മസി । ഇതി ദിഗ്ബന്ധഃ । 33 ഇതി പ്രഥമ ന്യാസഃ ॥ (ശിഖാദി അസ്ത്രപര്യന്തം ഏകത്രിംശദംഗന്യാസഃ ദിഗ്ബന്ധ സഹിതഃ പ്രഥമഃ)   4. ദശാംഗ ന്യാസഃ – ഓ-ന്നമോ ഭഗവതേ॑ രുദ്രാ॒യ । ഇതി നമസ്കാരാ-ന്ന്യസേ᳚ത് ॥ ഓം ഓ-മ്മൂർഥ്നേ നമഃ (മൂർധ്നി) । ഓ-ന്ന-ന്നാസികായൈ നമഃ (നാസികാഗ്രഃ) । ഓ-മ്മോം-ലഁലടായ നമഃ (ലലാടഃ) । ഓ-മ്ഭ-മ്മുഖായ നമഃ (മുഖാം) । ഓ-ങ്ഗ-ങ്കണ്ഠായ നമഃ (കണ്ഠഃ) । ഓം-വംഁ ഹൃദയായ നമഃ (ഹൃദയഃ) । ഓ-ന്തേ-ന്ദക്ഷിണ ഹസ്തായ നമഃ (ദക്ഷിണ ഹസ്തഃ) । ഓം രും-വാഁമ ഹസ്തായ നമഃ (വാമ ഹസ്തഃ) । ഓ-ന്ദ്രാ-ന്നാഭ്യൈ നമഃ (നാഭ്ഹീ) । ഓം-യഁ-മ്പാദാഭ്യാ-ന്നമഃ (പാദൗ) ॥ [അപ ഉപസ്പൃശ്യ] ഇതി ദ്വിതീയ ന്യാസഃ മൂർധാദി പാദാന്ത-ന്ദശാംഗ ന്യാസഃ ദ്വിതീയഃ 5. പഞ്ചാംഗ ന്യാസഃ – സ॒ദ്യോ ജാ॒ത-മ്പ്ര॑പദ്യാ॒മി॒ സ॒ദ്യോ ജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ഭവേ ഭവസ്വ॒ മാം । ഭ॒വോ-ദ്ഭ॑വായ॒ നമഃ॑ ॥ പാദാഭ്യാ-ന്നമഃ । 1 [അപ ഉപസ്പൃശ്യ] വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമ॒ സ്സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ । ഊരുമധ്യമാഭ്യാ-ന്നമഃ । 2 അ॒ഘോരേ᳚ഭ്യോ ഽഥ॒ഘോരേ᳚ഭ്യോ॒ ഘോര॒ഘോര॑തരേഭ്യഃ । സർവേ᳚ഭ്യ-സ്സർവ॒ ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ॥ ഹൃദയായ നമഃ । 3 തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ പ്രചോ॒ദയാ᳚ത് ॥ മുഖായ നമഃ । 4 ഈശാന-സ്സർവ॑വിദ്യാ॒നാ॒-മീശ്വരസർവ॑ ഭൂതാ॒നാം॒ ബ്രഹ്മാധി॑പതി॒-ര്ബ്രഹ്മ॒ണോ-ഽധി॑പതി॒-ര്ബ്രഹ്മാ॑ ശി॒വോ മേ॑ അസ്തു സദാശി॒വോം ॥ മൂർധ്നേ നമഃ । 5 5.1 ഹംസ ഗായത്രീ – അസ്യ ശ്രീ ഹംസഗായത്രീ മഹാമന്ത്രസ്യ, അവ്യക്ത പരബ്രഹ്മ ഋഷിഃ, അനുഷ്ടു-പ്ഛന്ദഃ, പരമഹംസോ ദേവതാ । ഹംസാ-മ്ബീജം, ഹംസീം ശക്തിഃ । ഹംസൂ-ങ്കീലകം । പരമഹംസ പ്രസാദ സിദ്ധ്യർഥേ ജപേ വിനിയോഗഃ ॥ 1 കരന്യാസഃ – ഹംസാം അഗുംഷ്ഠാഭ്യാ-ന്നമഃ । ഹംസീ-ന്തർജനീഭ്യാ-ന്നമഃ । ഹംസൂം - മദ്ധ്യമാഭ്യാ-ന്നമഃ । ഹംസൈം - അനാമികാഭ്യാ-ന്നമഃ । ഹംസൗം - കനിഷ്ഠികാഭ്യാ-ന്നമഃ । ഹംസഃ-കരതല കരപൃഷ്ഠാഭ്യാ-ന്നമഃ । 2 ഹൃദയാദി ന്യാസഃ – ഹംസാം - ഹൃദയായ നമഃ । ഹംസീം - ശിരസേ സ്വാഹാ । ഹംസൂം - ശിഖായൈ വഷട് । ഹംസൈം - കവചായ ഹും । ഹംസൗം - നേത്രത്രയായ വൗഷട് । ഹംസഃ - അസ്ത്രായ ഫട് ॥ ഓ-മ്ഭൂർഭുവ॒സ്സുവ॒രോമിതി ദിഗ്ബന്ധഃ । 3 ധ്യാനം – ഗമാഗമസ്ഥ-ങ്ഗമനാദിശൂന്യ-ഞ്ചി-ദ്രൂപദീപ-ന്തിമിരാപഹാരം । പശ്യാമി തേ സർവജനാന്തരസ്ഥ-ന്നമാമി ഹംസ-മ്പരമാത്മരൂപം ॥ 4 ദേഹോ ദേവാലയഃ പ്രോക്തോ ജീവോ ദേവ-സ്സനാതനഃ । ത്യജേദജ്ഞാനനിർമാല്യം സോ-ഽഹംഭാവേന പൂജയേത് ॥ ഹം॒സ ഹം॒സായ॑ വി॒ദ്മഹേ॑ പരമഹം॒സായ॑ ധീമഹി । തന്നോ॑ ഹംസഃ പ്രചോ॒ദയാ᳚ത് ॥ 5 (ഇതി ത്രിവാര-ഞ്ജപിത്വാ) ഹംസ ഹം॒സേതി യോ ബ്രൂയാ-ധംസോ (ബ്രൂയാദ്ധംസോ) നാമ സദാശിവഃ । ഏവ-ന്ന്യാസ വിധി-ങ്കൃത്വാ തത-സ്സമ്പുടമാരഭേത് ॥ 6 5.2 ദിക് സമ്പുടന്യാസഃ (സമ്പുടീകരണം) – ഇന്ദ്രാദീ-ന്ദിക്ഷുവിന്യസ്യ । ഓ-മ്ഭൂർഭുവ॒സ്സുവഃ॑ । ഓം ഓം । ത്രാ॒താര॒മിന്ദ്ര॑ മവി॒താര॒മിന്ദ്ര॒ഗ്ം॒ ഹവേ॑ ഹവേ സു॒ഹവ॒ഗ്ം॒ ശൂര॒മിന്ദ്രം᳚ । ഹു॒വേ നു ശ॒ക്ര-മ്പു॑രുഹൂ॒തമിന്ദ്രഗ്ഗ്॑ സ്വ॒സ്തി നോ॑ മ॒ഘവാ॑ ധാ॒ത്വിന്ദ്രഃ॑ ॥ ഓ-ന്നമോ ഭഗവതേ॑ രുദ്രാ॒യ । ഓം ഓം । പൂർവദിഗ്ഭാഗേ ഇന്ദ്രായ നമഃ ॥ 1 (തൈ.സം.1-6-12-50) ഓ-മ്ഭൂർഭുവ॒സ്സുവഃ॑ । ഓ-ന്നം । ത്വ-ന്നോ॑ അഗ്നേ॒ വരു॑ണസ്യ വി॒ദ്വാന്ദേ॒വസ്യ॒ ഹേഡോ-ഽവ॑ യാസിസീഷ്ഠാഃ । യജി॑ഷ്ഠോ॒ വഹ്നി॑തമ॒-ശ്ശോശു॑ചാനോ॒ വിശ്വാ॒ ദ്വേഷാഗ്ം॑സി॒ പ്രമു॑മുഗ്ധ്യ॒സ്മത് ॥ ഓ-ന്നമോ ഭഗവതേ॑ രുദ്രാ॒യ । നം ഓം । ആഗ്നേയദിഗ്ഭാഗേ അഗ്നയേ നമഃ ॥ 2 (തൈ.സം.2-5-12-72) ഓ-മ്ഭൂർഭുവ॒സ്സുവഃ॑ । ഓ-മ്മോം । സു॒ഗ-ന്നഃ॒ പന്ഥാ॒മഭ॑യ-ങ്കൃണോതു । യസ്മി॒ന്നക്ഷ॑ത്രേ യ॒മ ഏതി॒ രാജാ᳚ । യസ്മി॑ന്നേനമ॒ഭ്യഷി॑ഞ്ചന്ത ദേ॒വാഃ । തദ॑സ്യ ചി॒ത്രഗ്ം ഹ॒വിഷാ॑ യജാമ ॥ ഓ-ന്നമോ ഭഗവതേ॑ രുദ്രാ॒യ । മോം ഓം । ദക്ഷിണദിഗ്ഭാഗേ യമായ നമഃ ॥ 3 (തൈ.ബ്രാ.3-1-2-11-23) ഓ-മ്ഭൂർഭുവ॒സ്സുവഃ॑ । ഓ-മ്ഭം । അസു॑ന്വന്ത॒മയ॑ജമാനമിച്ഛ സ്തേ॒നസ്യേ॒ത്യാന്തസ്ക॑ര॒സ്യാന്വേ॑ഷി । അ॒ന്യമ॒സ്മദി॑ച്ഛ॒ സാ ത॑ ഇ॒ത്യാ നമോ॑ ദേവി നിർ.ഋതേ॒ തുഭ്യ॑മസ്തു ॥ ഓ-ന്നമോ ഭഗവതേ॑ രുദ്രാ॒യ । ഭം ഓം । നിർ-ഋതിദിഗ്ഭാഗേ നിർ-ഋതയേ നമഃ ॥ 4 (തൈ.സം.4-2-5-21) ഓ-മ്ഭൂർഭുവ॒സ്സുവഃ॑ । ഓ-ങ്ഗം । തത്ത്വാ॑ യാമി॒ ബ്രഹ്മ॑ണാ॒ വന്ദ॑മാന॒സ്തദാ ശാ᳚സ്തേ॒ യജ॑മാനോ ഹ॒വിർഭിഃ॑ । അഹേ॑ഡമാനോ വരുണേ॒ഹ ബോ॒ധ്യുരു॑ശഗ്ംസ॒ മാ ന॒ ആയുഃ॒ പ്രമോ॑ഷീഃ ॥ ഓ-ന്നമോ ഭഗവതേ॑ രുദ്രാ॒യ । ഗം ഓം । പശ്ചിമദിഗ്ഭാഗേ വരുണായ നമഃ ॥ 5 (തൈ.സം.2-1-11-65) ഓ-മ്ഭൂർഭുവ॒സ്സുവഃ॑ । ഓം-വഁം । ആ നോ॑ നി॒യുദ്ഭിഃ॑ ശ॒തിനീ॑ഭിരധ്വ॒രഗ്മ് । സ॑ഹ॒സ്രിണീ॑ഭി॒രുപ॑ യാഹി യ॒ജ്ഞം । വായോ॑ അ॒സ്മിൻ ഹ॒വിഷി॑ മാദയസ്വ । യൂ॒യ-മ്പാ॑ത സ്വ॒സ്തിഭി॒-സ്സദാ॑ നഃ ॥ ഓ-ന്നമോ ഭഗവതേ॑ രുദ്രാ॒യ । വം ഓം । വായവ്യദിഗ്ഭാഗേ വായവേ നമഃ ॥ 6 (തൈ.ബ്രാ.2-8-1-2) ഓ-മ്ഭൂർഭുവ॒സ്സുവഃ॑ । ഓ-ന്തേം । വ॒യഗ്ം സോ॑മ വ്ര॒തേ തവ॑ । മന॑സ്ത॒നൂഷു॒ ബിഭ്ര॑തഃ । പ്ര॒ജാവ॑ന്തോ അശീമഹി । ഇ॒ന്ദ്രാ॒ണീ ദേ॒വീ സു॒ഭഗാ॑ സു॒പത്നീ᳚ ॥ ഓ-ന്നമോ ഭഗവതേ॑ രുദ്രാ॒യ । തേം ഓം । ഉത്തരദിഗ്ഭാഗേ കുബേരായ നമഃ ॥ 7 (തൈ.ബ്രാ.2-4-2-7-18) ഓ-മ്ഭൂർഭുവ॒സ്സുവഃ॑ । ഓം രും । തമീശാ᳚ന॒-ഞ്ജഗ॑തസ്ത॒സ്ഥുഷ॒സ്പതി᳚-ന്ധിയ-ഞ്ജി॒ന്വമവ॑സേ ഹൂമഹേ വ॒യം । പൂ॒ഷാ നോ॒ യഥാ॒ വേദ॑സാ॒മസ॑ദ്വൃ॒ധേ ര॑ക്ഷി॒താ പാ॒യുരദ॑ബ്ധ-സ്സ്വ॒സ്തയേ᳚ ॥ ഓ-ന്നമോ ഭഗവതേ॑ രുദ്രാ॒യ । രും ഓം । ഈശാന്യദിഗ്ഭാഗേ ഈശാനായ നമഃ ॥ 8 ഓ-മ്ഭൂർഭുവ॒സ്സുവഃ॑ । ഓ-ന്ദ്രാം । അ॒സ്മേ രു॒ദ്രാ മേ॒ഹനാ॒ പർവ॑താസോ വൃത്ര॒ഹത്യേ॒ ഭര॑ഹൂതൗ സ॒ജോഷാഃ᳚ । യ-ശ്ശംസ॑തേ സ്തുവ॒തേ ധായി॑ പ॒ജ്ര ഇന്ദ്ര॑ജ്യേഷ്ഠാ അ॒സ്മാം അ॑വന്തു ദേ॒വാഃ ॥ ഓ-ന്നമോ ഭഗവതേ॑ രുദ്രാ॒യ । ദ്രാം ഓം । ഊർധ്വദിഗ്ഭാഗേ ആകാശായ നമഃ ॥ 9 ഓ-മ്ഭൂർഭുവ॒സ്സുവഃ॑ । ഓം-യഁം । സ്യോ॒നാ പൃ॑ഥിവി॒ ഭവാ॑നൃക്ഷ॒രാ നി॒വേശ॑നീ । യച്ഛാ॑ ന॒-ശ്ശർമ॑ സ॒പ്രഥാഃ᳚ ॥ ഓ-ന്നമോ ഭഗവതേ॑ രുദ്രാ॒യ । യം ഓം । അധോദിഗ്ഭാഗേ പൃഥിവ്യൈ നമഃ ॥ 10 [അപ ഉപസ്പൃശ്യ] 5.3 ദശാംഗ രൗദ്രീകരണം – ഓ-മ്ഭൂർഭുവ॒സ്സുവഃ॑ । ഓം ഓം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ത്രാ॒താര॒മിന്ദ്ര॑ മവി॒താര॒മിന്ദ്ര॒ഗ്ം॒ ഹവേ॑ ഹവേ സു॒ഹവ॒ഗ്ം॒ ശൂര॒മിന്ദ്രം᳚ । ഹു॒വേ നു ശ॒ക്ര-മ്പു॑രുഹൂ॒തമിന്ദ്രഗ്ഗ്॑ സ്വ॒സ്തി നോ॑ മ॒ഘവാ॑ ധാ॒ത്വിന്ദ്രഃ॑ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഓം ഓം । പൂർവദിഗ്ഭാഗേ ലലാടസ്ഥാനേ ഇന്ദ്രായ നമഃ ॥ 1 ॥ (തൈ.സം.1-6-12-50) ഓ-മ്ഭൂർഭുവ॒സ്സുവഃ॑ । ഓ-ന്നം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ത്വ-ന്നോ॑ അഗ്നേ॒ വരു॑ണസ്യ വി॒ദ്വാന്ദേ॒വസ്യ॒ ഹേഡോ-ഽവ॑ യാസിസീഷ്ഠാഃ । യജി॑ഷ്ഠോ॒ വഹ്നി॑തമ॒-ശ്ശോശു॑ചാനോ॒ വിശ്വാ॒ ദ്വേഷാഗ്ം॑സി॒ പ്രമു॑മുഗ്ധ്യ॒സ്മത് ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । നം ഓം । ആഗ്നേയദിഗ്ഭാഗേ നേത്രയോസ്ഥാനേ അഗ്നയേ നമഃ ॥ 2 ॥ (തൈ.സം.2-5-12-72) ഓ-മ്ഭൂർഭുവ॒സ്സുവഃ॑ । ഓ-മ്മോം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ സു॒ഗ-ന്നഃ॒ പന്ഥാ॒മഭ॑യ-ങ്കൃണോതു । യസ്മി॒ന്നക്ഷ॑ത്രേ യ॒മ ഏതി॒ രാജാ᳚ । യസ്മി॑ന്നേനമ॒ഭ്യഷി॑ഞ്ചന്ത ദേ॒വാഃ । തദ॑സ്യ ചി॒ത്രഗ്ം ഹ॒വിഷാ॑ യജാമ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । മോം ഓം । ദക്ഷിണദിഗ്ഭാഗേ കർണയോസ്ഥാനേ യമായ നമഃ ॥ 3 ॥ (തൈ.ബ്രാ.3-1-2-11-23) ഓ-മ്ഭൂർഭുവ॒സ്സുവഃ॑ । ഓ-മ്ഭം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അസു॑ന്വന്ത॒ മയ॑ജമാനമിച്ഛസ്തേ॒നസ്യേ॒ത്യാന്തസ്ക॑ര॒സ്യാന്വേ॑ഷി । അ॒ന്യമ॒സ്മദി॑ച്ഛ॒ സാ ത॑ ഇ॒ത്യാ നമോ॑ ദേവി നിർ.ഋതേ॒ തുഭ്യ॑മസ്തു ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഭം ഓം । നിർ.ഋതിദിഗ്ഭാഗേ മുഖസ്ഥാനേ നിർ.ഋതയേ നമഃ ॥ 4 ॥ (തൈ.സം.4-2-5-21) ഓ-മ്ഭൂർഭുവ॒സ്സുവഃ॑ । ഓ-ങ്ഗം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ തത്ത്വാ॑യാമി॒ ബ്രഹ്മ॑ണാ॒ വന്ദ॑മാന॒സ്തദാ ശാ᳚സ്തേ॒ യജ॑മാനോ ഹ॒വിർഭിഃ॑ । അഹേ॑ഡമാനോ വരുണേ॒ഹ ബോ॒ധ്യുരു॑ശഗ്ംസ॒ മാ ന॒ ആയുഃ॒ പ്രമോ॑ഷീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഗം ഓം । പശ്ചിമദിഗ്ഭാഗേ ബാഹ്വോസ്ഥാനേ വരുണായ നമഃ ॥ 5 ॥ (തൈ.സം.2-1-11-65) ഓ-മ്ഭൂർഭുവ॒സ്സുവഃ॑ । ഓം-വഁം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ആ നോ॑ നി॒യുദ്ഭിഃ॑ ശ॒തിനീ॑ഭിരധ്വ॒രഗ്മ് । സ॑ഹ॒സ്രിണീ॑ഭി॒രുപ॑ യാഹി യ॒ജ്ഞം । വായോ॑ അ॒സ്മിൻ ഹ॒വിഷി॑ മാദയസ്വ । യൂ॒യ-മ്പാ॑ത സ്വ॒സ്തിഭി॒-സ്സദാ॑ നഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । വം ഓം । വായവ്യദിഗ്ഭാഗേ നാസികാസ്ഥാനേ വായവേ നമഃ ॥ 6 ॥ (തൈ.ബ്രാ.2-8-1-2) ഓ-മ്ഭൂർഭുവ॒സ്സുവഃ॑ । ഓ-ന്തേം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ വ॒യഗ്ം സോ॑മ വ്ര॒തേ തവ॑ । മന॑സ്ത॒നൂഷു॒ബിഭ്ര॑തഃ । പ്ര॒ജാവ॑ന്തോ അശീമഹി । ഇ॒ന്ദ്രാ॒ണീ ദേ॒വീ സു॒ഭഗാ॑ സു॒പത്നീ᳚ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । തേം ഓം । ഉത്തരദിഗ്ഭാഗേ ജഠരസ്ഥാനേ കുബേരായ നമഃ ॥ 7 ॥ (തൈ.ബ്രാ.2-4-2-7-18) ഓ-മ്ഭൂർഭുവ॒സ്സുവഃ॑ । ഓം രും । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ തമീശാ᳚ന॒-ഞ്ജഗ॑തസ്ത॒സ്ഥുഷ॒സ്പതി᳚-ന്ധിയ-ഞ്ജി॒ന്വമവ॑സേ ഹൂമഹേ വ॒യം । പൂ॒ഷാ നോ॒ യഥാ॒ വേദ॑സാ॒മസ॑ദ്വൃ॒ധേ ര॑ക്ഷി॒താ പാ॒യുരദ॑ബ്ധ-സ്സ്വ॒സ്തയേ᳚ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । രും ഓം । ഈശാന്യദിഗ്ഭാഗേ നാഭിസ്ഥാനേ ഈശാനായ നമഃ ॥ 8 ॥ ഓ-മ്ഭൂർഭുവ॒സ്സുവഃ॑ । ഓ-ന്ദ്രാം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അ॒സ്മേ രു॒ദ്രാ മേ॒ഹനാ॒ പർവ॑താസോ വൃത്ര॒ഹത്യേ॒ ഭര॑ഹൂതൗ സ॒ജോഷാഃ᳚ । യ-ശ്ശംസ॑തേ സ്തുവ॒തേ ധായി॑ പ॒ജ്ര ഇന്ദ്ര॑ജ്യേഷ്ഠാ അ॒സ്മാഁ അ॑വന്തു ദേ॒വാഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ദ്രാം ഓം । ഊർധ്വദിഗ്ഭാഗേ മൂർധ്നിസ്ഥാനേ ആകാശായ നമഃ ॥ 9 ॥ ഓ-മ്ഭൂർഭുവ॒സ്സുവഃ॑ । ഓം-യഁം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ സ്യോ॒നാ പൃ॑ഥിവി॒ ഭവാ॑നൃക്ഷ॒രാ നി॒വേശ॑നീ । യച്ഛാ॑ ന॒-ശ്ശർമ॑ സ॒പ്രഥാഃ᳚ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । യം ഓം । അധോദിഗ്ഭാഗേ പാദസ്ഥാനേ പൃഥിവ്യൈ നമഃ ॥ 10 ॥ [അപ ഉപസ്പൃശ്യ] 5.4 ഷോഡശാംഗ രൗദ്രീകരണം – ഓ-മ്ഭൂർഭുവ॒സ്സുവഃ॑ । ഓം അം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ വി॒ഭൂര॑സി പ്ര॒വാഹ॑ണോ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । അം ഓം । ശിഖാസ്ഥാനേ രുദ്രായ നമഃ ॥ 1 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ആം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ വഹ്നി॑രസി ഹവ്യ॒വാഹ॑നോ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ആം ഓം । ശിരസ്ഥാനേ രുദ്രായ നമഃ ॥ 2 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഇം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ശ്വാ॒ത്രോ॑സി॒ പ്രചേ॑താ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഇം ഓം । മൂർധ്നിസ്ഥാനേ രുദ്രായ നമഃ ॥ 3 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഈം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ തു॒ഥോ॑സി വി॒ശ്വവേ॑ദാ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഈം ഓം । ലലാടസ്ഥാനേ രുദ്രായ നമഃ ॥ 4 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഉം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഉ॒ശിഗ॑സിക॒വീ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഉം ഓം । നേത്രയോസ്ഥാനേ രുദ്രായ നമഃ ॥ 5 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഊം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അംഘാ॑രിരസി॒ ബംഭാ॑രീ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഊം ഓം । കർണയോസ്ഥാനേ രുദ്രായ നമഃ ॥ 6 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഋം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അ॒വ॒സ്യുര॑സി॒ ദുവ॑സ്വാ॒-ന്രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഋം ഓം । മുഖസ്ഥാനേ രുദ്രായ നമഃ ॥ 7 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ൠം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ശു॒ന്ധ്യൂര॑സി മാർജാ॒ലീയോ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ൠം ഓം । കണ്ഠസ്ഥാനേ രുദ്രായ നമഃ ॥ 8 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഌം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ സ॒മ്രാഡ॑സി കൃ॒ശാനൂ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഌം ഓം । ബാഹ്വോസ്ഥാനേ രുദ്രായ നമഃ ॥ 9 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ൡം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ പ॒രി॒ഷദ്യോ॑സി॒ പവ॑മാനോ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ൡം ഓം । ഹൃദിസ്ഥാനേ രുദ്രായ നമഃ ॥ 10 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഏം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ പ്ര॒തക്വാ॑-ഽസി॒ നഭ॑സ്വാ॒-ന്രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഏം ഓം । നാഭിസ്ഥാനേ രുദ്രായ നമഃ ॥ 11 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഐം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അസ॑മ്മൃഷ്ടോസി ഹവ്യ॒സൂദോ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഐം ഓം । കടിസ്ഥാനേ രുദ്രായ നമഃ ॥ 12 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഓം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഋ॒തധാ॑മാ-ഽസി॒ സുവ॑ർജ്യോതീ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഓം ഓം । ഊരുസ്ഥാനേ രുദ്രായ നമഃ ॥ 13 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം ഔം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ബ്രഹ്മ॑ജ്യോതിരസി॒ സുവ॑ർധാമാ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । ഔം ഓം । ജാനുസ്ഥാനേ രുദ്രായ നമഃ ॥ 14 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം അം । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അ॒ജോ᳚-ഽസ്യേക॑പാ॒ത് രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । അം ഓം । ജംഘാസ്ഥാനേ രുദ്രായ നമഃ ॥ 15 ॥ (തൈ.സം.1-3-3-5) ഓ-മ്ഭൂർഭുവ॒സ്സുവഃ॑ । ഓം അഃ । നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ അഹി॑രസി ബു॒ധ്നിയോ॒ രൗദ്രേ॒ണാനീ॑കേന പാ॒ഹി മാ᳚-ഽഗ്നേ പിപൃ॒ഹി മാ॒ മാ മാ॑ ഹിഗ്ംസീഃ ॥ നമഃ॑ ശം॒ഭവേ॑ ച മയോ॒ഭവേ॑ ച॒ നമഃ॑ ശങ്ക॒രായ॑ ച മയസ്ക॒രായ॑ ച॒ നമഃ॑ ശി॒വായ॑ ച ശി॒വത॑രായ ച॒ ॥ ഓ-ന്നമോ ഭഗവതേ॑ രുദ്രാ॒യ । അഃ ഓം । പാദയോ-സ്സ്ഥാനേ രുദ്രായ നമഃ ॥ 16 ॥ (തൈ.സം.1-3-3-5) [അപ ഉപസ്പൃശ്യ] ത്വഗസ്ഥിഗതൈ-സ്സർവപാപൈഃ പ്രമുച്യതേ । സർവഭൂതേഷ്വപരാജിതോ ഭവതി । തതോ ഭൂതപ്രേത പിശാച ബദ്ധ ബ്രഹ്മരാക്ഷസ യക്ഷ യമദൂത ശാകിനീ ഡാകിനീ ഹാകിനീ ശത്രു സർപ ശ്വാപദ തസ്കര ജ്വരാദ്യുപദ്രവജോപഘാതാ-സ്സർവേ ജ്വലന്ത-മ്പശ്യന്തു । [കർതസ്യ വചനം] മാം രക്ഷന്തു ॥ [പുരോഹിത വചനം] യജമാനഗ്ം രക്ഷന്തു ॥ ഇതി തൃതീയഃ ന്യാസഃ പാദാതി മൂർധാന്ത-മ്പഞ്ചാംഗ ന്യാസഃ 6. ആത്മരക്ഷാ – 6.1 മനോ ജ്യോതിഃ – മനോ॒ ജ്യോതി॑ ര്ജുഷതാ॒-മാജ്യം॒-വിഁച്ഛി॑ന്നം-യഁ॒ജ്ഞഗ്ം സമി॒മ-ന്ദ॑ധാതു । യാ ഇ॒ഷ്ടാ ഉ॒ഷസോ॑ നി॒മ്രുച॑ശ്ച॒ താസ്സന്ദ॑ധാമി ഹ॒വിഷാ॑ ഘൃ॒തേന॑ । (ഗുഹ്യായ നമഃ) । 1 (തൈ. സം. 1.5.10.2) അബോ᳚ദ്ധ്യ॒ഗ്നി-സ്സ॒മിധാ॒ ജനാ॑നാ॒-മ്പ്രതി॑ധേ॒നു-മി॑വായ॒തീ മു॒ഷാസം᳚ । യ॒ഹ്വാ ഇ॑വ॒ പ്രവ॒യാ-മു॒ജ്ജിഹാ॑നാഃ॒ പ്രഭാ॒നവഃ॑ സിസ്രതേ॒ നാക॒മച്ഛ॑ । (നാഭ്യൈ നമഃ) । 2 (തൈ. സം. 4.4.4.2) അ॒ഗ്നി ര്മൂ॒ർധാ ദി॒വഃ ക॒കുത്പതിഃ॑ പൃഥി॒വ്യാ അ॒യം । അ॒പാഗ്ം രേതാഗ്ം॑സി ജിന്വതി । (ഹൃദയായ നമഃ) । 3 (തൈ. സം. 1.5.5.1) മൂ॒ർധാന॑-ന്ദി॒വോ അ॑ര॒തി-മ്പൃ॑ഥി॒വ്യാ വൈ᳚ശ്വാന॒ര-മൃ॒തായ॑ ജാ॒തമ॒ഗ്നിം । ക॒വിഗ്ം സ॒മ്രാജ॒-മതി॑ഥി॒-ഞ്ജനാ॑നാ-മാ॒സന്നാ പാത്ര॑-ഞ്ജനയന്ത ദേ॒വാഃ । (കണ്ഠായ നമഃ) । 4 (തൈ. സം. 1.4.13.1) മർമാ॑ണി തേ॒ വർമ॑ഭിശ്ഛാ-ദയാമി॒ സോമ॑സ്ത്വാ॒ രാജാ॒-ഽമൃ॑തേ നാ॒ഭിവ॑സ്താം । ഉ॒രോ ര്വരീ॑യോ॒ വരി॑വസ്തേ അസ്തു॒ ജ॑യന്ത॒-ന്ത്വാ മനു॑മദന്തു ദേ॒വാഃ । (മുഖായ നമഃ) । 5 (തൈ. സം. 4.6.4.5) ജാ॒തവേ॑ദാ॒ യദി॑ വാ പാവ॒കോ-ഽസി॑ । വൈ॒ശ്വാ॒ന॒രോ യദി॑ വാ വൈദ്യു॒തോ-ഽസി॑ । ശ-മ്പ്ര॒ജാഭ്യോ॒ യജ॑മാനായ ലോ॒കം । ഊർജ॒-മ്പുഷ്ടി॒-ന്ദദ॑ ദ॒ഭ്യാവ॑ വൃഥ്സ്വ ॥ (ശിരസേ നമഃ) ॥ 6 (തൈ. ബ്രാ. 3.10.5.1) 6.2 ആത്മരക്ഷാ – (തൈ. ബ്രാ. 2.3.11.1 - തൈ. ബ്രാ. 2.3.11.4) ബ്രഹ്മാ᳚ത്മ॒ൻ വദ॑സൃജത । തദ॑കാമയത । സമാ॒ത്മനാ॑ പദ്യേ॒യേതി॑ । ആത്മ॒ന്നാ-ത്മ॒ന്നിത്യാ-മ॑ന്ത്രയത । തസ്മൈ॑ ദശ॒മഗ്ം ഹൂ॒തഃ പ്രത്യ॑ശൃണോത് । സ ദശ॑ഹൂതോ-ഽഭവത് । ദശ॑ഹൂതോ ഹ॒വൈ നാമൈ॒ഷഃ । തം-വാഁ ഏ॒ത-ന്ദശ॑ഹൂത॒ഗ്ം॒ സന്തം᳚ । ദശ॑ഹോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 1 ആത്മ॒ന്നാ-ത്മ॒ന്നിത്യാ-മ॑ന്ത്രയത । തസ്മൈ॑ സപ്ത॒മഗ്ം ഹൂ॒തഃ പ്രത്യ॑ശൃണോത് । സ സ॒പ്തഹൂ॑തോ-ഽഭവത് । സ॒പ്തഹൂ॑തോ ഹ॒വൈ നാമൈ॒ഷഃ । തം-വാഁ ഏ॒തഗ്ം സ॒പ്തഹൂ॑ത॒ഗ്ം॒ സന്തം᳚ । സ॒പ്തഹോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 2 ആത്മ॒ന്നാ-ത്മ॒ന്നിത്യാ-മ॑ന്ത്രയത । തസ്മൈ॑ ഷ॒ഷ്ഠഗ്ം ഹൂ॒തഃ പ്രത്യ॑ശൃണോത് । സ ഷഡ്ഢൂ॑തോ-ഽഭവത് । ഷഡ്ഢൂ॑തോ ഹ॒വൈ നാമൈ॒ഷഃ । തം-വാഁ ഏ॒തഗ്ം ഷഡ്ഢൂ॑ത॒ഗ്ം॒ സന്തം᳚ । ഷഡ്ഢോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 3 ആത്മ॒ന്നാ-ത്മ॒ന്നിത്യാ-മ॑ന്ത്രയത । തസ്മൈ॑ പഞ്ച॒മഗ്ം ഹൂ॒തഃ പ്രത്യ॑ശൃണോത് । സ പഞ്ച॑ഹൂതോ-ഽഭവത് । പഞ്ച॑ഹൂതോ ഹ॒വൈ നാമൈ॒ഷഃ । തം-വാഁ ഏ॒ത-മ്പഞ്ച॑ഹൂത॒ഗ്ം॒ സന്തം᳚ । പഞ്ച॑ഹോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 4 ആത്മ॒ന്നാ-ത്മ॒ന്നിത്യാ-മ॑ന്ത്രയത । തസ്മൈ॑ ചതു॒ർഥഗ്ം ഹൂ॒തഃ പ്രത്യ॑ശൃണോത് । സ ചതു॑ർ​ഹൂതോ-ഽഭവത് । ചതു॑ർ​ഹൂതോ ഹ॒വൈ നാമൈ॒ഷഃ । തം-വാഁ ഏ॒ത-ഞ്ചതു॑ർ​ഹൂത॒ഗ്ം॒ സന്തം᳚ । ചതു॑ർ​ഹോ॒തേത്യാ ച॑ക്ഷതേ പ॒രോക്ഷേ॑ണ । പ॒രോക്ഷ॑പ്രിയാ ഇവ॒ ഹി ദേ॒വാഃ ॥ 5 തമ॑ബ്രവീത് । ത്വം-വൈഁ മേ॒ നേദി॑ഷ്ഠഗ്ം ഹൂ॒തഃ പ്രത്യ॑ശ്രൗഷീഃ । ത്വയൈ॑ നാനാഖ്യാ॒താര॒ ഇതി॑ । തസ്മാ॒ന്നുഹൈ॑നാ॒ഗ്॒-ശ്ച॑തു ര്​ഹോതാര॒ ഇത്യാച॑ക്ഷതേ । തസ്മാ᳚ച്ഛുശ്രൂ॒ഷുഃ പു॒ത്രാണാ॒ഗ്ം॒ ഹൃദ്യ॑തമഃ । നേദി॑ഷ്ഠോ॒ ഹൃദ്യ॑തമഃ । നേദി॑ഷ്ഠോ॒ ബ്രഹ്മ॑ണോ ഭവതി । യ ഏ॒വം-വേഁദ॑ ॥ 6 (ആത്മനേ॒ നമഃ॑) ഇതി ചതുർഥ ന്യാസഃ ഗുഹ്യാദി മസ്തകാന്ത ഷഡംഗന്യാസ-ശ്ചതുർഥഃ 7. ശിവസങ്കല്പാഃ – (ഋഗ് വേദ ഖില കാണ്ഡം 4.11 9.1) യേനേ॒ദ-മ്ഭൂ॒ത-മ്ഭുവ॑ന-മ്ഭവി॒ഷ്യ-ത്പരി॑ഗൃഹീത-മ॒മൃതേ॑ന॒ സർവം᳚ । യേന॑ യ॒ജ്ഞസ്താ॑യതേ (യ॒ജ്ഞസ്ത്രാ॑യതേ) സ॒പ്തഹോ॑താ॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 1 യേന॒ കർമാ॑ണി പ്ര॒ചര॑ന്തി॒ ധീരാ॒ യതോ॑ വാ॒ചാ മന॑സാ॒ ചാരു॒യന്തി॑ । യ-ഥ്സ॒മ്മിത॒മനു॑ സം॒​യഁന്തി॑ പ്രാ॒ണിന॒സ്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 2 യേന॒ കർമാ᳚ണ്യ॒പസോ॑ മനീ॒ഷിണോ॑ യ॒ജ്ഞേ കൃ॑ണ്വന്തി വി॒ദഥേ॑ഷു॒ ധീരാഃ᳚ । യദ॑പൂ॒ർവം-യഁ॒ക്ഷ്മമ॒ന്തഃ പ്ര॒ജാനാ॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 3 യത്പ്ര॒ജ്ഞാന॑-മു॒ത ചേതോ॒ ധൃതി॑ശ്ച॒ യജ്ജ്യോതി॑ ര॒ന്തര॒മൃത॑-മ്പ്ര॒ജാസു॑ । യസ്മാ॒ന്ന ഋ॒തേ കിഞ്ച॒ന കർമ॑ ക്രി॒യതേ॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 4 സു॒ഷാ॒ര॒ഥി-രശ്വാ॑നിവ॒ യന്മ॑നു॒ഷ്യാ᳚ന്നേ നീ॒യതേ॑-ഽഭീ॒ശു॑ഭി ര്വാ॒ജിന॑ ഇവ । ഹൃത്പ്ര॑തിഷ്ഠം॒-യഁദ॑ജിര॒-ഞ്ജവി॑ഷ്ഠ॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 5 യസ്മി॒ൻ ഋച॒സ്സാമ॒-യജൂഗ്ം॑ഷി॒ യസ്മി॑-ന്പ്രതിഷ്ഠി॒താ ര॑ഥ॒നാഭാ॑ വി॒വാരാഃ᳚ । യസ്മിഗ്ഗ്॑ശ്ചി॒ത്തഗ്ം സർവ॒മോത॑-മ്പ്ര॒ജാനാ॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 6 യദത്ര॑ ഷ॒ഷ്ഠ-ന്ത്രി॒ശതഗ്ം॑ സു॒വീരം॑-യഁ॒ജ്ഞസ്യ॑ ഗു॒ഹ്യ-ന്നവ॑ നാവ॒മായ്യം᳚ । ദശ॒ പഞ്ച॑ ത്രി॒ഗ്ം॒ശതം॒-യഁത്പര॑-ഞ്ച॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 7 യജ്ജാഗ്ര॑തോ ദൂ॒രമു॒ദൈതി॒ ദൈവ॒-ന്തദു॑ സു॒പ്തസ്യ॒ തഥൈ॒വൈതി॑ । ദൂ॒ര॒ഗ॒മ്മ-ഞ്ജ്യോതി॑ഷാ॒-ഞ്ജ്യോതി॒രേക॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 8 യേനേ॒ദം-വിഁശ്വ॒-ഞ്ജഗ॑തോ ബ॒ഭൂവ॒ യേ ദേ॒വാപി॑ മഹ॒തോ ജാ॒തവേ॑ദാഃ । തദേ॒വാഗ്നി-സ്തമ॑സോ॒ ജ്യോതി॒രേക॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 9 യേന॒ ദ്യൗഃ പൃ॑ഥി॒വീ ചാ॒ന്തരി॑ക്ഷ-ഞ്ച॒ യേ പർവ॑താഃ പ്ര॒ദിശോ॒ ദിശ॑ശ്ച । യേനേ॒ദ-ഞ്ജഗ॒-ദ്വ്യാപ്ത॑-മ്പ്ര॒ജാനാ॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 10 യേ മ॑നോ॒ ഹൃദ॑യം॒-യേഁ ച॑ ദേ॒വാ യേ ദി॒വ്യാ ആപോ॒ യേ സൂര്യ॑രശ്മിഃ । തേ ശ്രോത്രേ॒ ചക്ഷു॑ഷീ സ॒ഞ്ചര॑ന്ത॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 11 അചി॑ന്ത്യ॒-ഞ്ചാ പ്ര॑മേയ॒-ഞ്ച വ്യ॒ക്താ-വ്യക്ത॑ പര॒-ഞ്ച യ॑ത് । സൂക്ഷ്മാ᳚-ഥ്സൂക്ഷ്മത॑ര-ഞ്ജ്ഞേ॒യ॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 12 ഏകാ॑ ച ദ॒ശ ശ॒ത-ഞ്ച॑ സ॒ഹസ്ര॑-ഞ്ചാ॒യുത॑-ഞ്ച നി॒യുത॑-ഞ്ച പ്ര॒യുതം॒ ചാർബു॑ദ-ഞ്ച॒ ന്യ॑ർബുദ-ഞ്ച സമു॒ദ്രശ്ച॒ മദ്ധ്യ॒-ഞ്ചാന്ത॑ശ്ച പരാ॒ർധശ്ച॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 13 യേ പ॑ഞ്ച॒ പഞ്ച॑ ദശ ശ॒തഗ്ം സ॒ഹസ്ര॑-മ॒യുത॒-ന്ന്യ॑ർബുദ-ഞ്ച । തേ അ॑ഗ്നി-ചി॒ത്യേഷ്ട॑കാ॒സ്തഗ്ം ശരീ॑ര॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 14 വേദാ॒ഹമേ॒ത-മ്പു॑രുഷ-മ്മ॒ഹാന്ത॑-മാദി॒ത്യ-വ॑ർണ॒-ന്തമ॑സഃ॒ പര॑സ്താത് । യസ്യ॒ യോനി॒-മ്പരി॒പശ്യ॑ന്തി॒ ധീരാ॒സ്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 15 യസ്യേ॒ദ-ന്ധീരാഃ᳚ പു॒നന്തി॑ ക॒വയോ᳚ ബ്ര॒ഹ്മാണ॑മേ॒ത-ന്ത്വാ॑ വൃണത॒ ഇന്ദും᳚ । സ്ഥാ॒വ॒ര-ഞ്ജംഗ॑മം॒-ദ്യൗ॑രാകാ॒ശ-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 16 പരാ᳚-ത്പ॒രത॑ര-ഞ്ചൈ॒വ॒ യ॒-ത്പരാ᳚ശ്ചൈവ॒ യത്പ॑രം । യ॒ത്പരാ᳚-ത്പര॑തോ ജ്ഞേ॒യ॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 17 പരാ᳚-ത്പരത॑രോ ബ്ര॒ഹ്മാ॒ ത॒ത്പരാ᳚-ത്പര॒തോ ഹ॑രിഃ । ത॒ത്പരാ᳚-ത്പര॑തോ ഽധീ॒ശ॒സ്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 18 യാ വേ॑ദാ॒ദിഷു॑ ഗായ॒ത്രീ॒ സ॒ർവ॒വ്യാപി॑ മഹേ॒ശ്വരീ । ഋഗ് യ॑ജു-സ്സാമാ-ഥർവൈ॒ശ്ച॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 19 യോ വൈ॑ ദേ॒വ-മ്മ॑ഹാദേ॒വ॒-മ്പ്ര॒ണവ॑-മ്പര॒മേശ്വ॑രം । യ-സ്സർവേ॑ സർവ॑ വേദൈ॒ശ്ച॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 20 പ്രയ॑തഃ॒ പ്രണ॑വോങ്കാ॒ര॒-മ്പ്ര॒ണവ॑-മ്പുരു॒ഷോത്ത॑മം । ഓകാം॑ര॒-മ്പ്രണ॑വാത്മാ॒ന॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 21 യോ-ഽസൗ॑ സ॒ർവേഷു॑ വേദേ॒ഷു॒ പ॒ഠ്യതേ᳚ ഹ്യജ॒ ഈശ്വ॑രഃ । അ॒കായോ॑ നിർഗു॑ണോ ഹ്യാ॒ത്മാ॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 22 ഗോഭി॒ ര്ജുഷ്ട॒-ന്ധനേ॑ന॒ ഹ്യായു॑ഷാ ച॒ ബലേ॑ന ച । പ്ര॒ജയാ॑ പ॒ശുഭിഃ॑ പുഷ്കരാ॒ക്ഷ॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 23 കൈലാ॑സ॒ ശിഖ॑രേ ര॒മ്യേ॒ ശ॒ങ്കര॑സ്യ ശി॒വാല॑യേ । ദേ॒വതാ᳚സ്തത്ര॑ മോദ॒ന്തേ॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 24 ത്ര്യ॑ബങ്കം-യഁജാമഹേ സുഗ॒ന്ധി-മ്പു॑ഷ്ടി॒വർധ॑നം । ഉ॒ർവാ॒രു॒കമി॑വ॒ ബന്ധ॑നാ-ന്മൃ॒ത്യോ-ര്മു॑ക്ഷീയ॒ മാ-ഽമൃതാ॒-ത്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 25 വി॒ശ്വത॑-ശ്ചക്ഷുരു॒ത വി॒ശ്വതോ॑ മുഖോ വി॒ശ്വതോ॑ ഹസ്ത ഉ॒ത വി॒ശ്വത॑സ്പാത് । സംബാ॒ഹുഭ്യാം॒-നമ॑തി॒ സമ്പ॑തത്രൈ॒ ര്ദ്യാവാ॑ പൃഥി॒വീ ജ॒നയ॑-ന്ദേ॒വ ഏക॒സ്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 26 ച॒തുരോ॑ വേ॒ദാന॑ധീയീ॒ത॒ സ॒ർവ ശാ᳚സ്ത്രമ॒യം-വിഁ॑ദുഃ । ഇ॒തി॒ഹാ॒സ॒ പു॒രാ॒ണാ॒നാ॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 27 മാ നോ॑ മ॒ഹാന്ത॑മു॒ത മാ നോ॑ അർഭ॒ക-മ്മാ ന॒ ഉക്ഷ॑ന്തമു॒ത മാ ന॑ ഉക്ഷി॒തം । മാ നോ॑ വധീഃ പി॒തര॒-മ്മോത മാ॒തര॑-മ്പ്രി॒യാ മാ ന॑സ്ത॒നുവോ॑ രുദ്ര രീരിഷ॒സ്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 28 മാ ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ । വീ॒രാന്മാനോ॑ രുദ്ര ഭാമി॒തോവ॑ധീ ര്​ഹ॒വിഷ്മ॑ന്തോ॒ നമ॑സാ വിധേമ തേ॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 29 ഋ॒തഗ്ം സ॒ത്യ-മ്പ॑ര-മ്ബ്ര॒ഹ്മ॒ പു॒രുഷ॑-ങ്കൃഷ്ണ॒പിംഗ॑ലം । ഊ॒ർധ്വരേ॑തം-വിഁ॑രൂപാ॒ക്ഷം॒-വിഁ॒ശ്വരൂ॑പായ॒ വൈ നമോ॒ നമ॒സ്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 30 ക-ദ്രു॒ദ്രായ॒ പ്രചേ॑തസേ മീ॒ഢുഷ്ട॑മായ॒ തവ്യ॑സേ । വോ॒ചേമ॒ ശന്ത॑മഗ്ം ഹൃ॒ദേ । സർവോ॒ ഹ്യേ॑ഷ രു॒ദ്രസ്തസ്മൈ॑ രു॒ദ്രായ॒ നമോ॑ അസ്തു॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 31 ബ്രഹ്മ॑ജജ്ഞാ॒ന-മ്പ്ര॑ഥ॒മ-മ്പു॒രസ്താ॒-ദ്വിസീ॑മ॒ത-സ്സു॒രുചോ॑ വേ॒ന ആ॑വഃ । സ ബു॒ധ്നിയാ॑ ഉപ॒മാ അ॑സ്യ വി॒ഷ്ഠാ-സ്സ॒തശ്ച॒ യോനി॒-മസ॑തശ്ച॒ വിവ॒സ്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 32 യഃ പ്രാ॑ണ॒തോ നി॑മിഷ॒തോ മ॑ഹി॒ത്വൈക॒ ഇദ്രാജാ॒ ജഗ॑തോ ബ॒ഭൂവ॑ । യ ഈശേ॑ അ॒സ്യ ദ്വി॒പദ॒-ശ്ചതു॑ഷ്പദഃ॒ കസ്മൈ॑ ദേ॒വായ॑ ഹ॒വിഷാ॑ വിധേമ॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 33 യ ആ᳚ത്മ॒ദാ ബ॑ല॒ദാ യസ്യ॒ വിശ്വ॑ ഉ॒പാസ॑തേ പ്ര॒ശിഷം॒-യഁസ്യ॑ ദേ॒വാഃ । യസ്യ॑ ഛാ॒യാ-ഽമൃതം॒-യഁസ്യ॑ മൃ॒ത്യുഃ കസ്മൈ॑ ദേ॒വായ॑ ഹ॒വിഷാ॑ വിധേമ॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 34 യോ രു॒ദ്രോ അ॒ഗ്നൗ യോ അ॒ഫ്സു യ ഓഷ॑ധീഷു॒ യോ രു॒ദ്രോ വിശ്വാ॒ ഭുവ॑നാ-ഽഽവി॒വേശ॒ തസ്മൈ॑ രു॒ദ്രായ॒ നമോ॑ അസ്തു॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 35 ഗ॒ന്ധ॒ദ്വാ॒രാ-ന്ദു॑രാധ॒ർ​ഷാ॒-ന്നി॒ത്യപു॑ഷ്ടാ-ങ്കരീ॒ഷിണീം᳚ । ഈ॒ശ്വരീഗ്ം॑ സർവ॑ ഭൂതാ॒നാ॒-ന്താമി॒ഹോപ॑ഹ്വയേ॒ ശ്രിയ॒-ന്തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 36 യ ഇദഗ്ം॑ ശിവ॑സങ്ക॒ല്പ॒ഗ്ം॒ സ॒ദാ ധ്യാ॑യന്തി॒ ബ്രാഹ്മ॑ണാഃ । തേ പ॑ര-മ്മോക്ഷ॑-ങ്ഗമിഷ്യ॒ന്തി॒ തന്മേ॒ മനഃ॑ ശി॒വസ॑ങ്ക॒ല്പമ॑സ്തു ॥ 37 ഓ-ന്നമോ ഭഗവതേ॑ രുദ്രാ॒യ ॥ ശിവസങ്കല്പഗ്ം ഹൃദയായ നമഃ॑ ॥ 7.2 പുരുഷ സൂക്തം – (തൈ. അര. 3.12.1 - തൈ. അര. 3.12.7) സ॒ഹസ്ര॑ശീർ​ഷാ॒ പുരു॑ഷഃ । സ॒ഹ॒സ്രാ॒ക്ഷ-സ്സ॒ഹസ്ര॑പാത് । സ ഭൂമിം॑-വിഁ॒ശ്വതോ॑ വൃ॒ത്വാ । അത്യ॑തിഷ്ഠ-ദ്ദശാംഗു॒ലം । പുരു॑ഷ ഏ॒വേദഗ്ം സർവം᳚ । യ-ദ്ഭൂ॒തം-യഁച്ച॒ ഭവ്യം᳚ । ഉ॒താമൃ॑ത॒ത്വസ്യേശാ॑നഃ । യദന്നേ॑നാ-തി॒രോഹ॑തി । ഏ॒താവാ॑നസ്യ മഹി॒മാ । അതോ॒ ജ്യായാഗ്॑ശ്ച॒ പൂരു॑ഷഃ ॥ 1 പാദോ᳚-ഽസ്യ॒ വിശ്വാ॑ ഭൂ॒താനി॑ । ത്രി॒പാദ॑സ്യാ॒-മൃത॑-ന്ദി॒വി । ത്രി॒പാദൂ॒ർധ്വ ഉദൈ॒-ത്പുരു॑ഷഃ । പാദോ᳚ ഽസ്യേ॒ഹാ-ഽഽഭ॑വാ॒-ത്പുനഃ॑ । തതോ॒ വിഷ്വം॒-വ്യഁ॑ക്രാമത് । സാ॒ശ॒നാ॒ന॒ശ॒നേ അ॒ഭി ॥ തസ്മാ᳚-ദ്വി॒രാഡ॑ജായത । വി॒രാജോ॒ അധി॒ പൂരു॑ഷഃ । സ ജാ॒തോ അത്യ॑രിച്യത । പ॒ശ്ചാ-ദ്ഭൂമി॒മഥോ॑ പു॒രഃ ॥ 2 യത്പുരു॑ഷേണ ഹ॒വിഷാ᳚ । ദേ॒വാ യ॒ജ്ഞമത॑ന്വത । വ॒സ॒ന്തോ അ॑സ്യാസീ॒ദാജ്യം᳚ । ഗ്രീ॒ഷ്മ ഇ॒ദ്ധ്മ ശ്ശ॒രദ്ധ॒വിഃ । സ॒പ്താസ്യാ॑സ-ന്പരി॒ധയഃ॑ । ത്രി-സ്സ॒പ്ത സ॒മിധഃ॑ കൃ॒താഃ । ദേ॒വായ-ദ്യ॒ജ്ഞ-ന്ത॑ന്വാ॒നാഃ । അബ॑ധ്ന॒-ന്പുരു॑ഷ-മ്പ॒ശും ॥ തം-യഁ॒ജ്ഞ-മ്ബ॒ർ​ഹിഷി॒ പ്രൗക്ഷന്ന്॑ । പുരു॑ഷ-ഞ്ജാ॒തമ॑ഗ്ര॒തഃ ॥ 3 തേന॑ ദേ॒വാ അയ॑ജന്ത । സാ॒ദ്ധ്യാ ഋഷ॑യശ്ച॒ യേ । തസ്മാ᳚-ദ്യ॒ജ്ഞാ-ഥ്സ॑ർവ॒ഹുതഃ॑ । സംഭൃ॑ത-മ്പൃഷദാ॒ജ്യം । പ॒ശൂഗ്​സ്താഗ്​ശ്ച॑ക്രേ വായ॒വ്യാൻ॑ । ആ॒ര॒ണ്യാ-ന്ഗ്രാ॒മ്യാശ്ച॒ യേ । തസ്മാ᳚-ദ്യ॒ജ്ഞാ-ഥ്സ॑ർവ॒ഹുതഃ॑ । ഋച॒-സ്സാമാ॑നി ജജ്ഞിരേ । ഛന്ദാഗ്ം॑സി ജജ്ഞിരേ॒ തസ്മാ᳚ത് । യജു॒സ്തസ്മാ॑-ദജായത ॥ 4 തസ്മാ॒ദശ്വാ॑ അജായന്ത । യേ കേ ചോ॑ഭ॒യാദ॑തഃ । ഗാവോ॑ ഹ ജജ്ഞിരേ॒ തസ്മാ᳚ത് । തസ്മാ᳚ജ്ജാ॒താ അ॑ജാ॒വയഃ॑ । യത്പുരു॑ഷം॒-വ്യഁ॑ദധുഃ । ക॒തി॒ധാ വ്യ॑കല്പയന്ന് । മുഖ॒-ങ്കിമ॑സ്യ॒ കൗ ബാ॒ഹൂ । കാവൂ॒രൂ പാദാ॑വുച്യേതേ । ബ്രാ॒ഹ്മ॒ണോ᳚-ഽസ്യ॒ മുഖ॑മാസീത് । ബാ॒ഹൂ രാ॑ജ॒ന്യഃ॑ കൃ॒തഃ ॥ 5 ഊ॒രൂ തദ॑സ്യ॒ യ-ദ്വൈശ്യഃ॑ । പ॒ദ്ഭ്യാഗ്ം ശൂ॒ദ്രോ അ॑ജായത । ച॒ന്ദ്രമാ॒ മന॑സോ ജാ॒തഃ । ചക്ഷോ॒-സ്സൂര്യോ॑ അജായത । മുഖാ॒-ദിന്ദ്ര॑ശ്ചാ॒ഗ്നിശ്ച॑ । പ്രാ॒ണാ-ദ്വാ॒യുര॑ജായത । നാഭ്യാ॑ ആസീദ॒ന്തരി॑ക്ഷം । ശീ॒ർ​ഷ്ണോ ദ്യൗ-സ്സമ॑വർതത । പ॒ദ്ഭ്യാ-മ്ഭൂമി॒ ര്ദിശ॒-ശ്ശ്രോത്രാ᳚ത് । തഥാ॑ ലോ॒കാഗ്ം അ॑കല്പയന്ന് ॥ 6 വേദാ॒ഹമേ॒ത-മ്പുരു॑ഷ-മ്മ॒ഹാന്തം᳚ । ആ॒ദി॒ത്യവ॑ർണ॒-ന്തമ॑സ॒സ്തു പാ॒രേ । സർവാ॑ണി രൂ॒പാണി॑ വി॒ചിത്യ॒ ധീരഃ॑ । നാമാ॑നി കൃ॒ത്വാഭി॒വദ॒ൻ യദാസ്തേ᳚ । ധാ॒താ പു॒രസ്താ॒-ദ്യമു॑ദാജ॒ഹാര॑ । ശ॒ക്രഃ പ്രവി॒ദ്വാ-ന്പ്ര॒ദിശ॒ശ്ചത॑സ്രഃ । തമേ॒വം-വിഁ॒ദ്വാന॒മൃത॑ ഇ॒ഹ ഭ॑വതി । നാന്യഃ പന്ഥാ॒ അയ॑നായ വിദ്യതേ । യ॒ജ്ഞേന॑ യ॒ജ്ഞമ॑യജന്ത ദേ॒വാഃ । താനി॒ ധർമാ॑ണി പ്രഥ॒മാന്യാ॑സന്ന് । തേ ഹ॒ നാക॑-മ്മഹി॒മാന॑-സ്സചന്തേ । യത്ര॒ പൂർവേ॑ സാ॒ദ്ധ്യാ-സ്സന്തി॑ ദേ॒വാഃ ॥ 7 ഓ-ന്നമോ ഭഗവതേ॑ രുദ്രാ॒യ ॥ പുരുഷസൂക്തഗ്ം ശിരസേ സ്വാഹാ ॥ 7.3 ഉത്തര നാരായണം – (തൈ. അര. 3.13.1 - തൈ. അര. 3.13.2) അ॒ദ്ഭ്യ-സ്സംഭൂ॑തഃ പൃഥി॒വ്യൈ രസാ᳚ച്ച । വി॒ശ്വക॑ർമണ॒-സ്സമ॑വർത॒താധി॑ । തസ്യ॒ ത്വഷ്ടാ॑ വി॒ദധ॑-ദ്രൂ॒പമേ॑തി । തത്പുരു॑ഷസ്യ॒ വിശ്വ॒മാജാ॑ന॒മഗ്രേ᳚ । വേദാ॒ഹമേ॒ത-മ്പുരു॑ഷ-മ്മ॒ഹാന്തം᳚ । ആ॒ദി॒ത്യവ॑ർണ॒-ന്തമ॑സഃ॒ പര॑സ്താത് । തമേ॒വം-വിഁ॒ദ്വാന॒മൃത॑ ഇ॒ഹ ഭ॑വതി । നാന്യഃ പന്ഥാ॑ വിദ്യ॒തേ-ഽയ॑നായ । പ്ര॒ജാപ॑തിശ്ചരതി॒ ഗർഭേ॑ അ॒ന്തഃ । അ॒ജായ॑മാനോ ബഹു॒ധാ വിജാ॑യതേ । തസ്യ॒ ധീരാഃ॒ പരി॑ജാനന്തി॒ യോനിം᳚ । മരീ॑ചീനാ-മ്പ॒ദമി॑ച്ഛന്തി വേ॒ധസഃ॑ ॥ 1 യോ ദേ॒വേഭ്യ॒ ആത॑പതി । യോ ദേ॒വാനാ᳚-മ്പു॒രോഹി॑തഃ । പൂർവോ॒ യോ ദേ॒വേഭ്യോ॑ ജാ॒തഃ । നമോ॑ രു॒ചായ॒ ബ്രാഹ്മ॑യേ । രുച॑-മ്ബ്രാ॒ഹ്മ-ഞ്ജ॒നയ॑ന്തഃ । ദേ॒വാ അഗ്രേ॒ തദ॑ബ്രുവന്ന് । യസ്ത്വൈ॒വ-മ്ബ്രാ᳚ഹ്മ॒ണോ വി॒ദ്യാത് । തസ്യ॑ ദേ॒വാ അസ॒ൻ വശേ᳚ । ഹ്രീശ്ച॑ തേ ല॒ക്ഷ്മീശ്ച॒ പത്ന്യൗ᳚ । അ॒ഹോ॒രാ॒ത്രേ പാ॒ർ​ശ്വേ । നക്ഷ॑ത്രാണി രൂ॒പം । അ॒ശ്വിനൗ॒ വ്യാത്തം᳚ । ഇ॒ഷ്ട-മ്മ॑നിഷാണ । അ॒മു-മ്മ॑നിഷാണ । സർവ॑-മ്മനിഷാണ ॥ 2 ഓ-ന്നമോ ഭഗവതേ॑ രുദ്രാ॒യ ॥ ഉത്തര നാരായണഗ്ം ശിഖായൈ വഷട് ॥ 7.4 അപ്രതിരഥം – (തൈ. സം. 4.6.4.1 - തൈ. സം. 4.6.4.5) ആ॒ശു-ശ്ശിശാ॑നോ വൃഷ॒ഭോ ന യു॒ധ്മോ ഘ॑നാഘ॒നഃ, ക്ഷോഭ॑ണ-ശ്ചർ​ഷണീ॒നാം । സ॒॒ങ്ക്രന്ദ॑നോ-ഽനിമി॒ഷ ഏ॑ക വീ॒രശ്ശ॒തഗ്ം സേനാ॑ അജയഥ്സാ॒-കമിന്ദ്രഃ॑ । സ॒ങ്ക്രന്ദ॑നേനാ നിമി॒ഷേണ॑ ജി॒ഷ്ണുനാ॑ യുത്കാ॒രേണ॑ ദുശ്ച്യവ॒നേന॑ ധൃ॒ഷ്ണുനാ᳚ । തദിന്ദ്രേ॑ണ ജയത॒ തഥ്സ॑ഹധ്വം॒-യുഁധോ॑ നര॒ ഇഷു॑ ഹസ്തേന॒ വൃഷ്ണാ᳚ । സ ഇഷു॑ഹസ്തൈ॒-സ്സ നി॑ഷം॒ഗിഭി॑ ര്വ॒ശീ സഗ്ഗ്​സ്ര॑ഷ്ടാ॒ സയുധ॒ ഇന്ദ്രോ॑ ഗ॒ണേന॑ । സ॒ഗ്ം॒സൃ॒ഷ്ട॒-ജിഥ്സോ॑മ॒പാ ബാ॑ഹു ശ॒ർധ്യൂ᳚ർധ്വ-ധ॑ന്വാ॒ പ്രതി॑ഹിതാ-ഭി॒രസ്താ᳚ । ബൃഹ॑സ്പതേ॒ പരി॑ദീയാ॒ രഥേ॑ന രക്ഷോ॒ഹാ-ഽമിത്രാഗ്ം॑ അപ॒ ബാധ॑മാനഃ । 1 പ്ര॒ഭ॒ഞ്ജ-ന്ഥ്സേനാഃ᳚ പ്രമൃ॒ണോ യു॒ധാ ജയ॑ന്ന॒സ്മാക॑-മേദ്ധ്യവി॒താ രഥാ॑നാം । ഗോ॒ത്ര॒ഭിദ॑-ങ്ഗോ॒വിദം॒-വഁജ്ര॑ബാഹു॒-ഞ്ജയ॑ന്ത॒മജ്മ॑ പ്രമൃ॒ണന്ത॒-മോജ॑സാ । ഇ॒മഗ്ം സ॑ജാതാ॒ അനു॑വീര-യധ്വ॒മിന്ദ്രഗ്ം॑ സഖാ॒യോ-ഽനു॒ സര॑ഭധ്വം । ബ॒ല॒വി॒ജ്ഞാ॒യ-സ്സ്ഥവി॑രഃ॒ പ്രവീ॑ര॒-സ്സഹ॑സ്വാൻ വാ॒ജീ സഹ॑മാന ഉ॒ഗ്രഃ । അ॒ഭിവീ॑രോ അ॒ഭിസ॑ത്വാ സഹോ॒ജാ ജൈത്ര॑മിന്ദ്ര॒ രഥ॒മാതി॑ഷ്ഠ ഗോ॒വിത് । 2 അ॒ഭി ഗോ॒ത്രാണി॒ സഹ॑സാ॒ ഗാഹ॑മാനോ-ഽദാ॒യോ വീ॒ര ശ്ശ॒ത-മ॑ന്യു॒രിന്ദ്രഃ॑ । ദു॒ശ്ച്യ॒വ॒നഃ പൃ॑തനാ॒ഷാഡ॑ യു॒ദ്ധ്യോ᳚-ഽസ്മാക॒ഗ്ം॒ സേനാ॑ അവതു॒ പ്രയു॒ഥ്സു । ഇന്ദ്ര॑ ആസാ-ന്നേ॒താ ബൃഹ॒സ്പതി॒ ര്ദക്ഷി॑ണാ യ॒ജ്ഞഃ പു॒ര ഏ॑തു॒ സോമഃ॑ । ദേ॒വ॒സേ॒നാനാ॑-മഭിഭ-ഞ്ജതീ॒നാ-ഞ്ജയ॑ന്തീനാ-മ്മ॒രുതോ॑ യ॒ന്ത്വഗ്രേ᳚ । ഇന്ദ്ര॑സ്യ॒ വൃഷ്ണോ॒ വരു॑ണസ്യ॒ രാജ്ഞ॑ ആദി॒ത്യാനാ᳚-മ്മ॒രുതാ॒ഗ്ം॒ ശർധ॑ ഉ॒ഗ്രം । മ॒ഹാമ॑നസാ-മ്ഭുവനച്യ॒വാനാ॒-ങ്ഘോഷോ॑ ദേ॒വാനാ॒-ഞ്ജയ॑താ॒ മുദ॑സ്ഥാത് । അ॒സ്മാക॒-മിന്ദ്രഃ॒-സമൃ॑തേഷു-ധ്വ॒ജേ-ഷ്വ॒സ്മാകം॒-യാഁ ഇഷ॑വ॒സ്താ ജ॑യന്തു । 3 അ॒സ്മാകം॑-വീഁ॒രാ ഉത്ത॑രേ ഭവന്ത്വ॒സ്മാനു॑ ദേവാ അവതാ॒ ഹവേ॑ഷു । ഉദ്ധ॑ർ​ഷയ മഘവ॒ന്നാ-യു॑ധാ॒-ന്യുഥ്സത്വ॑നാ-മ്മാമ॒കാനാ॒-മ്മഹാഗ്ം॑സി । ഉദ്വൃ॑ത്രഹൻ വാ॒ജിനാം॒-വാഁജി॑നാ॒-ന്യുദ്രഥാ॑നാ॒-ഞ്ജയ॑താമേതു॒ ഘോഷഃ॑ । ഉപ॒പ്രേത॒ ജയ॑താ നര-സ്സ്ഥി॒രാ വഃ॑ സന്തു ബാ॒ഹവഃ॑ । ഇന്ദ്രോ॑ വ॒-ശ്ശർമ॑ യച്ഛത്വനാ-ധൃ॒ഷ്യാ യഥാ-ഽസ॑ഥ । അവ॑സൃഷ്ടാ॒ പരാ॑പത॒ ശര॑വ്യേ॒ ബ്രഹ്മ॑ സഗ്ംശിതാ । ഗച്ഛാ॒മിത്രാ॒-ന്പ്രവി॑ശ॒ മൈഷാ॒-ങ്കഞ്ച॒നോച്ഛി॑ഷഃ । മർമാ॑ണി തേ॒ വർമ॑ഭിശ്ഛാ-ദയാമി॒ സോമ॑സ്ത്വാ॒ രാജാ॒-ഽമൃതേ॑നാ॒-ഭിവ॑സ്താം । ഉ॒രോ ര്വരീ॑യോ॒ വരി॑വസ്തേ അസ്തു॒ ജയ॑ന്ത॒-ന്ത്വാമനു॑ മദന്തു ദേ॒വാഃ । യത്ര॑ ബാ॒ണാ-സ്സ॒മ്പത॑ന്തി കുമാ॒രാ വി॑ശി॒ഖാ ഇ॑വ । ഇന്ദ്രോ॑ ന॒സ്തത്ര॑ വൃത്ര॒ഹാ വി॑ശ്വാ॒ഹാ ശർമ॑ യച്ഛതു ॥ 4 ॥ ഓ-ന്നമോ ഭഗവതേ॑ രുദ്രാ॒യ ॥ ആശുശ്ശിശാനോ-ഽപ്രതിരഥ-ങ്കവചായ ഹും । 7.5 പ്രതി പൂരുഷം – (തൈ. സം. 1.8.6.1 - തൈ. സം. 1.8.6.2) (തൈ. ബ്രാ. 1.6.10.1 - തൈ. ബ്രാ. 1.6.10.5) പ്ര॒തി॒പൂ॒രു॒ഷ മേക॑കപാലാ॒-ന്നിർവ॑പ॒ത്യേ-ക॒മതി॑രിക്തം॒-യാഁവ॑ന്തോ ഗൃ॒ഹ്യാ᳚-സ്സ്മസ്തേഭ്യഃ॒ കമ॑കര-മ്പശൂ॒നാഗ്ം ശർമാ॑സി॒ ശർമ॒ യജ॑മാനസ്യ॒ ശർമ॑ മേ യ॒ച്ഛൈക॑ ഏ॒വ രു॒ദ്രോ ന ദ്വി॒തീയാ॑യ തസ്ഥ ആ॒ഖുസ്തേ॑ രുദ്ര പ॒ശുസ്ത-ഞ്ജു॑ഷസ്വൈ॒ഷ തേ॑ രുദ്ര ഭാ॒ഗ-സ്സ॒ഹ സ്വസ്രാം-ഽബി॑കയാ॒ തഞ്ജു॑ഷസ്വ ഭേഷ॒ജ-ങ്ഗവേ-ഽശ്വാ॑യ॒ പുരു॑ഷായ ഭേഷ॒ജമഥോ॑ അ॒സ്മഭ്യ॑-മ്ഭേഷ॒ജഗ്ം സുഭേ॑ഷജം॒-യഁഥാ-ഽസ॑തി । 1 സു॒ഗ-മ്മേ॒ഷായ॑ മേ॒ഷ്യാ॑ അവാ᳚ബം രു॒ദ്രമ॑ദി-മ॒ഹ്യവ॑ ദേ॒വ-ന്ത്ര്യ॑ബങ്കം । യഥാ॑ ന॒-ശ്ശ്രേയ॑സഃ॒ കര॒ദ്യഥാ॑ നോ॒ വസ്യ॑ സഃ॒ കര॒ദ്യഥാ॑ നഃ പശു॒മതഃ॒ കര॒ദ്യഥാ॑ നോ വ്യവസാ॒യയാ᳚ത് । ത്ര്യ॑ബങ്കം-യഁജാമഹേ സുഗ॒ന്ധി-മ്പു॑ഷ്ടി॒വർധ॑നം । ഉ॒ർവാ॒രു॒കമി॑വ॒ ബന്ധ॑നാ-ന്മൃ॒ത്യോ ര്മു॑ക്ഷീയ॒ മാ-ഽമൃതാ᳚ത് । ഏ॒ഷതേ॑ രുദ്ര ഭാ॒ഗ സ്തഞ്ജു॑ഷസ്വ॒ തേനാ॑വ॒സേന॑ പ॒രോ മൂജ॑വ॒തോ-ഽതീ॒ഹ്യവ॑തത ധന്വാ॒ പിനാ॑കഹസ്തഃ॒ കൃത്തി॑വാസാഃ ॥ 2 പ്ര॒തി॒പൂ॒രു॒ഷ-മേക॑കപാലാ॒-ന്നിർവ॑പതി । ജാ॒താ ഏ॒വ പ്ര॒ജാ രു॒ദ്രാ-ന്നി॒രവ॑ദയതേ । ഏക॒മതി॑രിക്തം । ജ॒നി॒ഷ്യമാ॑ണാ ഏ॒വ പ്ര॒ജാ രു॒ദ്രാ-ന്നി॒രവ॑ദയതേ । ഏക॑കപാലാ ഭവന്തി । ഏ॒ക॒ധൈവ രു॒ദ്ര-ന്നി॒രവ॑ദയതേ । നാഭിഘാ॑രയതി । യദ॑ഭിഘാ॒രയേ᳚ത് । അ॒ന്ത॒ര॒വ॒-ചാ॒രിണഗ്ം॑ രു॒ദ്ര-ങ്കു॑ര്യാത് । ഏ॒കോ॒ല്മു॒കേന॑ യന്തി । 3 തദ്ധി രു॒ദ്രസ്യ॑ ഭാഗ॒ധേയം᳚ । ഇ॒മാ-ന്ദിശം॑-യഁന്തി । ഏ॒ഷാ വൈ രു॒ദ്രസ്യ॒ ദിക് । സ്വായാ॑ മേ॒വ ദി॒ശി രു॒ദ്ര-ന്നി॒രവ॑ദയതേ । രു॒ദ്രോ വാ അ॑പ॒ശുകാ॑യാ॒ ആഹു॑ത്യൈ॒ നാതി॑ഷ്ഠത । അ॒സൗ തേ॑ പ॒ശുരിതി॒ നിർദി॑ശേ॒ദ്യ-ന്ദ്വി॒ഷ്യാത് । യമേ॒വ ദ്വേഷ്ടി॑ । തമ॑സ്മൈ പ॒ശു-ന്നിർദി॑ശതി । യദി॒ ന ദ്വി॒ഷ്യാത് । ആ॒ഖുസ്തേ॑ പ॒ശുരിതി॑ ബ്രൂയാത് । 4 ന ഗ്രാ॒മ്യാ-ന്പ॒ശൂൻ ഹി॒നസ്തി॑ । നാര॒ണ്യാൻ । ച॒തു॒ഷ്പ॒ഥേ ജു॑ഹോതി । ഏ॒ഷ വാ അ॑ഗ്നീ॒നാ-മ്പഡ്ബീ॑ശോ॒ നാമ॑ । അ॒ഗ്നി॒വത്യേ॒വ ജു॑ഹോതി । മ॒ദ്ധ്യ॒മേന॑ പ॒ർണേന॑ ജുഹോതി । സ്രുഗ്ഘ്യേ॑ഷാ । അഥോ॒ ഖലു॑ । അ॒ന്ത॒മേനൈ॒വ ഹോ॑ത॒വ്യം᳚ । അ॒ന്ത॒ത ഏ॒വ രു॒ദ്ര-ന്നി॒രവ॑ദയതേ । 5 ഏഷ॒ തേ॑ രുദ്രഭാ॒ഗ-സ്സ॒ഹസ്വസ്രാം-ഽബി॑ക॒യേത്യാ॑ഹ । ശ॒രദ്വാ അ॒സ്യാംബി॑കാ॒ സ്വസാ᳚ । തയാ॒ വാ ഏ॒ഷ ഹി॑നസ്തി । യഗ്ം ഹി॒നസ്തി॑ । തയൈ॒വൈനഗ്ം॑ സ॒ഹ ശ॑മയതി । ഭേ॒ഷ॒ജംഗവ॒ ഇത്യാ॑ഹ । യാവ॑ന്ത ഏ॒വ ഗ്രാ॒മ്യാഃ പ॒ശവഃ॑ । തേഭ്യോ॑ ഭേഷ॒ജ-ങ്ക॑രോതി । അവാ᳚ബം രു॒ദ്രമ॑ദി മ॒ഹീത്യാ॑ഹ । ആ॒ശിഷ॑മേ॒വൈ-താമാ ശാ᳚സ്തേ । 6 ത്ര്യ॑ബങ്കം-യഁജാമഹ॒ ഇത്യാ॑ഹ । മൃ॒ത്യോ ര്മു॑ക്ഷീയ॒ മാ-ഽമൃതാ॒-ദിതി॒ വാ വൈ തദാ॑ഹ । ഉത്കി॑രന്തി । ഭഗ॑സ്യ ലീഫ്സന്തേ । മൂതേ॑ കൃ॒ത്വാ സ॑ജന്തി । യഥാ॒ ജനം॑-യഁ॒തേ॑-ഽവ॒സ-ങ്ക॒രോതി॑ । താ॒ദൃഗേ॒വ തത് । ഏ॒ഷ തേ॑ രുദ്രഭാ॒ഗ ഇത്യാ॑ഹ നി॒രവ॑ത്യൈ । അപ്ര॑തീക്ഷ॒-മായ॑ന്തി । അ॒പഃ പരി॑ഷിഞ്ചതി । രു॒ദ്രസ്യാ॒ന്ത ര്​ഹി॑ത്യൈ । പ്രവാ ഏ॒തേ᳚-ഽസ്മാ-ല്ലോ॒കാ-ച്ച്യ॑വന്തേ । യേ ത്ര്യ॑ബങ്കൈ॒-ശ്ചര॑ന്തി । ആ॒ദി॒ത്യ-ഞ്ച॒രു-മ്പുന॒രേത്യ॒ നിർവ॑പതി । ഇ॒യം-വാഁ അദി॑തിഃ । അ॒സ്യാമേ॒വ പ്രതി॑തിഷ്ഠന്തി ॥ 7 ഓ-ന്നമോ ഭഗവതേ॑ രുദ്രാ॒യ ॥ പ്രതിപൂരുഷം-വിഁഭാഡിതി നേത്രത്രയാ॑യ വൗ॒ഷട് ॥ 7.6 ശത രുദ്രീയം (ത്വമഗ്നേ രുദ്രോ-ഽനുവാകഃ) – തൈ. ബ്രാ. 3.11.2.1 - തൈ. ബ്രാ. 3.11.2.4 ത്വമ॑ഗ്നേ രു॒ദ്രോ അസു॑രോ മ॒ഹോ ദി॒വഃ । ത്വഗ്ം ശർധോ॒ മാരു॑ത-മ്പൃ॒ക്ഷ ഈ॑ശിഷേ । ത്വം-വാഁതൈ॑രരു॒ണൈ ര്യാ॑സി ശംഗ॒യഃ । ത്വ-മ്പൂ॒ഷാ വി॑ധ॒തഃ പാ॑സി॒ നുത്മനാഃ᳚ । ദേവാ॑ ദേ॒വേഷു॑ ശ്രയദ്ധ്വം । പ്രഥ॑മാ ദ്വി॒തീയേ॑ഷു ശ്രയദ്ധ്വം । ദ്വിതീ॑യാ-സ്തൃ॒തീയേ॑ഷു ശ്രയദ്ധ്വം । തൃതീ॑യാ-ശ്ചതു॒ർഥേഷു॑ ശ്രയദ്ധ്വം । ച॒തു॒ർഥാഃ പ॑ഞ്ച॒മേഷു॑ ശ്രയദ്ധ്വം । പ॒ഞ്ച॒മാ-ഷ്ഷ॒ഷ്ഠേഷു॑ ശ്രയദ്ധ്വം । 1 ഷ॒ഷ്ഠാ-സ്സ॑പ്ത॒മേഷു॑ ശ്രയദ്ധ്വം । സ॒പ്ത॒മാ അ॑ഷ്ട॒മേഷു॑ ശ്രയദ്ധ്വം । അ॒ഷ്ട॒മാ ന॑വ॒മേഷു॑ ശ്രയദ്ധ്വം । ന॒വ॒മാ ദ॑ശ॒മേഷു॑ ശ്രയദ്ധ്വം । ദ॒ശ॒മാ ഏ॑കാദ॒ശേഷു॑ ശ്രയദ്ധ്വം । ഏ॒ക॒ദ॒ശാ ദ്വാ॑ദ॒ശേഷു॑ ശ്രയദ്ധ്വം । ദ്വാ॒ദ॒ശാ-സ്ത്ര॑യോദ॒ശേഷു॑ ശ്രയദ്ധ്വം । ത്ര॒യോ॒ദ॒ശാ-ശ്ച॑തു ര്ദേ॒ശേഷു॑ ശ്രയദ്ധ്വം । ച॒തു॒ർദ॒ശാഃ പ॑ഞ്ചദ॒ശേഷു॑ ശ്രയദ്ധ്വം । പ॒ഞ്ച॒ദ॒ശാ-ഷ്ഷോ॑ഡ॒ശേഷു॑ ശ്രയദ്ധ്വം । 2 ഷോ॒ഡ॒ശാ-സ്സ॑പ്തദ॒ശേഷു॑ ശ്രയദ്ധ്വം । സ॒പ്ത॒ദ॒ശാ അ॑ഷ്ടാദ॒ശേഷു॑ ശ്രയദ്ധ്വം । അ॒ഷ്ടാ॒ദ॒ശാ ഏ॑കാന്നവി॒ഗ്ം॒ശേഷു॑ ശ്രയദ്ധ്വം । ഏ॒കാ॒ന്ന॒വി॒ഗ്ം॒ശാ വി॒ഗ്ം॒ശേഷു॑ ശ്രയദ്ധ്വം । വി॒ഗ്ം॒ശാ ഏ॑കവി॒ഗ്ം॒ശേഷു॑ ശ്രയദ്ധ്വം । ഏ॒ക॒വി॒ഗ്ം॒ശാ ദ്വാ॑വി॒ഗ്ം॒ശേഷു॑ ശ്രയദ്ധ്വം । ദ്വാ॒വി॒ഗ്ം॒ശാ സ്ത്ര॑യോവി॒ഗ്ം॒ശേഷു॑ ശ്രയദ്ധ്വം । ത്ര॒യോ॒വി॒ഗ്ം॒ശാ ശ്ച॑തുർവി॒ഗ്ം॒ശേഷു॑ ശ്രയദ്ധ്വം । ച॒തു॒ർവി॒ഗ്ം॒ശാഃ പ॑ഞ്ചവി॒ഗ്ം॒ശേഷു॑ ശ്രയദ്ധ്വം । പ॒ഞ്ച॒വി॒ഗ്ം॒ശാ-ഷ്ഷ॑ഡ്വി॒ഗ്ം॒ശേഷു॑ ശ്രയദ്ധ്വം । 3 ഷ॒ഡ്വി॒ഗ്ം॒ശാ സ്സ॑പ്തവി॒ഗ്ം॒ശേഷു॑ ശ്രയദ്ധ്വം । സ॒പ്ത॒വി॒ഗ്ം॒ശാ അ॑ഷ്ടാവി॒ഗ്ം॒ശേഷു॑ ശ്രയദ്ധ്വം । അ॒ഷ്ടാ॒വി॒ഗ്ം॒ശാ ഏ॑കാന്നത്രി॒ഗ്ം॒ശേഷു॑ ശ്രയദ്ധ്വം । ഏ॒കാ॒ന്ന॒ത്രി॒ഗ്ം॒ശാ സ്ത്രി॒ഗ്ം॒ശേഷു॑ ശ്രയദ്ധ്വം । ത്രി॒ഗ്ം॒ശാ ഏ॑കത്രി॒ഗ്ം॒ശേഷു॑ ശ്രയദ്ധ്വം । ഏ॒ക॒ത്രി॒ഗ്ം॒ശാ ദ്വാ᳚ത്രി॒ഗ്ം॒ശേഷു॑ ശ്രയദ്ധ്വം । ദ്വാ॒ത്രി॒ഗ്ം॒ശാ ത്ര॑യസ്ത്രി॒ഗ്ം॒ശേഷു॑ ശ്രയദ്ധ്വം । ദേവാ᳚സ്ത്രിരേകാദശാ॒ സ്ത്രിസ്ത്ര॑യസ്ത്രിഗ്ംശാഃ । ഉത്ത॑രേ ഭവത । ഉത്ത॑ര വർത്മാന॒ ഉത്ത॑ര സത്വാനഃ । യത്കാ॑മ ഇ॒ദ-ഞ്ജു॒ഹോമി॑ । തന്മേ॒ സമൃ॑ദ്ധ്യതാം । വ॒യഗ്ഗ്​സ്യാ॑മ॒ പത॑യോ രയീ॒ണാം । ഭൂർഭുവ॒സ്വ॑സ്സ്വാഹാ᳚ । 4 ഓ-ന്നമോ ഭഗവതേ॑ രുദ്രാ॒യ ॥ ത്വമഗ്നേ ത്വമഗ്നേ ശതരുദ്രീയമിത്യസ്ത്രായ ഫട് ॥ 7.7 പഞ്ചാംഗ ജപഃ – അഥ പഞ്ചാംഗജപഃ ॥ സ॒ദ്യോജാ॒ത-മ്പ്ര॑പദ്യാ॒മി॒ സ॒ദ്യോജാ॒തായ॒ വൈ നമോ॒ നമഃ॑ । ഭ॒വേ ഭ॑വേ॒ നാതി॑ഭവേ ഭവസ്വ॒ മാം । ഭ॒വോദ്ഭ॑വായ॒ നമഃ॑ ॥ 1 വാ॒മ॒ദേ॒വായ॒ നമോ᳚ ജ്യേ॒ഷ്ഠായ॒ നമഃ॑ ശ്രേ॒ഷ്ഠായ॒ നമോ॑ രു॒ദ്രായ॒ നമഃ॒ കാലാ॑യ॒ നമഃ॒ കല॑വികരണായ॒ നമോ॒ ബല॑വികരണായ॒ നമോ॒ ബലാ॑യ॒ നമോ॒ ബല॑പ്രമഥനായ॒ നമ॒-സ്സർവ॑ഭൂതദമനായ॒ നമോ॑ മ॒നോന്മ॑നായ॒ നമഃ॑ ॥ 2 അ॒ഘോരേ᳚ഭ്യോ-ഽഥ॒ ഘോരേ᳚ഭ്യോ॒ ഘോര॒ഘോര॑തരേഭ്യഃ । സർവേ᳚ഭ്യ-സ്സർവ॒ശർവേ᳚ഭ്യോ॒ നമ॑സ്തേ അസ്തു രു॒ദ്രരൂ॑പേഭ്യഃ ॥ 3 തത്പുരു॑ഷായ വി॒ദ്മഹേ॑ മഹാദേ॒വായ॑ ധീമഹി । തന്നോ॑ രുദ്രഃ പ്രചോ॒ദയാ᳚ത് ॥ 4 ഈശാന-സ്സർവ॑വിദ്യാ॒നാ॒മീശ്വര-സ്സർവ॑ഭൂതാ॒നാം॒ ബ്രഹ്മാധി॑പതി॒ർബ്രഹ്മ॒ണോ-ഽധി॑പതി॒ർബ്രഹ്മാ॑ ശി॒വോ മേ॑ അസ്തു സദാശി॒വോം ॥ 5 7.8 അഷ്ടാംഗ പ്രണാമഃ – ഹി॒ര॒ണ്യ॒ഗ॒ർഭ-സ്സമ॑വർത॒-താഗ്രേ॑ ഭൂ॒തസ്യ॑ ജാ॒തഃ പതി॒രേക॑ ആസീത് । സദാ॑ധാര പൃഥി॒വീ-ന്ദ്യാമു॒തേമാ-ങ്കസ്മൈ॑ ദേ॒വായ॑ ഹ॒വിഷാ॑ വിധേമ ॥ ഉരസാ നമഃ ॥ 1 (തൈ. സം. 4.1.8.3) യഃ പ്രാ॑ണ॒തോ നി॑മിഷ॒തോ മ॑ഹി॒ത്വൈക॒ ഇദ്രാജാ॒ ജഗ॑തോ ബ॒ഭൂവ॑ । യ ഈശേ॑ അ॒സ്യ ദ്വി॒പദ॒-ശ്ചതു॑ഷ്പദഃ॒ കസ്മൈ॑ ദേ॒വായ॑ ഹ॒വിഷാ॑ വിധേമ ॥ ശിരസാ നമഃ ॥ 2 (തൈ. സം. 4.1.8.4) ബ്രഹ്മ॑ജജ്ഞാ॒ന-മ്പ്ര॑ഥ॒മ-മ്പു॒രസ്താ॒-ദ്വിസീ॑മ॒ത-സ്സു॒രുചോ॑ വേ॒ന ആ॑വഃ । സ ബു॒ധ്നിയാ॑ ഉപ॒മാ അ॑സ്യ വി॒ഷ്ഠാ-സ്സ॒തശ്ച॒ യോനി॒മ-സ॑തശ്ച॒ വിവഃ॑ । ( ദൃഷ്യാ നമഃ । 3 (തൈ. സം. 4.2.8.2.) മ॒ഹീ ദ്യൗഃ പൃ॑ഥി॒വീ ച॑ ന ഇ॒മം-യഁ॒ജ്ഞ-മ്മി॑മിക്ഷതാം । പി॒പൃ॒താന്നോ॒ ഭരീ॑മഭിഃ । മനസാ നമഃ ॥ 4 (തൈ. സം. 3.3.10.2) ഉപ॑ശ്വാസയ പൃഥി॒വീ-മു॒ത ദ്യാ-മ്പു॑രു॒ത്രാ തേ॑ മനുതാം॒-വിഁഷ്ഠി॑ത॒-ഞ്ജഗ॑ത് । സ ദു॑ന്ദുഭേ സ॒ജൂരിന്ദ്രേ॑ണ ദേ॒വൈ-ര്ദൂ॒രാദ്ദവീ॑യോ॒ അപ॑സേധ॒ ശത്രൂൻ॑ । വചസാ നമഃ ॥ 5 (തൈ. സം. 4.6.6.6) അഗ്നേ॒ നയ॑ സു॒പഥാ॑ രാ॒യേ അ॒സ്മാൻ വിശ്വാ॑നി ദേവ വ॒യുനാ॑നി വി॒ദ്വാൻ । യു॒യോ॒ദ്ധ്യ॑സ്മ-ജ്ജു॑ഹുരാ॒ണ-മേനോ॒ ഭൂയി॑ഷ്ഠാന്തേ॒ നമ॑ ഉക്തിം-വിഁധേമ ॥ പധ്ഭ്യാ-ന്നമഃ ॥ 6 (തൈ. സം. 1.1.14.3) യാ തേ॑ അഗ്നേ॒ രുദ്രി॑യാ ത॒നൂസ്തയാ॑ നഃ പാഹി॒ തസ്യാ᳚സ്തേ॒ സ്വാഹാ᳚ । യാ തേ॑ അഗ്നേ-ഽയാശ॒യാ ര॑ജാശ॒യാ ഹ॑രാശ॒യാ ത॒നൂർവർ​ഷി॑ഷ്ഠാ ഗഹ്വരേ॒ഷ്ഠോഗ്രം-വഁചോ॒ അപാ॑വധീ-ന്ത്വേ॒ഷം-വഁചോ॒ അപാ॑വധീ॒ഗ്ം॒ സ്വാഹാ᳚ ॥ കരാഭ്യാ-ന്നമഃ ॥ 7 (തൈ. സം. 1.2.11.2) ഇ॒മം-യഁ॑മപ്രസ്ത॒രമാഹി സീദാംഗി॑രോഭിഃ പി॒തൃഭിഃ॑ സം​വിഁദാ॒നഃ । ആത്വാ॒ മന്ത്രാഃ॑ കവിശ॒സ്താ വ॑ഹന്ത്വേ॒നാ രാ॑ജൻ ഹ॒വിഷാ॑ മാദയസ്വ ॥ കർണാഭ്യാ-ന്നമഃ ॥ 8 (തൈ. സം. 2.6.12.6) ഉരസാ ശിരസാ ദൃഷ്ട്യാ മന॑സാ വചസാ ത॒ഥാ । പദ്ഭ്യാ-ങ്കരാഭ്യാ-ങ്കർണാഭ്യാ-മ്പ്രണാമോ-ഽഷ്ടാംഗ॑ ഉച്യതേ ॥ ഉമാമഹേശ്വരാഭ്യാ-ന്നമഃ ॥