ಶ್ರೀಗುರುಃ ಸರ್ವಕಾರಣಭೂತಾ ಶಕ್ತಿಃ ॥1॥ ಕೇನ ನವರಂಧ್ರರೂಪೋ ದೇಹಃ। ನವಶಕ್ತಿರೂಪಂ ಶ್ರೀಚಕ್ರಮ। ವಾರಾಹೀ ಪಿತೃರೂಪಾ। ಕುರುಕುಲ್ಲಾ ಬಲಿದೇವತಾ ಮಾತಾ। ಪುರುಷಾರ್ಥಾಃ ಸಾಗರಾಃ। ದೇಹೋ ನವರತ್ನದ್ವೀಪಃ। ಆಧಾರನವಕಮುದ್ರಾ: ಶಕ್ತಯಃ। ತ್ವಗಾದಿಸಪ್ತಧಾತುಭಿರ-ನೇಕೈಃ ಸಂ​ಯುಁಕ್ತಾಃ ಸಂಕಲ್ಪಾಃ ಕಲ್ಪತರವಃ। ತೇಜ: ಕಲ್ಪಕೋದ್ಯಾನಂ।ರಸನಯಾ ಭಾವ್ಯಮಾನಾ ಮಧುರಾಮ್ಲತಿಕ್ತ-ಕಟುಕಷಾಯಲವಣಭೇದಾಃ ಷಡ್ರಸಾಃ ಷಡೃತವಃ । ಕ್ರಿಯಾಶಕ್ತಿಃ ಪೀಠಂ। ಕುಂಡಲಿನೀ ಜ್ಞಾನಶಕ್ತಿರ್ಗೃಹಂ। ಇಚ್ಛಾಶಕ್ತಿರ್ಮಹಾತ್ರಿಪುರಸುಂದರೀ। ಜ್ಞಾತಾ ಹೋತಾ ಜ್ಞಾನಮಗ್ನಿಃ ಜ್ಞೇಯಂ ಹವಿಃ। ಜ್ಞಾತೃಜ್ಞಾನಜ್ಞೇಯಾನಾಮಭೇದಭಾವನಂ ಶ್ರೀಚಕ್ರಪೂಜನಂ। ನಿಯತಿಸಹಿತಾಃ ಶ್ರ್​ಋಂಗಾರಾದಯೋ ನವ ರಸಾ ಅಣಿಮಾದಯಃ। ಕಾಮಕ್ರೋಧಲೋಭಮೋಹಮದ-ಮಾತ್ಸರ್ಯಪುಣ್ಯಪಾಪಮಯಾ ಬ್ರಾಹ್ಮಯಾದ್ಯಷ್ಟಶಕ್ತಯಃ । ಪೃಥಿವ್ಯಪ್ತೇಜೋವಾಯ್ವಾಕಾಶಶ್ರೋತ್ರತ್ವಕ್ಚಕ್ಷುರ್ಜಿಹ್ವಾಘ್ರಾಣವಾ-ಕ್ಪಾಣಿಪಾದಪಾಯೂಪಸ್ಥಮನೋವಿಕಾರಾಃ ಷೋಡಶ ಶಕ್ತಯಃ । ವಚನಾದಾನಗಮನವಿಸರ್ಗಾನಂದಹಾನೋಪೇಕ್ಷಾಬುದ್ಧಯೋ-ಽನಂಗಕುಸುಮಾದಿಶಕ್ತಯೋಽಷ್ಟೌ। ಅಲಂಬುಸಾ ಕುಹೂರ್ವಿಶ್ವೋದರೀ ವರುಣಾ ಹಸ್ತಿಜಿಹ್ವಾ ಯಶಸ್ವತ್ಯಶ್ವಿನೀ ಗಾಂಧಾರೀ ಪೂಷಾ ಶಂಖಿನೀ ಸರಸ್ವತೀಡಾ ಪಿಂಗಲಾ ಸುಷುಮ್ನಾ ಚೇತಿ ಚತುರ್ದಶ ನಾಡ್ಯಃ। ಸರ್ವಸಂಕ್ಷೋಭಿಣ್ಯಾದಿಚತುರ್ದಶಾರಗಾ ದೇವತಾಃ। ಪ್ರಾಣಾಪಾನವ್ಯಾನೋದಾನಸಮಾನನಾಗಕೂರ್ಮಕೃಕರದೇವದತ್ತಧನಂಜಯಾ ಇತಿ ದಶ ವಾಯವಃ । ಸರ್ವಸಿದ್ಧಿ-ಪ್ರದಾ ದೇವ್ಯೋ ಬಹಿರ್ದಶಾರಗಾ ದೇವತಾಃ। ಏತದ್ವಾಯುದಶಕಸಂಸರ್ಗೋಪಾಥಿಭೇದೇನ ರೇಚಕಪೂರಕಶೋಷಕದಾಹಕ-ಪ್ಲಾವಕಾ ಅಮೃತಮಿತಿ ಪ್ರಾಣಮುಖ್ಯತ್ವೇನ ಪಂಚವಿಧೋಽಸ್ತಿ । ಕ್ಷಾರಕೋ ದಾರಕಃ ಕ್ಷೋಭಕೋ ಮೋಹಕೋ ಜೃಂಭಕ ಇತ್ಯಪಾಲನಮುಖ್ಯತ್ವೇನ ಪಂಚವಿಧೋಽಸ್ತಿ । ತೇನ ಮನುಷ್ಯಾಣಾಂ ಮೋಹಕೋ ದಾಹಕೋ ಭಕ್ಷ್ಯಭೋಜ್ಯಲೇಹ್ಯಚೋಷ್ಯಪೇಯಾ-ತ್ಮಕಂ ಚತುರ್ವಿಧಮನ್ನಂ ಪಾಚಯತಿ। ಏತಾ ದಶ ವಹ್ನಿಕಲಾಃ ಸರ್ವಾತ್ವಾದ್ಯಂತರ್ದಶಾರಗಾ ದೇವತಾಃ। ಶೀತೋಷ್ಣಸುಖದುಃಖೇಚ್ಛಾಸತ್ತ್ವರಜಸ್ತಮೋಗುಣಾ ವಶಿನ್ಯಾದಿಶಕ್ತಯೋಽಷ್ಟೌ। ಶಬ್ದಸ್ಪರ್​ಶರೂಪರಸಗಂಧಾಃ ಪಂಚತನ್ಮಾತ್ರಾಃ ಪಂಚ ಪುಷ್ಪಬಾಣಾ ಮನ ಇಕ್ಷುಧನುಃ। ವಶ್ಯೋ ಬಾಣೋ ರಾಗಃ ಪಾಶಃ। ದ್ವೇಷೋಽಂಕುಶಃ। ಅವ್ಯಕ್ತಮಹತ್ತತ್ತ್ವಮಹದಹಂಕಾರ ಇತಿ ಕಾಮೇಶ್ವರೀವಜ್ನೇಶ್ವರೀಭಗಮಾಲಿನ್ಯೋಽಂತಸ್ತ್ರಿಕೋಣಾಗ್ನಗಾ ದೇವತಾಃ । ಪಂಚದಶತಿಥಿರೂಪೇಣ ಕಾಲಸ್ಯ ಪರಿಣಾಮಾವಲೋಕನಸ್ಥಿತಿಃ ಪಂಚದಶ ನಿತ್ಯಾ ಶ್ರದ್ಧಾನುರೂಪಾಧಿದೇವತಾ। ತಯೋಃ ಕಾಮೇಶ್ವರೀ ಸದಾನಂದಘನಾ ಪರಿಪೂರ್ಣಸ್ವಾತ್ಮೈಕ್ಯರೂಪಾ ದೇವತಾ ॥2॥ ಸಲಿಲಮಿತಿ ಸೌಹಿತ್ಯಕಾರಣಂ ಸತ್ತ್ವಂ । ಕರ್ತವ್ಯಮಕರ್ತವ್ಯಮಿತಿ ಭಾವನಾಯುಕ್ತ ಉಪಚಾರಃ। ಅಸ್ತಿ ನಾಸ್ತೀತಿ ಕರ್ತವ್ಯತಾ ಉಪಚಾರಃ। ಬಾಹ್ಯಾಭ್ಯಂತ:ಕರಣಾನಾಂ ರೂಪಗ್ರಹಣಯೋಗ್ಯತಾಽಸ್ತ್ವಿತ್ಯಾವಾಹನಂ। ತಸ್ಯ ವಾಹ್ಯಾಭ್ಯಂತಃಕರಣಾನಾಮೇಕರೂಪವಿಷಯಗ್ರಹಣಮಾಸನಂ। ರಕ್ತಶುಕ್ಲಪದೈಕೀಕರಣಂ ಪಾದ್ಯಂ। ಉಜ್ಜ್ವಲದಾ-ಮೋದಾನಂದಾಸನದಾನಮರ್ಘ್ಯಂ। ಸ್ವಚ್ಛಂ ಸ್ವತ:ಸಿದ್ಧಮಿತ್ಯಾಚಮನೀಯಂ। ಚಿಚ್ಚಂದ್ರಮಯೀತಿ ಸರ್ವಾಂಗಸ್ತ್ರವಣಂ ಸ್ನಾನಂ। ಚಿದಗ್ನಿಸ್ವರೂಪಪರಮಾನಂದಶಕ್ತಿಸ್ಫುರಣಂ-ವಁಸ್ತ್ರಂ। ಪ್ರತ್ಯೇಕಂ ಸಪ್ತವಿಂಶತಿಧಾ ಭಿನ್ನತ್ವೇನೇಚ್ಛಾಜ್ಞಾನ-ಕ್ರಿಯಾತ್ಮಕಬ್ರಹ್ಮಗ್ರಂಥಿಮದ್ರಸತಂತುಬ್ರಹ್ಮನಾಡೀ ಬ್ರಹ್ಮಸೂತ್ರಂ। ಸ್ವವ್ಯತಿರಿಕ್ತವಸ್ತುಸಂಗರಹಿತಸ್ಮರಣಂ-ವಿಁಭೂಷಣಂ। ಸ್ವಚ್ಛಸ್ವಪರಿಪೂರ್ಣತಾಸ್ಮರಣಂ ಗಂಧಃ । ಸಮಸ್ತವಿಷಯಾಣಾಂ ಮನಸಃ ಸ್ಥೈರ್ಯೇಣಾನುಸಂಧಾನಂ ಕುಸುಮಂ । ತೇಷಾಮೇವ ಸರ್ವದಾ ಸ್ವೀಕರಣಂ ಧೂಪಃ । ಪವನಾವಚ್ಛಿನ್ನೋರ್ಧ್ವಗ್ವಲನಸಚ್ಚಿದುಲ್ಕಾಕಾಶದೇಹೋ ದೀಪಃ । ಸಮಸ್ತಯಾತಾಯಾ-ತವರ್ಜ್ಯಂ ನೈವೇದ್ಯಂ । ಅವಸ್ಥಾತ್ರಯಾಣಾಮೇಕೀಕರಣಂ ತಾಂಬೂಲಂ। ಮೂಲಾಧಾರಾದಾಬ್ರಹ್ಮರಂಧ್ರಪರ್ಯಂತಂ ಬ್ರಹ್ಮರಂಧ್ರಾದಾ-ಮೂಲಾಧಾರಪರ್ಯಂತಂ ಗತಾಗತರೂಪೇಣ ಪ್ರಾದಕ್ಷಿಣ್ಯಂ। ತುರ್ಯಾವಸ್ಥಾ ನಮಸ್ಕಾರಃ । ದೇಹಶೂನ್ಯಪ್ರಮಾತೃತಾನಿಮಜ್ಜನಂ ಬಲಿಹರಣಂ। ಸತ್ಯಮಸ್ತಿ ಕರ್ತವ್ಯಮಕರ್ತವ್ಯಮೌದಾಸೀನ್ಯನಿತ್ಯಾತ್ಮವಿಲಾಪನಂ ಹೋಮಃ। ಸ್ವಯಂ ತತ್ಪಾದುಕಾ-ನಿಮಜ್ಜನಂ ಪರಿಪೂರ್ಣಧ್ಯಾನಂ॥3॥ ಏವಂ ಮುಹೂರ್ತತ್ರಯಂ ಭಾವನಾಪರೋ ಜೀವನ್ಮುಕ್ತೋ ಭವತಿ। ತಸ್ಯ ದೇವತಾತ್ಮೈಕ್ಯಸಿದ್ಧಿಃ। ಚಿಂತಿತಕಾರ್ಯಾಣ್ಯ-ಯತ್ನೇನ ಸಿದ್ಧಯಂತಿ। ಸ ಏವ ಶಿವಯೋಗೀತಿ ಕಥ್ಯತೇ ॥4॥