വാരാഹ്യനുഗ്രഹാഷ്ടകം

ശ്വര ഉവാച ।

മാതർജഗദ്രചനനാടകസൂത്രധാര-

-സ്ത്വദ്രൂപമാകലയിതും പരമാർഥതോഽയം ।

ഈശോഽപ്യമീശ്വരപദം സമുപൈതി താദൃക്

കോഽന്യഃ സ്തവം കിമിവ താവകമാദധാതു ॥ 1 ॥

നാമാനി കിന്തു ഗൃണതസ്തവ ലോകതുണ്ഡേ

നാഡംബരം സ്പൃശതി ദണ്ഡധരസ്യ ദണ്ഡഃ ।

യല്ലേശലംബിതഭവാംബുനിധിര്യതോഽയത്

ത്വന്നാമസംസ്മൃതിരിയം ന നുനഃ സ്തുതിസ്തേ ॥ 2 ॥

ത്വച്ചിന്തനാദരസമുല്ലസദപ്രമേയാ-

-ഽഽനന്ദോദയാത്സമുദിതഃ സ്ഫുടരോമഹർഷഃ ।

മാതർനമാമി സുദിനാനി സദേത്യമും ത്വാ-

-മഭ്യർഥയേഽർഥമിതി പൂരയതാദ്ദയാലോ ॥ 3 ॥

ഇന്ദ്രേന്ദുമൗലിവിധികേശവമൗലിരത്ന-

-രോചിശ്ചയോജ്ജ്വലിതപാദസരോജയുഗ്മേ ।

ചേതോ നതൗ മമ സദാ പ്രതിബിംബിതാ ത്വം

ഭൂയാ ഭവാനി ഭവനാശിനി ഭാവയേ ത്വാം ॥ 4 ॥

ലീലോദ്ധൃതക്ഷിതിതലസ്യ വരാഹമൂർതേ-

-ര്വാരാഹമൂർതിരഖിലാർഥകരീ ത്വമേവ ।

പ്രാലേയരശ്മിസുകലോല്ലസിതാവതംസാ

ത്വം ദേവി വാമതനുഭാഗഹരാ ഹരസ്യ ॥ 5 ॥

ത്വാമംബ തപ്തകനകോജ്ജ്വലകാന്തിമന്ത-

-ര്യേ ചിന്തയന്തി യുവതീതനു മാഗലാന്താം ।

ചക്രായുധാം ത്രിനയനാം വരപോതൃവക്ത്രാം

തേഷാം പദാംബുജയുഗം പ്രണമന്തി ദേവാഃ ॥ 6 ॥

ത്വത്സേവനസ്ഖലിതപാപചയസ്യ മാത-

-ര്മോക്ഷോഽപി യസ്യ ന സതോ ഗണനാമുപൈതി ।

ദേവാസുരോരഗനൃപൂജിതപാദപീഠഃ

കസ്യാഃ ശ്രിയഃ സ ഖലു ഭാജനതാം ന ധത്തേ ॥ 7 ॥

കിം ദുഷ്കരം ത്വയി മനോവിഷയം ഗതായാം

കിം ദുർലഭം ത്വയി വിധാനുവദർചിതായാം ।

കിം ദുർഭരം ത്വയി സകൃത് സ്മൃതിമാഗതായാം

കിം ദുർജയം ത്വയി കൃതസ്തുതിവാദപുംസാം ॥ 8 ॥

ഇതി ശ്രീ വാരാഹ്യനുഗ്രഹാഷ്ടകം ।

Recite with devotion and pure heart

Regular practice brings spiritual benefits