ಭಜೇ ವಿಶೇಷಸುಂದರಂ ಸಮಸ್ತಪಾಪಖಂಡನಂ । ಸ್ವಭಕ್ತಚಿತ್ತರಂಜನಂ ಸದೈವ ರಾಮಮದ್ವಯಂ ॥ 1 ॥ ಜಟಾಕಲಾಪಶೋಭಿತಂ ಸಮಸ್ತಪಾಪನಾಶಕಂ । ಸ್ವಭಕ್ತಭೀತಿಭಂಜನಂ ಭಜೇ ಹ ರಾಮಮದ್ವಯಂ ॥ 2 ॥ ನಿಜಸ್ವರೂಪಬೋಧಕಂ ಕೃಪಾಕರಂ ಭವಾಽಪಹಂ । ಸಮಂ ಶಿವಂ ನಿರಂಜನಂ ಭಜೇ ಹ ರಾಮಮದ್ವಯಂ ॥ 3 ॥ ಸದಾ ಪ್ರಪಂಚಕಲ್ಪಿತಂ ಹ್ಯನಾಮರೂಪವಾಸ್ತವಂ । ನಿರಾಕೃತಿಂ ನಿರಾಮಯಂ ಭಜೇ ಹ ರಾಮಮದ್ವಯಂ ॥ 4 ॥ ನಿಷ್ಪ್ರಪಂಚ ನಿರ್ವಿಕಲ್ಪ ನಿರ್ಮಲಂ ನಿರಾಮಯಂ । ಚಿದೇಕರೂಪಸಂತತಂ ಭಜೇ ಹ ರಾಮಮದ್ವಯಂ ॥ 5 ॥ ಭವಾಬ್ಧಿಪೋತರೂಪಕಂ ಹ್ಯಶೇಷದೇಹಕಲ್ಪಿತಂ । ಗುಣಾಕರಂ ಕೃಪಾಕರಂ ಭಜೇ ಹ ರಾಮಮದ್ವಯಂ ॥ 6 ॥ ಮಹಾಸುವಾಕ್ಯಬೋಧಕೈರ್ವಿರಾಜಮಾನವಾಕ್ಪದೈಃ । ಪರಂ ಚ ಬ್ರಹ್ಮ ವ್ಯಾಪಕಂ ಭಜೇ ಹ ರಾಮಮದ್ವಯಂ ॥ 7 ॥ ಶಿವಪ್ರದಂ ಸುಖಪ್ರದಂ ಭವಚ್ಛಿದಂ ಭ್ರಮಾಪಹಂ । ವಿರಾಜಮಾನದೈಶಿಕಂ ಭಜೇ ಹ ರಾಮಮದ್ವಯಂ ॥ 8 ॥ ರಾಮಾಷ್ಟಕಂ ಪಠತಿ ಯಃ ಸುಖದಂ ಸುಪುಣ್ಯಂ ವ್ಯಾಸೇನ ಭಾಷಿತಮಿದಂ ಶೃಣುತೇ ಮನುಷ್ಯಃ । ವಿದ್ಯಾಂ ಶ್ರಿಯಂ ವಿಪುಲಸೌಖ್ಯಮನಂತಕೀರ್ತಿಂ ಸಂಪ್ರಾಪ್ಯ ದೇಹವಿಲಯೇ ಲಭತೇ ಚ ಮೋಕ್ಷಂ ॥ 9 ॥ ಇತಿ ಶ್ರೀವ್ಯಾಸ ಪ್ರೋಕ್ತ ಶ್ರೀರಾಮಾಷ್ಟಕಂ ।