நாஸதீ³ய ஸூக்தம்

நாஸ॑தா³ஸீ॒ன்னோ ஸதா³॑ஸீத்த॒தா³னீம்॒ʼ நாஸீ॒த்³ரஜோ॒ நோ வ்யோ॑மா ப॒ரோ யத் ।

கிமாவ॑ரீவ॒꞉ குஹ॒ கஸ்ய॒ ஶர்ம॒ன்னம்ப⁴॒꞉ கிமா॑ஸீ॒த்³க³ஹ॑னம்ʼ க³பீ⁴॒ரம் ॥ 1 ॥

ந ம்ரு॒ʼத்யுரா॑ஸீத³॒ம்ருʼதம்॒ʼ ந தர்ஹி॒ ந ராத்ர்யா॒ அஹ்ன॑ ஆஸீத்ப்ரகே॒த꞉ ।

ஆனீ॑த³வா॒தம்ʼ ஸ்வ॒த⁴யா॒ ததே³கம்॒ʼ தஸ்மா॑த்³தா⁴॒ன்யன்ன ப॒ர꞉ கிம்ʼ ச॒னாஸ॑ ॥ 2 ॥

தம॑ ஆஸீ॒த்தம॑ஸா கூ³॒ல்ஹமக்³ரே॑(அ)ப்ரகே॒தம்ʼ ஸ॑லி॒லம்ʼ ஸர்வ॑மா இ॒த³ம் ।

து॒ச்ச்²யேனா॒ப்⁴வபி॑ஹிதம்॒ʼ-யம்ˮதா³ஸீ॒த்தப॑ஸ॒ஸ்தன்ம॑ஹி॒னாஜா॑ய॒தைக॑ம் ॥ 3 ॥

காம॒ஸ்தத³க்³ரே॒ ஸம॑வர்த॒தாதி⁴॒ மன॑ஸோ॒ ரேத॑꞉ ப்ரத²॒மம்ʼ-யம்ˮதா³ஸீ॑த் ।

ஸ॒தோ ப³ந்து⁴॒மஸ॑தி॒ நிர॑விந்த³ன் ஹ்ரு॒ʼதி³ ப்ர॒தீஷ்யா॑ க॒வயோ॑ மனீ॒ஷா ॥ 4 ॥

தி॒ர॒ஶ்சீனோ॒ வித॑தோ ர॒ஶ்மிரே॑ஷாம॒த⁴꞉ ஸ்வி॑தா³॒ஸீ 3 து³॒பரி॑ ஸ்விதா³ஸீ 3 த் ।

ரே॒தோ॒தா⁴ ஆ॑ஸன்மஹி॒மான॑ ஆஸந்த்ஸ்வ॒தா⁴ அ॒வஸ்தா॒த்ப்ரய॑தி꞉ ப॒ரஸ்தா॑த் ॥ 5 ॥

கோ அ॒த்³தா⁴ வே॑த³॒ க இ॒ஹ ப்ர வோ॑ச॒த்குத॒ ஆஜா॑தா॒ குத॑ இ॒யம்ʼ-விம்ˮஸ்ரு॑ʼஷ்டி꞉ ।

அ॒ர்வாக்³தே³॒வா அ॒ஸ்ய வி॒ஸர்ஜ॑னே॒நாதா²॒ கோ வே॑த³॒ யத॑ ஆப³॒பூ⁴வ॑ ॥ 6 ॥

இ॒யம்ʼ-விம்ˮஸ்ரு॑ʼஷ்டி॒ர்யத॑ ஆப³॒பூ⁴வ॒ யதி³॑ வா த³॒தே⁴ யதி³॑ வா॒ ந ।

யோ அ॒ஸ்யாத்⁴ய॑க்ஷ꞉ பர॒மே வ்யோ॑மந்॒த்ஸோ அ॒ங்க³ வே॑த³॒ யதி³॑ வா॒ ந வேத³॑ ॥ 7 ॥

Recite with devotion and pure heart

Regular practice brings spiritual benefits