ஜக³ஜ்ஜாலபாலம்ʼ கனத்கண்ட²மாலம்ʼ ஶரச்சந்த்³ரபா²லம்ʼ மஹாதை³த்யகாலம் । நபோ⁴நீலகாயம்ʼ து³ராவாரமாயம்ʼ ஸுபத்³மாஸஹாயம்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 1 ॥ ஸதா³ம்போ⁴தி⁴வாஸம்ʼ க³லத்புஷ்பஹாஸம்ʼ ஜக³த்ஸந்நிவாஸம்ʼ ஶதாதி³த்யபா⁴ஸம் । க³தா³சக்ரஶஸ்த்ரம்ʼ லஸத்பீதவஸ்த்ரம்ʼ ஹஸச்சாருவக்த்ரம்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 2 ॥ ரமாகண்ட²ஹாரம்ʼ ஶ்ருதிவ்ராதஸாரம்ʼ ஜலாந்தர்விஹாரம்ʼ த⁴ராபா⁴ரஹாரம் । சிதா³னந்த³ரூபம்ʼ மனோஜ்ஞஸ்வரூபம்ʼ த்⁴ருʼதானேகரூபம்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 3 ॥ ஜராஜன்மஹீனம்ʼ பரானந்த³பீனம்ʼ ஸமாதா⁴னலீனம்ʼ ஸதை³வாநவீனம் । ஜக³ஜ்ஜன்மஹேதும்ʼ ஸுரானீககேதும்ʼ த்ரிலோகைகஸேதும்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 4 ॥ க்ருʼதாம்நாயகா³னம்ʼ க²கா³தீ⁴ஶயானம்ʼ விமுக்தேர்நிதா³னம்ʼ ஹராராதிமானம் । ஸ்வப⁴க்தானுகூலம்ʼ ஜக³த்³வ்ருʼக்ஷமூலம்ʼ நிரஸ்தார்தஶூலம்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 5 ॥ ஸமஸ்தாமரேஶம்ʼ த்³விரேபா²ப⁴கேஶம்ʼ ஜக³த்³பி³ம்ப³லேஶம்ʼ ஹ்ருʼதா³காஶவேஶம் । ஸதா³ தி³வ்யதே³ஹம்ʼ விமுக்தாகி²லேஹம்ʼ ஸுவைகுண்ட²கே³ஹம்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 6 ॥ ஸுராலீப³லிஷ்ட²ம்ʼ த்ரிலோகீவரிஷ்ட²ம்ʼ கு³ரூணாம்ʼ க³ரிஷ்ட²ம்ʼ ஸ்வரூபைகநிஷ்ட²ம் । ஸதா³ யுத்³த⁴தீ⁴ரம்ʼ மஹாவீரவீரம்ʼ ப⁴வாம்போ⁴தி⁴தீரம்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 7 ॥ ரமாவாமபா⁴க³ம்ʼ தலாலக்³னநாக³ம்ʼ க்ருʼதாதீ⁴னயாக³ம்ʼ க³தாராக³ராக³ம் । முனீந்த்³ரைஸ்ஸுகீ³தம்ʼ ஸுரைஸ்ஸம்பரீதம்ʼ கு³ணௌகை⁴ரதீதம்ʼ ப⁴ஜே(அ)ஹம்ʼ ப⁴ஜே(அ)ஹம் ॥ 8 ॥ ப²லஶ்ருதி – இத³ம்ʼ யஸ்து நித்யம்ʼ ஸமாதா⁴ய சித்தம்ʼ படே²த³ஷ்டகம்ʼ கண்ட²ஹாரம்ʼ முராரே꞉ । ஸ விஷ்ணோர்விஶோகம்ʼ த்⁴ருவம்ʼ யாதி லோகம்ʼ ஜராஜன்மஶோகம்ʼ புனர்விந்த³தே நோ ॥ 9 ॥ இதி ஶ்ரீ பரமஹம்ʼஸஸ்வாமி ப்³ரஹ்மானந்த³விரசிதம்ʼ ஶ்ரீஹரிஸ்தோத்ரம் ॥