ஸத்யம் ஜ்ஞானமனந்தம் நித்யமனாகாஶம் பரமாகாஶம் । கோ³ஷ்ட²ப்ராங்க³ணரிங்க³ணலோலமனாயாஸம் பரமாயாஸம் । மாயாகல்பிதனானாகாரமனாகாரம் பு⁴வனாகாரம் । க்ஷ்மாமானாத²மனாத²ம் ப்ரணமத கோ³விந்த³ம் பரமானந்த³ம் ॥ 1 ॥ ம்ருத்ஸ்னாமத்ஸீஹேதி யஶோதா³தாட³னஶைஶவ ஸந்த்ராஸம் । வ்யாதி³தவக்த்ராலோகிதலோகாலோகசதுர்த³ஶலோகாலிம் । லோகத்ரயபுரமூலஸ்தம்ப⁴ம் லோகாலோகமனாலோகம் । லோகேஶம் பரமேஶம் ப்ரணமத கோ³விந்த³ம் பரமானந்த³ம் ॥ 2 ॥ த்ரைவிஷ்டபரிபுவீரக்⁴னம் க்ஷிதிபா⁴ரக்⁴னம் ப⁴வரோக³க்⁴னம் । கைவல்யம் நவனீதாஹாரமனாஹாரம் பு⁴வனாஹாரம் । வைமல்யஸ்பு²டசேதோவ்ருத்திவிஶேஷாபா⁴ஸமனாபா⁴ஸம் । ஶைவம் கேவலஶாந்தம் ப்ரணமத கோ³விந்த³ம் பரமானந்த³ம் ॥ 3 ॥ கோ³பாலம் ப்ரபு⁴லீலாவிக்³ரஹகோ³பாலம் குலகோ³பாலம் । கோ³பீகே²லனகோ³வர்த⁴னத்⁴ருதிலீலாலாலிதகோ³பாலம் । கோ³பி⁴ர்னிக³தி³த கோ³விந்த³ஸ்பு²டனாமானம் ப³ஹுனாமானம் । கோ³பீகோ³சரதூ³ரம் ப்ரணமத கோ³விந்த³ம் பரமானந்த³ம் ॥ 4 ॥ கோ³பீமண்ட³லகோ³ஷ்டீ²பே⁴த³ம் பே⁴தா³வஸ்த²மபே⁴தா³ப⁴ம் । ஶஶ்வத்³கோ³கு²ரனிர்தூ⁴தோத்³க³த தூ⁴ளீதூ⁴ஸரஸௌபா⁴க்³யம் । ஶ்ரத்³தா⁴ப⁴க்திக்³ருஹீதானந்த³மசிந்த்யம் சிந்திதஸத்³பா⁴வம் । சிந்தாமணிமஹிமானம் ப்ரணமத கோ³விந்த³ம் பரமானந்த³ம் ॥ 5 ॥ ஸ்னானவ்யாகுலயோஷித்³வஸ்த்ரமுபாதா³யாக³முபாரூட⁴ம் । வ்யாதி³த்ஸந்தீரத² தி³க்³வஸ்த்ரா தா³துமுபாகர்ஷந்தம் தா: நிர்தூ⁴தத்³வயஶோகவிமோஹம் பு³த்³த⁴ம் பு³த்³தே⁴ரந்தஸ்த²ம் । ஸத்தாமாத்ரஶரீரம் ப்ரணமத கோ³விந்த³ம் பரமானந்த³ம் ॥ 6 ॥ காந்தம் காரணகாரணமாதி³மனாதி³ம் காலத⁴னாபா⁴ஸம் । காளிந்தீ³க³தகாலியஶிரஸி ஸுன்ருத்யந்தம் முஹுரத்யந்தம் । காலம் காலகலாதீதம் கலிதாஶேஷம் கலிதோ³ஷக்⁴னம் । காலத்ரயக³திஹேதும் ப்ரணமத கோ³விந்த³ம் பரமானந்த³ம் ॥ 7 ॥ ப்³ருந்தா³வனபு⁴வி ப்³ருந்தா³ரகக³ணப்³ருந்தா³ராதி⁴தவந்தே³ஹம் । குந்தா³பா⁴மலமந்த³ஸ்மேரஸுதா⁴னந்த³ம் ஸுஹ்ருதா³னந்த³ம் । வந்த்³யாஶேஷ மஹாமுனி மானஸ வந்த்³யானந்த³பத³த்³வந்த்³வம் । வந்த்³யாஶேஷகு³ணாப்³தி⁴ம் ப்ரணமத கோ³விந்த³ம் பரமானந்த³ம் ॥ 8 ॥ கோ³விந்தா³ஷ்டகமேதத³தீ⁴தே கோ³விந்தா³ர்பிதசேதா ய: । கோ³விந்தா³ச்யுத மாத⁴வ விஷ்ணோ கோ³குலனாயக க்ருஷ்ணேதி । கோ³விந்தா³ங்க்⁴ரி ஸரோஜத்⁴யானஸுதா⁴ஜலதௌ⁴தஸமஸ்தாக:⁴ । கோ³விந்த³ம் பரமானந்தா³ம்ருதமந்தஸ்த²ம் ஸ தமப்⁴யேதி ॥ இதி ஶ்ரீ ஶங்கராசார்ய விரசித ஶ்ரீகோ³விந்தா³ஷ்டகம் ஸமாப்தம்