॥ അഥ കേനോപനിഷത് ॥ ഓം സ॒ഹ നാ॑വവതു । സ॒ഹ നൗ॑ ഭുനക്തു । സ॒ഹ വീ॒ര്യം॑ കരവാവഹൈ । തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ । ഓം ശാന്തിഃ॒ ശാന്തിഃ॒ ശാന്തിഃ॑ ॥ ഓം ആപ്യായന്തു മമാംഗാനി വാക്പ്രാണശ്ചക്ഷുഃ ശ്രോത്രമഥോ ബലമിന്ദ്രിയാണി ച സർവാണി । സർവം ബ്രഹ്മൗപനിഷദം മാഽഹം ബ്രഹ്മ നിരാകുര്യാം മാ മാ ബ്രഹ്മ നിരാകരോദനിരാകരണമസ്ത്വനിരാകരണം മേഽസ്തു । തദാത്മനി നിരതേ യ ഉപനിഷത്സു ധർമാസ്തേ മയി സന്തു തേ മയി സന്തു । ഓം ശാന്തിഃ॒ ശാന്തിഃ॒ ശാന്തിഃ॑ ॥ കേനേഷിതം പതതി പ്രേഷിതം മനഃ കേന പ്രാണഃ പ്രഥമഃ പ്രൈതി യുക്തഃ । കേനേഷിതാം-വാഁചമിമാം-വഁദന്തി ചക്ഷുഃ ശ്രോത്രം ക ഉ ദേവോ യുനക്തി ॥ 1 ॥ ശ്രോത്രസ്യ ശ്രോത്രം മനസോ മനോ യദ് വാചോ ഹ വാചം സ ഉ പ്രാണസ്യ പ്രാണഃ । ചക്ഷുഷശ്ചക്ഷുരതിമുച്യ ധീരാഃ പ്രേത്യാസ്മാല്ലോകാദമൃതാ ഭവന്തി ॥ 2 ॥ ന തത്ര ചക്ഷുർഗച്ഛതി ന വാഗ്ഗച്ഛതി നോ മനഃ । ന വിദ്മോ ന വിജാനീമോ യഥൈതദനുശിഷ്യാത് ॥ 3 ॥ അന്യദേവ തദ്വിദിതാദഥോ അവിദിതാദധി । ഇതി ശുശ്രുമ പൂർവേഷാം-യേഁ നസ്തദ്വ്യാചചക്ഷിരേ ॥ 4 ॥ യദ്വാചാഽനഭ്യുദിതം-യേഁന വാഗഭ്യുദ്യതേ । തദേവ ബ്രഹ്മ ത്വം-വിഁദ്ധി നേദം-യഁദിദമുപാസതേ ॥ 5 ॥ യന്മനസാ ന മനുതേ യേനാഹുർമനോ മതം । തദേവ ബ്രഹ്മ ത്വം-വിഁദ്ധി നേദം-യഁദിദമുപാസതേ ॥ 6 ॥ യച്ചക്ഷുഷാ ന പശ്യതി യേന ചക്ഷൂംഷി പശ്യതി । തദേവ ബ്രഹ്മ ത്വം-വിഁദ്ധി നേദം-യഁദിദമുപാസതേ ॥ 7 ॥ യച്ഛ്രോത്രേണ ന ശഋണോതി യേന ശ്രോത്രമിദം ശ്രുതം । തദേവ ബ്രഹ്മ ത്വം-വിഁദ്ധി നേദം-യഁദിദമുപാസതേ ॥ 8 ॥ യത്പ്രാണേന ന പ്രാണിതി യേന പ്രാണഃ പ്രണീയതേ । തദേവ ബ്രഹ്മ ത്വം-വിഁദ്ധി നേദം-യഁദിദമുപാസതേ ॥ 9 ॥ ॥ ഇതി കേനോപനിഷദി പ്രഥമഃ ഖണ്ഡഃ ॥