കേന ഉപനിഷദ് - ദ്വിതീയഃ ഖണ്ഡഃ

യദി മന്യസേ സുവേദേതി ദഹരമേവാപി

നൂനം ത്വം-വേഁത്ഥ ബ്രഹ്മണോ രൂപം ।

യദസ്യ ത്വം-യഁദസ്യ ദേവേഷ്വഥ നു

മീമാമ്സ്യമേവ തേ മന്യേ വിദിതം ॥ 1॥

നാഹം മന്യേ സുവേദേതി നോ ന വേദേതി വേദ ച ।

യോ നസ്തദ്വേദ തദ്വേദ നോ ന വേദേതി വേദ ച ॥ 2॥

യസ്യാമതം തസ്യ മതം മതം-യഁസ്യ ന വേദ സഃ ।

അവിജ്ഞാതം-വിഁജാനതാം-വിഁജ്ഞാതമവിജാനതാം ॥ 3॥

പ്രതിബോധവിദിതം മതമമൃതത്വം ഹി വിന്ദതേ ।

ആത്മനാ വിന്ദതേ വീര്യം-വിഁദ്യയാ വിന്ദതേഽമൃതം ॥ 4॥

ഇഹ ചേദവേദീദഥ സത്യമസ്തി

ന ചേദിഹാവേദീന്മഹതീ വിനഷ്ടിഃ ।

ഭൂതേഷു ഭൂതേഷു വിചിത്യ ധീരാഃ

പ്രേത്യാസ്മാല്ലോകാദമൃതാ ഭവന്തി ॥ 5॥

॥ ഇതി കേനോപനിഷദി ദ്വിതീയഃ ഖണ്ഡഃ ॥

Recite with devotion and pure heart

Regular practice brings spiritual benefits