ಶ್ರೀ ಗುರುಭ್ಯೋ ನಮಃ । ಹರಿಃ ಓಂ । ಬ್ರಹ್ಮ॑ಣೇ ಬ್ರಾಹ್ಮ॒ಣಮಾಲ॑ಭತೇ । ಕ್ಷ॒ತ್ತ್ರಾಯ॑ ರಾಜ॒ನ್ಯಂ᳚ । ಮ॒ರುದ್ಭ್ಯೋ॒ ವೈಶ್ಯಂ᳚ । ತಪ॑ಸೇ ಶೂ॒ದ್ರಂ । ತಮ॑ಸೇ॒ ತಸ್ಕ॑ರಂ । ನಾರ॑ಕಾಯ ವೀರ॒ಹಣಂ᳚ । ಪಾ॒ಪ್ಮನೇ᳚ ಕ್ಲೀ॒ಬಂ । ಆ॒ಕ್ರ॒ಯಾಯಾ॑ಯೋ॒ಗೂಂ । ಕಾಮಾ॑ಯ ಪುಗ್ಗ್ಶ್ಚ॒ಲೂಂ । ಅತಿ॑ಕ್ರುಷ್ಟಾಯ ಮಾಗ॒ಧಂ ॥ 1 ॥ ಗೀ॒ತಾಯ॑ ಸೂ॒ತಂ । ನೃ॒ತ್ತಾಯ॑ ಶೈಲೂ॒ಷಂ । ಧರ್ಮಾ॑ಯ ಸಭಾಚ॒ರಂ । ನ॒ರ್ಮಾಯ॑ ರೇ॒ಭಂ । ನರಿ॑ಷ್ಠಾಯೈ ಭೀಮ॒ಲಂ । ಹಸಾ॑ಯ॒ ಕಾರಿಂ᳚ । ಆ॒ನಂ॒ದಾಯ॑ ಸ್ತ್ರೀಷ॒ಖಂ । ಪ್ರ॒ಮುದೇ॑ ಕುಮಾರೀಪು॒ತ್ರಂ । ಮೇ॒ಧಾಯೈ॑ ರಥಕಾ॒ರಂ । ಧೈರ್ಯಾ॑ಯ॒ ತಕ್ಷಾ॑ಣಂ ॥ 2 ॥ ಶ್ರಮಾ॑ಯ ಕೌಲಾ॒ಲಂ । ಮಾ॒ಯಾಯೈ॑ ಕಾರ್ಮಾ॒ರಂ । ರೂ॒ಪಾಯ॑ ಮಣಿಕಾ॒ರಂ । ಶುಭೇ॑ ವ॒ಪಂ । ಶ॒ರ॒ವ್ಯಾ॑ಯಾ ಇಷುಕಾ॒ರಂ । ಹೇ॒ತ್ಯೈ ಧ॑ನ್ವಕಾ॒ರಂ । ಕರ್ಮ॑ಣೇ ಜ್ಯಾಕಾ॒ರಂ । ದಿ॒ಷ್ಟಾಯ॑ ರಜ್ಜುಸ॒ರ್ಗಂ । ಮೃ॒ತ್ಯವೇ॑ ಮೃಗ॒ಯುಂ । ಅಂತ॑ಕಾಯ ಶ್ವ॒ನಿತಂ᳚ ॥ 3 ॥ ಸಂ॒ಧಯೇ॑ ಜಾ॒ರಂ । ಗೇ॒ಹಾಯೋ॑ಪಪ॒ತಿಂ । ನಿರೃ॑ತ್ಯೈ ಪರಿವಿ॒ತ್ತಂ । ಆರ್ತ್ಯೈ॑ ಪರಿವಿವಿದಾ॒ನಂ । ಅರಾ᳚ಧ್ಯೈ ದಿಧಿಷೂ॒ಪತಿಂ᳚ । ಪ॒ವಿತ್ರಾ॑ಯ ಭಿ॒ಷಜಂ᳚ । ಪ್ರ॒ಜ್ಞಾನಾ॑ಯ ನಕ್ಷತ್ರದ॒ರ್ಶಂ । ನಿಷ್ಕೃ॑ತ್ಯೈ ಪೇಶಸ್ಕಾ॒ರೀಂ । ಬಲಾ॑ಯೋಪ॒ದಾಂ । ವರ್ಣಾ॑ಯಾನೂ॒ರುಧಂ᳚ ॥ 4 ॥ ನ॒ದೀಭ್ಯ॑: ಪೌಂಜಿ॒ಷ್ಟಂ । ಋ॒ಕ್ಷೀಕಾ᳚ಭ್ಯೋ॒ ನೈಷಾ॑ದಂ । ಪು॒ರು॒ಷ॒ವ್ಯಾ॒ಘ್ರಾಯ॑ ದು॒ರ್ಮದಂ᳚ । ಪ್ರ॒ಯುದ್ಭ್ಯ॒ ಉನ್ಮ॑ತ್ತಂ । ಗಂ॒ಧ॒ರ್ವಾ॒ಪ್ಸ॒ರಾಭ್ಯೋ॒ ವ್ರಾತ್ಯಂ᳚ । ಸ॒ರ್ಪ॒ದೇ॒ವ॒ಜ॒ನೇಭ್ಯೋಽಪ್ರ॑ತಿಪದಂ । ಅವೇ᳚ಭ್ಯಃ ಕಿತ॒ವಂ । ಇ॒ರ್ಯತಾ॑ಯಾ॒ ಅಕಿ॑ತವಂ । ಪಿ॒ಶಾ॒ಚೇಭ್ಯೋ॑ ಬಿದಲಕಾ॒ರಂ । ಯಾ॒ತು॒ಧಾನೇ᳚ಭ್ಯಃ ಕಂಟಕಕಾ॒ರಂ ॥ 5 ॥ ಉ॒ಥ್ಸಾ॒ದೇಭ್ಯ॑: ಕು॒ಬ್ಜಂ । ಪ್ರ॒ಮುದೇ॑ ವಾಮ॒ನಂ । ದ್ವಾ॒ರ್ಭ್ಯಃ ಸ್ರಾ॒ಮಂ । ಸ್ವಪ್ನಾ॑ಯಾಂ॒ಧಂ । ಅಧ॑ರ್ಮಾಯ ಬಧಿ॒ರಂ । ಸಂ॒ಜ್ಞಾನಾ॑ಯ ಸ್ಮರಕಾ॒ರೀಂ । ಪ್ರ॒ಕಾ॒ಮೋದ್ಯಾ॑ಯೋಪ॒ಸದಂ᳚ । ಆ॒ಶಿ॒ಕ್ಷಾಯೈ᳚ ಪ್ರ॒ಶ್ನಿನಂ᳚ । ಉ॒ಪ॒ಶಿ॒ಕ್ಷಾಯಾ॑ ಅಭಿಪ್ರ॒ಶ್ನಿನಂ᳚ । ಮ॒ರ್ಯಾದಾ॑ಯೈ ಪ್ರಶ್ನವಿವಾ॒ಕಂ ॥ 6 ॥ ಋತ್ಯೈ᳚ ಸ್ತೇ॒ನಹೃ॑ದಯಂ । ವೈರ॑ಹತ್ಯಾಯ॒ ಪಿಶು॑ನಂ । ವಿವಿ॑ತ್ತ್ಯೈ ಕ್ಷ॒ತ್ತಾರಂ᳚ । ಔಪ॑ದ್ರಷ್ಟಾಯ ಸಂಗ್ರಹೀ॒ತಾರಂ᳚ । ಬಲಾ॑ಯಾನುಚ॒ರಂ । ಭೂ॒ಮ್ನೇ ಪ॑ರಿಷ್ಕಂ॒ದಂ । ಪ್ರಿ॒ಯಾಯ॑ ಪ್ರಿಯವಾ॒ದಿನಂ᳚ । ಅರಿ॑ಷ್ಟ್ಯಾ ಅಶ್ವಸಾ॒ದಂ । ಮೇಧಾ॑ಯ ವಾಸಃ ಪಲ್ಪೂ॒ಲೀಂ । ಪ್ರ॒ಕಾ॒ಮಾಯ॑ ರಜಯಿ॒ತ್ರೀಂ ॥ 7 ॥ ಭಾಯೈ॑ ದಾರ್ವಾಹಾ॒ರಂ । ಪ್ರ॒ಭಾಯಾ॑ ಆಗ್ನೇಂ॒ಧಂ । ನಾಕ॑ಸ್ಯ ಪೃ॒ಷ್ಠಾಯಾ॑ಭಿಷೇ॒ಕ್ತಾರಂ᳚ । ಬ್ರ॒ಧ್ನಸ್ಯ॑ ವಿ॒ಷ್ಟಪಾ॑ಯ ಪಾತ್ರನಿರ್ಣೇ॒ಗಂ । ದೇ॒ವ॒ಲೋ॒ಕಾಯ॑ ಪೇಶಿ॒ತಾರಂ᳚ । ಮ॒ನು॒ಷ್ಯ॒ಲೋ॒ಕಾಯ॑ ಪ್ರಕರಿ॒ತಾರಂ᳚ । ಸರ್ವೇ᳚ಭ್ಯೋ ಲೋ॒ಕೇಭ್ಯ॑ ಉಪಸೇ॒ಕ್ತಾರಂ᳚ । ಅವ॑ರ್ತ್ಯೈ ವ॒ಧಾಯೋ॑ಪಮಂಥಿ॒ತಾರಂ᳚ । ಸು॒ವ॒ರ್ಗಾಯ॑ ಲೋ॒ಕಾಯ॑ ಭಾಗ॒ದುಘಂ᳚ । ವರ್ಷಿ॑ಷ್ಠಾಯ॒ ನಾಕಾ॑ಯ ಪರಿವೇ॒ಷ್ಟಾರಂ᳚ ॥ 8 ॥ ಅರ್ಮೇ᳚ಭ್ಯೋ ಹಸ್ತಿ॒ಪಂ । ಜ॒ವಾಯಾ᳚ಶ್ವ॒ಪಂ । ಪುಷ್ಟ್ಯೈ॑ ಗೋಪಾ॒ಲಂ । ತೇಜ॑ಸೇಽಜಪಾ॒ಲಂ । ವೀ॒ರ್ಯಾ॑ಯಾವಿಪಾ॒ಲಂ । ಇರಾ॑ಯೈ ಕೀ॒ನಾಶಂ᳚ । ಕೀ॒ಲಾಲಾ॑ಯ ಸುರಾಕಾ॒ರಂ । ಭ॒ದ್ರಾಯ॑ ಗೃಹ॒ಪಂ । ಶ್ರೇಯ॑ಸೇ ವಿತ್ತ॒ಧಂ । ಅಧ್ಯ॑ಕ್ಷಾಯಾನುಕ್ಷ॒ತ್ತಾರಂ᳚ ॥ 9 ॥ ಮ॒ನ್ಯವೇ॑ಽಯಸ್ತಾ॒ಪಂ । ಕ್ರೋಧಾ॑ಯ ನಿಸ॒ರಂ । ಶೋಕಾ॑ಯಾಭಿಸ॒ರಂ । ಉ॒ತ್ಕೂ॒ಲ॒ವಿ॒ಕೂ॒ಲಾಭ್ಯಾಂ᳚ ತ್ರಿ॒ಸ್ಥಿನಂ᳚ । ಯೋಗಾ॑ಯ ಯೋ॒ಕ್ತಾರಂ᳚ । ಕ್ಷೇಮಾ॑ಯ ವಿಮೋ॒ಕ್ತಾರಂ᳚ । ವಪು॑ಷೇ ಮಾನಸ್ಕೃ॒ತಂ । ಶೀಲಾ॑ಯಾಂಜನೀಕಾ॒ರಂ । ನಿರೃ॑ತ್ಯೈ ಕೋಶಕಾ॒ರೀಂ । ಯ॒ಮಾಯಾ॒ಸೂಂ ॥ 10 ॥ ಯ॒ಮ್ಯೈ॑ ಯಮ॒ಸೂಂ । ಅಥ॑ರ್ವ॒ಭ್ಯೋಽವ॑ತೋಕಾಂ । ಸಂ॒ವ॒ಥ್ಸ॒ರಾಯ॑ ಪರ್ಯಾ॒ರಿಣೀಂ᳚ । ಪ॒ರಿ॒ವ॒ಥ್ಸ॒ರಾಯಾವಿ॑ಜಾತಾಂ । ಇ॒ದಾ॒ವ॒ಥ್ಸ॒ರಾಯಾ॑ಪ॒ಸ್ಕದ್ವ॑ರೀಂ । ಇ॒ದ್ವ॒ತ್ಸ॒ರಾಯಾ॒ತೀತ್ವ॑ರೀಂ । ವ॒ಥ್ಸ॒ರಾಯ॒ ವಿಜ॑ರ್ಜರಾಂ । ಸಂ॒ವ॒ಥ್ಸ॒ರಾಯ॒ ಪಲಿ॑ಕ್ನೀಂ । ವನಾ॑ಯ ವನ॒ಪಂ । ಅ॒ನ್ಯತೋ॑ಽರಣ್ಯಾಯ ದಾವ॒ಪಂ ॥ 11 ॥ ಸರೋ᳚ಭ್ಯೋ ಧೈವ॒ರಂ । ವೇಶಂ॑ತಾಭ್ಯೋ॒ ದಾಶಂ᳚ । ಉ॒ಪ॒ಸ್ಥಾವ॑ರೀಭ್ಯೋ॒ ಬೈಂದಂ᳚ । ನ॒ಡ್ವ॒ಲಾಭ್ಯ॑: ಶೌಷ್ಕ॒ಲಂ । ಪಾ॒ರ್ಯಾ॑ಯ ಕೈವ॒ರ್ತಂ । ಅ॒ವಾ॒ರ್ಯಾ॑ಯ ಮಾರ್ಗಾ॒ರಂ । ತೀ॒ರ್ಥೇಭ್ಯ॑ ಆಂ॒ದಂ । ವಿಷ॑ಮೇಭ್ಯೋ ಮೈನಾ॒ಲಂ । ಸ್ವನೇ᳚ಭ್ಯ॒: ಪರ್ಣ॑ಕಂ । ಗುಹಾ᳚ಭ್ಯ॒: ಕಿರಾ॑ತಂ । ಸಾನು॑ಭ್ಯೋ॒ ಜಂಭ॑ಕಂ । ಪರ್ವ॑ತೇಭ್ಯ॒: ಕಿಂಪೂ॑ರುಷಂ ॥ 12 ॥ ಪ್ರ॒ತಿ॒ಶ್ರುತ್ಕಾ॑ಯಾ ಋತು॒ಲಂ । ಘೋಷಾ॑ಯ ಭ॒ಷಂ । ಅಂತಾ॑ಯ ಬಹುವಾ॒ದಿನಂ᳚ । ಅ॒ನಂ॒ತಾಯ॒ ಮೂಕಂ᳚ । ಮಹ॑ಸೇ ವೀಣಾವಾ॒ದಂ । ಕ್ರೋಶಾ॑ಯ ತೂಣವ॒ಧ್ಮಂ । ಆ॒ಕ್ರಂ॒ದಾಯ॑ ದುಂದುಭ್ಯಾಘಾ॒ತಂ । ಅ॒ವ॒ರ॒ಸ್ಪ॒ರಾಯ॑ ಶಂಖ॒ಧ್ಮಂ । ಋ॒ಭುಭ್ಯೋ॑ಽಜಿನಸಂಧಾ॒ಯಂ । ಸಾ॒ಧ್ಯೇಭ್ಯ॑ಶ್ಚರ್ಮ॒ಮ್ಣಂ ॥ 13 ॥ ಬೀ॒ಭ॒ಥ್ಸಾಯೈ॑ ಪೌಲ್ಕ॒ಸಂ । ಭೂತ್ಯೈ॑ ಜಾಗರ॒ಣಂ । ಅಭೂ᳚ತ್ಯೈ ಸ್ವಪ॒ನಂ । ತು॒ಲಾಯೈ॑ ವಾಣಿ॒ಜಂ । ವರ್ಣಾ॑ಯ ಹಿರಣ್ಯಕಾ॒ರಂ । ವಿಶ್ವೇ᳚ಭ್ಯೋ ದೇ॒ವೇಭ್ಯ॑: ಸಿಧ್ಮ॒ಲಂ । ಪ॒ಶ್ಚಾ॒ದ್ದೋ॒ಷಾಯ॑ ಗ್ಲಾ॒ವಂ । ಋತ್ಯೈ॑ ಜನವಾ॒ದಿನಂ᳚ । ವ್ಯೃ॑ದ್ಧ್ಯಾ ಅಪಗ॒ಲ್ಭಂ । ಸ॒ಗ್ಂ॒ಶ॒ರಾಯ॑ ಪ್ರ॒ಚ್ಛಿದಂ᳚ ॥ 14 ॥ ಹಸಾ॑ಯ ಪುಗ್ಗ್ಶ್ಚ॒ಲೂಮಾಲ॑ಭತೇ । ವೀ॒ಣಾ॒ವಾ॒ದಂ ಗಣ॑ಕಂ ಗೀ॒ತಾಯ॑ । ಯಾದ॑ಸೇ ಶಾಬು॒ಲ್ಯಾಂ । ನ॒ರ್ಮಾಯ॑ ಭದ್ರವ॒ತೀಂ । ತೂ॒ಷ್ಣ॒ವ॒ಧ್ಮಂ ಗ್ರಾ॑ಮ॒ಣ್ಯಂ॑ ಪಾಣಿಸಂಘಾ॒ತಂ ನೃ॒ತ್ತಾಯ॑ । ಮೋದಾ॑ಯಾನು॒ಕ್ರೋಶ॑ಕಂ । ಆ॒ನಂ॒ದಾಯ॑ ತಲ॒ವಂ ॥ 15 ॥ ಅ॒ಕ್ಷ॒ರಾ॒ಜಾಯ॑ ಕಿತ॒ವಂ । ಕೃ॒ತಾಯ॑ ಸಭಾ॒ವಿನಂ᳚ । ತ್ರೇತಾ॑ಯಾ ಆದಿನವದ॒ರ್ಶಂ । ದ್ವಾ॒ಪ॒ರಾಯ॑ ಬಹಿ॒: ಸದಂ᳚ । ಕಲ॑ಯೇ ಸಭಾಸ್ಥಾ॒ಣುಂ । ದು॒ಷ್ಕೃ॒ತಾಯ॑ ಚ॒ರಕಾ॑ಚಾರ್ಯಂ । ಅಧ್ವ॑ನೇ ಬ್ರಹ್ಮಚಾ॒ರಿಣಂ᳚ । ಪಿ॒ಶಾ॒ಚೇಭ್ಯ॑: ಸೈಲ॒ಗಂ । ಪಿ॒ಪಾ॒ಸಾಯೈ॑ ಗೋವ್ಯ॒ಚ್ಛಂ । ನಿರೃ॑ತ್ಯೈ ಗೋಘಾ॒ತಂ । ಕ್ಷು॒ಧೇ ಗೋ॑ವಿಕ॒ರ್ತಂ । ಕ್ಷು॒ತ್ತೃ॒ಷ್ಣಾಭ್ಯಾಂ॒ ತಂ । ಯೋ ಗಾಂ ವಿ॒ಕೃಂತಂ॑ತಂ ಮಾ॒ಗ್ಂ॒ಸಂ ಭಿಕ್ಷ॑ಮಾಣ ಉಪ॒ತಿಷ್ಠ॑ತೇ ॥ 16 ॥ ಭೂಮ್ಯೈ॑ ಪೀಠಸ॒ರ್ಪಿಣ॒ಮಾಲ॑ಭತೇ । ಅ॒ಗ್ನಯೇಽಗ್ಂ॑ಸ॒ಲಂ । ವಾ॒ಯವೇ॑ ಚಾಂಡಾ॒ಲಂ । ಅಂ॒ತರಿ॑ಕ್ಷಾಯ ವಗ್ಂಶನ॒ರ್ತಿನಂ᳚ । ದಿ॒ವೇ ಖ॑ಲ॒ತಿಂ । ಸೂರ್ಯಾ॑ಯ ಹರ್ಯ॒ಕ್ಷಂ । ಚಂ॒ದ್ರಮ॑ಸೇ ಮಿರ್ಮಿ॒ರಂ । ನಕ್ಷ॑ತ್ರೇಭ್ಯಃ ಕಿ॒ಲಾಸಂ᳚ । ಅಹ್ನೇ॑ ಶು॒ಕ್ಲಂ ಪಿಂ॑ಗ॒ಲಂ । ರಾತ್ರಿ॑ಯೈ ಕೃ॒ಷ್ಣಂ ಪಿಂ॑ಗಾ॒ಕ್ಷಂ ॥ 17 ॥ ವಾ॒ಚೇ ಪುರು॑ಷ॒ಮಾಲ॑ಭತೇ । ಪ್ರಾ॒ಣಮ॑ಪಾ॒ನಂ ವ್ಯಾ॒ನಮು॑ದಾ॒ನಗ್ಂ ಸ॑ಮಾ॒ನಂ ತಾನ್ವಾ॒ಯವೇ᳚ । ಸೂರ್ಯಾ॑ಯ॒ ಚಕ್ಷು॒ರಾಲ॑ಭತೇ । ಮನ॑ಶ್ಚಂ॒ದ್ರಮ॑ಸೇ । ದಿ॒ಗ್ಭ್ಯಃ ಶ್ರೋತ್ರಂ᳚ । ಪ್ರ॒ಜಾಪ॑ತಯೇ॒ ಪುರು॑ಷಂ ॥ 18 ॥ ಅಥೈ॒ತಾನರೂ॑ಪೇಭ್ಯ॒ ಆಲ॑ಭತೇ । ಅತಿ॑ಹ್ರಸ್ವ॒ಮತಿ॑ದೀರ್ಘಂ । ಅತಿ॑ಕೃಶ॒ಮತ್ಯಗ್ಂ॑ಸಲಂ । ಅತಿ॑ಶುಕ್ಲ॒ಮತಿ॑ಕೃಷ್ಣಂ । ಅತಿ॑ಶ್ಲಕ್ಷ್ಣ॒ಮತಿ॑ಲೋಮಶಂ । ಅತಿ॑ಕಿರಿಟ॒ಮತಿ॑ದಂತುರಂ । ಅತಿ॑ಮಿರ್ಮಿರ॒ಮತಿ॑ಮೇಮಿಷಂ । ಆ॒ಶಾಯೈ॑ ಜಾ॒ಮಿಂ । ಪ್ರ॒ತೀ॒ಕ್ಷಾಯೈ॑ ಕುಮಾ॒ರೀಂ ॥ 19 ॥