ತ್ರಿಸುಪರ್ಣ ಸೂಕ್ತಂ

ಓಂ ಬ್ರಹ್ಮ॑ಮೇತು॒ ಮಾಂ । ಮಧು॑ಮೇತು॒ ಮಾಂ । ಬ್ರಹ್ಮ॑ಮೇ॒ವ ಮಧು॑ಮೇತು॒ ಮಾಂ । ಯಾಸ್ತೇ॑ ಸೋಮ ಪ್ರ॒ಜಾ ವ॒ಥ್ಸೋಽಭಿ॒ ಸೋ ಅ॒ಹಂ । ದುಷ್ಷ್ವ॑ಪ್ನ॒ಹಂದು॑ರುಷ್ವ॒ಹ । ಯಾಸ್ತೇ॑ ಸೋಮ ಪ್ರಾ॒ಣಾಗ್ಂಸ್ತಾಂಜು॑ಹೋಮಿ । ತ್ರಿಸು॑ಪರ್ಣ॒ಮಯಾ॑ಚಿತಂ ಬ್ರಾಹ್ಮ॒ಣಾಯ॑ ದದ್ಯಾತ್ । ಬ್ರ॒ಹ್ಮ॒ಹ॒ತ್ಯಾಂ-ವಾಁ ಏ॒ತೇ ಘ್ನಂ॑ತಿ । ಯೇ ಬ್ರಾ᳚ಹ್ಮ॒ಣಾಸ್ತ್ರಿಸು॑ಪರ್ಣಂ॒ ಪಠಂ॑ತಿ । ತೇ ಸೋಮಂ॒ ಪ್ರಾಪ್ನು॑ವಂತಿ । ಆ॒ಸ॒ಹ॒ಸ್ರಾತ್ಪಂ॒ಕ್ತಿಂ ಪುನಂ॑ತಿ । ಓಂ ॥ 1 ಬ್ರಹ್ಮ॑ ಮೇ॒ಧಯಾ᳚ । ಮಧು॑ ಮೇ॒ಧಯಾ᳚ । ಬ್ರಹ್ಮ॑ಮೇ॒ವ ಮಧು॑ ಮೇ॒ಧಯಾ᳚ । ಅ॒ದ್ಯಾ ನೋ॑ ದೇವ ಸವಿತಃ ಪ್ರ॒ಜಾವ॑ತ್ಸಾವೀ॒ಸ್ಸೌಭ॑ಗಂ । ಪರಾ॑ ದು॒ಷ್ವಪ್ನಿ॑ಯಗ್ಂ ಸುವ । ವಿಶ್ವಾ॑ನಿ ದೇವ ಸವಿತರ್ದುರಿ॒ತಾನಿ॒ ಪರಾ॑ಸುವ । ಯದ್ಭ॒ದ್ರಂ ತನ್ಮ॒ ಆಸು॑ವ । ಮಧು॒ ವಾತಾ॑ ಋತಾಯ॒ತೇ ಮಧು॑ ಕ್ಷರಂತಿ॒ ಸಿಂಧ॑ವಃ । ಮಾಧ್ವೀ᳚ರ್ನಸ್ಸಂ॒ತ್ವೋಷ॑ಧೀಃ । ಮಧು॒ ನಕ್ತ॑ಮು॒ತೋಷಸಿ॒ ಮಧು॑ಮ॒ತ್ಪಾರ್ಥಿ॑ವ॒ಗ್ಂ॒ ರಜಃ॑ । ಮಧು॒ ದ್ಯೌರ॑ಸ್ತು ನಃ ಪಿ॒ತಾ । ಮಧು॑ ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಗ್ಂ ಅಸ್ತು॒ ಸೂರ್ಯಃ॑ । ಮಾಧ್ವೀ॒ರ್ಗಾವೋ॑ ಭವಂತು ನಃ । ಯ ಇ॒ಮಂ ತ್ರಿಸು॑ಪರ್ಣ॒ಮಯಾ॑ಚಿತಂ ಬ್ರಾಹ್ಮ॒ಣಾಯ॑ ದದ್ಯಾತ್ । ಭ್ರೂ॒ಣ॒ಹ॒ತ್ಯಾಂ-ವಾಁ ಏ॒ತೇ ಘ್ನಂ॑ತಿ । ಯೇ ಬ್ರಾ᳚ಹ್ಮ॒ಣಾಸ್ತ್ರಿಸು॑ಪರ್ಣಂ॒ ಪಠಂ॑ತಿ । ತೇ ಸೋಮಂ॒ ಪ್ರಾಪ್ನು॑ವಂತಿ । ಆ॒ಸ॒ಹ॒ಸ್ರಾತ್ಪಂ॒ಕ್ತಿಂ ಪುನಂ॑ತಿ । ಓಂ ॥ 2 ಬ್ರಹ್ಮ॑ ಮೇ॒ಧವಾ᳚ । ಮಧು॑ ಮೇ॒ಧವಾ᳚ । ಬ್ರಹ್ಮ॑ಮೇ॒ವ ಮಧು॑ ಮೇ॒ಧವಾ᳚ । ಬ್ರ॒ಹ್ಮಾ ದೇ॒ವಾನಾಂ᳚ ಪದ॒ವೀಃ ಕ॑ವೀ॒ನಾಮೃಷಿ॒ರ್ವಿಪ್ರಾ॑ಣಾಂ ಮಹಿ॒ಷೋ ಮೃ॒ಗಾಣಾಂ᳚ । ಶ್ಯೇ॒ನೋ ಗೃದ್ಧ್ರಾ॑ಣಾ॒ಗ್ಂ॒ ಸ್ವಧಿ॑ತಿ॒ರ್ವನಾ॑ನಾ॒ಗ್ಂ॒ ಸೋಮಃ॑ ಪ॒ವಿತ್ರ॒ಮತ್ಯೇ॑ತಿ॒ ರೇಭನ್ನ್॑ । ಹ॒ಗ್ಂ॒ಸಶ್ಶು॑ಚಿ॒ಷದ್ವಸು॑ರಂತರಿಕ್ಷ॒ಸದ್ಧೋತಾ॑ ವೇದಿ॒ಷದತಿ॑ಥಿರ್ದುರೋಣ॒ಸತ್ । ನೃ॒ಷದ್ವ॑ರ॒ಸದೃ॑ತ॒ಸದ್ವ್ಯೋ॑ಮ॒ಸದ॒ಬ್ಜಾ ಗೋ॒ಜಾ ಋ॑ತ॒ಜಾ ಅ॑ದ್ರಿ॒ಜಾ ಋ॒ತಂ ಬೃ॒ಹತ್ । ಋ॒ಚೇ ತ್ವಾ॑ ರು॒ಚೇ ತ್ವಾ॒ ಸಮಿತ್ಸ್ರ॑ವಂತಿ ಸ॒ರಿತೋ॒ ನ ಧೇನಾಃ᳚ । ಅಂ॒ತರ್ಹೃ॒ದಾ ಮನ॑ಸಾ ಪೂ॒ಯಮಾ॑ನಾಃ । ಘೃ॒ತಸ್ಯ॒ ಧಾರಾ॑ ಅ॒ಭಿಚಾ॑ಕಶೀಮಿ । ಹಿ॒ರ॒ಣ್ಯಯೋ॑ ವೇತ॒ಸೋ ಮದ್ಧ್ಯ॑ ಆಸಾಂ । ತಸ್ಮಿಂ᳚ಥ್ಸುಪ॒ರ್ಣೋ ಮ॑ಧು॒ಕೃತ್ ಕು॑ಲಾ॒ಯೀ ಭಜ॑ನ್ನಾಸ್ತೇ॒ ಮಧು॑ ದೇ॒ವತಾ᳚ಭ್ಯಃ । ತಸ್ಯಾ॑ಸತೇ॒ ಹರ॑ಯಸ್ಸ॒ಪ್ತ ತೀರೇ᳚ ಸ್ವ॒ಧಾಂ ದುಹಾ॑ನಾ ಅ॒ಮೃತ॑ಸ್ಯ॒ ಧಾರಾಂ᳚ । ಯ ಇ॒ದಂ ತ್ರಿಸು॑ಪರ್ಣ॒ಮಯಾ॑ಚಿತಂ ಬ್ರಾಹ್ಮ॒ಣಾಯ॑ ದದ್ಯಾತ್ । ವೀ॒ರ॒ಹ॒ತ್ಯಾಂ-ವಾಁ ಏ॒ತೇ ಘ್ನಂತಿ । ಯೇ ಬ್ರಾ᳚ಹ್ಮ॒ಣಾಸ್ತ್ರಿಸು॑ಪರ್ಣಂ॒ ಪಠಂ॑ತಿ । ತೇ ಸೋಮಂ॒ ಪ್ರಾಪ್ನು॑ವಂತಿ । ಆ॒ಸ॒ಹ॒ಸ್ರಾತ್ಪಂ॒ಕ್ತಿಂ ಪುನಂ॑ತಿ । ಓಂ ॥ 3 ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥

Recite with devotion and pure heart

Regular practice brings spiritual benefits

More Vedic chants of Other: