ഓം പൂർണ॒മദഃ॒ പൂർണ॒മിദം॒ പൂർണാ॒ത്പൂർണ॒മുദ॒ച്യതേ । പൂർണ॒സ്യ പൂർണ॒മാദാ॒യ പൂർണ॒മേവാവശി॒ഷ്യതേ ॥ ഓം ശാന്തിഃ॒ ശാന്തിഃ॒ ശാന്തിഃ॑ ॥ ഓം ഈ॒ശാ വാ॒സ്യ॑മി॒ദഗ്ം സർവം॒-യഁത്കിഞ്ച॒ ജഗ॑ത്വാം॒ ജഗ॑ത് । തേന॑ ത്യ॒ക്തേന॑ ഭുഞ്ജീഥാ॒ മാ ഗൃ॑ധഃ॒ കസ്യ॑സ്വി॒ദ്ധനം᳚ ॥ 1 ॥ കു॒ർവന്നേ॒വേഹ കർമാ᳚ണി ജിജീവി॒ഷേച്ച॒തഗ്ം സമാഃ᳚ । ഏ॒വം ത്വയി॒ നാന്യഥേ॒തോ᳚ഽസ്തി॒ ന കർമ॑ ലിപ്യതേ॑ നരേ᳚ ॥ 2 ॥ അ॒സു॒ര്യാ॒ നാമ॒ തേ ലോ॒കാ അം॒ധേന॒ തമ॒സാഽഽവൃ॑താഃ । താഗ്ംസ്തേ പ്രേത്യാ॒ഭിഗ॑ച്ഛന്തി॒ യേ കേ ചാ᳚ത്മ॒ഹനോ॒ ജനാഃ᳚ ॥ 3 ॥ അനേ᳚ജ॒ദേകം॒ മന॑സോ॒ ജവീ᳚യോ॒ നൈന॑ദ്ദേ॒വാ ആ᳚പ്നുവ॒ൻപൂർവ॒മർ​ഷ॑ത് । തദ്ധാവ॑തോ॒ഽന്യാനത്യേ᳚തി॒ തിഷ്ഠ॒ത്തസ്മിൻ᳚ന॒പോ മാ᳚ത॒രിശ്വാ᳚ ദധാതി ॥ 4 ॥ തദേ᳚ജതി॒ തന്നേജ॑തി॒ തദ്ദൂ॒രേ തദ്വം॑തി॒കേ । തദം॒തര॑സ്യ॒ സർവ॑സ്യ॒ തദു॒ സർവ॑സ്യാസ്യ ബാഹ്യ॒തഃ ॥ 5 ॥ യസ്തു സർവാ᳚ണി ഭൂ॒താന്യാ॒ത്മന്യേ॒വാനു॒പശ്യ॑തി । സ॒ർവ॒ഭൂ॒തേഷു॑ ചാ॒ത്മാനം॒ തതോ॒ ന വിഹു॑ഗുപ്സതേ ॥ 6 ॥ യസ്മി॒ൻസർവാ᳚ണി ഭൂ॒താന്യാ॒ത്മൈവാഭൂ᳚ദ്വിജാന॒തഃ । തത്ര॒ കോ മോഹഃ॒ കഃ ശോകഃ॑ ഏക॒ത്വമ॑നു॒പശ്യ॑തഃ ॥ 7 ॥ സ പര്യ॑ഗാച്ചു॒ക്രമ॑കാ॒യമ॑പ്രണ॒മ॑സ്നാവി॒രഗ്ം ശു॒ദ്ധമപാ᳚പവിദ്ധം । ക॒വിർമ॑നീ॒ഷീ പ॑രി॒ഭൂഃ സ്വ॑യം॒ഭൂ-ര്യാ᳚ഥാതഥ്യ॒തോഽർഥാ॒ൻ വ്യ॑ദധാച്ഛാശ്വ॒തീഭ്യഃ॒ സമാ᳚ഭ്യഃ ॥ 8 ॥ അം॒ധം തമഃ॒ പ്രവി॑ശന്തി॒ യേഽവി॑ദ്യാമു॒പാസ॑തേ । തതോ॒ ഭൂയ॑ ഇവ॒ തേ തമോ॒ യ ഉ॑ വി॒ദ്യായാ᳚ഗ്ം ര॒താഃ ॥ 9 ॥ അ॒ന്യദേ॒വായുരി॒ദ്യയാ॒ഽന്യദാ᳚ഹു॒രവി॑ദ്യയാ । ഇതി॑ ശുശുമ॒ ധീരാ᳚ണാം॒-യേഁ ന॒സ്തദ്വി॑ചചക്ഷി॒രേ ॥ 10 ॥ വി॒ദ്യാം ചാവി॑ദ്യാം ച॒ യസ്തദ്വേദോ॒ഭയ॑ഗ്ം സ॒ഹ । അവി॑ദ്യയാ മൃ॒ത്യും തീ॒ർത്വാ വി॒ദ്യയാഽമൃത॑മശ്നുതേ ॥ 11 ॥ അം॒ധം തമഃ॒ പ്രവി॑ശന്തി॒ യേഽസം᳚ഭൂതിമു॒പാസ॑തേ । തതോ॒ ഭൂയ॑ ഇവ॒ തേ തമോ॒ യ ഉ॒ സംഭൂ᳚ത്യാഗ്ം ര॒താഃ ॥ 12 ॥ അ॒ന്യദേ॒വാഹുഃ സം᳚ഭ॒വാദ॒ന്യദാ᳚ഹു॒രസം᳚ഭവാത് । ഇതി॑ ശുശ്രുമ॒ ധീരാ᳚ണാം॒-യേഁ ന॒സ്തദ്വി॑ചചക്ഷി॒രേ ॥ 13 ॥ സംഭൂ᳚തിം ച വിണാ॒ശം ച॒ യസ്തദ്വേദോ॒ഭയ॑ഗ്ം സ॒ഹ । വി॒നാ॒ശേന॑ മൃ॒ത്യും തീ॒ർത്വാ സംഭൂ᳚ത്യാ॒ഽമൃത॑മശ്നുതേ ॥ 14 ॥ ഹി॒ര॒ണ്മയേ᳚ന॒ പാത്രേ᳚ണ സ॒ത്യസ്യാപി॑ഹിതം॒ മുഖം᳚ । തത്വം പൂ᳚ഷ॒ന്നപാവൃ॑ണു സ॒ത്യധ᳚ർമായ ദൃ॒ഷ്ടയേ᳚ ॥ 15 ॥ പൂഷ॑ന്നേകർ​ഷേ യമ സൂര്യ॒ പ്രാജാ᳚പത്യ॒ വ്യൂ᳚ഹ ര॒ശ്മീൻ സമൂ᳚ഹ॒ തേജോ॒ യത്തേ᳚ രൂ॒പം കല്യാ᳚ണതമം॒ തത്തേ᳚ പശ്യാമി । യോ॒ഽസാവ॒സൗ പുരു॑ഷഃ॒ സോ॒ഽഹമ॑സ്മി ॥ 16 ॥ വാ॒യുരനി॑ലമ॒മൃത॒മഥേദം ഭസ്മാം᳚ത॒ഗ്ം॒ ശരീ॑രം । ഓം 3 ക്രതോ॒ സ്മര॑ കൃ॒തഗ്ം സ്മ॑ര॒ ക്രതോ॒ സ്മര॑ കൃ॒തഗ്ം സ്മ॑ര ॥ 17 ॥ അഗ്നേ॒ നയ॑ സു॒പഥാ᳚ രാ॒യേ അ॒സ്മാൻ വിശ്വാ॑നി ദേവ വ॒യനാ॑നി വി॒ദ്വാൻ । യു॒യോ॒ധ്യ॒സ്മജ്ജു॑ഹുരാ॒ണമേനോ॒ ഭൂയി॑ഷ്ടാം തേ॒ നമ॑ഉക്തിം-വിഁധേമ ॥ 18 ॥ ഓം പൂർണ॒മദഃ॒ പൂർണ॒മിദം॒ പൂർണാ॒ത്പൂർണ॒മുദ॒ച്യതേ । പൂർണ॒സ്യ പൂർണ॒മാദാ॒യ പൂർണ॒മേവാവശി॒ഷ്യതേ ॥ ഓം ശാന്തിഃ॒ ശാന്തിഃ॒ ശാന്തിഃ॑ ॥