ௐ ப⁴॒த்³ரம்ʼ கர்ணே॑பி⁴꞉ ஶ்ருʼணு॒யாம॑ தே³வா꞉ । ப⁴॒த்³ரம்ʼ ப॑ஶ்யேமா॒க்ஷபி⁴॒-ர்யஜ॑த்ரா꞉ । ஸ்தி²॒ரைரங்கை³᳚ஸ்துஷ்டு॒வாக்³ம்ʼ ஸ॑ஸ்த॒னூபி⁴॑꞉ । வ்யஶே॑ம தே³॒வஹி॑தம்॒ʼ-யம்ˮதா³யு॑꞉ । ஸ்வ॒ஸ்தி ந॒ இந்த்³ரோ॑ வ்ரு॒ʼத்³த⁴ஶ்ர॑வா꞉ । ஸ்வ॒ஸ்தி ந॑꞉ பூ॒ஷா வி॒ஶ்வவே॑தா³꞉ । ஸ்வ॒ஸ்தி ந॒ஸ்தார்க்ஷ்யோ॒ அரி॑ஷ்டனேமி꞉ । ஸ்வ॒ஸ்தி நோ॒ ப்³ருʼஹ॒ஸ்பதி॑-ர்த³தா⁴து ॥ ௐ ஶாந்தி॒꞉ ஶாந்தி॒꞉ ஶாந்தி॑꞉ ॥ ॥ அத² மாண்டூ³க்யோபநிஷத் ॥ ஹரி꞉ ஓம் । ஓமித்யேதத³க்ஷரமித³க்³ம்ʼ ஸர்வம்ʼ தஸ்யோபவ்யாக்²யானம்ʼ பூ⁴தம்ʼ ப⁴வத்³ ப⁴விஷ்யதி³தி ஸர்வமோங்கார ஏவ யச்சான்யத் த்ரிகாலாதீதம்ʼ தத³ப்யோங்கார ஏவ ॥ 1 ॥ ஸர்வக்³ம்ʼ ஹ்யேதத்³ ப்³ரஹ்மாயமாத்மா ப்³ரஹ்ம ஸோ(அ)யமாத்மா சதுஷ்பாத் ॥ 2 ॥ ஜாக³ரிதஸ்தா²னோ ப³ஹிஷ்ப்ரஜ்ஞ꞉ ஸப்தாங்க³ ஏகோனவிம்ʼஶதிமுக²꞉ ஸ்தூ²லபு⁴க்³வைஶ்வானர꞉ ப்ரத²ம꞉ பாத³꞉ ॥ 3 ॥ ஸ்வப்னஸ்தா²னோ(அ)ந்த꞉ப்ரஜ்ஞ꞉ ஸப்தாங்க³ ஏகோனவிம்ʼஶதிமுக²꞉ ப்ரவிவிக்தபு⁴க்தைஜஸோ த்³விதீய꞉ பாத³꞉ ॥ 4 ॥ யத்ர ஸுப்தோ ந கஞ்சன காமம்ʼ காமயதே ந கஞ்சன ஸ்வப்னம்ʼ பஶ்யதி தத் ஸுஷுப்தம் । ஸுஷுப்தஸ்தா²ன ஏகீபூ⁴த꞉ ப்ரஜ்ஞானக⁴ன ஏவானந்த³மயோ ஹ்யானந்த³பு⁴க் சேதோமுக²꞉ ப்ராஜ்ஞஸ்த்ருʼதீய꞉ பாத³꞉ ॥ 5 ॥ ஏஷ ஸர்வேஶ்வர꞉ ஏஷ ஸர்வஜ்ஞ ஏஷோ(அ)ந்தர்யாம்யேஷ யோனி꞉ ஸர்வஸ்ய ப்ரப⁴வாப்யயௌ ஹி பூ⁴தானாம் ॥ 6 ॥ நாந்த꞉ப்ரஜ்ஞம்ʼ ந ப³ஹிஷ்ப்ரஜ்ஞம்ʼ நோப⁴யத꞉ப்ரஜ்ஞம்ʼ ந ப்ரஜ்ஞானக⁴னம்ʼ ந ப்ரஜ்ஞம்ʼ நாப்ரஜ்ஞம் । அத்³ருʼஷ்டமவ்யவஹார்யமக்³ராஹ்யமலக்ஷணம்ʼ அசிந்த்யமவ்யபதே³ஶ்யமேகாத்மப்ரத்யயஸாரம்ʼ ப்ரபஞ்சோபஶமம்ʼ ஶாந்தம்ʼ ஶிவமத்³வைதம்ʼ சதுர்த²ம்ʼ மன்யந்தே ஸ ஆத்மா ஸ விஜ்ஞேய꞉ ॥ 7 ॥ ஸோ(அ)யமாத்மாத்⁴யக்ஷரமோங்காரோ(அ)தி⁴மாத்ரம்ʼ பாதா³ மாத்ரா மாத்ராஶ்ச பாதா³ அகார உகாரோ மகார இதி ॥ 8 ॥ ஜாக³ரிதஸ்தா²னோ வைஶ்வானரோ(அ)கார꞉ ப்ரத²மா மாத்ரா(ஆ)ப்தேராதி³மத்த்வாத்³ வா(ஆ)ப்னோதி ஹ வை ஸர்வான் காமாநாதி³ஶ்ச ப⁴வதி ய ஏவம்ʼ-வேம்ˮத³ ॥ 9 ॥ ஸ்வப்னஸ்தா²னஸ்தைஜஸ உகாரோ த்³விதீயா மாத்ரோத்கர்​ஷாத் உப⁴யத்வாத்³வோத்கர்​ஷதி ஹ வை ஜ்ஞானஸந்ததிம்ʼ ஸமானஶ்ச ப⁴வதி நாஸ்யாப்³ரஹ்மவித்குலே ப⁴வதி ய ஏவம்ʼ-வேம்ˮத³ ॥ 10 ॥ ஸுஷுப்தஸ்தா²ன꞉ ப்ராஜ்ஞோ மகாரஸ்த்ருʼதீயா மாத்ரா மிதேரபீதேர்வா மினோதி ஹ வா இத³ம்ʼ ஸர்வமபீதிஶ்ச ப⁴வதி ய ஏவம்ʼ-வேம்ˮத³ ॥ 11 ॥ அமாத்ரஶ்சதுர்தோ²(அ)வ்யவஹார்ய꞉ ப்ரபஞ்சோபஶம꞉ ஶிவோ(அ)த்³வைத ஏவமோங்கார ஆத்மைவ ஸம்ʼ​விம்ˮஶத்யாத்மனா(ஆ)த்மானம்ʼ-யம்ˮ ஏவம்ʼ-வேம்ˮத³ ॥ 12 ॥ ॥ இதி மாண்டூ³க்யோபநிஷத் ஸமாப்தா ॥