ಹೈಂದವಂ
हैंహై
ಹೈಂದವಂ
ஹிહિં📍
Font Size:
ಶ್ರೀ ರಾಮ ದ್ವಾದಶನಾಮ ಸ್ತೋತ್ರಂ
ಪ್ರಥಮಂ ಶ್ರೀಧರಂ ವಿದ್ಯಾದ್ದ್ವಿತೀಯಂ ರಘುನಾಯಕಂ ।
ತೃತೀಯಂ ರಾಮಚಂದ್ರಂ ಚ ಚತುರ್ಥಂ ರಾವಣಾಂತಕಂ ॥ 1 ॥
ಪಂಚಮಂ ಲೋಕಪೂಜ್ಯಂ ಚ ಷಷ್ಠಮಂ ಜಾನಕೀಪತಿಂ ।
ಸಪ್ತಮಂ ವಾಸುದೇವಂ ಚ ಶ್ರೀರಾಮಂ ಚಾಽಷ್ಟಮಂ ತಥಾ ॥ 2 ॥
ನವಮಂ ಜಲದಶ್ಯಾಮಂ ದಶಮಂ ಲಕ್ಷ್ಮಣಾಗ್ರಜಂ ।
ಏಕಾದಶಂ ಚ ಗೋವಿಂದಂ ದ್ವಾದಶಂ ಸೇತುಬಂಧನಂ ॥ 3 ॥
ದ್ವಾದಶೈತಾನಿ ನಾಮಾನಿ ಯಃ ಪಠೇಚ್ಛ್ರದ್ಧಯಾನ್ವಿತಃ ।
ಅರ್ಧರಾತ್ರೇ ತು ದ್ವಾದಶ್ಯಾಂ ಕುಷ್ಠದಾರಿದ್ರ್ಯನಾಶನಂ ॥ 4 ॥
ಅರಣ್ಯೇ ಚೈವ ಸಂಗ್ರಾಮೇ ಅಗ್ನೌ ಭಯನಿವಾರಣಂ ।
ಬ್ರಹ್ಮಹತ್ಯಾ ಸುರಾಪಾನಂ ಗೋಹತ್ಯಾದಿ ನಿವಾರಣಂ ॥ 5 ॥
ಸಪ್ತವಾರಂ ಪಠೇನ್ನಿತ್ಯಂ ಸರ್ವಾರಿಷ್ಟನಿವಾರಣಂ ।
ಗ್ರಹಣೇ ಚ ಜಲೇ ಸ್ಥಿತ್ವಾ ನದೀತೀರೇ ವಿಶೇಷತಃ ।
ಅಶ್ವಮೇಧಶತಂ ಪುಣ್ಯಂ ಬ್ರಹ್ಮಲೋಕಂ ಗಮಿಷ್ಯತಿ ॥ 6 ॥
ಇತಿ ಶ್ರೀ ಸ್ಕಾಂದಪುರಾಣೇ ಉತ್ತರಖಂಡೇ ಶ್ರೀ ಉಮಾಮಹೇಶ್ವರಸಂವಾದೇ ಶ್ರೀ ರಾಮ ದ್ವಾದಶನಾಮಸ್ತೋತ್ರಂ ।
Recite with devotion and pure heart
Regular practice brings spiritual benefits