ஶ்ரீ ராமசந்த்³ர ஸ்துதி꞉

நமாமி ப⁴க்தவத்ஸலம்ʼ க்ருʼபாலு ஶீலகோமலம்ʼ

ப⁴ஜாமி தே பதா³ம்பு³ஜம்ʼ ஹ்யகாமினாம்ʼ ஸ்வதா⁴மத³ம் ।

நிகாமஶ்யாமஸுந்த³ரம்ʼ ப⁴வாம்பு³வார்தி⁴மந்த³ரம்ʼ

ப்ரபு²ல்லகஞ்ஜலோசனம்ʼ மதா³தி³தோ³ஷமோசனம் ॥ 1 ॥

ப்ரலம்ப³பா³ஹுவிக்ரமம்ʼ ப்ரபோ⁴(அ)ப்ரமேயவைப⁴வம்ʼ

நிஷங்க³சாபஸாயகம்ʼ த⁴ரம்ʼ த்ரிலோகநாயகம் ।

தி³னேஶவம்ʼஶமண்ட³னம்ʼ மஹேஶசாபக²ண்ட³னம்ʼ

முனீந்த்³ரசித்தரஞ்ஜனம்ʼ ஸுராரிப்³ருʼந்த³ப⁴ஞ்ஜனம் ॥ 2 ॥

மனோஜவைரிவந்தி³தம்ʼ ஹ்யஜாதி³தே³வஸேவிதம்ʼ

விஶுத்³த⁴போ³த⁴விக்³ரஹம்ʼ ஸமஸ்ததூ³ஷணாபஹம் ।

நமாமி ஜானகீபதிம்ʼ ஸுகா²கரம்ʼ ஸதாம்ʼ க³திம்ʼ

ப⁴ஜே ஸஶக்திஸானுஜம்ʼ ஶசீபதிப்ரியானுஜம் ॥ 3 ॥

த்வத³ங்க்⁴ரிஸீம யே நரா ப⁴ஜந்தி ஹீனமத்ஸரா꞉

பதந்தி நோ ப⁴வார்ணவே விதர்கவீசிஸங்குலே ।

விவிக்தவாஸின꞉ ஸதா³ ப⁴ஜந்தி முக்தயே முதா³

நிரஸ்ய ஹீந்த்³ரியாதி³கம்ʼ ப்ரயாந்தி தே க³திம்ʼ ஸ்வகம் ॥ 4 ॥

த்வமேகமத்³பு⁴தம்ʼ ப்ரபு⁴ம்ʼ நிரீஹமீஶ்வரம்ʼ விபு⁴ம்ʼ

ஜக³த்³கு³ரும்ʼ ச ஶாஶ்வதம்ʼ துரீயமேவ கேவலம் ।

ப⁴ஜாமி பா⁴வவல்லப⁴ம்ʼ ஸுயோகி³னாம்ʼ ஸுது³ர்லப⁴ம்ʼ

ஸ்வப⁴க்தகல்பபாத³பம்ʼ ஸமஸ்தஸேவ்யமன்வஹம் ॥ 5 ॥

அனூபரூபபூ⁴பதிம்ʼ நதோ(அ)ஹமுர்விஜாபதிம்ʼ

ப்ரஸீத³ மே நமாமி தே பதா³ப்³ஜப⁴க்தி தே³ஹி மே ।

பட²ந்தி யே ஸ்தவம்ʼ த்வித³ம்ʼ ஸதா³த³ரேண தே பத³ம்ʼ

வ்ரஜந்தி நாத்ர ஸம்ʼஶயம்ʼ த்வதீ³ய ப⁴க்திஸம்யுதா꞉ ॥ 6 ॥

இதி ஶ்ரீராமசந்த்³ர ஸ்துதி꞉ ।

Recite with devotion and pure heart

Regular practice brings spiritual benefits