हैंహైHaindavamஹிહિં
📍
Font Size:
സ്വസ്തിവാചനം
ആ നോ᳚ ഭ॒ദ്രാഃ ക്രത॑വോ യന്തു വി॒ശ്വതോഽദ॑ബ്ധാസോ॒ അപ॑രീതാസ ഉ॒ദ്ഭിദഃ॑ ।
ദേ॒വാ നോ॒ യഥാ॒ സദ॒മിദ് വൃ॒ധേ അസ॒ന്നപ്രാ᳚യുവോ രക്ഷി॒താരോ᳚ ദി॒വേദി॑വേ ॥
ദേ॒വാനാം᳚ ഭ॒ദ്രാ സു॑മ॒തിരൃ॑ജൂയ॒താം ദേ॒വാനാം᳚ രാ॒തിര॒ഭി നോ॒ നി വ॑ർതതാം ।
ദേ॒വാനാം᳚ സ॒ഖ്യമുപ॑ സേദിമാ വ॒യം ദേ॒വാ ന॒ ആയുഃ॒ പ്രതി॑രന്തു ജീ॒വസേ॑ ॥
താൻപൂർവ॑യാ നി॒വിദാ᳚ ഹൂമഹേ വ॒യം ഭഗം᳚ മി॒ത്രമദി॑തിം॒ ദക്ഷ॑മ॒സ്രിധം᳚ ।
അ॒ര്യ॒മണം॒ വരു॑ണം॒ സോമ॑മ॒ശ്വിനാ॒ സര॑സ്വതീ നഃ സു॒ഭഗാ॒ മയ॑സ്കരത് ॥
തന്നോ॒ വാതോ᳚ മയോ॒ഭുവാ᳚തു ഭേഷ॒ജം തന്മാ॒താ പൃ॑ഥി॒വീ തത്പി॒താ ദ്യൗഃ ।
തദ് ഗ്രാവാ᳚ണഃ സോമ॒സുതോ᳚ മയോ॒ഭുവ॒സ്തദ॑ശ്വിനാ ശൃണുതം ധിഷ്ണ്യാ യു॒വം ॥
തമീശാ᳚നം॒ ജഗ॑തസ്ത॒സ്ഥുഷ॒സ്പതിം᳚ ധിയഞ്ജി॒ന്വമവ॑സേ ഹൂമഹേ വ॒യം ।
പൂ॒ഷാ നോ॒ യഥാ॒ വേദ॑സാ॒മസ॑ദ്വൃ॒ധേ ര॑ക്ഷി॒താ പാ॒യുരദ॑ബ്ധഃ സ്വ॒സ്തയേ᳚ ॥
സ്വ॒സ്തി ന॒ ഇന്ദ്രോ᳚ വൃ॒ദ്ധശ്ര॑വാഃ സ്വ॒സ്തി നഃ॑ പൂ॒ഷാ വി॒ശ്വവേ᳚ദാഃ ।
സ്വ॒സ്തി ന॒സ്താർക്ഷ്യോ॒ അരി॑ഷ്ടനേമിഃ സ്വ॒സ്തി നോ॒ ബൃഹ॒സ്പതി॑ർദധാതു ॥
പൃഷ॑ദശ്വാ മ॒രുതഃ॒ പൃശ്നി॑മാതരഃ ശുഭം॒യാവാ᳚നോ വി॒ദഥേ᳚ഷു॒ ജഗ്മ॑യഃ ।
അ॒ഗ്നി॒ജി॒ഹ്വാ മന॑വഃ॒ സൂര॑ചക്ഷസോ॒ വിശ്വേ᳚ നോ ദേ॒വാ അവ॒സാ ഗ॑മന്നി॒ഹ ॥
ഭ॒ദ്രം കർണേ᳚ഭിഃ ശൃണുയാമ ദേവാ ഭ॒ദ്രം പ॑ശ്യേമാ॒ക്ഷഭി॑ര്യജത്രാഃ ।
സ്ഥി॒രൈരംഗൈ᳚സ്തുഷ്ടു॒വാംസ॑സ്ത॒നൂഭി॒ർവ്യ॑ശേമ ദേ॒വഹി॑തം॒ യദായുഃ॑ ॥
ശ॒തമിന്നു ശ॒രദോ॒ അന്തി॑ ദേവാ॒ യത്രാ᳚ നശ്ച॒ക്രാ ജ॒രസം᳚ ത॒നൂനാം᳚ ।
പു॒ത്രാസോ॒ യത്ര॑ പി॒തരോ॒ ഭവ᳚ന്തി॒ മാ നോ᳚ മ॒ധ്യാ രീ᳚രിഷ॒തായു॒ർഗന്തോഃ᳚ ॥
അദി॑തി॒ർദ്യൗരദി॑തിര॒ന്തരി॑ക്ഷ॒മദി॑തിർമാ॒താ സ പി॒താ സ പു॒ത്രഃ ।
വിശ്വേ᳚ ദേ॒വാ അദി॑തിഃ॒ പഞ്ച॒ ജനാ॒ അദി॑തിർജാ॒തമദി॑തി॒ർജനി॑ത്വം ॥ (ശുക്ല യജുർവേദ 25 । 14-23)
ദ്യൗഃ ശാന്തി॑ര॒ന്തരി॑ക്ഷ॒ꣳ ശാന്തിഃ॑ പൃഥി॒വീ ശാന്തി॒രാപഃ॒ ശാന്തി॒രോഷ॑ധയഃ॒ ശാന്തിഃ॑ ।
വന॒സ്പത॑യഃ॒ ശാന്തി॒ർവിശ്വേ᳚ദേ॒വാഃ ശാന്തി॒ർബ്രഹ്മ॒ ശാന്തിഃ॒ സർവ॒ꣳ ശാന്തിഃ॒ ശാന്തി॑രേ॒വ ശാന്തിഃ॒ സാ മാ॒ ശാന്തി॑രേധി ॥ (ശുക്ല യജുർവേദ 36 । 17)
യതോ᳚യതഃ സ॒മീഹ॑സേ॒ തതോ᳚ നോ॒ഽഭ॑യങ്കുരു ।
ശന്നഃ॑ കുരുപ്ര॒ജാഭ്യോഽഭ॑യന്നഃ പ॒ശുഭ്യഃ॑ ॥ സുശാന്തിർഭവതു ॥ (ശുക്ല യജുർവേദ 36 । 22)
ഗണാനാം᳚ ത്വാ ഗ॒ണപ॑തിꣳ ഹവാമഹേ പ്രി॒യാണാം᳚ ത്വാ പ്രി॒യപ॑തിꣳ ഹവാമഹേ നിധി॒നാന്തവാ᳚നിധി॒പതി॑ꣳ ഹവാമഹേ വസോമമ ।
ആഹമ॑ജാനിഗർഭ॒ധമാത്വമ॑ജാസിഗർഭ॒ധം ॥
അംബേ॒ഽമ്ബി॒കേഽമ്ബാ᳚ലികേ॒നമാ᳚നയതി॒കശ്ച॒ന ।
സസ॑സ്ത്യശ്വ॒കഃ സുഭ॑ദ്രികാങ്കാമ്പീലവാ॒സിനീം᳚ ॥
Recite with devotion and pure heart
Regular practice brings spiritual benefits