அஸ்ய ஶ்ரீரங்க³நாதா²ஷ்டோத்தரஶதநாமஸ்தோத்ரமஹாமந்த்ரஸ்ய வேத³வ்யாஸோ ப⁴க³வாந்ருʼஷி꞉ அனுஷ்டுப்ச²ந்த³꞉ ப⁴க³வான் ஶ்ரீமஹாவிஷ்ணுர்தே³வதா, ஶ்ரீரங்க³ஶாயீதி பீ³ஜம்ʼ ஶ்ரீகாந்த இதி ஶக்தி꞉ ஶ்ரீப்ரத³ இதி கீலகம்ʼ மம ஸமஸ்தபாபநாஶார்தே² ஶ்ரீரங்க³ராஜப்ரஸாத³ ஸித்³த்⁴யர்தே² ஜபே விநியோக³꞉ । தௌ⁴ம்ய உவாச – ஶ்ரீரங்க³ஶாயீ ஶ்ரீகாந்த꞉ ஶ்ரீப்ரத³꞉ ஶ்ரிதவத்ஸல꞉ । அனந்தோ மாத⁴வோ ஜேதா ஜக³ந்நாதோ² ஜக³த்³கு³ரு꞉ ॥ 1 ॥ ஸுரவர்ய꞉ ஸுராராத்⁴ய꞉ ஸுரராஜானுஜ꞉ ப்ரபு⁴꞉ । ஹரிர்ஹதாரிர்விஶ்வேஶ꞉ ஶாஶ்வத꞉ ஶம்பு⁴ரவ்யய꞉ ॥ 2 ॥ ப⁴க்தார்திப⁴ஞ்ஜனோ வாக்³மீ வீரோ விக்²யாதகீர்திமான் । பா⁴ஸ்கர꞉ ஶாஸ்த்ரதத்த்வஜ்ஞோ தை³த்யஶாஸ்தா(அ)மரேஶ்வர꞉ ॥ 3 ॥ நாராயணோ நரஹரிர்நீரஜாக்ஷோ நரப்ரிய꞉ । ப்³ரஹ்மண்யோ ப்³ரஹ்மக்ருʼத்³ப்³ரஹ்மா ப்³ரஹ்மாங்கோ³ ப்³ரஹ்மபூஜித꞉ ॥ 4 ॥ க்ருʼஷ்ண꞉ க்ருʼதஜ்ஞோ கோ³விந்தோ³ ஹ்ருʼஷீகேஶோ(அ)க⁴நாஶன꞉ । விஷ்ணுர்ஜிஷ்ணுர்ஜிதாராதி꞉ ஸஜ்ஜனப்ரிய ஈஶ்வர꞉ ॥ 5 ॥ த்ரிவிக்ரமஸ்த்ரிலோகேஶ꞉ த்ரய்யர்த²ஸ்த்ரிகு³ணாத்மக꞉ । காகுத்ஸ்த²꞉ கமலாகாந்த꞉ காலீயோரக³மர்த³ன꞉ ॥ 6 ॥ காலாம்பு³த³ஶ்யாமலாங்க³꞉ கேஶவ꞉ க்லேஶநாஶன꞉ । கேஶிப்ரப⁴ஞ்ஜன꞉ காந்தோ நந்த³ஸூனுரரிந்த³ம꞉ ॥ 7 ॥ ருக்மிணீவல்லப⁴꞉ ஶௌரிர்ப³லப⁴த்³ரோ ப³லானுஜ꞉ । தா³மோத³ரோ ஹ்ருʼஷீகேஶோ வாமனோ மது⁴ஸூத³ன꞉ ॥ 8 ॥ பூத꞉ புண்யஜனத்⁴வம்ʼஸீ புண்யஶ்லோகஶிகா²மணி꞉ । ஆதி³மூர்திர்த³யாமூர்தி꞉ ஶாந்தமூர்திரமூர்திமான் ॥ 9 ॥ பரம்ப்³ரஹ்ம பரந்தா⁴ம பாவன꞉ பவனோ விபு⁴꞉ । சந்த்³ரஶ்ச²ந்தோ³மயோ ராம꞉ ஸம்ʼஸாராம்பு³தி⁴தாரக꞉ ॥ 10 ॥ ஆதி³தேயோ(அ)ச்யுதோ பா⁴னு꞉ ஶங்கரஶ்ஶிவ ஊர்ஜித꞉ । மஹேஶ்வரோ மஹாயோகீ³ மஹாஶக்திர்மஹத்ப்ரிய꞉ ॥ 11 ॥ து³ர்ஜனத்⁴வம்ʼஸகோ(அ)ஶேஷஸஜ்ஜனோபாஸ்தஸத்ப²லம் । பக்ஷீந்த்³ரவாஹனோ(அ)க்ஷோப்⁴ய꞉ க்ஷீராப்³தி⁴ஶயனோ விது⁴꞉ ॥ 12 ॥ ஜனார்த³னோ ஜக³த்³தே⁴துர்ஜிதமன்மத²விக்³ரஹ꞉ । சக்ரபாணி꞉ ஶங்க²தா⁴ரீ ஶாரங்கீ³ க²ட்³கீ³ க³தா³த⁴ர꞉ ॥ 13 ॥ ஏவம்ʼ விஷ்ணோஶ்ஶதம்ʼ நாம்நாமஷ்டோத்தரமிஹேரிதம் । ஸ்தோத்ராணாமுத்தமம்ʼ கு³ஹ்யம்ʼ நாமரத்னஸ்தவாபி⁴த⁴ம் ॥ 14 ॥ ஸர்வதா³ ஸர்வரோக³க்⁴னம்ʼ சிந்திதார்த²ப²லப்ரத³ம் । த்வம்ʼ து ஶீக்⁴ரம்ʼ மஹாராஜ க³ச்ச² ரங்க³ஸ்த²லம்ʼ ஶுப⁴ம் ॥ 15 ॥ ஸ்னாத்வா துலார்கே காவேர்யாம்ʼ மாஹாத்ம்ய ஶ்ரவணம்ʼ குரு । க³வாஶ்வவஸ்த்ரதா⁴ன்யான்னபூ⁴மிகன்யாப்ரதோ³ ப⁴வ ॥ 16 ॥ த்³வாத³ஶ்யாம்ʼ பாயஸான்னேன ஸஹஸ்ரம்ʼ த³ஶ போ⁴ஜய । நாமரத்னஸ்தவாக்²யேன விஷ்ணோரஷ்டஶதேன ச । ஸ்துத்வா ஶ்ரீரங்க³நாத²ம்ʼ த்வமபீ⁴ஷ்டப²லமாப்னுஹி ॥ 17 ॥ இதி துலாகாவேரீமாஹாத்ம்யே ஶந்தனும்ʼ ப்ரதி தௌ⁴ம்யோபதி³ஷ்ட ஶ்ரீரங்க³நாதா²ஷ்டோத்தரஶதநாம ஸ்தோத்ரம் ।