ಕಿರಿಚಕ್ರರಥಾರೂಢಾ ಶತ್ರುಸಂಹಾರಕಾರಿಣೀ । ಕ್ರಿಯಾಶಕ್ತಿಸ್ವರೂಪಾ ಚ ದಂಡನಾಥಾ ಮಹೋಜ್ಜ್ವಲಾ ॥ 1 ॥ ಹಲಾಯುಧಾ ಹರ್ಷದಾತ್ರೀ ಹಲನಿರ್ಭಿನ್ನಶಾತ್ರವಾ । ಭಕ್ತಾರ್ತಿತಾಪಶಮನೀ ಮುಸಲಾಯುಧಶೋಭಿನೀ ॥ 2 ॥ ಕುರ್ವಂತೀ ಕಾರಯಂತೀ ಚ ಕರ್ಮಮಾಲಾತರಂಗಿಣೀ । ಕಾಮಪ್ರದಾ ಭಗವತೀ ಭಕ್ತಶತ್ರುವಿನಾಶಿನೀ ॥ 3 ॥ ಉಗ್ರರೂಪಾ ಮಹಾದೇವೀ ಸ್ವಪ್ನಾನುಗ್ರಹದಾಯಿನೀ । ಕೋಲಾಸ್ಯಾ ಚಂದ್ರಚೂಡಾ ಚ ತ್ರಿನೇತ್ರಾ ಹಯವಾಹನಾ ॥ 4 ॥ ಪಾಶಹಸ್ತಾ ಶಕ್ತಿಪಾಣಿಃ ಮುದ್ಗರಾಯುಧಧಾರಿಣಿ । ಹಸ್ತಾಂಕುಶಾ ಜ್ವಲನ್ನೇತ್ರಾ ಚತುರ್ಬಾಹುಸಮನ್ವಿತಾ ॥ 5 ॥ ವಿದ್ಯುದ್ವರ್ಣಾ ವಹ್ನಿನೇತ್ರಾ ಶತ್ರುವರ್ಗವಿನಾಶಿನೀ । ಕರವೀರಪ್ರಿಯಾ ಮಾತಾ ಬಿಲ್ವಾರ್ಚನವರಪ್ರದಾ ॥ 6 ॥ ವಾರ್ತಾಲೀ ಚೈವ ವಾರಾಹೀ ವರಾಹಾಸ್ಯಾ ವರಪ್ರದಾ । ಅಂಧಿನೀ ರುಂಧಿನೀ ಚೈವ ಜಂಭಿನೀ ಮೋಹಿನೀ ತಥಾ ॥ 7 ॥ ಸ್ತಂಭಿನೀ ಚೇತಿವಿಖ್ಯಾತಾ ದೇವ್ಯಷ್ಟಕವಿರಾಜಿತಾ । ಉಗ್ರರೂಪಾ ಮಹಾದೇವೀ ಮಹಾವೀರಾ ಮಹಾದ್ಯುತಿಃ ॥ 8 ॥ ಕಿರಾತರೂಪಾ ಸರ್ವೇಶೀ ಅಂತಃಶತ್ರುವಿನಾಶಿನೀ । ಪರಿಣಾಮಕ್ರಮಾ ವೀರಾ ಪರಿಪಾಕಸ್ವರೂಪಿಣೀ ॥ 9 ॥ ನೀಲೋತ್ಪಲತಿಲೈಃ ಪ್ರೀತಾ ಶಕ್ತಿಷೋಡಶಸೇವಿತಾ । ನಾರಿಕೇಲೋದಕ ಪ್ರೀತಾ ಶುದ್ಧೋದಕ ಸಮಾದರಾ ॥ 10 ॥ ಉಚ್ಚಾಟನೀ ತದೀಶೀ ಚ ಶೋಷಣೀ ಶೋಷಣೇಶ್ವರೀ । ಮಾರಣೀ ಮಾರಣೇಶೀ ಚ ಭೀಷಣೀ ಭೀಷಣೇಶ್ವರೀ ॥ 11 ॥ ತ್ರಾಸನೀ ತ್ರಾಸನೇಶೀ ಚ ಕಂಪನೀ ಕಂಪನೀಶ್ವರೀ । ಆಜ್ಞಾವಿವರ್ತಿನೀ ಪಶ್ಚಾದಾಜ್ಞಾವಿವರ್ತಿನೀಶ್ವರೀ ॥ 12 ॥ ವಸ್ತುಜಾತೇಶ್ವರೀ ಚಾಥ ಸರ್ವಸಂಪಾದನೀಶ್ವರೀ । ನಿಗ್ರಹಾನುಗ್ರಹದಕ್ಷಾ ಚ ಭಕ್ತವಾತ್ಸಲ್ಯಶೋಭಿನೀ ॥ 13 ॥ ಕಿರಾತಸ್ವಪ್ನರೂಪಾ ಚ ಬಹುಧಾಭಕ್ತರಕ್ಷಿಣೀ । ವಶಂಕರೀ ಮಂತ್ರರೂಪಾ ಹುಂಬೀಜೇನಸಮನ್ವಿತಾ ॥ 14 ॥ ರಂಶಕ್ತಿಃ ಕ್ಲೀಂ ಕೀಲಕಾ ಚ ಸರ್ವಶತ್ರುವಿನಾಶಿನೀ । ಜಪಧ್ಯಾನಸಮಾರಾಧ್ಯಾ ಹೋಮತರ್ಪಣತರ್ಪಿತಾ ॥ 15 ॥ ದಂಷ್ಟ್ರಾಕರಾಲವದನಾ ವಿಕೃತಾಸ್ಯಾ ಮಹಾರವಾ । ಊರ್ಧ್ವಕೇಶೀ ಚೋಗ್ರಧರಾ ಸೋಮಸೂರ್ಯಾಗ್ನಿಲೋಚನಾ ॥ 16 ॥ ರೌದ್ರೀಶಕ್ತಿಃ ಪರಾವ್ಯಕ್ತಾ ಚೇಶ್ವರೀ ಪರದೇವತಾ । ವಿಧಿವಿಷ್ಣುಶಿವಾದ್ಯರ್ಚ್ಯಾ ಮೃತ್ಯುಭೀತ್ಯಪನೋದಿನೀ ॥ 17 ॥ ಜಿತರಂಭೋರುಯುಗಲಾ ರಿಪುಸಂಹಾರತಾಂಡವಾ । ಭಕ್ತರಕ್ಷಣಸಂಲಗ್ನಾ ಶತ್ರುಕರ್ಮವಿನಾಶಿನೀ ॥ 18 ॥ ತಾರ್ಕ್ಷ್ಯಾರೂಢಾ ಸುವರ್ಣಾಭಾ ಶತ್ರುಮಾರಣಕಾರಿಣೀ । ಅಶ್ವಾರೂಢಾ ರಕ್ತವರ್ಣಾ ರಕ್ತವಸ್ತ್ರಾದ್ಯಲಂಕೃತಾ ॥ 19 ॥ ಜನವಶ್ಯಕರೀ ಮಾತಾ ಭಕ್ತಾನುಗ್ರಹದಾಯಿನೀ । ದಂಷ್ಟ್ರಾಧೃತಧರಾ ದೇವೀ ಪ್ರಾಣವಾಯುಪ್ರದಾ ಸದಾ ॥ 20 ॥ ದೂರ್ವಾಸ್ಯಾ ಭೂಪ್ರದಾ ಚಾಪಿ ಸರ್ವಾಭೀಷ್ಟಫಲಪ್ರದಾ । ತ್ರಿಲೋಚನಋಷಿಪ್ರೀತಾ ಪಂಚಮೀ ಪರಮೇಶ್ವರೀ । ಸೇನಾಧಿಕಾರಿಣೀ ಚೋಗ್ರಾ ವಾರಾಹೀ ಚ ಶುಭಪ್ರದಾ ॥ 21 ॥ ಇತಿ ಶ್ರೀ ವಾರಾಹೀ ಅಷ್ಟೋತ್ತರ ಶತನಾಮ ಸ್ತೋತ್ರಂ ॥