க³ஜேந்த்³ர மோக்ஷ ஸ்தோத்ர

ஶ்ரீஶுக உவாச ஏவம்ʼ வ்யவஸிதோ பு³த்³த்⁴யா ஸமாதா⁴ய மனோஹ்ருʼதி³ । ஜஜாப பரமம்ʼ ஜாப்யம்ʼ ப்ராக்³ஜன்மன்யனுஶிக்ஷிதம் ॥ 1॥ க³ஜேந்த்³ர உவாச நமோ ப⁴க³வதே தஸ்மை யத ஏதச்சிதா³த்மகம் । புருஷாயாதி³பீ³ஜாய பரேஶாயாபி⁴தீ⁴மஹி ॥ 2॥ யஸ்மின்னித³ம்ʼ யதஶ்சேத³ம்ʼ யேனேத³ம்ʼ ய இத³ம்ʼ ஸ்வயம் । யோ(அ)ஸ்மாத்பரஸ்மாச்ச பரஸ்தம்ʼ ப்ரபத்³யே ஸ்வயம்பு⁴வம் ॥ 3॥ ய꞉ ஸ்வாத்மனீத³ம்ʼ நிஜமாயயார்பிதம்ʼ க்வசித்³விபா⁴தம்ʼ க்வ ச தத்திரோஹிதம் । அவித்³த⁴த்³ருʼக் ஸாக்ஷ்யுப⁴யம்ʼ ததீ³க்ஷதே ஸ ஆத்மமூலோ(அ)வது மாம்ʼ பராத்பர꞉ ॥ 4॥ காலேன பஞ்சத்வமிதேஷு க்ருʼத்ஸ்னஶோ லோகேஷு பாலேஷு ச ஸர்வஹேதுஷு । தமஸ்ததா³(ஆ)ஸீத்³க³ஹனம்ʼ க³பீ⁴ரம்ʼ யஸ்தஸ்ய பாரே(அ)பி⁴விராஜதே விபு⁴꞉ ॥ 5॥ ந யஸ்யதே³வா ருʼஷய꞉பத³ம்ʼ விது³- ர்ஜந்து꞉ புன꞉ கோ(அ)ர்ஹதி க³ந்துமீரிதும் । யதா² நடஸ்யாக்ருʼதிபி⁴ர்விசேஷ்டதோ து³ரத்யயானுக்ரமண꞉ ஸ மாவது ॥ 6॥ தி³த்³ருʼக்ஷவோ யஸ்ய பத³ம்ʼ ஸுமங்க³லம்ʼ விமுக்த ஸங்கா³ முனய꞉ ஸுஸாத⁴வ꞉ । சரந்த்யலோகவ்ரதமவ்ரணம்ʼ வனே பூ⁴தாத்மபூ⁴தா꞉ ஸுஹ்ருʼத³꞉ ஸ மே க³தி꞉ ॥ 7॥ ந வித்³யதே யஸ்ய ச ஜன்ம கர்ம வா ந நாமரூபே கு³ணதோ³ஷ ஏவ வா । ததா²பி லோகாப்யயஸம்ப⁴வாய ய꞉ ஸ்வமாயயா தான்யனுகாலம்ருʼச்ச²தி ॥ 8॥ தஸ்மை நம꞉ பரேஶாய ப்³ரஹ்மணே(அ)னந்தஶக்தயே । அரூபாயோருரூபாய நம ஆஶ்சர்யகர்மணே ॥ 9॥ நம ஆத்மப்ரதீ³பாய ஸாக்ஷிணே பரமாத்மனே । நமோ கி³ராம்ʼ விதூ³ராய மனஸஶ்சேதஸாமபி ॥ 10॥ ஸத்த்வேன ப்ரதிலப்⁴யாய நைஷ்கர்ம்யேண விபஶ்சிதா । நம꞉ கைவல்யநாதா²ய நிர்வாணஸுக²ஸம்ʼவிதே³ ॥ 11॥ நம꞉ ஶாந்தாய கோ⁴ராய மூடா⁴ய கு³ணத⁴ர்மிணே । நிர்விஶேஷாய ஸாம்யாய நமோ ஜ்ஞானக⁴னாய ச ॥ 12॥ க்ஷேத்ரஜ்ஞாய நமஸ்துப்⁴யம்ʼ ஸர்வாத்⁴யக்ஷாய ஸாக்ஷிணே । புருஷாயாத்மமூலாய மூலப்ரக்ருʼதயே நம꞉ ॥ 13॥ ஸர்வேந்த்³ரியகு³ணத்³ருʼஷ்டே ஸர்வ ப்ரத்யய ஹேதவே । அஸதாச்சா²யயோக்தாய ஸதா³பா⁴ஸாய தே நம꞉ ॥ 14॥ நமோ நமஸ்தே(அ)கி²லகாரணாய நிஷ்காரணாயாத்³பு⁴தகாரணாய । ஸர்வாக³மாம்னாயமஹார்ணவாய நமோ(அ)பவர்கா³ய பராயணாய ॥ 15॥ கு³ணாரணிச்ச²ன்னசிதூ³ஷ்மபாய தத்க்ஷோப⁴விஸ்பூ²ர்ஜிதமானஸாய । நைஷ்கர்ம்யபா⁴வேன விவர்ஜிதாக³ம- ஸ்வயம்ப்ரகாஶாய நமஸ்கரோமி ॥ 16॥ மாத்³ருʼக்ப்ரபன்னபஶுபாஶவிமோக்ஷணாய முக்தாய பூ⁴ரிகருணாய நமோ(அ)லயாய ॥ ஸ்வாம்ʼஶேன ஸர்வதனுப்⁴ருʼன்மனஸி ப்ரதீத- ப்ரத்யக்³த்³ருʼஶே ப⁴க³வதே ப்³ருʼஹதே நமஸ்தே ॥ 17॥ ஆத்மா(ஆ)த்மஜாப்தக்³ருʼஹவித்தஜனேஷு ஸக்தை- ர்து³ஷ்ப்ராபணாய கு³ணஸங்க³விவர்ஜிதாய । முக்தாத்மபி⁴꞉ ஸ்வஹ்ருʼத³யே பரிபா⁴விதாய ஜ்ஞானாத்மனே ப⁴க³வதே நம ஈஶ்வராய ॥ 18॥ யம்ʼ த⁴ர்மகாமார்த²விமுக்திகாமா ப⁴ஜந்த இஷ்டாம்ʼ க³திமாப்னுவந்தி । கிம்ʼ த்வாஶிஷோ ராத்யபி தே³ஹமவ்யயம்ʼ கரோது மே(அ)த³ப்⁴ரத³யோ விமோக்ஷணம் ॥ 19॥ ஏகாந்தினோ யஸ்ய ந கஞ்சனார்த²ம்ʼ வாஞ்ச²ந்தி யே வை ப⁴க³வத்ப்ரபன்னா꞉ । அத்யத்³பு⁴தம்ʼ தச்சரிதம்ʼ ஸுமங்க³லம்ʼ கா³யந்த ஆனந்த³ஸமுத்³ரமக்³னா꞉ ॥ 20॥ தமக்ஷரம்ப்³ரஹ்ம பரம்ʼ பரேஶ- மவ்யக்தமாத்⁴யாத்மிகயோக³க³ம்யம் । அதீந்த்³ரியம்ʼ ஸூக்ஷ்மமிவாதிதூ³ர- மனந்தமாத்³யம்ʼ பரிபூர்ணமீடே³ ॥ 21॥ யஸ்ய ப்³ரஹ்மாத³யோ தே³வா வேதா³ லோகாஶ்சராசரா꞉ । நாமரூபவிபே⁴தே³ன ப²ல்க்³வ்யா ச கலயா க்ருʼதா꞉ ॥ 22॥ யதா²ர்சிஷோ(அ)க்³னே꞉ ஸவிதுர்க³ப⁴ஸ்தயோ நிர்யாந்தி ஸம்ʼயாந்த்யஸக்ருʼத்ஸ்வரோசிஷ꞉ । ததா² யதோ(அ)யம்ʼ கு³ணஸம்ப்ரவாஹோ பு³த்³தி⁴ர்மன꞉ கா²னி ஶரீரஸர்கா³꞉ ॥ 23॥ ஸ வை ந தே³வாஸுரமர்த்யதிர்யங் ந ஸ்த்ரீ ந ஷண்டோ³ ந புமான்ன ஜந்து꞉ । நாயம்ʼ கு³ண꞉ கர்ம ந ஸன்ன சாஸன் நிஷேத⁴ஶேஷோ ஜயதாத³ஶேஷ꞉ ॥ 24॥ ஜிஜீவிஷே நாஹமிஹாமுயா கி- மந்தர்ப³ஹிஶ்சாவ்ருʼதயேப⁴யோன்யா । இச்சா²மி காலேன ந யஸ்ய விப்லவ- ஸ்தஸ்யாத்மலோகாவரணஸ்ய மோக்ஷம் ॥ 25॥ ஸோ(அ)ஹம்ʼ விஶ்வஸ்ருʼஜம்ʼ விஶ்வமவிஶ்வம்ʼ விஶ்வவேத³ஸம் । விஶ்வாத்மானமஜம்ʼ ப்³ரஹ்ம ப்ரணதோ(அ)ஸ்மி பரம்ʼ பத³ம் ॥ 26॥ யோக³ரந்தி⁴தகர்மாணோ ஹ்ருʼதி³ யோக³விபா⁴விதே । யோகி³னோ யம்ʼ ப்ரபஶ்யந்தி யோகே³ஶம்ʼ தம்ʼ நதோ(அ)ஸ்ம்யஹம் ॥ 27॥ நமோ நமஸ்துப்⁴யமஸஹ்ய வேக³- ஶக்தித்ரயாயாகி²லதீ⁴கு³ணாய । ப்ரபன்னபாலாய து³ரந்தஶக்தயே கதி³ந்த்³ரியாணாமனவாப்யவர்த்மனே ॥ 28॥ நாயம்ʼ வேத³ ஸ்வமாத்மானம்ʼ யச்ச²க்த்யாஹந்தி⁴யா ஹதம் । தம்ʼ து³ரத்யயமாஹாத்ம்யம்ʼ ப⁴க³வந்தமிதோ(அ)ஸ்ம்யஹம் ॥ 29॥ ஶ்ரீஶுக உவாச ஏவம்ʼ க³ஜேந்த்³ரமுபவர்ணிதநிர்விஶேஷம்ʼ ப்³ரஹ்மாத³யோ விவித⁴லிங்க³பி⁴தா³பி⁴மானா꞉ । நைதே யதோ³பஸஸ்ருʼபுர்நிகி²லாத்மகத்வாத் தத்ராகி²லாமரமயோ ஹரிராவிராஸீத் ॥ 30॥ தம்ʼ தத்³வதா³ர்த்தமுபலப்⁴ய ஜக³ந்நிவாஸ꞉ ஸ்தோத்ரம்ʼ நிஶம்ய தி³விஜை꞉ ஸஹ ஸம்ʼஸ்துவபி⁴꞉ । ச²ந்தோ³மயேன க³ருடே³ன ஸமுஹ்யமான- ஶ்சக்ராயுதோ⁴(அ)ப்⁴யக³மதா³ஶு யதோ க³ஜேந்த்³ர꞉ ॥ 31॥ ஸோ(அ)ந்தஸ்ஸரஸ்யுருப³லேன க்³ருʼஹீத ஆர்த்தோ த்³ருʼஷ்ட்வா க³ருத்மதி ஹரிம்ʼ க² உபாத்தசக்ரம் । உத்க்ஷிப்ய ஸாம்பு³ஜகரம்ʼ கி³ரமாஹ க்ருʼச்ச்²ரா- ந்நாராயணாகி²லகு³ரோ ப⁴க³வன் நமஸ்தே ॥ 32॥ தம்ʼ வீக்ஷ்ய பீடி³தமஜ꞉ ஸஹஸாவதீர்ய ஸக்³ராஹமாஶு ஸரஸ꞉ க்ருʼபயோஜ்ஜஹார । க்³ராஹாத்³விபாடிதமுகா²த³ரிணா க³ஜேந்த்³ரம்ʼ ஸம்பஶ்யதாம்ʼ ஹரிரமூமுசது³ஸ்த்ரியாணாம் ॥ 33॥ இதி ஶ்ரீமத்³பா⁴க³வதே மஹாபுரராணே ஸம்ʼஹிதாயாமஷ்டஸ்கந்தே⁴ ஶ்ரீக³ஜேந்த்³ரமோக்ஷணம்ʼ நாம த்ருʼதீயோ(அ)த்⁴யாய꞉ ॥

Recite with devotion and pure heart

Regular practice brings spiritual benefits