అ॒హమ॑స్మి ప్రథ॒మజా ఋ॒తస్య॑ । పూర్వం॑ దే॒వేభ్యో॑ అ॒మృత॑స్య॒ నాభి॑: । యో మా॒ దదా॑తి॒ స ఇదే॒వ మాఽఽవా᳚: । అ॒హమన్న॒మన్న॑మ॒దంత॑మద్మి । పూర్వ॑మ॒గ్నేరపి॑ దహ॒త్యన్నం᳚ । య॒త్తౌ హా॑ఽఽసాతే అహముత్త॒రేషు॑ । వ్యాత్త॑మస్య ప॒శవ॑: సు॒జంభం᳚ । పశ్యం॑తి॒ ధీరా॒: ప్రచ॑రంతి॒ పాకా᳚: । జహా᳚మ్య॒న్యం న జ॑హామ్య॒న్యం । అ॒హమన్నం॒ వశ॒మిచ్చ॑రామి ॥ 1 స॒మా॒నమర్థం॒ పర్యే॑మి భుం॒జత్ । కో మామన్నం॑ మను॒ష్యో॑ దయేత । పరా॑కే॒ అన్నం॒ నిహి॑తం లో॒క ఏ॒తత్ । విశ్వై᳚ర్దే॒వైః పి॒తృభి॑ర్గు॒ప్తమన్నం᳚ । యద॒ద్యతే॑ లు॒ప్యతే॒ యత్ప॑రో॒ప్యతే᳚ । శ॒త॒త॒మీ సా త॒నూర్మే॑ బభూవ । మ॒హాంతౌ॑ చ॒రూ స॑కృద్దు॒గ్ధేన॑ పప్రౌ । దివం॑ చ॒ పృశ్ని॑ పృథి॒వీం చ॑ సా॒కం । తత్సం॒పిబం॑తో॒ న మి॑నంతి వే॒ధస॑: । నైతద్భూయో॒ భవ॑తి॒ నో కనీ॑యః ॥ 2 అన్నం॑ ప్రా॒ణమన్న॑మపా॒నమా॑హుః । అన్నం॑ మృ॒త్యుం తము॑ జీ॒వాతు॑మాహుః । అన్నం॑ బ్ర॒హ్మాణో॑ జ॒రసం॑ వదంతి । అన్న॑మాహుః ప్ర॒జన॑నం ప్ర॒జానాం᳚ । మోఘ॒మన్నం॑ విందతే॒ అప్ర॑చేతాః । స॒త్యం బ్ర॑వీమి వ॒ధ ఇత్స తస్య॑ । నార్య॒మణం॒ పుష్య॑తి॒ నో సఖా॑యం । కేవ॑లాఘో భవతి కేవలా॒దీ । అ॒హం మే॒ఘః స్త॒నయ॒న్వర్ష॑న్నస్మి । మామ॑దంత్య॒హమ॑ద్మ్య॒న్యాన్ ॥ 3 [ అహ॒గ్ం సద॒మృతో॑ భవామి । మదా॑ది॒త్యా అధి॒ సర్వే॑ తపంతి । ]