శ్రీ గురుభ్యో నమః । హరిః ఓం । బ్రహ్మ॑ణే బ్రాహ్మ॒ణమాల॑భతే । క్ష॒త్త్రాయ॑ రాజ॒న్యం᳚ । మ॒రుద్భ్యో॒ వైశ్యం᳚ । తప॑సే శూ॒ద్రం । తమ॑సే॒ తస్క॑రం । నార॑కాయ వీర॒హణం᳚ । పా॒ప్మనే᳚ క్లీ॒బం । ఆ॒క్ర॒యాయా॑యో॒గూం । కామా॑య పుగ్గ్శ్చ॒లూం । అతి॑క్రుష్టాయ మాగ॒ధం ॥ 1 ॥ గీ॒తాయ॑ సూ॒తం । నృ॒త్తాయ॑ శైలూ॒షం । ధర్మా॑య సభాచ॒రం । న॒ర్మాయ॑ రే॒భం । నరి॑ష్ఠాయై భీమ॒లం । హసా॑య॒ కారిం᳚ । ఆ॒నం॒దాయ॑ స్త్రీష॒ఖం । ప్ర॒ముదే॑ కుమారీపు॒త్రం । మే॒ధాయై॑ రథకా॒రం । ధైర్యా॑య॒ తక్షా॑ణం ॥ 2 ॥ శ్రమా॑య కౌలా॒లం । మా॒యాయై॑ కార్మా॒రం । రూ॒పాయ॑ మణికా॒రం । శుభే॑ వ॒పం । శ॒ర॒వ్యా॑యా ఇషుకా॒రం । హే॒త్యై ధ॑న్వకా॒రం । కర్మ॑ణే జ్యాకా॒రం । ది॒ష్టాయ॑ రజ్జుస॒ర్గం । మృ॒త్యవే॑ మృగ॒యుం । అంత॑కాయ శ్వ॒నితం᳚ ॥ 3 ॥ సం॒ధయే॑ జా॒రం । గే॒హాయో॑పప॒తిం । నిరృ॑త్యై పరివి॒త్తం । ఆర్త్యై॑ పరివివిదా॒నం । అరా᳚ధ్యై దిధిషూ॒పతిం᳚ । ప॒విత్రా॑య భి॒షజం᳚ । ప్ర॒జ్ఞానా॑య నక్షత్రద॒ర్శం । నిష్కృ॑త్యై పేశస్కా॒రీం । బలా॑యోప॒దాం । వర్ణా॑యానూ॒రుధం᳚ ॥ 4 ॥ న॒దీభ్య॑: పౌంజి॒ష్టం । ఋ॒క్షీకా᳚భ్యో॒ నైషా॑దం । పు॒రు॒ష॒వ్యా॒ఘ్రాయ॑ దు॒ర్మదం᳚ । ప్ర॒యుద్భ్య॒ ఉన్మ॑త్తం । గం॒ధ॒ర్వా॒ప్స॒రాభ్యో॒ వ్రాత్యం᳚ । స॒ర్ప॒దే॒వ॒జ॒నేభ్యోఽప్ర॑తిపదం । అవే᳚భ్యః కిత॒వం । ఇ॒ర్యతా॑యా॒ అకి॑తవం । పి॒శా॒చేభ్యో॑ బిదలకా॒రం । యా॒తు॒ధానే᳚భ్యః కంటకకా॒రం ॥ 5 ॥ ఉ॒థ్సా॒దేభ్య॑: కు॒బ్జం । ప్ర॒ముదే॑ వామ॒నం । ద్వా॒ర్భ్యః స్రా॒మం । స్వప్నా॑యాం॒ధం । అధ॑ర్మాయ బధి॒రం । సం॒జ్ఞానా॑య స్మరకా॒రీం । ప్ర॒కా॒మోద్యా॑యోప॒సదం᳚ । ఆ॒శి॒క్షాయై᳚ ప్ర॒శ్నినం᳚ । ఉ॒ప॒శి॒క్షాయా॑ అభిప్ర॒శ్నినం᳚ । మ॒ర్యాదా॑యై ప్రశ్నవివా॒కం ॥ 6 ॥ ఋత్యై᳚ స్తే॒నహృ॑దయం । వైర॑హత్యాయ॒ పిశు॑నం । వివి॑త్త్యై క్ష॒త్తారం᳚ । ఔప॑ద్రష్టాయ సంగ్రహీ॒తారం᳚ । బలా॑యానుచ॒రం । భూ॒మ్నే ప॑రిష్కం॒దం । ప్రి॒యాయ॑ ప్రియవా॒దినం᳚ । అరి॑ష్ట్యా అశ్వసా॒దం । మేధా॑య వాసః పల్పూ॒లీం । ప్ర॒కా॒మాయ॑ రజయి॒త్రీం ॥ 7 ॥ భాయై॑ దార్వాహా॒రం । ప్ర॒భాయా॑ ఆగ్నేం॒ధం । నాక॑స్య పృ॒ష్ఠాయా॑భిషే॒క్తారం᳚ । బ్ర॒ధ్నస్య॑ వి॒ష్టపా॑య పాత్రనిర్ణే॒గం । దే॒వ॒లో॒కాయ॑ పేశి॒తారం᳚ । మ॒ను॒ష్య॒లో॒కాయ॑ ప్రకరి॒తారం᳚ । సర్వే᳚భ్యో లో॒కేభ్య॑ ఉపసే॒క్తారం᳚ । అవ॑ర్త్యై వ॒ధాయో॑పమంథి॒తారం᳚ । సు॒వ॒ర్గాయ॑ లో॒కాయ॑ భాగ॒దుఘం᳚ । వర్షి॑ష్ఠాయ॒ నాకా॑య పరివే॒ష్టారం᳚ ॥ 8 ॥ అర్మే᳚భ్యో హస్తి॒పం । జ॒వాయా᳚శ్వ॒పం । పుష్ట్యై॑ గోపా॒లం । తేజ॑సేఽజపా॒లం । వీ॒ర్యా॑యావిపా॒లం । ఇరా॑యై కీ॒నాశం᳚ । కీ॒లాలా॑య సురాకా॒రం । భ॒ద్రాయ॑ గృహ॒పం । శ్రేయ॑సే విత్త॒ధం । అధ్య॑క్షాయానుక్ష॒త్తారం᳚ ॥ 9 ॥ మ॒న్యవే॑ఽయస్తా॒పం । క్రోధా॑య నిస॒రం । శోకా॑యాభిస॒రం । ఉ॒త్కూ॒ల॒వి॒కూ॒లాభ్యాం᳚ త్రి॒స్థినం᳚ । యోగా॑య యో॒క్తారం᳚ । క్షేమా॑య విమో॒క్తారం᳚ । వపు॑షే మానస్కృ॒తం । శీలా॑యాంజనీకా॒రం । నిరృ॑త్యై కోశకా॒రీం । య॒మాయా॒సూం ॥ 10 ॥ య॒మ్యై॑ యమ॒సూం । అథ॑ర్వ॒భ్యోఽవ॑తోకాం । సం॒వ॒థ్స॒రాయ॑ పర్యా॒రిణీం᳚ । ప॒రి॒వ॒థ్స॒రాయావి॑జాతాం । ఇ॒దా॒వ॒థ్స॒రాయా॑ప॒స్కద్వ॑రీం । ఇ॒ద్వ॒త్స॒రాయా॒తీత్వ॑రీం । వ॒థ్స॒రాయ॒ విజ॑ర్జరాం । సం॒వ॒థ్స॒రాయ॒ పలి॑క్నీం । వనా॑య వన॒పం । అ॒న్యతో॑ఽరణ్యాయ దావ॒పం ॥ 11 ॥ సరో᳚భ్యో ధైవ॒రం । వేశం॑తాభ్యో॒ దాశం᳚ । ఉ॒ప॒స్థావ॑రీభ్యో॒ బైందం᳚ । న॒డ్వ॒లాభ్య॑: శౌష్క॒లం । పా॒ర్యా॑య కైవ॒ర్తం । అ॒వా॒ర్యా॑య మార్గా॒రం । తీ॒ర్థేభ్య॑ ఆం॒దం । విష॑మేభ్యో మైనా॒లం । స్వనే᳚భ్య॒: పర్ణ॑కం । గుహా᳚భ్య॒: కిరా॑తం । సాను॑భ్యో॒ జంభ॑కం । పర్వ॑తేభ్య॒: కింపూ॑రుషం ॥ 12 ॥ ప్ర॒తి॒శ్రుత్కా॑యా ఋతు॒లం । ఘోషా॑య భ॒షం । అంతా॑య బహువా॒దినం᳚ । అ॒నం॒తాయ॒ మూకం᳚ । మహ॑సే వీణావా॒దం । క్రోశా॑య తూణవ॒ధ్మం । ఆ॒క్రం॒దాయ॑ దుందుభ్యాఘా॒తం । అ॒వ॒ర॒స్ప॒రాయ॑ శంఖ॒ధ్మం । ఋ॒భుభ్యో॑ఽజినసంధా॒యం । సా॒ధ్యేభ్య॑శ్చర్మ॒మ్ణం ॥ 13 ॥ బీ॒భ॒థ్సాయై॑ పౌల్క॒సం । భూత్యై॑ జాగర॒ణం । అభూ᳚త్యై స్వప॒నం । తు॒లాయై॑ వాణి॒జం । వర్ణా॑య హిరణ్యకా॒రం । విశ్వే᳚భ్యో దే॒వేభ్య॑: సిధ్మ॒లం । ప॒శ్చా॒ద్దో॒షాయ॑ గ్లా॒వం । ఋత్యై॑ జనవా॒దినం᳚ । వ్యృ॑ద్ధ్యా అపగ॒ల్భం । స॒గ్ం॒శ॒రాయ॑ ప్ర॒చ్ఛిదం᳚ ॥ 14 ॥ హసా॑య పుగ్గ్శ్చ॒లూమాల॑భతే । వీ॒ణా॒వా॒దం గణ॑కం గీ॒తాయ॑ । యాద॑సే శాబు॒ల్యాం । న॒ర్మాయ॑ భద్రవ॒తీం । తూ॒ష్ణ॒వ॒ధ్మం గ్రా॑మ॒ణ్యం॑ పాణిసంఘా॒తం నృ॒త్తాయ॑ । మోదా॑యాను॒క్రోశ॑కం । ఆ॒నం॒దాయ॑ తల॒వం ॥ 15 ॥ అ॒క్ష॒రా॒జాయ॑ కిత॒వం । కృ॒తాయ॑ సభా॒వినం᳚ । త్రేతా॑యా ఆదినవద॒ర్శం । ద్వా॒ప॒రాయ॑ బహి॒: సదం᳚ । కల॑యే సభాస్థా॒ణుం । దు॒ష్కృ॒తాయ॑ చ॒రకా॑చార్యం । అధ్వ॑నే బ్రహ్మచా॒రిణం᳚ । పి॒శా॒చేభ్య॑: సైల॒గం । పి॒పా॒సాయై॑ గోవ్య॒చ్ఛం । నిరృ॑త్యై గోఘా॒తం । క్షు॒ధే గో॑విక॒ర్తం । క్షు॒త్తృ॒ష్ణాభ్యాం॒ తం । యో గాం వి॒కృంతం॑తం మా॒గ్ం॒సం భిక్ష॑మాణ ఉప॒తిష్ఠ॑తే ॥ 16 ॥ భూమ్యై॑ పీఠస॒ర్పిణ॒మాల॑భతే । అ॒గ్నయేఽగ్ం॑స॒లం । వా॒యవే॑ చాండా॒లం । అం॒తరి॑క్షాయ వగ్ంశన॒ర్తినం᳚ । ది॒వే ఖ॑ల॒తిం । సూర్యా॑య హర్య॒క్షం । చం॒ద్రమ॑సే మిర్మి॒రం । నక్ష॑త్రేభ్యః కి॒లాసం᳚ । అహ్నే॑ శు॒క్లం పిం॑గ॒లం । రాత్రి॑యై కృ॒ష్ణం పిం॑గా॒క్షం ॥ 17 ॥ వా॒చే పురు॑ష॒మాల॑భతే । ప్రా॒ణమ॑పా॒నం వ్యా॒నము॑దా॒నగ్ం స॑మా॒నం తాన్వా॒యవే᳚ । సూర్యా॑య॒ చక్షు॒రాల॑భతే । మన॑శ్చం॒ద్రమ॑సే । ది॒గ్భ్యః శ్రోత్రం᳚ । ప్ర॒జాప॑తయే॒ పురు॑షం ॥ 18 ॥ అథై॒తానరూ॑పేభ్య॒ ఆల॑భతే । అతి॑హ్రస్వ॒మతి॑దీర్ఘం । అతి॑కృశ॒మత్యగ్ం॑సలం । అతి॑శుక్ల॒మతి॑కృష్ణం । అతి॑శ్లక్ష్ణ॒మతి॑లోమశం । అతి॑కిరిట॒మతి॑దంతురం । అతి॑మిర్మిర॒మతి॑మేమిషం । ఆ॒శాయై॑ జా॒మిం । ప్ర॒తీ॒క్షాయై॑ కుమా॒రీం ॥ 19 ॥