हैंహైHaindavamஹிહિં
📍
Font Size:
Sri Rama Chandra Stuti
namāmi bhaktavatsalaṃ kṛpālu śīlakomalaṃ
bhajāmi te padāmbujaṃ hyakāmināṃ svadhāmadam ।
nikāmaśyāmasundaraṃ bhavāmbuvārdhimandaraṃ
praphullakañjalocanaṃ madādidoṣamocanam ॥ 1 ॥
pralambabāhuvikramaṃ prabho'prameyavaibhavaṃ
niṣaṅgacāpasāyakaṃ dharaṃ trilokanāyakam ।
dineśavaṃśamaṇḍanaṃ maheśacāpakhaṇḍanaṃ
munīndracittarañjanaṃ surāribṛndabhañjanam ॥ 2 ॥
manojavairivanditaṃ hyajādidevasevitaṃ
viśuddhabodhavigrahaṃ samastadūṣaṇāpaham ।
namāmi jānakīpatiṃ sukhākaraṃ satāṃ gatiṃ
bhaje saśaktisānujaṃ śacīpatipriyānujam ॥ 3 ॥
tvadaṅghrisīma ye narā bhajanti hīnamatsarāḥ
patanti no bhavārṇave vitarkavīcisaṅkule ।
viviktavāsinaḥ sadā bhajanti muktaye mudā
nirasya hīndriyādikaṃ prayānti te gatiṃ svakam ॥ 4 ॥
tvamekamadbhutaṃ prabhuṃ nirīhamīśvaraṃ vibhuṃ
jagadguruṃ ca śāśvataṃ turīyameva kevalam ।
bhajāmi bhāvavallabhaṃ suyogināṃ sudurlabhaṃ
svabhaktakalpapādapaṃ samastasevyamanvaham ॥ 5 ॥
anūparūpabhūpatiṃ nato'hamurvijāpatiṃ
prasīda me namāmi te padābjabhakti dehi me ।
paṭhanti ye stavaṃ tvidaṃ sadādareṇa te padaṃ
vrajanti nātra saṃśayaṃ tvadīya bhaktisamyutāḥ ॥ 6 ॥
iti śrīrāmacandra stutiḥ ।
Recite with devotion and pure heart
Regular practice brings spiritual benefits