ಆ ನೋ᳚ ಭ॒ದ್ರಾಃ ಕ್ರತ॑ವೋ ಯಂತು ವಿ॒ಶ್ವತೋಽದ॑ಬ್ಧಾಸೋ॒ ಅಪ॑ರೀತಾಸ ಉ॒ದ್ಭಿದಃ॑ । ದೇ॒ವಾ ನೋ॒ ಯಥಾ॒ ಸದ॒ಮಿದ್ ವೃ॒ಧೇ ಅಸ॒ನ್ನಪ್ರಾ᳚ಯುವೋ ರಕ್ಷಿ॒ತಾರೋ᳚ ದಿ॒ವೇದಿ॑ವೇ ॥ ದೇ॒ವಾನಾಂ᳚ ಭ॒ದ್ರಾ ಸು॑ಮ॒ತಿರೃ॑ಜೂಯ॒ತಾಂ ದೇ॒ವಾನಾಂ᳚ ರಾ॒ತಿರ॒ಭಿ ನೋ॒ ನಿ ವ॑ರ್ತತಾಂ । ದೇ॒ವಾನಾಂ᳚ ಸ॒ಖ್ಯಮುಪ॑ ಸೇದಿಮಾ ವ॒ಯಂ ದೇ॒ವಾ ನ॒ ಆಯುಃ॒ ಪ್ರತಿ॑ರಂತು ಜೀ॒ವಸೇ॑ ॥ ತಾನ್ಪೂರ್ವ॑ಯಾ ನಿ॒ವಿದಾ᳚ ಹೂಮಹೇ ವ॒ಯಂ ಭಗಂ᳚ ಮಿ॒ತ್ರಮದಿ॑ತಿಂ॒ ದಕ್ಷ॑ಮ॒ಸ್ರಿಧಂ᳚ । ಅ॒ರ್ಯ॒ಮಣಂ॒ ವರು॑ಣಂ॒ ಸೋಮ॑ಮ॒ಶ್ವಿನಾ॒ ಸರ॑ಸ್ವತೀ ನಃ ಸು॒ಭಗಾ॒ ಮಯ॑ಸ್ಕರತ್ ॥ ತನ್ನೋ॒ ವಾತೋ᳚ ಮಯೋ॒ಭುವಾ᳚ತು ಭೇಷ॒ಜಂ ತನ್ಮಾ॒ತಾ ಪೃ॑ಥಿ॒ವೀ ತತ್ಪಿ॒ತಾ ದ್ಯೌಃ । ತದ್ ಗ್ರಾವಾ᳚ಣಃ ಸೋಮ॒ಸುತೋ᳚ ಮಯೋ॒ಭುವ॒ಸ್ತದ॑ಶ್ವಿನಾ ಶೃಣುತಂ ಧಿಷ್ಣ್ಯಾ ಯು॒ವಂ ॥ ತಮೀಶಾ᳚ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಧಿಯಂಜಿ॒ನ್ವಮವ॑ಸೇ ಹೂಮಹೇ ವ॒ಯಂ । ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ᳚ ॥ ಸ್ವ॒ಸ್ತಿ ನ॒ ಇಂದ್ರೋ᳚ ವೃ॒ದ್ಧಶ್ರ॑ವಾಃ ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ᳚ದಾಃ । ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ॥ ಪೃಷ॑ದಶ್ವಾ ಮ॒ರುತಃ॒ ಪೃಶ್ನಿ॑ಮಾತರಃ ಶುಭಂ॒ಯಾವಾ᳚ನೋ ವಿ॒ದಥೇ᳚ಷು॒ ಜಗ್ಮ॑ಯಃ । ಅ॒ಗ್ನಿ॒ಜಿ॒ಹ್ವಾ ಮನ॑ವಃ॒ ಸೂರ॑ಚಕ್ಷಸೋ॒ ವಿಶ್ವೇ᳚ ನೋ ದೇ॒ವಾ ಅವ॒ಸಾ ಗ॑ಮನ್ನಿ॒ಹ ॥ ಭ॒ದ್ರಂ ಕರ್ಣೇ᳚ಭಿಃ ಶೃಣುಯಾಮ ದೇವಾ ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॑ರ್ಯಜತ್ರಾಃ । ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಂಸ॑ಸ್ತ॒ನೂಭಿ॒ರ್ವ್ಯ॑ಶೇಮ ದೇ॒ವಹಿ॑ತಂ॒ ಯದಾಯುಃ॑ ॥ ಶ॒ತಮಿನ್ನು ಶ॒ರದೋ॒ ಅಂತಿ॑ ದೇವಾ॒ ಯತ್ರಾ᳚ ನಶ್ಚ॒ಕ್ರಾ ಜ॒ರಸಂ᳚ ತ॒ನೂನಾಂ᳚ । ಪು॒ತ್ರಾಸೋ॒ ಯತ್ರ॑ ಪಿ॒ತರೋ॒ ಭವಂ᳚ತಿ॒ ಮಾ ನೋ᳚ ಮ॒ಧ್ಯಾ ರೀ᳚ರಿಷ॒ತಾಯು॒ರ್ಗಂತೋಃ᳚ ॥ ಅದಿ॑ತಿ॒ರ್ದ್ಯೌರದಿ॑ತಿರಂ॒ತರಿ॑ಕ್ಷ॒ಮದಿ॑ತಿರ್ಮಾ॒ತಾ ಸ ಪಿ॒ತಾ ಸ ಪು॒ತ್ರಃ । ವಿಶ್ವೇ᳚ ದೇ॒ವಾ ಅದಿ॑ತಿಃ॒ ಪಂಚ॒ ಜನಾ॒ ಅದಿ॑ತಿರ್ಜಾ॒ತಮದಿ॑ತಿ॒ರ್ಜನಿ॑ತ್ವಂ ॥ (ಶುಕ್ಲ ಯಜುರ್ವೇದ 25 । 14-23) ದ್ಯೌಃ ಶಾಂತಿ॑ರಂ॒ತರಿ॑ಕ್ಷ॒ꣳ ಶಾಂತಿಃ॑ ಪೃಥಿ॒ವೀ ಶಾಂತಿ॒ರಾಪಃ॒ ಶಾಂತಿ॒ರೋಷ॑ಧಯಃ॒ ಶಾಂತಿಃ॑ । ವನ॒ಸ್ಪತ॑ಯಃ॒ ಶಾಂತಿ॒ರ್ವಿಶ್ವೇ᳚ದೇ॒ವಾಃ ಶಾಂತಿ॒ರ್ಬ್ರಹ್ಮ॒ ಶಾಂತಿಃ॒ ಸರ್ವ॒ꣳ ಶಾಂತಿಃ॒ ಶಾಂತಿ॑ರೇ॒ವ ಶಾಂತಿಃ॒ ಸಾ ಮಾ॒ ಶಾಂತಿ॑ರೇಧಿ ॥ (ಶುಕ್ಲ ಯಜುರ್ವೇದ 36 । 17) ಯತೋ᳚ಯತಃ ಸ॒ಮೀಹ॑ಸೇ॒ ತತೋ᳚ ನೋ॒ಽಭ॑ಯಂಕುರು । ಶನ್ನಃ॑ ಕುರುಪ್ರ॒ಜಾಭ್ಯೋಽಭ॑ಯನ್ನಃ ಪ॒ಶುಭ್ಯಃ॑ ॥ ಸುಶಾಂತಿರ್ಭವತು ॥ (ಶುಕ್ಲ ಯಜುರ್ವೇದ 36 । 22) ಗಣಾನಾಂ᳚ ತ್ವಾ ಗ॒ಣಪ॑ತಿꣳ ಹವಾಮಹೇ ಪ್ರಿ॒ಯಾಣಾಂ᳚ ತ್ವಾ ಪ್ರಿ॒ಯಪ॑ತಿꣳ ಹವಾಮಹೇ ನಿಧಿ॒ನಾಂತವಾ᳚ನಿಧಿ॒ಪತಿ॑ꣳ ಹವಾಮಹೇ ವಸೋಮಮ । ಆಹಮ॑ಜಾನಿಗರ್ಭ॒ಧಮಾತ್ವಮ॑ಜಾಸಿಗರ್ಭ॒ಧಂ ॥ ಅಂಬೇ॒ಽಮ್ಬಿ॒ಕೇಽಮ್ಬಾ᳚ಲಿಕೇ॒ನಮಾ᳚ನಯತಿ॒ಕಶ್ಚ॒ನ । ಸಸ॑ಸ್ತ್ಯಶ್ವ॒ಕಃ ಸುಭ॑ದ್ರಿಕಾಂಕಾಂಪೀಲವಾ॒ಸಿನೀಂ᳚ ॥