യ ഇ॒മാ വിശ്വാ॒ ഭുവ॑നാനി॒ ജുഹ്വ॒ദൃഷി॒ർ​ഹോതാ॑ നിഷ॒സാദാ॑ പി॒താ നഃ॑ । സ ആ॒ശിഷാ॒ ദ്രവി॑ണമി॒ച്ഛമാ॑നഃ പരമ॒ച്ഛദോ॒ വര॒ ആ വി॑വേശ ॥ 1 വി॒ശ്വക॑ർമാ॒ മന॑സാ॒ യദ്വിഹാ॑യാ ധാ॒താ വി॑ധാ॒താ പ॑ര॒മോത സം॒ദൃക് । തേഷാ॑മി॒ഷ്ടാനി॒ സമി॒ഷാ മ॑ദന്തി॒ യത്ര॑ സപ്ത॒ർ​ഷീൻപ॒ര ഏക॑മാ॒ഹുഃ ॥ 2 യോ നഃ॑ പി॒താ ജ॑നി॒താ യോ വി॑ധാ॒താ യോ നഃ॑ സ॒തോ അ॒ഭ്യാ സജ്ജ॒ജാന॑ । യോ ദേ॒വാനാം॑ നാമ॒ധാ ഏക॑ ഏ॒വ തഗ്ം സം॑പ്ര॒ശ്നംഭുവ॑നാ യന്ത്യ॒ന്യാ ॥ 3 ത ആയ॑ജന്ത॒ ദ്രവി॑ണ॒ഗ്ം സമ॑സ്മാ॒ ഋഷ॑യഃ॒ പൂർവേ॑ ജരി॒താരോ॒ ന ഭൂ॒നാ । അ॒സൂർതാ॒ സൂർതാ॒ രജ॑സോ വി॒മാനേ॒ യേ ഭൂ॒താനി॑ സ॒മകൃ॑ണ്വന്നി॒മാനി॑ ॥ 4 ന തം-വിഁ॑ദാഥ॒ യ ഇ॒ദം ജ॒ജാനാ॒ന്യദ്യു॒ഷ്മാക॒മന്ത॑രംഭവാതി । നീ॒ഹാ॒രേണ॒ പ്രാവൃ॑താ ജല്പ്യാ॑ ചാസു॒തൃപ॑ ഉക്ഥ॒ശാസ॑ശ്ചരന്തി ॥ 5 പ॒രോ ദി॒വാ പ॒ര ഏ॒നാ പൃ॑ഥി॒വ്യാ പ॒രോ ദേ॒വേഭി॒രസു॑രൈ॒ർഗുഹാ॒ യത് । കഗ്ം സ്വി॒ദ്ഗർഭം॑ പ്രഥ॒മം ദ॑ധ്ര॒ ആപോ॒ യത്ര॑ ദേ॒വാഃ സ॒മഗ॑ച്ഛന്ത॒ വിശ്വേ ॥ 6 തമിദ്ഗർഭം॑പ്രഥ॒മം ദ॑ധ്ര॒ ആപോ॒ യത്ര॑ ദേ॒വാഃ സ॒മഗ॑ച്ഛന്ത॒ വിശ്വേ॑ । അ॒ജസ്യ॒ നാഭാ॒വധ്യേക॒മർപി॑തം॒-യഁസ്മി॑ന്നി॒ദം-വിഁശ്വം॒ഭുവന॒മധി॑ ശ്രി॒തം ॥ 7 വി॒ശ്വക॑ർമാ॒ ഹ്യജ॑നിഷ്ട ദേ॒വ ആദിദ്ഗം॑ധ॒ർവോ അ॑ഭവദ്ദ്വി॒തീയഃ॑ । തൃ॒തീയഃ॑ പി॒താ ജ॑നി॒തൗഷ॑ധീനാമ॒പാം ഗർഭം॒-വ്യഁ॑ദധാത്പുരു॒ത്രാ ॥ 8 ചക്ഷു॑ഷഃ പി॒താ മന॑സാ॒ ഹി ധീരോ॑ ഘൃ॒തമേ॑നേ അജന॒ന്നന്ന॑മാനേ । യ॒ദേദന്താ॒ അദ॑ദൃഗ്ംഹന്ത॒ പൂർവ॒ ആദിദ്ദ്യാവാ॑പൃഥി॒വീ അ॑പ്രഥേതാം ॥ 9 വി॒ശ്വത॑ശ്ചക്ഷുരു॒ത വി॒ശ്വതോ॑മുഖോ വി॒ശ്വതോ॑ഹസ്ത ഉ॒ത വി॒ശ്വത॑സ്പാത് । സംബാ॒ഹുഭ്യാം॒ നമ॑തി॒ സമ്പത॑ത്രൈ॒ർദ്യാവാ॑പൃഥി॒വീ ജ॒നയം॑ദേ॒വ ഏകഃ॑ ॥ 10 കിഗ്ം സ്വി॑ദാസീദധി॒ഷ്ഠാന॑മാ॒രംഭ॑ണം കത॒മത്സ്വി॒ത്കിമാ॑സീത് । യദീ॒ ഭൂമിം॑ ജ॒നയ॑ന്വി॒ശ്വക॑ർമാ॒ വി ദ്യാമൗർണോ॑ന്മഹി॒നാ വി॒ശ്വച॑ക്ഷാഃ ॥ 11 കിഗ്ം സ്വി॒ദ്വനം॒ ക ഉ॒ സ വൃ॒ക്ഷ ആ॑സീ॒ദ്യതോ॒ ദ്യാവാ॑പൃഥി॒വീ നി॑ഷ്ടത॒ക്ഷുഃ । മനീ॑ഷിണോ॒ മന॑സാ പൃ॒ച്ഛതേദു॒ തദ്യദ॒ധ്യതി॑ഷ്ഠ॒ദ്ഭുവ॑നാനി ധാ॒രയൻ॑ ॥ 12 യാ തേ॒ ധാമാ॑നി പര॒മാണി॒ യാവ॒മാ യാ മ॑ധ്യ॒മാ വി॑ശ്വകർമന്നു॒തേമാ । ശിക്ഷാ॒ സഖി॑ഭ്യോ ഹ॒വിഷി॑ സ്വധാവഃ സ്വ॒യം-യഁ॑ജസ്വ ത॒നുവം॑ ജുഷാ॒ണഃ ॥ 13 വാ॒ചസ്പതിം॑-വിഁ॒ശ്വക॑ർമാണമൂ॒തയേ॑ മനോ॒യുജം॒-വാഁജേ॑ അ॒ദ്യാ ഹു॑വേമ । സ നോ॒ നേദി॑ഷ്ഠാ॒ ഹവ॑നാനി ജോഷതേ വി॒ശ്വശം॑ഭൂ॒രവ॑സേ സാ॒ധുക॑ർമാ ॥ 14 വിശ്വ॑കർമൻഹ॒വിഷാ॑ വാവൃധാ॒നഃ സ്വ॒യം-യഁ॑ജസ്വ ത॒നുവം॑ ജുഷാ॒ണഃ । മുഹ്യം॑ത്വ॒ന്യേ അ॒ഭിതഃ॑ സ॒പത്നാ॑ ഇ॒ഹാസ്മാക॑മ്മ॒ഘവാ॑ സൂ॒രിര॑സ്തു ॥ 15 വിശ്വ॑കർമൻഹ॒വിഷാ വർധ॑നേന ത്രാ॒താര॒മിന്ദ്ര॑മകൃണോരവ॒ധ്യം । തസ്മൈ॒ വിശഃ॒ സമ॑നമന്ത പൂ॒ർവീര॒യമു॒ഗ്രോ വി॑ഹ॒വ്യോ॑ യഥാസ॑ത് ॥ 16 സ॒മു॒ദ്രായ॑ വ॒യുനാ॑യ॒ സിന്ധൂ॑നാം॒പത॑യേ॒ നമഃ॑ । ന॒ദീനാ॒ഗ്ം സർവാ॑സാമ്പി॒ത്രേ ജു॑ഹു॒താ വി॒ശ്വക॑ർമണേ॒ വിശ്വാഹാമ॑ർത്യഗ്ം ഹ॒വിഃ ।