வாராஹ்யனுக்³ரஹாஷ்டகம்

ஶ்வர உவாச ।

மாதர்ஜக³த்³ரசனநாடகஸூத்ரதா⁴ர-

-ஸ்த்வத்³ரூபமாகலயிதும்ʼ பரமார்த²தோ(அ)யம் ।

ஈஶோ(அ)ப்யமீஶ்வரபத³ம்ʼ ஸமுபைதி தாத்³ருʼக்

கோ(அ)ன்ய꞉ ஸ்தவம்ʼ கிமிவ தாவகமாத³தா⁴து ॥ 1 ॥

நாமானி கிந்து க்³ருʼணதஸ்தவ லோகதுண்டே³

நாட³ம்ப³ரம்ʼ ஸ்ப்ருʼஶதி த³ண்ட³த⁴ரஸ்ய த³ண்ட³꞉ ।

யல்லேஶலம்பி³தப⁴வாம்பு³நிதி⁴ர்யதோ(அ)யத்

த்வந்நாமஸம்ʼஸ்ம்ருʼதிரியம்ʼ ந நுன꞉ ஸ்துதிஸ்தே ॥ 2 ॥

த்வச்சிந்தநாத³ரஸமுல்லஸத³ப்ரமேயா-

-(ஆ)நந்தோ³த³யாத்ஸமுதி³த꞉ ஸ்பு²டரோமஹர்ஷ꞉ ।

மாதர்நமாமி ஸுதி³னானி ஸதே³த்யமும்ʼ த்வா-

-மப்⁴யர்த²யே(அ)ர்த²மிதி பூரயதாத்³த³யாலோ ॥ 3 ॥

இந்த்³ரேந்து³மௌலிவிதி⁴கேஶவமௌலிரத்ன-

-ரோசிஶ்சயோஜ்ஜ்வலிதபாத³ஸரோஜயுக்³மே ।

சேதோ நதௌ மம ஸதா³ ப்ரதிபி³ம்பி³தா த்வம்ʼ

பூ⁴யா ப⁴வானி ப⁴வநாஶினி பா⁴வயே த்வாம் ॥ 4 ॥

லீலோத்³த்⁴ருʼதக்ஷிதிதலஸ்ய வராஹமூர்தே-

-ர்வாராஹமூர்திரகி²லார்த²கரீ த்வமேவ ।

ப்ராலேயரஶ்மிஸுகலோல்லஸிதாவதம்ʼஸா

த்வம்ʼ தே³வி வாமதனுபா⁴க³ஹரா ஹரஸ்ய ॥ 5 ॥

த்வாமம்ப³ தப்தகனகோஜ்ஜ்வலகாந்திமந்த-

-ர்யே சிந்தயந்தி யுவதீதனு மாக³லாந்தாம் ।

சக்ராயுதா⁴ம்ʼ த்ரிநயனாம்ʼ வரபோத்ருʼவக்த்ராம்ʼ

தேஷாம்ʼ பதா³ம்பு³ஜயுக³ம்ʼ ப்ரணமந்தி தே³வா꞉ ॥ 6 ॥

த்வத்ஸேவனஸ்க²லிதபாபசயஸ்ய மாத-

-ர்மோக்ஷோ(அ)பி யஸ்ய ந ஸதோ க³ணநாமுபைதி ।

தே³வாஸுரோரக³ந்ருʼபூஜிதபாத³பீட²꞉

கஸ்யா꞉ ஶ்ரிய꞉ ஸ க²லு பா⁴ஜனதாம்ʼ ந த⁴த்தே ॥ 7 ॥

கிம்ʼ து³ஷ்கரம்ʼ த்வயி மனோவிஷயம்ʼ க³தாயாம்ʼ

கிம்ʼ து³ர்லப⁴ம்ʼ த்வயி விதா⁴னுவத³ர்சிதாயாம் ।

கிம்ʼ து³ர்ப⁴ரம்ʼ த்வயி ஸக்ருʼத் ஸ்ம்ருʼதிமாக³தாயாம்ʼ

கிம்ʼ து³ர்ஜயம்ʼ த்வயி க்ருʼதஸ்துதிவாத³பும்ʼஸாம் ॥ 8 ॥

இதி ஶ்ரீ வாராஹ்யனுக்³ரஹாஷ்டகம் ।

Recite with devotion and pure heart

Regular practice brings spiritual benefits