ഓം ബ്രഹ്മ॑മേതു॒ മാം । മധു॑മേതു॒ മാം । ബ്രഹ്മ॑മേ॒വ മധു॑മേതു॒ മാം । യാസ്തേ॑ സോമ പ്ര॒ജാ വ॒ഥ്സോഽഭി॒ സോ അ॒ഹം । ദുഷ്ഷ്വ॑പ്ന॒ഹന്ദു॑രുഷ്വ॒ഹ । യാസ്തേ॑ സോമ പ്രാ॒ണാഗ്ംസ്താഞ്ജു॑ഹോമി । ത്രിസു॑പർണ॒മയാ॑ചിതം ബ്രാഹ്മ॒ണായ॑ ദദ്യാത് । ബ്ര॒ഹ്മ॒ഹ॒ത്യാം-വാഁ ഏ॒തേ ഘ്നം॑തി । യേ ബ്രാ᳚ഹ്മ॒ണാസ്ത്രിസു॑പർണം॒ പഠം॑തി । തേ സോമം॒ പ്രാപ്നു॑വന്തി । ആ॒സ॒ഹ॒സ്രാത്പം॒ക്തിം പുനം॑തി । ഓം ॥ 1 ബ്രഹ്മ॑ മേ॒ധയാ᳚ । മധു॑ മേ॒ധയാ᳚ । ബ്രഹ്മ॑മേ॒വ മധു॑ മേ॒ധയാ᳚ । അ॒ദ്യാ നോ॑ ദേവ സവിതഃ പ്ര॒ജാവ॑ത്സാവീ॒സ്സൗഭ॑ഗം । പരാ॑ ദു॒ഷ്വപ്നി॑യഗ്ം സുവ । വിശ്വാ॑നി ദേവ സവിതർദുരി॒താനി॒ പരാ॑സുവ । യദ്ഭ॒ദ്രം തന്മ॒ ആസു॑വ । മധു॒ വാതാ॑ ഋതായ॒തേ മധു॑ ക്ഷരന്തി॒ സിന്ധ॑വഃ । മാധ്വീ᳚ർനസ്സം॒ത്വോഷ॑ധീഃ । മധു॒ നക്ത॑മു॒തോഷസി॒ മധു॑മ॒ത്പാർഥി॑വ॒ഗ്ം॒ രജഃ॑ । മധു॒ ദ്യൗര॑സ്തു നഃ പി॒താ । മധു॑ മാന്നോ॒ വന॒സ്പതി॒ർമധു॑മാഗ്ം അസ്തു॒ സൂര്യഃ॑ । മാധ്വീ॒ർഗാവോ॑ ഭവന്തു നഃ । യ ഇ॒മം ത്രിസു॑പർണ॒മയാ॑ചിതം ബ്രാഹ്മ॒ണായ॑ ദദ്യാത് । ഭ്രൂ॒ണ॒ഹ॒ത്യാം-വാഁ ഏ॒തേ ഘ്നം॑തി । യേ ബ്രാ᳚ഹ്മ॒ണാസ്ത്രിസു॑പർണം॒ പഠം॑തി । തേ സോമം॒ പ്രാപ്നു॑വന്തി । ആ॒സ॒ഹ॒സ്രാത്പം॒ക്തിം പുനം॑തി । ഓം ॥ 2 ബ്രഹ്മ॑ മേ॒ധവാ᳚ । മധു॑ മേ॒ധവാ᳚ । ബ്രഹ്മ॑മേ॒വ മധു॑ മേ॒ധവാ᳚ । ബ്ര॒ഹ്മാ ദേ॒വാനാം᳚ പദ॒വീഃ ക॑വീ॒നാമൃഷി॒ർവിപ്രാ॑ണാം മഹി॒ഷോ മൃ॒ഗാണാം᳚ । ശ്യേ॒നോ ഗൃദ്ധ്രാ॑ണാ॒ഗ്ം॒ സ്വധി॑തി॒ർവനാ॑നാ॒ഗ്ം॒ സോമഃ॑ പ॒വിത്ര॒മത്യേ॑തി॒ രേഭന്ന്॑ । ഹ॒ഗ്ം॒സശ്ശു॑ചി॒ഷദ്വസു॑രന്തരിക്ഷ॒സദ്ധോതാ॑ വേദി॒ഷദതി॑ഥിർദുരോണ॒സത് । നൃ॒ഷദ്വ॑ര॒സദൃ॑ത॒സദ്വ്യോ॑മ॒സദ॒ബ്ജാ ഗോ॒ജാ ഋ॑ത॒ജാ അ॑ദ്രി॒ജാ ഋ॒തം ബൃ॒ഹത് । ഋ॒ചേ ത്വാ॑ രു॒ചേ ത്വാ॒ സമിത്സ്ര॑വന്തി സ॒രിതോ॒ ന ധേനാഃ᳚ । അം॒തർ​ഹൃ॒ദാ മന॑സാ പൂ॒യമാ॑നാഃ । ഘൃ॒തസ്യ॒ ധാരാ॑ അ॒ഭിചാ॑കശീമി । ഹി॒ര॒ണ്യയോ॑ വേത॒സോ മദ്ധ്യ॑ ആസാം । തസ്മിം᳚ഥ്​സുപ॒ർണോ മ॑ധു॒കൃത് കു॑ലാ॒യീ ഭജ॑ന്നാസ്തേ॒ മധു॑ ദേ॒വതാ᳚ഭ്യഃ । തസ്യാ॑സതേ॒ ഹര॑യസ്സ॒പ്ത തീരേ᳚ സ്വ॒ധാം ദുഹാ॑നാ അ॒മൃത॑സ്യ॒ ധാരാം᳚ । യ ഇ॒ദം ത്രിസു॑പർണ॒മയാ॑ചിതം ബ്രാഹ്മ॒ണായ॑ ദദ്യാത് । വീ॒ര॒ഹ॒ത്യാം-വാഁ ഏ॒തേ ഘ്നന്തി । യേ ബ്രാ᳚ഹ്മ॒ണാസ്ത്രിസു॑പർണം॒ പഠം॑തി । തേ സോമം॒ പ്രാപ്നു॑വന്തി । ആ॒സ॒ഹ॒സ്രാത്പം॒ക്തിം പുനം॑തി । ഓം ॥ 3 ഓം ശാന്തിഃ॒ ശാന്തിഃ॒ ശാന്തിഃ॑ ॥