हैंహైHaindavamஹிહિં
📍
Font Size:
ஶ்ரீ ராம ரக்ஷா ஸ்தோத்ரம்
ௐ அஸ்ய ஶ்ரீ ராமரக்ஷா ஸ்தோத்ரமந்த்ரஸ்ய
பு³த⁴கௌஶிக ருʼஷி꞉
ஶ்ரீ ஸீதாராம சந்த்³ரோதே³வதா
அனுஷ்டுப் ச²ந்த³꞉
ஸீதா ஶக்தி꞉
ஶ்ரீமத்³ ஹனுமான் கீலகம்
ஶ்ரீராமசந்த்³ர ப்ரீத்யர்தே² ராமரக்ஷா ஸ்தோத்ரஜபே விநியோக³꞉ ॥
த்⁴யானம்
த்⁴யாயேதா³ஜானுபா³ஹும்ʼ த்⁴ருʼதஶர த⁴னுஷம்ʼ ப³த்³த⁴ பத்³மாஸனஸ்த²ம்ʼ
பீதம்ʼ வாஸோவஸானம்ʼ நவகமல த³லஸ்பர்தி² நேத்ரம்ʼ ப்ரஸன்னம் ।
வாமாங்காரூட⁴ ஸீதாமுக² கமலமிலல்லோசனம்ʼ நீரதா³ப⁴ம்ʼ
நானாலங்கார தீ³ப்தம்ʼ த³த⁴தமுரு ஜடாமண்ட³லம்ʼ ராமசந்த்³ரம் ॥
ஸ்தோத்ரம்
சரிதம்ʼ ரகு⁴நாத²ஸ்ய ஶதகோடி ப்ரவிஸ்தரம் ।
ஏகைகமக்ஷரம்ʼ பும்ʼஸாம்ʼ மஹாபாதக நாஶனம் ॥ 1 ॥
த்⁴யாத்வா நீலோத்பல ஶ்யாமம்ʼ ராமம்ʼ ராஜீவலோசனம் ।
ஜானகீ லக்ஷ்மணோபேதம்ʼ ஜடாமுகுட மண்டி³தம் ॥ 2 ॥
ஸாஸிதூண த⁴னுர்பா³ண பாணிம்ʼ நக்தம்ʼ சராந்தகம் ।
ஸ்வலீலயா ஜக³த்த்ராது மாவிர்பூ⁴தமஜம்ʼ விபு⁴ம் ॥ 3 ॥
ராமரக்ஷாம்ʼ படே²த்ப்ராஜ்ஞ꞉ பாபக்⁴னீம்ʼ ஸர்வகாமதா³ம் ।
ஶிரோ மே ராக⁴வ꞉ பாது பா²லம்ʼ (பா⁴லம்ʼ) த³ஶரதா²த்மஜ꞉ ॥ 4 ॥
கௌஸல்யேயோ த்³ருʼஶௌபாது விஶ்வாமித்ரப்ரிய꞉ ஶ்ருʼதீ ।
க்⁴ராணம்ʼ பாது மக²த்ராதா முக²ம்ʼ ஸௌமித்ரிவத்ஸல꞉ ॥ 5 ॥
ஜிஹ்வாம்ʼ வித்³யாநிதி⁴꞉ பாது கண்ட²ம்ʼ ப⁴ரதவந்தி³த꞉ ।
ஸ்கந்தௌ⁴ தி³வ்யாயுத⁴꞉ பாது பு⁴ஜௌ ப⁴க்³னேஶகார்முக꞉ ॥ 6 ॥
கரௌ ஸீதாபதி꞉ பாது ஹ்ருʼத³யம்ʼ ஜாமத³க்³ன்யஜித் ।
மத்⁴யம்ʼ பாது க²ரத்⁴வம்ʼஸீ நாபி⁴ம்ʼ ஜாம்ப³வதா³ஶ்ரய꞉ ॥ 7 ॥
ஸுக்³ரீவேஶ꞉ கடிம்ʼ பாது ஸக்தி²னீ ஹனுமத்-ப்ரபு⁴꞉ ।
ஊரூ ரகூ⁴த்தம꞉ பாது ரக்ஷ꞉குல விநாஶக்ருʼத் ॥ 8 ॥
ஜானுனீ ஸேதுக்ருʼத்-பாது ஜங்கே⁴ த³ஶமுகா²ந்தக꞉ ।
பாதௌ³ விபீ⁴ஷணஶ்ரீத³꞉ பாது ராமோ(அ)கி²லம்ʼ வபு꞉ ॥ 9 ॥
ஏதாம்ʼ ராமப³லோபேதாம்ʼ ரக்ஷாம்ʼ ய꞉ ஸுக்ருʼதீ படே²த் ।
ஸ சிராயு꞉ ஸுகீ² புத்ரீ விஜயீ வினயீ ப⁴வேத் ॥ 10 ॥
பாதால-பூ⁴தல-வ்யோம-சாரிண-ஶ்சத்³ம-சாரிண꞉ ।
ந த்³ரஷ்டுமபி ஶக்தாஸ்தே ரக்ஷிதம்ʼ ராமநாமபி⁴꞉ ॥ 11 ॥
ராமேதி ராமப⁴த்³ரேதி ராமசந்த்³ரேதி வா ஸ்மரன் ।
நரோ ந லிப்யதே பாபைர்பு⁴க்திம்ʼ முக்திம்ʼ ச விந்த³தி ॥ 12 ॥
ஜக³ஜ்ஜைத்ரைக மந்த்ரேண ராமனாம்நாபி⁴ ரக்ஷிதம் ।
ய꞉ கண்டே² தா⁴ரயேத்தஸ்ய கரஸ்தா²꞉ ஸர்வஸித்³த⁴ய꞉ ॥ 13 ॥
வஜ்ரபஞ்ஜர நாமேத³ம்ʼ யோ ராமகவசம்ʼ ஸ்மரேத் ।
அவ்யாஹதாஜ்ஞ꞉ ஸர்வத்ர லப⁴தே ஜயமங்க³லம் ॥ 14 ॥
ஆதி³ஷ்டவான்-யதா² ஸ்வப்னே ராமரக்ஷாமிமாம்ʼ ஹர꞉ ।
ததா² லிகி²தவான்-ப்ராத꞉ ப்ரபு³த்³தௌ⁴ பு³த⁴கௌஶிக꞉ ॥ 15 ॥
ஆராம꞉ கல்பவ்ருʼக்ஷாணாம்ʼ விராம꞉ ஸகலாபதா³ம் ।
அபி⁴ராம-ஸ்த்ரிலோகானாம்ʼ ராம꞉ ஶ்ரீமான் ஸ ந꞉ ப்ரபு⁴꞉ ॥ 16 ॥
தருணௌ ரூபஸம்பன்னௌ ஸுகுமாரௌ மஹாப³லௌ ।
புண்ட³ரீக விஶாலாக்ஷௌ சீரக்ருʼஷ்ணாஜினாம்ப³ரௌ ॥ 17 ॥
ப²லமூலாஶினௌ தா³ந்தௌ தாபஸௌ ப்³ரஹ்மசாரிணௌ ।
புத்ரௌ த³ஶரத²ஸ்யைதௌ ப்⁴ராதரௌ ராமலக்ஷ்மணௌ ॥ 18 ॥
ஶரண்யௌ ஸர்வஸத்த்வானாம்ʼ ஶ்ரேஷ்டௌ² ஸர்வத⁴னுஷ்மதாம் ।
ரக்ஷ꞉குல நிஹந்தாரௌ த்ராயேதாம்ʼ நோ ரகூ⁴த்தமௌ ॥ 19 ॥
ஆத்த ஸஜ்ய த⁴னுஷா விஷுஸ்ப்ருʼஶா வக்ஷயாஶுக³ நிஷங்க³ ஸங்கி³னௌ ।
ரக்ஷணாய மம ராமலக்ஷணாவக்³ரத꞉ பதி² ஸதை³வ க³ச்ச²தாம் ॥ 20 ॥
ஸன்னத்³த⁴꞉ கவசீ க²ட்³கீ³ சாபபா³ணத⁴ரோ யுவா ।
க³ச்ச²ன் மனோரதா²ன்னஶ்ச (மனோரதோ²(அ)ஸ்மாகம்ʼ) ராம꞉ பாது ஸ லக்ஷ்மண꞉ ॥ 21 ॥
ராமோ தா³ஶரதி² ஶ்ஶூரோ லக்ஷ்மணானுசரோ ப³லீ ।
காகுத்ஸ꞉ புருஷ꞉ பூர்ண꞉ கௌஸல்யேயோ ரகூ⁴த்தம꞉ ॥ 22 ॥
வேதா³ந்தவேத்³யோ யஜ்ஞேஶ꞉ புராண புருஷோத்தம꞉ ।
ஜானகீவல்லப⁴꞉ ஶ்ரீமானப்ரமேய பராக்ரம꞉ ॥ 23 ॥
இத்யேதானி ஜபேந்நித்யம்ʼ மத்³ப⁴க்த꞉ ஶ்ரத்³த⁴யான்வித꞉ ।
அஶ்வமேதா⁴தி⁴கம்ʼ புண்யம்ʼ ஸம்ப்ராப்னோதி ந ஸம்ʼஶய꞉ ॥ 24 ॥
ராமம்ʼ தூ³ர்வாத³ல ஶ்யாமம்ʼ பத்³மாக்ஷம்ʼ பீதவாஸஸம் ।
ஸ்துவந்தி நாமபி⁴-ர்தி³வ்யைர்ன தே ஸம்ʼஸாரிணோ நரா꞉ ॥ 25 ॥
ராமம்ʼ லக்ஷ்மண பூர்வஜம்ʼ ரகு⁴வரம்ʼ ஸீதாபதிம்ʼ ஸுந்த³ரம்
காகுத்ஸ்த²ம்ʼ கருணார்ணவம்ʼ கு³ணநிதி⁴ம்ʼ விப்ரப்ரியம்ʼ தா⁴ர்மிகம் ।
ராஜேந்த்³ரம்ʼ ஸத்யஸந்த⁴ம்ʼ த³ஶரத²தனயம்ʼ ஶ்யாமலம்ʼ ஶாந்தமூர்திம்
வந்தே³ லோகாபி⁴ராமம்ʼ ரகு⁴குல திலகம்ʼ ராக⁴வம்ʼ ராவணாரிம் ॥ 26 ॥
ராமாய ராமப⁴த்³ராய ராமசந்த்³ராய வேத⁴ஸே ।
ரகு⁴நாதா²ய நாதா²ய ஸீதாயா꞉ பதயே நம꞉ ॥ 27 ॥
ஶ்ரீராம ராம ரகு⁴நந்த³ன ராம ராம
ஶ்ரீராம ராம ப⁴ரதாக்³ரஜ ராம ராம ।
ஶ்ரீராம ராம ரணகர்கஶ ராம ராம
ஶ்ரீராம ராம ஶரணம்ʼ ப⁴வ ராம ராம ॥ 28 ॥
ஶ்ரீராம சந்த்³ர சரணௌ மனஸா ஸ்மராமி
ஶ்ரீராம சந்த்³ர சரணௌ வசஸா க்³ருʼஹ்ணாமி ।
ஶ்ரீராம சந்த்³ர சரணௌ ஶிரஸா நமாமி
ஶ்ரீராம சந்த்³ர சரணௌ ஶரணம்ʼ ப்ரபத்³யே ॥ 29 ॥
மாதா ராமோ மத்-பிதா ராமசந்த்³ர꞉
ஸ்வாமீ ராமோ மத்-ஸகா² ராமசந்த்³ர꞉ ।
ஸர்வஸ்வம்ʼ மே ராமசந்த்³ரோ த³யாலு꞉
நான்யம்ʼ ஜானே நைவ ஜானே ந ஜானே ॥ 30 ॥
த³க்ஷிணே லக்ஷ்மணோ யஸ்ய வாமே ச (து) ஜனகாத்மஜா ।
புரதோ மாருதிர்யஸ்ய தம்ʼ வந்தே³ ரகு⁴நந்த³னம் ॥ 31 ॥
லோகாபி⁴ராமம்ʼ ரணரங்க³தீ⁴ரம்ʼ
ராஜீவநேத்ரம்ʼ ரகு⁴வம்ʼஶநாத²ம் ।
காருண்யரூபம்ʼ கருணாகரம்ʼ தம்ʼ
ஶ்ரீராமசந்த்³ரம்ʼ ஶரண்யம்ʼ ப்ரபத்³யே ॥ 32 ॥
மனோஜவம்ʼ மாருத துல்ய வேக³ம்ʼ
ஜிதேந்த்³ரியம்ʼ பு³த்³தி⁴மதாம்ʼ வரிஷ்டம் ।
வாதாத்மஜம்ʼ வானரயூத² முக்²யம்ʼ
ஶ்ரீராமதூ³தம்ʼ ஶரணம்ʼ ப்ரபத்³யே ॥ 33 ॥
கூஜந்தம்ʼ ராமராமேதி மது⁴ரம்ʼ மது⁴ராக்ஷரம் ।
ஆருஹ்யகவிதா ஶாகா²ம்ʼ வந்தே³ வால்மீகி கோகிலம் ॥ 34 ॥
ஆபதா³மபஹர்தாரம்ʼ தா³தாரம்ʼ ஸர்வஸம்பதா³ம் ।
லோகாபி⁴ராமம்ʼ ஶ்ரீராமம்ʼ பூ⁴யோபூ⁴யோ நமாம்யஹம் ॥ 35 ॥
ப⁴ர்ஜனம்ʼ ப⁴வபீ³ஜாநாமர்ஜனம்ʼ ஸுக²ஸம்பதா³ம் ।
தர்ஜனம்ʼ யமதூ³தானாம்ʼ ராம ராமேதி க³ர்ஜனம் ॥ 36 ॥
ராமோ ராஜமணி꞉ ஸதா³ விஜயதே ராமம்ʼ ரமேஶம்ʼ ப⁴ஜே
ராமேணாபி⁴ஹதா நிஶாசரசமூ ராமாய தஸ்மை நம꞉ ।
ராமான்னாஸ்தி பராயணம்ʼ பரதரம்ʼ ராமஸ்ய தா³ஸோஸ்ம்யஹம்ʼ
ராமே சித்தலய꞉ ஸதா³ ப⁴வது மே போ⁴ ராம மாமுத்³த⁴ர ॥ 37 ॥
ஶ்ரீராம ராம ராமேதி ரமே ராமே மனோரமே ।
ஸஹஸ்ரநாம தத்துல்யம்ʼ ராம நாம வரானனே ॥ 38 ॥
இதி ஶ்ரீராம ரக்ஷாஸ்தோத்ரம்ʼ ஸம்பூர்ணம் ।
Recite with devotion and pure heart
Regular practice brings spiritual benefits